الصيد فى مصر

الصيد فى مصر (http://www.egyhunt.net/index.php)
-   الموضوعات العامه (http://www.egyhunt.net/forumdisplay.php?f=86)
-   -   كشف غموض واقعة سرقة 2880 طبنجة صوت وكمية من الطلقات (http://www.egyhunt.net/showthread.php?t=30882)

mano kun 12-06-30 02:14 PM
كشف غموض واقعة سرقة 2880 طبنجة صوت وكمية من الطلقات
 
3 مرفق
( مباحث الإسكندرية تنجح فى كشف غموض واقعة سرقة 2880 طبنجة صوت وكمية من الطلقات من مخزن لأحد تجار الأسلحة بالإسكندرية.. وتتمكن من ضبط مرتكبى الواقعة وبحوزتهم كمية كبيرة من طبنجات الصوت, وتتمكن من ضبط تشكيل عصابى آخر تخصص فى الإتجار فى الأسلحة النارية وبحوزتهم 10 طبنجات صوت معدلة لإطلاق النيران) تبلغ لقسم شرطة سيدى جابر من المدعو "أحمد م.م" سن 35 تاجر أسلحة وذخائر بإكتشافه كسر القفل الخاص باب مخزنه, الكائن بشارع مسطفى كامل , بدائرة القسم وسرقة بعض محتوياته (عدد 2880 طبنجة محدث صوت "تركى الصنع" , وعدد "4" كرتونة طلقات صوت). على الفور تم تشكيل فريق بحث لكشف غموض وملابسات الواقعة وضبط مرتكبيها , حيث أسفرت جهود فريق البحث عن تحديد مرتكبى الواقعة وهم كلٍ من:- 1. المدعو "حسن أ.ع" سن 40 عامل ومقيم بدائرة قسم الدخيلة . 2. المدعو "عمرو إ.ع" سن 40 سائق ومقيم بدائرة قسم الدخيلة. 3. المدعو "صلاح ع.م" سن 42 تاجر ملابس , ومقيم بدائرة قسم العطارين. عقب تقنين الإجراءات وبإعداد الأكمنة الثابتة والمتحركة أسفرت إحداها عن ضبطهم. وبمواجهتهم إعترفوا بإرتكابهعم الواقعة, وتمكنت أجهزة الأمن من ضبط عدد كبيرة من الطبنجات والطلقات بحوزتهم. ومن خلال السير فى إجراءات البحث, توصلت الجهود إلى قيام كل من:- 1. المدعو "هيثم ع.ع" سن 25 مهندس. 2. المدعو "مصطفى م.م" سن 51. 3. المدعو "سعد ع.خ" سن 43 كهربائى. 4. المدعو "هشام م.م" سن 45 موظف. بتكوين تشكيل عصابى تخصص فى الإتجار بالأسلحة النارية بدون ترخيص . عقب تقنين الإجراءات وبإعداد الأكمنة اللازمة, أمكن ضبط المتهم الأول والثانى وبحوزتهما طبنجة ماركة "لاما" أسبانى الصنع عيار 9 مم, وعدد (9) طبنجة محدث صوت معدلة لإطلاق أعيرة نارية , وعدد 220 طلقة مختلفة الأعيرة. تم إتخاذ كافة الإجراءات القانونية, وجارى تكثيف الجهود لضبط باقى المتهمين وباقى الطبنجات المُبلغ بسرقتها.

منقول عن
صفحة وزارة الداخلية على الفيس بوك

mr vigo 12-06-30 04:55 PM
رد: كشف غموض واقعة سرقة 2880 طبنجة صوت وكمية من الطلقات
 
يانهار اسود


وايه حكاية الطبنجات المتحوله دي ؟؟؟؟

هما مش بيقولو مفيش تحويل؟؟؟؟

على فكره دي طبنجه لياما اللي لقيوها معاهم

http://www.recguns.com/Pictures/Images/LLAMA.JPG

http://www.gilmoreengineering.com/im...Pistol%20b.jpg

مجدي خضـر 12-06-30 05:07 PM
رد: كشف غموض واقعة سرقة 2880 طبنجة صوت وكمية من الطلقات
 
يا ولالالالالالالالالاد الحرااااااام

هيخلو الحكومه تعمل قنون للمسدسات الصوت يخربيتكم :d

mano kun 12-06-30 05:11 PM
رد: كشف غموض واقعة سرقة 2880 طبنجة صوت وكمية من الطلقات
 
اه كمية غريبة ...... و متحولة افتكر دي المتعدلة تضرب بلي !!

شكلهم سارقينها من فتح الله هههههههههه

و شكراً على صور الليما .... دي حي!؟

mano kun 12-06-30 05:13 PM
رد: كشف غموض واقعة سرقة 2880 طبنجة صوت وكمية من الطلقات
 
اقتباس:
المشاركة الأصلية كتبت بواسطة almagc (المشاركة 396796)
يا ولالالالالالالالالاد الحرااااااام

هيخلو الحكومه تعمل قنون للمسدسات الصوت يخربيتكم :d
لو عملو قانون احنا نعمل ثورة تانية هههههههههههه

darkshaft 12-06-30 05:14 PM
رد: كشف غموض واقعة سرقة 2880 طبنجة صوت وكمية من الطلقات
 
يا جماعه الاتمسك ده عضو معانا فالمنتدى و هوه تاجر بالاسكندرية،و تهمته انه بيتاجر فى اسلحه بدون ترخيص بيع و ان المسدسات مفتوحه و جاهزه لضرب النار،ربنا يطلعه بالسلامه و تكون قرست ودن،و الواحد لا يتنمى الاذى للغير.

mano kun 12-06-30 05:17 PM
رد: كشف غموض واقعة سرقة 2880 طبنجة صوت وكمية من الطلقات
 
ربنا معاه و يسترها معانا

Bebeto 12-06-30 05:29 PM
Re: رد: كشف غموض واقعة سرقة 2880 طبنجة صوت وكمية من الطلقات
 
اقتباس:
المشاركة الأصلية كتبت بواسطة darkshaft (المشاركة 396800)
يا جماعه الاتمسك ده عضو معانا فالمنتدى و هوه تاجر بالاسكندرية،و تهمته انه بيتاجر فى اسلحه بدون ترخيص بيع و ان المسدسات مفتوحه و جاهزه لضرب النار،ربنا يطلعه بالسلامه و تكون قرست ودن،و الواحد لا يتنمى الاذى للغير.
يا باشا هو اتمسك في كمين تقريبا معمول عشانه و كدة ...... بعدين المحل مترخص لبيع البنادق الرش و المسدسات الصوت ..... انما تققلب حي دي تبقي مشكلة و ممسوك بكمية يعني بيتاجر في سلاح حي !!

mr vigo 12-06-30 05:35 PM
رد: كشف غموض واقعة سرقة 2880 طبنجة صوت وكمية من الطلقات
 
اقتباس:
المشاركة الأصلية كتبت بواسطة mano kun (المشاركة 396798)
اه كمية غريبة ...... و متحولة افتكر دي المتعدلة تضرب بلي !!

شكلهم سارقينها من فتح الله هههههههههه

و شكراً على صور الليما .... دي حي!؟



فعلا كميه كبيره قوي

انما ازاي ده عضو معانا هنا في المنتدى !!!

كمان التقرير بيقول انها بتضرب حي مش بلي

اه دي طبنجه حي لكن مش معروفه قوي هنا لأنها أسباني

mano kun 12-06-30 05:44 PM
رد: كشف غموض واقعة سرقة 2880 طبنجة صوت وكمية من الطلقات
 
اقتباس:
المشاركة الأصلية كتبت بواسطة mr vigo (المشاركة 396808)


فعلا كميه كبيره قوي

انما ازاي ده عضو معانا هنا في المنتدى !!!

كمان التقرير بيقول انها بتضرب حي مش بلي

اه دي طبنجه حي لكن مش معروفه قوي هنا لأنها أسباني
هي الصراحة حاجة غريبة و تعديل الكمية دية كلها لحي!!

و لو هو معانا فلمنتدى هل هو عرض قبل كدة مسدس من دول او حد لاحظ حاجة؟!

احمد فتحي 12-06-30 06:02 PM
رد: كشف غموض واقعة سرقة 2880 طبنجة صوت وكمية من الطلقات
 
هو هيثم خضر الي اتمسك ولا ايه ياجماعه

mano kun 12-06-30 06:21 PM
رد: كشف غموض واقعة سرقة 2880 طبنجة صوت وكمية من الطلقات
 
اقتباس:
المشاركة الأصلية كتبت بواسطة احمد فتحي (المشاركة 396816)
هو هيثم خضر الي اتمسك ولا ايه ياجماعه
و الله انا معرفش الأستاذ/ darkshaft هو البيقول انُ معانا فلمنتدى و اكيد المعلومة معاة لأنُ اتعرف علية ... و الله اعلى و اعلم

ramadan 12-06-30 06:34 PM
رد: كشف غموض واقعة سرقة 2880 طبنجة صوت وكمية من الطلقات
 
تمام التمام الاخوة اللى بيقولو ما فيش استيراد اية الكمية دى وجت منين وفيها مسدسات كويسة اهى

Robben Hood 12-06-30 08:31 PM
رد: كشف غموض واقعة سرقة 2880 طبنجة صوت وكمية من الطلقات
 
اقتباس:
المشاركة الأصلية كتبت بواسطة احمد فتحي (المشاركة 396816)
هو هيثم خضر الي اتمسك ولا ايه ياجماعه
ايوا هيثم خضر بتاع اسكندريه اللي عنده محل في اسكندريه و لسه فاتح محل في القاهره في حدائق القبه شيخ غراب شارع المدينه المنوره...ربنا يطلعه منها بخير ده راجل محترم

أميجو 12-06-30 10:07 PM
رد: كشف غموض واقعة سرقة 2880 طبنجة صوت وكمية من الطلقات
 
لاحول ولا قوة إلا بالله .
الطبنجات الصوت المعدلة والمظبوطة فى الضبطية دى هتخلى الداخلية تدخل المسدسات الصوت إلى منظومة ترخيص السلاح وساعتها إبقى قابلنى لو حد إقتنى مسدس صوت .

Bebeto 12-06-30 10:25 PM
Re: كشف غموض واقعة سرقة 2880 طبنجة صوت وكمية من الطلقات
 
يا جماعة هيثم هو اللي لابس اخضر و واقف علي اليمين في الصورة ...... انا اعرفه شخصيا و كنت لسة عنده من يومين بالظبط ..... و المسدسات دي مش بلي ..... دي متغيرلها ماسوووووووووووووووووورة ...... دققوا في كيس الطلقات للي مش متأكد ...... و بصراحة هو مهندس و ودي نفسه في داهية ..... ربنا يحفظنا و كل واحد بياخد جزاءه و ربنا يبعد عنا الناس دي عشان لو هو كان انسان محترم بجد .... اسف في الكلمة ... مكانش عمل كدة .... اللي اتمسك بيه ده هو اللي مودي البلد في داهية ... و لو كان مظلوم انا بتأسف علي اللي قولته انما لو فعلا كدة يبقي حسبي الله و نعم الوكيل

Mohamed El-Hadidy 12-06-30 10:30 PM
رد: Re: كشف غموض واقعة سرقة 2880 طبنجة صوت وكمية من الطلقات
 
اقتباس:
المشاركة الأصلية كتبت بواسطة bebeto (المشاركة 396954)
يا جماعة هيثم هو اللي لابس اخضر و واقف علي اليمين في الصورة ...... انا اعرفه شخصيا و كنت لسة عنده من يومين بالظبط ..... و المسدسات دي مش بلي ..... دي متغيرلها ماسوووووووووووووووووورة ...... دققوا في كيس الطلقات للي مش متأكد ...... و بصراحة هو مهندس و ودي نفسه في داهية ..... ربنا يحفظنا و كل واحد بياخد جزاءه و ربنا يبعد عنا الناس دي عشان لو هو كان انسان محترم بجد .... اسف في الكلمة ... مكانش عمل كدة .... اللي اتمسك بيه ده هو اللي مودي البلد في داهية ... و لو كان مظلوم انا بتأسف علي اللي قولته انما لو فعلا كدة يبقي حسبي الله و نعم الوكيل
كلام في الجون والله يا باشا‎
‎

mano kun 12-06-30 10:56 PM
رد: كشف غموض واقعة سرقة 2880 طبنجة صوت وكمية من الطلقات
 
لاحول ولا قوة الا بالله .... انا مش عارف الناس ديه بتفكر ازاي ولا بيعملو كدا لية.

bodygard 34 12-06-30 11:43 PM
رد: كشف غموض واقعة سرقة 2880 طبنجة صوت وكمية من الطلقات
 
اذا كان فى حد عنده استعداد انه ينزل كمية سلاح بالشكل ده(( طبعا سلاح بعد ماتحولت حتى ولو بتضرب بلى بس)ويبيعها لكل من هب ودب .. عيل صغير ..بلطجى.. سوابق.. اى حد فى الظروف اللى بتمر بيها البلد.. عشان خاطر يعمل له قرشين حلوين ..انا ماعرفش هو مين ومش بتكلم عن شخص محدد.. يبقى ماعندوش ضمير ويستاهل الاعدام مش الحبس

ahmedm2100 12-06-30 11:46 PM
رد: كشف غموض واقعة سرقة 2880 طبنجة صوت وكمية من الطلقات
 
والله كلامكم 100 100 بس انا اسمع ان هيثم خضر دة راجل محترم ..

orbany 12-06-30 11:49 PM
رد: كشف غموض واقعة سرقة 2880 طبنجة صوت وكمية من الطلقات
 
هيثم راجل محترم ربنا يستر

bodygard 34 12-07-01 12:39 AM
رد: كشف غموض واقعة سرقة 2880 طبنجة صوت وكمية من الطلقات
 
المبادئ ما بتتجزأش..ممكن تاجر مخدرات تبقى كلمته واحده ولا يخلف وعدلأحد..ويسدد ماعليه للغير..ويصلى..ولا يسب احد ولا يشهد زور ولا يغتاب ولا ولا ولا ولا ولا.......................... وفى النهايه هو تاجر مخدرات..هل نحكم عليه انه رجل صالح؟؟؟؟؟؟؟؟انا لا اتهم شخص بعينه والمتهم برئ حتى تثبت ادانته

Alessandro 12-07-01 01:06 AM
رد: كشف غموض واقعة سرقة 2880 طبنجة صوت وكمية من الطلقات
 
اقتباس:
المشاركة الأصلية كتبت بواسطة bodygard 34 (المشاركة 397030)
المبادئ ما بتتجزأش..ممكن تاجر مخدرات تبقى كلمته واحده ولا يخلف وعدلأحد..ويسدد ماعليه للغير..ويصلى..ولا يسب احد ولا يشهد زور ولا يغتاب ولا ولا ولا ولا ولا.......................... وفى النهايه هو تاجر مخدرات..هل نحكم عليه انه رجل صالح؟؟؟؟؟؟؟؟انا لا اتهم شخص بعينه والمتهم برئ حتى تثبت ادانته
البشمهندس هيثم ذوق جدا و متعاون لابعد حد انا شخصيا اتعاملت معاه و لكن انا لا انكر كلامك لانه كلام مظبوط 100% و فى الحالتين لازم ندعيله بالهداية لو كان ظالم و رد الظلم عنه لو كان مظلوم ولا انا كلامى غلط

sayedlabib 12-07-01 01:47 PM
رد: كشف غموض واقعة سرقة 2880 طبنجة صوت وكمية من الطلقات
 
اكيد فى حاجه غلط المهندس هيثم انسان بجد كويس مش وحش وبدون تجريح فى احد لابد ان ننتظر حتى نعرف ما الامر قد يكون مظلوم فى شئ ما وانا متأكد من نزاهة الراجل ده وعموما ربنا يفك كرب الناس كلها

ومعلومه انا عضو قديم فى المنتدى واعرف اغلب التجار واغلبهم بيبع مسدسات مفتوحه حتى اشهر محلات الاسلحه بتبيع مفتوح والناس اللى بتغير المواسير معروفين واللى بيعدلوا السلاج برضوا معروفين وكلنا عارفين كده فبلاش نسئ لاحد وربنا يستر على الجميع وعلى فكره كل ده نتاج قلة منح تراخيص سلاح وارتفاع اسعار المسدسات الحيه فى وقت كل انسان كان بيتمنى انه يشترى سلاح حتى لو مسروق عشان يحمى اهل بيته من الانفلات الامنى اللى كان موجود والحمد لله ان الانفلات الامنى قرب ينتهى تماما ومتنسوش ياجماعه القلق اللى كان بيعقب كل جوله انتخابيه والاشاعات التى كانت تجعل الانسان يخشى على اهله ونفسه ويضطر لشراء سلاح من اى مكان .

مين فى حضراتكم معاه ترخيص + 15 الف جنيه على الاقل عشان يشترى سلاح بطريقه شرعيه طبعا قليل جدا

عشان كده انتشر سوق المعدل والبلى والماسورة المفتوحه وفى ناس كانت بتشحت بقيت مليونيرات بسبب التجاره دي .

Champion 12-07-01 02:08 PM
رد: كشف غموض واقعة سرقة 2880 طبنجة صوت وكمية من الطلقات
 
اقتباس:
المشاركة الأصلية كتبت بواسطة sayedlabib (المشاركة 397175)
اكيد فى حاجه غلط المهندس هيثم انسان بجد كويس مش وحش وبدون تجريح فى احد لابد ان ننتظر حتى نعرف ما الامر قد يكون مظلوم فى شئ ما وانا متأكد من نزاهة الراجل ده وعموما ربنا يفك كرب الناس كلها

ومعلومه انا عضو قديم فى المنتدى واعرف اغلب التجار واغلبهم بيبع مسدسات مفتوحه حتى اشهر محلات الاسلحه بتبيع مفتوح والناس اللى بتغير المواسير معروفين واللى بيعدلوا السلاج برضوا معروفين وكلنا عارفين كده فبلاش نسئ لاحد وربنا يستر على الجميع وعلى فكره كل ده نتاج قلة منح تراخيص سلاح وارتفاع اسعار المسدسات الحيه فى وقت كل انسان كان بيتمنى انه يشترى سلاح حتى لو مسروق عشان يحمى اهل بيته من الانفلات الامنى اللى كان موجود والحمد لله ان الانفلات الامنى قرب ينتهى تماما ومتنسوش ياجماعه القلق اللى كان بيعقب كل جوله انتخابيه والاشاعات التى كانت تجعل الانسان يخشى على اهله ونفسه ويضطر لشراء سلاح من اى مكان .

مين فى حضراتكم معاه ترخيص + 15 الف جنيه على الاقل عشان يشترى سلاح بطريقه شرعيه طبعا قليل جدا

عشان كده انتشر سوق المعدل والبلى والماسورة المفتوحه وفى ناس كانت بتشحت بقيت مليونيرات بسبب التجاره دي .
تعقيب بسيط
مفيش محلات بتبيع مفتوح
و بعدين انا شايف طبيعي اوي اللي بيحصل !
المنتدي بقي للمطاوي و الخناجر و المسدسات المتعدله !

bodygard 34 12-07-01 05:34 PM
رد: كشف غموض واقعة سرقة 2880 طبنجة صوت وكمية من الطلقات
 
اقتباس:
المشاركة الأصلية كتبت بواسطة alessandro (المشاركة 397042)
البشمهندس هيثم ذوق جدا و متعاون لابعد حد انا شخصيا اتعاملت معاه و لكن انا لا انكر كلامك لانه كلام مظبوط 100% و فى الحالتين لازم ندعيله بالهداية لو كان ظالم و رد الظلم عنه لو كان مظلوم ولا انا كلامى غلط
اقسم بالله العظيم انا ما اعرف الاخ هيثم ..وبالتالى لا استطيع ان اتهمه او انفى عنه تهمه..وكل كلامى بشكل عام.. ولعله مظلوم وربنا قادر على اظهار براءته..ارجو ان ماحدش يفهمنى غلط

mano kun 12-07-01 09:27 PM
رد: كشف غموض واقعة سرقة 2880 طبنجة صوت وكمية من الطلقات
 
الخبر نزل النهاردة في الاخبار علي التلفزيون ... و مع اني معرفش الأستاذ هيثم شخصياً بس مدام نزل الخبر علا التلفزيون يبقى شكلو كدا لبسها.

و ربنا يستر علينا و ميعملوش قانون بتجريم بيع مسدسات الصوت .


الساعة الآن 07:56 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir