الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   خطوات شراء منتج ( سكوب او غيرة ) من الانترنت (http://www.egyhunt.net/showthread.php?t=10624)

Peace Missile 11-06-16 08:55 PM
خطوات شراء منتج ( سكوب او غيرة ) من الانترنت
 
اولا . لازم طبعا يكون معاك كارت انترنت internet card سواء فيزا او ماستر كارد ودى بتطلعها من اى بنك ممكن تسال فيها البنك لان الموضوع بيختلف من بنك لاخر .. بعد ما بتطلع الكارت بتحط فيه الفلوس اللى انت عايزها ( اللى هتشترى بيها ) وانصحكم تعملوا ايداع بس للفلوس اللى هتستخدموها كل مرة منعا لسرقه الفلوس من الحساب ( ودى غير واردة بصراحه ) طالما انك محتفظ بارقام الكارت والرقم السرى عن اى حد .
======================
ثانيا : تعمل حساب على موقع aliexpress او dHGATE وبعد ما تعمل الحساب وطبعا اساسى فى الحساب تدخل بياناتك البريدية اللى مفروض يجيلك عليه المنتج اللى هتشتريه .

====================
ثالثا : عمليه الشراء : تبدا تتصفح الموقع وتبحث عن اللى انت عايزة انا عن نفسى بدور على الحاجات Free shipping لان على الموقع فيه شركات ممكن تبيع نفس المنتج بشحن مجانى وشركات اخرى تبيعه بشحن اغلى من تمن المنتج .. ودى شويه شويه هتكتسبوا فيها خبرة .. خبرة البحث واختيار المنتج ... وطبعا لازم تقرا وصف المنتج كويس والملحقات اللى جايه معاه علشان تفهم ايه اللى هيجيلك لان دة نظام تجارة وجذب انتباه وممكن يبقى فيه قليل من النصب .. يبقى لازم نركز كويس فى وصف المنتج ...

=========================
رابعا : عمليه الشراء : تشترى المنتج وتدفع الفلوس عن طريق الانترنت كارد ولا يتم تحويل المبلغ الى البائع الا بعد تاكيدك ان المنتج وصل وقمت باستلامه .
وبعد كدة بيبدا االبائع فى تاكيد الدفع ودة بياخد 24 ساعه وبعدين يبدا فى شحن المنتج وبيجيلك رساله ان المنتج اتشجن ودة مش بياخد وقت بردة كمان 24 ساعه والبائع بيعطيك Tracking Number للاوردر او رقم تتبع تقدر تتبع بيه الاوردر بتاعك وصل فين .. خرج من الصين .. وصل مطار القاهرة .. غادر مطار القاهرة الى مكان التسليم النهائى .... وهكذا ...ز

=====================
خامسا : وقت الوصول بيختلف على حسب شركة الشحن .. معظم الشحن المجانى بيكون عن طريق China mail air post وكذلك كل المنتجات اللى مكتوب انه هيتم شحنها عن طريق EMS او express mail service ودة غير متوفر لمصر وعشان كدة كل الى EMS بيتحول بالبريد الصينى ودة بيستغرق من 18 الى 25 يوم على الاكثر ..
=====================
بمجرد استلامك للاوردر بتقوم بتاكيد وصول واستلام الاوردر حتى يقوم الموقع بتحويل المبلغ الى البائع .. فى حاله استلامك لمنتج مختلف او مخالف للمواصفات اللى موجودة فى صفحة المنتج ... بتفتح حاجه اسمها Dispute او نزاع بتوصف فيها المشكله وانت عايز ترجع فلوسك كلها ولا جزء منها ولو هترجع فلوسلك كلها يبقى لازم تشحن المنتج تانى للبائع ودة صعب بينى وبينكم ومكلف . يبقى نخلينا فPartial Refund او استرجاع جزئى لفلوسك وطبعا قليل لما البائع بيبعت حاجه مختلفه عن اللى انت اشتريتها ...
ودى كلها اسمها Escrow Buyer Protection
========================
الموقع بيتيح لك انك ممكن تكلم البائع اونلاين لو فيه اى مشكله فى اىحاجه او لو المنتج اتاخر او جالك مواصفاته مختلفه ....

=================
سادسا ولا سابعا مش عارف : المهم
الخطوة الاخيرة انك تترك Feedback عن المنتج يعنى لو المنتج ما عجبكش سيب فيدباك زباله ولو عجبك سيب فيدباك كويسه والنقطة دى فيها لعب كتير ... انا لو جالى منتج مختلف اختلاف بسيط عن اللى مفروض يجيلى بهددهم انى هسيب فيدباك سيئه ودى بتزعلهم جدا .. وممكن تستغلها فى انك تسترد جزء من فلوسك...
==============
الخلاصه :
السكوبات بتدخلمصر وبتمر من الجمارك عادى مش عارف يمكن بعد الثورة ما بقوش بيصوا او الحاجات دى كانت من مهام امن الدوله سابقا وخلاص خلصت مش عارف المهم انها بتوصل بامان وسلام واللى يقول مش بتدخل بيقى .... غلطان
الليزر سيت والريد دوت وكل ما يخص السكوبات بتوصل عادى جدا وانا اشتريت من كل حاجه منها ... حاجه

اتمنى اكون افادتكم .. والله المستعان

basemzero 11-06-16 08:59 PM
رد: خطوات شراء منتج ( سكوب او غيرة ) من الانترنت
 
الله ينور عليك يأخى.... بس انا ليا سؤال....بالنسبه لتكاليف الشحن الداخلى للبريد المصرى بيكلف كام و هل هى تكلفه ثابته ولا لا؟؟....و هل السيت دا dhgate موثوق لانى قرأت عنه ريفيو ناس قالت بيحميك من التجار النصابين و ناس قالت لا.

Peace Missile 11-06-16 09:04 PM
رد: خطوات شراء منتج ( سكوب او غيرة ) من الانترنت
 
افضل موقع فى نظرى هو www.aliexpress.com وبردةdhgate كويس جدا وانا اشتريت من الاتنين ...
تكلفه البريد الداخلى تقريبا مفيش اللى بتدفعه هو حاجتين : ضريبه المبيعات على الحاجة اللى انت شاريها + التعريفه الجمركيه ودى مش ثابتها المبلغ كله بيتراوح ما بين 15 ج الى 50 ج لو جايب سكوب غالى مثلا
--------------------------
الموقعين نظامهم جميل فى حمايه المشتررى وومكن تسترجع فلوسك لو المنتج مش مطابق للوصف

basemzero 11-06-16 09:07 PM
رد: خطوات شراء منتج ( سكوب او غيرة ) من الانترنت
 
انا بشكرك جدا يا باشا و ان شاء الله اول مأخلص امتحانات اطلع الفيزا و اجرب اشترى كده تليسكوب تاسكو على dhgate انا متابعه من فتره و حاطط عينى عليه و ناوى اصطاده....بكرر شكرى

Peace Missile 11-06-16 09:12 PM
رد: خطوات شراء منتج ( سكوب او غيرة ) من الانترنت
 
موفق ان شاء الله

unknown 11-06-16 09:16 PM
رد: خطوات شراء منتج ( سكوب او غيرة ) من الانترنت
 
شكرا على الموضوع وبرجاء افادتنا اذا كان هناك مواقع اخرى

don'tshoot 11-06-16 09:31 PM
رد: خطوات شراء منتج ( سكوب او غيرة ) من الانترنت
 
جزاك الله خيرا

fidodido 11-06-16 10:16 PM
رد: خطوات شراء منتج ( سكوب او غيرة ) من الانترنت
 
مجهود رائع جزاك الله خير

ashraf_f 11-06-16 10:47 PM
رد: خطوات شراء منتج ( سكوب او غيرة ) من الانترنت
 
شكرا للمعلومات القيمة

البطل 11-06-16 11:56 PM
رد: خطوات شراء منتج ( سكوب او غيرة ) من الانترنت
 
جزاك الله خير .... طيب لو عاوز بندقية ينفع تتشحن ولا فيها مشاكل

Peace Missile 11-06-16 11:58 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة البطل (المشاركة 123978)
جزاك الله خير .... طيب لو عاوز بندقية ينفع تتشحن ولا فيها مشاكل
لا لسه ما جربناش البنادق ....ربنا يسهلها

osha966 11-06-17 12:35 AM
رد: خطوات شراء منتج ( سكوب او غيرة ) من الانترنت
 
مشكور على المعلومات القيمة ...تحياتى

Android man 11-06-17 10:17 AM
رد: خطوات شراء منتج ( سكوب او غيرة ) من الانترنت
 
1 مرفق
اخي الفاضل نشكرك بشدة علي توضيح لنا كيفية الشراء ولكن لي تعقيب علي حتة مش فاهمها

اقتباس:
المشاركة الأصلية كتبت بواسطة Peace Missile (المشاركة 123798)
رابعا : عمليه الشراء : تشترى المنتج وتدفع الفلوس عن طريق الانترنت كارد ولا يتم تحويل المبلغ الى البائع الا بعد تاكيدك ان المنتج وصل وقمت باستلامه .
وبعد كدة بيبدا االبائع فى تاكيد الدفع ودة بياخد 24 ساعه وبعدين يبدا فى شحن المنتج وبيجيلك رساله ان المنتج اتشجن ودة مش بياخد وقت بردة كمان 24 ساعه والبائع بيعطيك Tracking Number للاوردر او رقم تتبع تقدر تتبع بيه الاوردر بتاعك وصل فين .. خرج من الصين .. وصل مطار القاهرة .. غادر مطار القاهرة الى مكان التسليم النهائى .... وهكذا ...ز
االمفروض اني هذفع الفلوس من الانتر نت كارد ولا يتم تحويل المبلغ الى البائع الا بعد تاكيدك ان المنتج وصل وقمت باستلامه .
وازاي وبعد كدة بيبدا االبائع فى تاكيد الدفع ودة بياخد 24 ساعه وبعدين يبدا فى شحن المنتج وبيجيلك رساله ان المنتج اتشجن ودة مش بياخد وقت بردة كمان 24 ساعه
يعني انا استلم المنتح من البريد واوقع الاستلام وبعد كده الفلوس تتبعت للبائع ولا ايه بلظبط

واستفسار اخر
كنت ارغب في شراء ريموت كنترول لطائرة وثمنة في مصر غالي جدا كألعادة وعلي بعض المواقع مثل هوبي كينج ب180 دولار ولاكن في هذا الموقع لاقيتو بأغلي من كمد كتير فايه الفرق
واستفسار اخر
ما المراد بلارقام والاسعار الي في الصورة المرفقة

واخيرا خالص هل كل المنتجات الي علي الموقع dhgate صيني

هشام سمير 11-06-17 11:09 AM
رد: خطوات شراء منتج ( سكوب او غيرة ) من الانترنت
 
موضوع ممتاز يستحق التقييم الله ينور يا بشمهندس

cono 11-06-17 11:23 AM
رد: خطوات شراء منتج ( سكوب او غيرة ) من الانترنت
 
ممكن لو سمحت صوره للمنظار لانى مش لاقيه فى الموقع وهل كان معاه ريد دوت ولا منظار بس

cono 11-06-17 11:33 AM
رد: خطوات شراء منتج ( سكوب او غيرة ) من الانترنت
 
سؤال اخر اخى الكريم من فضلك
لما بشوف منظار بيقولى شحن مجانى لامريكا ولما اختار مصر بكتب مصاريف شحن اخرى
ازاى اقدر اشحن مجانا وهل بشحن لامريكا وبعدين من امريكا لمصر وازاى اقدر اعمل كدا؟؟

Peace Missile 11-06-17 01:40 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة cono (المشاركة 124342)
سؤال اخر اخى الكريم من فضلك
لما بشوف منظار بيقولى شحن مجانى لامريكا ولما اختار مصر بكتب مصاريف شحن اخرى
ازاى اقدر اشحن مجانا وهل بشحن لامريكا وبعدين من امريكا لمصر وازاى اقدر اعمل كدا؟؟
الشحن المجانى بيختلف من دوله لدوله .. فيه دول البائع بيقدر يوفر ليها شحن مجانى ودول تانيه ما بيقدرش انت وحظك بقه ..

Peace Missile 11-06-17 01:48 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة Android man (المشاركة 124295)
اخي الفاضل نشكرك بشدة علي توضيح لنا كيفية الشراء ولكن لي تعقيب علي حتة مش فاهمها


االمفروض اني هذفع الفلوس من الانتر نت كارد ولا يتم تحويل المبلغ الى البائع الا بعد تاكيدك ان المنتج وصل وقمت باستلامه .
وازاي وبعد كدة بيبدا االبائع فى تاكيد الدفع ودة بياخد 24 ساعه وبعدين يبدا فى شحن المنتج وبيجيلك رساله ان المنتج اتشجن ودة مش بياخد وقت بردة كمان 24 ساعه
يعني انا استلم المنتح من البريد واوقع الاستلام وبعد كده الفلوس تتبعت للبائع ولا ايه بلظبط

واستفسار اخر
كنت ارغب في شراء ريموت كنترول لطائرة وثمنة في مصر غالي جدا كألعادة وعلي بعض المواقع مثل هوبي كينج ب180 دولار ولاكن في هذا الموقع لاقيتو بأغلي من كمد كتير فايه الفرق
واستفسار اخر
ما المراد بلارقام والاسعار الي في الصورة المرفقة

واخيرا خالص هل كل المنتجات الي علي الموقع dhgate صيني
هجاوبك اولا بالنسبه للمنتج اللى عايز تشتريه ومعنى الارقام :

Unit Price : دة سعر الوحدة او القطعه الواحدة وفيه اقل سعر واعلى سعر اقل سعر لو هتشترى اكتر من قطعه واعلى سعر لو هتشترى قطعه واحدة بس

reference currency : العمله المرجعيه هى اتوماتيك دولار امريكى وما تغيرهاش خليها كدة

بعد كدة محددلك الكميات والاسعار يعنى لو هتشترى من قطعه الى 35 قطعه هيقف عليك تمن كل قطعه ب 232 دولار اما لو هتشترى من 36 الى 200 قطعه هيقف عليك القطعه ب 230 دولار وهكذا

بعد كدة انت بتكتب فى خانه الكميه اللى انت عايزها واتوماتيك بيحسب التكلفه

سعر المنتج
تكلفه الشحن واسم شركه الشحن Shippinh Method
التخفيض للكميات : wholesale discount
واخيرا التكلفه النهائية Total cost

----------------------------------------------

بالنسبه للنقطة الاولى : حضرتك بتدفع عن طريق الانترنت كارد والفلوس لا يحصل عليها البائع ولكن بيتم تحويلها فى حساب aliexpress ولكن باسم البائع وعمليه تاكيد الدفع دى تعنى ان البائع يتاكد فعلا انك دفعت المبلغ المطلوب للموقع ولكن لا يقوم الموقع بتحويل المبلغ للبائع الا بعد تاكيد المشترى انه استلم المنتج ودى اسمها Escrow Buyer Protection

اتمنى اكون قدرت اوضح لحضرتك....

Peace Missile 11-06-17 01:54 PM
رد: خطوات شراء منتج ( سكوب او غيرة ) من الانترنت
 
السلام عليكم ..
انا ذكرت فى موضوع اخر انه من عيوب الشراء على هذة المواقع انه ممكن يبعتلك منتج مختلف بعض الشىء عن المنتج اللى انت اشتريته واللى صورة موجودة فى صفحة المنتج ولكن الاختلاف بسيط جدا ودة حصل معايا مرتين من اجمالى 14 مرة شراء من موقع aliexpress
يعنى كنت مفروض شارى سكوب : bushnell 6-24x50 AOE Red and green illuminated وغطاء العدسات بتاعته العادية اللى متصله باستك دى . اللى وصلنى بقه : EDENBERG GMBH 6-24 X50 AOE Firedot Duplex Red dot illuminated وبصراحة طلع احسن من البوشنيل وخاصه حته ال Firedot dUPLEX عبارة عن نقطة فى وسط الكروشير بتضاء احمر يعنى ريد دوت وسكوب

سيدخالد 11-06-17 02:00 PM
رد: خطوات شراء منتج ( سكوب او غيرة ) من الانترنت
 
شكر لك على الموضوع الجميل

Peace Missile 11-06-17 02:03 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة هشام سمير (المشاركة 124330)
موضوع ممتاز يستحق التقييم الله ينور يا بشمهندس
شكرا يا هشام باشا .. تلامذة حضرتك...

مااجد 11-06-17 10:42 PM
رد: خطوات شراء منتج ( سكوب او غيرة ) من الانترنت
 
عايز اعرف حاجه هو السبب الي اتقال كان للفكاهه فقط ( ان المنع كان تخصص امن الدولة ) ولكن ما السبب الحقيقي اللي يضمنلنا امكانية تكرار المسالة من غير ما الفلوس تروح علينا وخاصتا اني لا اعتقد المسالة تمت صدفة (الكلام علي الجمارك) هل حكاية الدستور والاعلان الدستوري وراء تعطيل قانون المنع مثلا اان كان كده نستغل الفترة دي ولا فعلا كان الامرتخصص جهة رحلت نرجو التوضيح من متخصص قانوني او جمركي لو موجود ولة جزيل الشكر

moneey1975 11-06-17 10:51 PM
رد: خطوات شراء منتج ( سكوب او غيرة ) من الانترنت
 
مشكور اخي الفاضل علي المعلومات الجميله ديه وجزاك الله عنا كل خير

cono 11-06-17 11:16 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة Peace Missile (المشاركة 124384)
الشحن المجانى بيختلف من دوله لدوله .. فيه دول البائع بيقدر يوفر ليها شحن مجانى ودول تانيه ما بيقدرش انت وحظك بقه ..
متشكر على زوقك للرد على سؤالى لكن انا ملاحظ ان ابشحن لمصر بيكون دايما ببريد ems ومش مجانى ممكن حضرتك تقولى المنظار اللى طلبته كان شحن مجانى لمصر ولا التمن كان بمصاريف الشحن

cono 11-06-18 12:03 AM
رد: خطوات شراء منتج ( سكوب او غيرة ) من الانترنت
 
مشكله طلعتلى بعد تكوين الحساب الموقع مش راضى يفتح تانى يا ترى ايه السبب خطا400

professional sniper 11-06-18 12:22 AM
رد: خطوات شراء منتج ( سكوب او غيرة ) من الانترنت
 
السلام عليكم ورحمة الله تعالى وبركاته
استاذنا الفاضل أ . Peace Missile جزاك الله عنا كل خير ,., وتسلم ايدك على المجهود الرائع والجميل اللى حضرت افدتنا بيه ,., وربنا يجعله فى ميزان حسناتك ,., وارجو من الإداره تثبيت الموضوع لأهميته لكى يرجع إليه من لم يراه .
خالص تحياتى وتقديرى .
تقبل مرورى ............

youssefnassef 11-06-18 11:53 AM
رد: خطوات شراء منتج ( سكوب او غيرة ) من الانترنت
 
7ad ye3raf 7aga 3an elgamarek lw talabt mosadas aw bondo2eya daght hawa. we dokholha 3an taree2 sherket elsha7n fee moshkela walla la2 . shokrann

Peace Missile 11-06-18 06:03 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة cono (المشاركة 124785)
متشكر على زوقك للرد على سؤالى لكن انا ملاحظ ان ابشحن لمصر بيكون دايما ببريد ems ومش مجانى ممكن حضرتك تقولى المنظار اللى طلبته كان شحن مجانى لمصر ولا التمن كان بمصاريف الشحن
الاخ الفاضل Cono هما بيبقوا كاتبين EMS او Express Mail Service وسواء كان شحن مجانى او بفلوس بيتغير لان ال EMS غير متاح الى مصر فلو كان المنتج شحن مجانى ومكتوب EMS بيشحنوه عن طريق China Mail Air Post البريد الصينى الجوى ودة بياخد من 15 الى 25 يوم بالكتير ولو الشحن مش مجانى بيشحن بالبريد الصينى او شركه بريد تانيه وربما تتحمل حضرتك الزيادة فى تكلفه الشحن احيانا على حسب الشركه اللى حضرتك شارى منها

Peace Missile 11-06-18 06:06 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة مااجد (المشاركة 124754)
عايز اعرف حاجه هو السبب الي اتقال كان للفكاهه فقط ( ان المنع كان تخصص امن الدولة ) ولكن ما السبب الحقيقي اللي يضمنلنا امكانية تكرار المسالة من غير ما الفلوس تروح علينا وخاصتا اني لا اعتقد المسالة تمت صدفة (الكلام علي الجمارك) هل حكاية الدستور والاعلان الدستوري وراء تعطيل قانون المنع مثلا اان كان كده نستغل الفترة دي ولا فعلا كان الامرتخصص جهة رحلت نرجو التوضيح من متخصص قانوني او جمركي لو موجود ولة جزيل الشكر
والله كل شىء وارد ربما لو كنا لسه قبل الثورة مكنش ممكن حاجة زى دى تدخل .. وربما الموضوع بسيط وكان فى ناس مكبراه وعماله تقول السكوبات ممنوعه .. امن دوله .. وكلام من دة علشان هما يقدرو يبيعوا براحتهم .. كل شىء جايز المهم ان التجربه نجحت وانا دفعت الفلوس وكنت متوقع 50 % انه يتصادر بس كنت حابب اخوض التجربه واجرب .. وزى ما قلت قبل كدة مش بعيد لما المنتدى كله يشترى من على النت الجمارك تتنبه وتصادره .. ويقبضوا علينا كلنا مرة واحدة ...هههههه
عموما انا شايف اننا لام نجرب وان شاء الله خير وانا نظرتى ان وفاه امن الدوله سبب هام فى الموضوع دة

fendeka 11-06-18 08:01 PM
رد: خطوات شراء منتج ( سكوب او غيرة ) من الانترنت
 
برررررررررررررررررررنس

مااجد 11-06-18 10:32 PM
رد: خطوات شراء منتج ( سكوب او غيرة ) من الانترنت
 
الانترنت كارت اللي استخدمتها حضرتك اية هل كل الانترت كارد لكافة البنوك الموحوده في مصر مقبولة من الموقعين/ وهل شركة الشحن بتجيبلك الطرد لغاية البيت/ وهل ممكن حد تاني غير المشتري ممكن يستلم الطرد مكانه /وبالنسبة للعشوائيات بتكون العناوين فيها بالتوصيف ممكن تمشي كده /وبيتكتب العنوان عربي ولا انجليزي / ومششكوررر علي المجهود الرائع

Peace Missile 11-06-18 10:55 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة مااجد (المشاركة 125792)
الانترنت كارت اللي استخدمتها حضرتك اية هل كل الانترت كارد لكافة البنوك الموحوده في مصر مقبولة من الموقعين/ وهل شركة الشحن بتجيبلك الطرد لغاية البيت/ وهل ممكن حد تاني غير المشتري ممكن يستلم الطرد مكانه /وبالنسبة للعشوائيات بتكون العناوين فيها بالتوصيف ممكن تمشي كده /وبيتكتب العنوان عربي ولا انجليزي / ومششكوررر علي المجهود الرائع
الاخ ماجد ....
بالنسبه للنترنت كارد .. كل الانترنت كارد اللى سيتم استخراجها من اى بنك فى مصر هتكون احد النوعين .. اما فيزا او ماستركارد .. وكلاهما مقبولان عالميا فى اى موقع ان شاء الله ولكن حضرتك ممكن ترجع للبنك فى بنوك ممكن ما بتطلعش انترنت كارد والتكلفه بتختلف من مكان الى مكان ...

بالنسبه لشركة الشحن .. انا كل اللى اشتريته كان جايلى عن طريق البريد الصينى الجوى الى البريد المصرى يعنى مش شركه شحن .. وبيجى على عنوانك البريدى ...
وطبعا لازم العنوان يكون انجليزى ...مجرتش اكتبه عربى ولكن منعا للاخطاء ... ممكن حد يستلم مكانك عادى بس يكون اكيد قريب منك .. وممكن ساعى البريد يرخم ويقول لازم بطاقة صاحب الطرد

raghd.b 11-06-19 12:09 AM
رد: خطوات شراء منتج ( سكوب او غيرة ) من الانترنت
 
اخى الفاضل عايز منك خدمة رخمة شوية اذا حبيت تعملها فجزاك الله خيرا واذا كان فى نفسك منها شئ مفيش اى مشاكل , باختصار شديد انا محتاج اشترى من الموقع , وبصراحه المشوار ده كله مش هاقدر اعمله , فانا بفكر اروح لحضرتك واسيب معك فلوس , واخد الايميل بتاعك والمنتج اللى عايز اشتريه ابعت لك الرابط بتاع الصفحة بتعته وانت تقوم بعملية الشراء , ولما الحاجه توصل نبقى نشوف اتكلفت كام لحد ما وصلت , وطبعا هيبقى معاك فلوس بزيادة حتى لا تتحمل اى خسائر فى حال حدوثها لا قدر الله , وعموما انا بشكر حضرتك جدا انك اخدت من وقتك عشان توصلنا المعلومات القيمه دى

cono 11-06-19 12:52 AM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة peace missile (المشاركة 125480)
الاخ الفاضل cono هما بيبقوا كاتبين ems او express mail service وسواء كان شحن مجانى او بفلوس بيتغير لان ال ems غير متاح الى مصر فلو كان المنتج شحن مجانى ومكتوب ems بيشحنوه عن طريق china mail air post البريد الصينى الجوى ودة بياخد من 15 الى 25 يوم بالكتير ولو الشحن مش مجانى بيشحن بالبريد الصينى او شركه بريد تانيه وربما تتحمل حضرتك الزيادة فى تكلفه الشحن احيانا على حسب الشركه اللى حضرتك شارى منها
معلش احنا تعبناك معانا جدا ودوخناك لكن انت اللى جبته لنفسك بالموضوع الجامد ده :)
انا كنت عايز اسال بس هو بيكتبب شحن مجانى لامريكا دا معناه شحن مجانى برضه لمصر ولا بالنسه لمصر بشيل مصاريف الشحن وهل حضرتك جبت حاجه بشحن مجانى

Peace Missile 11-06-19 01:04 AM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة cono (المشاركة 125907)
معلش احنا تعبناك معانا جدا ودوخناك لكن انت اللى جبته لنفسك بالموضوع الجامد ده :)
انا كنت عايز اسال بس هو بيكتبب شحن مجانى لامريكا دا معناه شحن مجانى برضه لمصر ولا بالنسه لمصر بشيل مصاريف الشحن وهل حضرتك جبت حاجه بشحن مجانى
غير اسم الدوله ل مصر Egypt وشوف تكلفه الشحن هتكون كام ولا مجانيه ...انا قلت قبل كدة ان الشحن المجانى ممكن يكون لدول معينه ودول تانيه لا يعنى مثلا ممكن يكون منتج شحن مجانى لامريكا لكن لمصر شحنه غالى جدا واحيانا فى منتجات البائع مش بيعرف يشحنها لبلدك بتلاقى مكتوب جنب الشحن Cannot deliver to Egypt

Peace Missile 11-06-19 01:08 AM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة raghd.b (المشاركة 125884)
اخى الفاضل عايز منك خدمة رخمة شوية اذا حبيت تعملها فجزاك الله خيرا واذا كان فى نفسك منها شئ مفيش اى مشاكل , باختصار شديد انا محتاج اشترى من الموقع , وبصراحه المشوار ده كله مش هاقدر اعمله , فانا بفكر اروح لحضرتك واسيب معك فلوس , واخد الايميل بتاعك والمنتج اللى عايز اشتريه ابعت لك الرابط بتاع الصفحة بتعته وانت تقوم بعملية الشراء , ولما الحاجه توصل نبقى نشوف اتكلفت كام لحد ما وصلت , وطبعا هيبقى معاك فلوس بزيادة حتى لا تتحمل اى خسائر فى حال حدوثها لا قدر الله , وعموما انا بشكر حضرتك جدا انك اخدت من وقتك عشان توصلنا المعلومات القيمه دى
ههههه..... ممكن تشوف المنتج اللى انت عايزة .. وتحولى فلوسه على حسابى واشتريه وممكن ابعتلك المنتج على عنوانك انت مش عنوانى وانت تدفع باقى المصاريف ...بس بصراحه انا مش عايز اتحمل هذة المسئوليه لسبب .. ممكن المنتج يجيلك مختلف .. انا اللى هتحمل المسئوليه ...يبقى ليه وبعدين مش ممكن الشيطان يلعب فى ودانى واخد الفلوس واهرب على سويسرا ... هههههه .للاسف معلهش بلاش الحكايه دى .. وموضوع الانترنت كارد دة بسيط جدا والله

cono 11-06-19 01:20 AM
رد: خطوات شراء منتج ( سكوب او غيرة ) من الانترنت
 
متشكر جدا واسف لانى مكنتش واخد بالى من انى المفروض اختار الشحن لمصر فى الصفحة الرئيسية علشان اعرف ايه اللى شحنه مجانى لمصر

memocco 11-06-19 01:28 AM
رد: خطوات شراء منتج ( سكوب او غيرة ) من الانترنت
 
انت بجد برنس و لازم يا جماعة كلنا نقيم الموضوع و يتم التثبيت لازم لازم و ارجو من الادارة انها تثبت الموضوع

cono 11-06-19 01:38 AM
رد: خطوات شراء منتج ( سكوب او غيرة ) من الانترنت
 
لكن ايهما افضل للشحن UPS Expedited ولا ems

hema777h 11-06-20 01:16 AM
رد: خطوات شراء منتج ( سكوب او غيرة ) من الانترنت
 
برجاء تثبيت الموضوع

xman 11-06-20 01:30 AM
رد: خطوات شراء منتج ( سكوب او غيرة ) من الانترنت
 
راجل محترم . جزاك الله كل خير

hema777h 11-06-20 01:35 AM
رد: خطوات شراء منتج ( سكوب او غيرة ) من الانترنت
 
ليك رسالة علي الخاص يا استاذ

مااجد 11-06-20 09:54 PM
رد: خطوات شراء منتج ( سكوب او غيرة ) من الانترنت
 
ترجمة المفردات دي بدقة منعا للخطا من فضلك ولك جزيل الشكر:
Contact Name
Country/Region:
Street Addres
Street Address 2
City
State/Province:
Zip/Postal Code
Phone Number
انا عارفها بس عايز اتاكد من فيهم البلد؟ ومن المحافظه ؟ومن المدينه؟ ومن الشارع؟ وهل يتكرر عنوان الشارع؟
عارفهم بس بتاكد

Mohamed Mahmoud 11-06-20 10:28 PM
رد: خطوات شراء منتج ( سكوب او غيرة ) من الانترنت
 
موضوع جميل جدا
ارجوا نقل الموضوع لسوق المنتدى

مااجد 11-06-20 10:40 PM
رد: خطوات شراء منتج ( سكوب او غيرة ) من الانترنت
 
بالاضافة لرجمة المفردات من فضلك البيانات اللي بتكون مطلوب اخذا وتسجيلها من الانترنت كارد

cono 11-06-21 12:33 AM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة مااجد (المشاركة 127945)
بالاضافة لرجمة المفردات من فضلك البيانات اللي بتكون مطلوب اخذا وتسجيلها من الانترنت كارد
ياريت الاجابه على السوءال ده منعا لسرقة الكارت:o

Peace Missile 11-06-21 12:10 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة cono (المشاركة 128071)
ياريت الاجابه على السوءال ده منعا لسرقة الكارت:o
اخى الكريم ...
بينات الانترنت كارد هى 3 بيانات :
1- رقم الكارت ودة رقم كبير تقريبا 14 رقم
2- الرقم السرى
3- تاريخ الانتهاء

وهى دى الارقام اللى بتدخلها سلعه البيع ويجب انك تحتفظ بالكارت بشكل سرى لان الارقام دى ممكن اى حد ياخدها ويستدخمها ... الرقم السرى اهم رقم وعموما الكارت كله ياريت تحتفظ بيه كويس لان كل الارقام مكتوبه عليه والكارت نفسه ككارت ملوش اى لازمة انا عن نفسى عاين الكارت فى البيت والبينات محتفظ بيها على الكمبيوتر

avokato 11-06-21 12:50 PM
رد: خطوات شراء منتج ( سكوب او غيرة ) من الانترنت
 
مشكور ودا بينطبق علي اي حاجه مش محظوره

غاوى صيد 11-06-21 04:04 PM
رد: خطوات شراء منتج ( سكوب او غيرة ) من الانترنت
 
thank u for these valuable information

lilkapo 11-06-21 06:25 PM
رد: خطوات شراء منتج ( سكوب او غيرة ) من الانترنت
 
موضوع اكثر من رائع واتمنى يتثبت لانو يستاهل فعلا

cono 11-06-22 10:56 AM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة peace missile (المشاركة 128470)
اخى الكريم ...
بينات الانترنت كارد هى 3 بيانات :
1- رقم الكارت ودة رقم كبير تقريبا 14 رقم
2- الرقم السرى
3- تاريخ الانتهاء

وهى دى الارقام اللى بتدخلها سلعه البيع ويجب انك تحتفظ بالكارت بشكل سرى لان الارقام دى ممكن اى حد ياخدها ويستدخمها ... الرقم السرى اهم رقم وعموما الكارت كله ياريت تحتفظ بيه كويس لان كل الارقام مكتوبه عليه والكارت نفسه ككارت ملوش اى لازمة انا عن نفسى عاين الكارت فى البيت والبينات محتفظ بيها على الكمبيوتر
لكن انا الرقم السرى للكارت بتاعى اربع ارقام وهوه بيطلب 3 بس

Peace Missile 11-06-23 08:28 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة cono (المشاركة 129403)
لكن انا الرقم السرى للكارت بتاعى اربع ارقام وهوه بيطلب 3 بس
يبقى دة مش الرقم السرى ... تاكد من اللرقم السرى

cono 11-06-25 02:32 AM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة peace missile (المشاركة 130803)
يبقى دة مش الرقم السرى ... تاكد من اللرقم السرى
أنا الكارت بتاى فيزا كارت مش مكتوب عليه غير الرقم بتاعه وانا قصدى على الرقم السرى اللى انا عامله ولو حبيت اسحب منه رصيد من المكنة بدخله ... ولا حضرتك تقصد رقم تانى؟؟

Peace Missile 11-06-25 12:56 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة cono (المشاركة 131825)
أنا الكارت بتاى فيزا كارت مش مكتوب عليه غير الرقم بتاعه وانا قصدى على الرقم السرى اللى انا عامله ولو حبيت اسحب منه رصيد من المكنة بدخله ... ولا حضرتك تقصد رقم تانى؟؟
السلام عليكم .........الاخ الكريم كونو ........ز

اللى حضرتك تقصدة دة مش انترنت كارد دة اسمه كارت ATM للسحب من ماكينات الصراف الالى ولا يمكن استخدامه على الانترنت ... كارت الانترنت كارت يستخدم فقط على الانترنت والرقم السرى بتاعه 3 ارقام بس مش 4 ... وعموما كل الكروت سواء ATM او Internet card او Credit card كلها ممكن تكون Visa او Master Card

raghd.b 11-06-25 04:20 PM
رد: خطوات شراء منتج ( سكوب او غيرة ) من الانترنت
 
بعد اذنك دى معناها اية واكتب فيها ايه Zip/Postal Code

cono 11-06-26 08:40 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة peace missile (المشاركة 132098)
السلام عليكم .........الاخ الكريم كونو ........ز

اللى حضرتك تقصدة دة مش انترنت كارد دة اسمه كارت atm للسحب من ماكينات الصراف الالى ولا يمكن استخدامه على الانترنت ... كارت الانترنت كارت يستخدم فقط على الانترنت والرقم السرى بتاعه 3 ارقام بس مش 4 ... وعموما كل الكروت سواء atm او internet card او credit card كلها ممكن تكون visa او master card
متشكر جدا لزوق حضرتك وجارى عمل كارت الانترنت

cono 11-06-28 01:25 AM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة peace missile (المشاركة 123806)
افضل موقع فى نظرى هو www.aliexpress.com وبردةdhgate كويس جدا وانا اشتريت من الاتنين ...
تكلفه البريد الداخلى تقريبا مفيش اللى بتدفعه هو حاجتين : ضريبه المبيعات على الحاجة اللى انت شاريها + التعريفه الجمركيه ودى مش ثابتها المبلغ كله بيتراوح ما بين 15 ج الى 50 ج لو جايب سكوب غالى مثلا
--------------------------
بالنسبة للضريبة والجمارك مين بيحصلهم من المشترى وبيتم تحصيلهم امتى وفين وازاى وهل اللى بيوصل الحاجة هوه اللى بيبحصلهم ولا ايه بالظبط؟؟

cono 11-06-30 03:18 PM
رد: خطوات شراء منتج ( سكوب او غيرة ) من الانترنت
 
الاخ العزيز Peace Missile
متشكر لمجهود حضرتك معانا لكن كنت عايز اعرف بالنسبة للضريبة والجمارك مين بيحصلهم من المشترى وبيتم تحصيلهم امتى وفين وازاى وهل اللى بيوصل الحاجة هوه اللى بيبحصلهم ولا ايه بالظبط؟؟

Peace Missile 11-06-30 03:23 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة cono (المشاركة 137574)
الاخ العزيز peace missile
متشكر لمجهود حضرتك معانا لكن كنت عايز اعرف بالنسبة للضريبة والجمارك مين بيحصلهم من المشترى وبيتم تحصيلهم امتى وفين وازاى وهل اللى بيوصل الحاجة هوه اللى بيبحصلهم ولا ايه بالظبط؟؟
اخى الكريم كونو ... الضريبه والجمارك بيتم تحصيلها عند تسليم الطرد .. ساعى البريد بيسلمك الطرد وبياخد منك الرسوم المطلوبه .. بتمضى على الاستلام والمبلغ المطلوب .. فى الغالب لو مثلا انت شارى حاجه ب 50 دولار هتلاقى الرسوك كلها حوالى 50 جنيه مصرى .. يعنى ان شاء الله الموضوع بسيط متقلقش

cono 11-07-01 12:51 AM
رد: خطوات شراء منتج ( سكوب او غيرة ) من الانترنت
 
معلش طلب اخير ممكن اعرف سعر التليسكوب اللى حضرتك طلبته كان فى حدود
كام دولار

drmaged40 11-07-05 10:58 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة raghd.b (المشاركة 132286)
بعد اذنك دى معناها اية واكتب فيها ايه zip/postal code
ياريت توضح النقطه دى

Peace Missile 11-07-05 11:07 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة drmaged40 (المشاركة 142294)
ياريت توضح النقطه دى
اخى الفاضل ال zip code هو مفتاح البلد مصر مفتاحها ( 002 )
Postal code وهو الرقم البريدى ...رقم مصر البريدى تقريبا 34611
المهم الخانه دى تبقى تكتب فيها 002

غريب عن الدنيا 11-07-07 04:42 PM
رد: خطوات شراء منتج ( سكوب او غيرة ) من الانترنت
 
هل ممكن شراء بنادق الرش وضغط الهواء من الانترنت وشحنها علي مصر ؟

talha 11-07-08 01:13 PM
رد: خطوات شراء منتج ( سكوب او غيرة ) من الانترنت
 
طب هي السكاكين والمطاوي بتعدي ولا لأ
وبعدين لو الحاجت معدتش بتدفع فلوس ولا لأ

momo44 11-07-08 03:32 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة talha (المشاركة 144354)
طب هي السكاكين والمطاوي بتعدي ولا لأ
وبعدين لو الحاجت معدتش بتدفع فلوس ولا لأ
برجاء الاجابة على هذا السؤال ضرورى
وحضرتك طلعت كارت الشراء من بنك ايه
وتكلفة استخراجه كام
؟؟

HAITHAMOF 11-07-10 05:07 PM
رد: خطوات شراء منتج ( سكوب او غيرة ) من الانترنت
 
مشاء الله يا دكتور ايه السرعه دي دايماء بتفدنا بمواضيعك الرائعه

osha966 11-07-11 01:56 AM
رد: خطوات شراء منتج ( سكوب او غيرة ) من الانترنت
 
أريد أن أنبه الأخوة أن موضوع شراء السكوبات عن طريق النت فيه مخاطرة ..وبيكون أنت وحظك وأحتمال كبير ان يتم مصادرة السكوب من قبل الأمن العام وتبقى قضية ...تحياتى

AFROTTO 11-07-11 02:10 AM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة momo44 (المشاركة 144481)
برجاء الاجابة على هذا السؤال ضرورى
وحضرتك طلعت كارت الشراء من بنك ايه
وتكلفة استخراجه كام
؟؟
التكلفة 20 جنية فى بنك مصر وبتطلع خلال أسبوعين
أسمها فيزا اليكترون أو فيزا أنترنت

YOSSEF EL MASRY 11-07-11 02:12 AM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة afrotto (المشاركة 146663)
التكلفة 20 جنية فى بنك مصر وبتطلع خلال أسبوعين
أسمها فيزا اليكترون أو فيزا أنترنت
ودي لازم يكون عندك حساب في البنك عشان تعملها والا مش لازم

Aboyassin 11-07-11 04:36 PM
رد: خطوات شراء منتج ( سكوب او غيرة ) من الانترنت
 
موضوع شيق و مهم
أفادكم الله

egypt-25 11-07-14 11:47 PM
رد: خطوات شراء منتج ( سكوب او غيرة ) من الانترنت
 
ياريت الموضوع ده يكون ناجح وياريت لو حد جاب يقولنا

momo44 11-07-16 12:01 AM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة afrotto (المشاركة 146663)
التكلفة 20 جنية فى بنك مصر وبتطلع خلال أسبوعين
أسمها فيزا اليكترون أو فيزا أنترنت
انا متشكر جدااااااااا ليك يا عبد الله
انا رحت فعلا سألت و عرفت ان المصاريف 20 جنيه+5 جنيه دمغة
واستلامه بيبقى بعد اسبوع

wknm 11-07-16 07:50 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة egypt-25 (المشاركة 149779)
ياريت الموضوع ده يكون ناجح وياريت لو حد جاب يقولنا

مع احترامي لصاحب الموضوع بس يا جماعه السكوب مبيخرجش دلوقت من الجمارك و بيتحول امن عام

http://www.egypthunt.net/showthread.php?t=12097

hema777h 11-07-17 11:20 PM
رد: خطوات شراء منتج ( سكوب او غيرة ) من الانترنت
 
احتماااااااااال انو كاااااان بيخرج اوقات الانفلات الامني لما الشرطة مكنتش بتنزل اماكنها وكانو لبسين الطرح في البيت


هو دااااااااا الي المفروض يعملو

cono 11-07-19 10:36 AM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة wknm (المشاركة 150880)



مع احترامي لصاحب الموضوع بس يا جماعه السكوب مبيخرجش دلوقت من الجمارك و بيتحول امن عام

http://www.egypthunt.net/showthread.php?t=12097
الاخ الكريم بيس ميسل ايه رايك فى الكلام ده لنل كنت خلاص هشترى وماشى فى اسنخراج كارت النت ورجعت فكلامى

Beretta 11-07-21 07:58 PM
رد: خطوات شراء منتج ( سكوب او غيرة ) من الانترنت
 
شكرا على الموضوع الرائع
انا عندي استفسار هو انا لو اشتريت من الموقع كمية مثلا 50 قطعة مرة واحدة حستلمهم ازاي؟ عادي كده ولا لازم تخليص جمركي وضرايب ياريت حد يفيدنا

talha 11-07-21 09:43 PM
رد: خطوات شراء منتج ( سكوب او غيرة ) من الانترنت
 
لسه مفيش حد طلب حاجة

Peace Missile 11-09-12 06:14 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة cono (المشاركة 152692)
الاخ الكريم بيس ميسل ايه رايك فى الكلام ده لنل كنت خلاص هشترى وماشى فى اسنخراج كارت النت ورجعت فكلامى
اعتذر عن بطء الرد .. لكن اللى عرفتة ان السكوبات بدات فعلا تتصادر ... لكن بالنسبة لى والكلام دة كله قولته كتير انا كل حاجاتى مفيش حاجة منها اتصادرت وكلها دخلت من ضمنها سكوب كبير فيردوت 6-24 * 50 aoe .. وياجماعه انا عرضت تجربتى وغير كدة دى مسئولية اللى بيشترى الشخصية .. انا كل حاجاتى وصلت واشتريت حاجات كتير مفيش حاجة منها اتصادرت ....يمكن فعلا كان فيه عدم متابعه من الامن العام للحاجات دى لانى اشترستهم تقريبا من شهر 5 وكنت يمكن اول واحد يشترى الحاجات دى هنا .. ربنا يسهل والامور تبقى افضل

أبو شمس 11-09-12 07:03 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة peace missile (المشاركة 197267)
اعتذر عن بطء الرد .. لكن اللى عرفتة ان السكوبات بدات فعلا تتصادر ... لكن بالنسبة لى والكلام دة كله قولته كتير انا كل حاجاتى مفيش حاجة منها اتصادرت وكلها دخلت من ضمنها سكوب كبير فيردوت 6-24 * 50 aoe .. وياجماعه انا عرضت تجربتى وغير كدة دى مسئولية اللى بيشترى الشخصية .. انا كل حاجاتى وصلت واشتريت حاجات كتير مفيش حاجة منها اتصادرت ....يمكن فعلا كان فيه عدم متابعه من الامن العام للحاجات دى لانى اشترستهم تقريبا من شهر 5 وكنت يمكن اول واحد يشترى الحاجات دى هنا .. ربنا يسهل والامور تبقى افضل
اسمح لي اخي العزيز اعقب علي كلام حضرتك
لا توجد علاقة للامن العام فهو لا يفتح الطرود
من يفتح الطرد هو المكان المشحون من خلاله
الطرد
فان كان مرسل من خلال البريد يتم فتح الطرد
في مكتب الجمارك في البريد برمسيس
و حسب الموظف فهو من يحكم علي الحاجة
دي اسمها ايه و الهدف حتي تسجل في
الدفاتر
و اذا ما اعرفش الحاجة دي عبارة عن ايه
يرجع الي الكتالوج اللي مع الحاجة و من
هنا تاتي المشكلة لان الكتالوج بيقول الحاجة
دي ايه
و في ناس مش بتعرف تقرأ انجليزي
بالتالي اذا لم يعلم الحاجة دي ايه
في الاغلب بتعدي
و اذا عرف بيكتب جواب الي الامن العام
في العباسية في الوصف للشيء مدرج
معه الكتالوج ان وجد لكي يبت في الموضوع
خلاصة الكلام لا يوجد فني في جمارك البريد
دي انت و بختك
اما باقي الشركات الخاصة بالشحن مثل dhl
في الاغلب بيكون لها مكتب في المطار
و الكشف بيكون في جمارك المطار و دي كدة
شكرااااااااااااااااااااااااااااااااااااااااااااااا اااااااااااااااااا
لان جمارك المطار بها ناس عارفة تفاصيل الحاجات دي
من غير اي كتالوج

momo44 11-09-12 08:17 PM
رد: خطوات شراء منتج ( سكوب او غيرة ) من الانترنت
 
اقتباس:
المشاركة الأصلية كتبت بواسطة أبو شمس (المشاركة 197313)
اسمح لي اخي العزيز اعقب علي كلام حضرتك
لا توجد علاقة للامن العام فهو لا يفتح الطرود
من يفتح الطرد هو المكان المشحون من خلاله
الطرد
فان كان مرسل من خلال البريد يتم فتح الطرد
في مكتب الجمارك في البريد برمسيس
و حسب الموظف فهو من يحكم علي الحاجة
دي اسمها ايه و الهدف حتي تسجل في
الدفاتر
و اذا ما اعرفش الحاجة دي عبارة عن ايه
يرجع الي الكتالوج اللي مع الحاجة و من
هنا تاتي المشكلة لان الكتالوج بيقول الحاجة
دي ايه
و في ناس مش بتعرف تقرأ انجليزي
بالتالي اذا لم يعلم الحاجة دي ايه
في الاغلب بتعدي
و اذا عرف بيكتب جواب الي الامن العام
في العباسية في الوصف للشيء مدرج
معه الكتالوج ان وجد لكي يبت في الموضوع
خلاصة الكلام لا يوجد فني في جمارك البريد
دي انت و بختك
اما باقي الشركات الخاصة بالشحن مثل dhl
في الاغلب بيكون لها مكتب في المطار
و الكشف بيكون في جمارك المطار و دي كدة
شكرااااااااااااااااااااااااااااااااااااااااااااااا اااااااااااااااااا
لان جمارك المطار بها ناس عارفة تفاصيل الحاجات دي
من غير اي كتالوج
+10000000000000

mohamednagy39 19-09-13 05:50 AM
رد: خطوات شراء منتج ( سكوب او غيرة ) من الانترنت
 
مشكور الموضع ممتاز و المجهود رائع. بس يا ريت تاكد موضوع دخول الاسكوبات مصر ضرورى لانى اعرف ان ها ممنوعه تماما و مشكله كبيره فياريت تاكد الموضوع ده باى شكل


الساعة الآن 05:55 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir