السلام عليكم,اسمى محمد أنور وأعمل مهندس كهرباء,وسنى 50 سنة,وهواية الصيد جديدة بالنسبة لى وكنت أمتلك bsa air sporter ,cal 2.2 ولكنى للأسف بعتها لشراء أخرى نمرة واحد وللان بدون بندقية
لو معاك 2100 جنية ممكن تجيب هانتر 440 او حامو 900 ولو في مبلغ 2500 ممكن تجيب النوركا ويست وهي زي المارفك جولد بالضبط والفرق في السرعة 10 متر وهي ممتازة جدا جدا
وعليكم السلام ورحمة الله وبركاته أخي العزيز الأستاذ أحمد هاشم...
BSA air sporter mk7 طبعا بندقية إنجليزي محترمة جدا وخاماتها ممتازة وتمتاز بدقة عالية وقوة شديدة تصل إلي 260 متر ثانية...يعني لو صحتك مساعداك ونظرك ثاقب ممكن تصيد بيها علي بعد 100 متر...بلا مبالغة...سعرها عند ميشيل عازر 3500 جنيه...أنا شاريها من زميل جديدة بالكارتونة 3000جنيه...الماسورة ثابتة والرشة توضع في جزرة ويتم التعمير بعتلة سفلية داخل الدبشك...سن نملة الدبانة الأمامية قابلة للتعلية...وفتحة الشيز الخلفية قابلة للتعديل من فتحة علي شكل رقم سبعة بالعربي إلي شكل فتحة مستطيلة...أرجو أن أكون قد أفدتك...تقبل خالص تحياتي وتقديري واحترامي...
البام 21 و 22 هما تقليد للديانا52 الالمانية وهي بندقية قوية جدا جدا وكويسة ولكنها خشنة لان طبعا الصناعة الصينينة مش ممكن توصل للالماني ابدا وسرعتها 950 قدم في الثانية
استاذ احمد يشرفني معرفتك طبعا.انا احمد من اسكندرية.وبحاول اعلم نفسي بنفسي عن طرق النت او بدور علي كتب تعليم.اتمني لو اقدر افيدك باي معلومة ان كان في استطاعتي وعلمي
بالنسبة للقوة , البام 22 سرعتها 290 م/ث و هيه كده أسرع من الديانا 52 , ولكن السرعة و القوة مش كل حاجة.
الأهم الدقة و طبعاَ الديانا 52 محدش يقارن دقتها مع البام 22 و كمان خامة الديانا حاجة تانية خالص.
و عشان مطولش عليك البام22 مشكلتها إنها بختك يا أبو بخيت , يعنى ممكن تشترى بندقية و تبقى تحفة فى الدقة و النشان و ممكن تشترى بندقية تكرهك فى الصيد.
و لحد ما أجربها بعد الصيانة اللى لسه عاملها (مع إنها جديدة) فنصيحتى ليك تبتدى ببندقية أسبانى سعرها أعلى من البام شوية ولكن دقة ممتازة و خاماتها جميلة.
فى بنادق جامو و نوريكا معروضة فى سوق المنتدى و حاجات كلها محترمة جداَ ممكن تبدأ بواحدة منهم و أنا شخصياَ عارض واحدة جامو منتر 440 (متغلاش عليك) .
أتشرف بالتعرف بحضرتك ,رقمى 0123903661 , بالنسبة للبام 22 هيه بندقية قوية و شبه ديانا 52 ولكن تقيلة شوية.
بالنسبة للنشان مش حقدر أرد عليك دلوقتى لأنى طلعت بيها مرتين .
أول مرة النيشان كان معقول لكن تانى مرة كان بيحدف يمين.
قمت وديتها لشريف الطفشجى عشان يعملها صيانة و تشحيم , و اكتشفنا إن الجلبة محتاجة تغيير.
السلام عليكم
أخي أحمد : الجامو سبكترا تقريبا زيها بس هي أحسن منها لأنها جديده (الجامو)
وسعر الجامو جديده أنا كنت سألت عليها من 5 شهور كان تقريبا بـ 900 جنيه
والسلام عليكم ورحمة الله وبركاته
بص ياأخي أحمد التل اللي عندي كسر وبسوستتين من الداخل بس هيا عايزه شويت شغل علشان تبقا تمام زي السوسته والجلده لأني شاريها على حالتها دي ولسه بظبطها ،
أما بالنسبه للتل وسعرها فهي تتراوح مابين600 إلى 1200 جنيها على حسب حالتها
أما عن مواصفاتها ، فسرعتها تتراوح مابين 150 إلى 200 متر تقريبا وهي من البنادق العريقه والجيده
أرجو أن أكون قد أجبت على قدر علمي على تساؤلاتك ، وأنا تحت أمرك في أي وقت وده رقمي 0118449904 عبدالرحمن مجدي
