موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
السلام عليكم اعضاء المنتدى الكرام و هواه صيد السمك انا قررت اعمل الموضوع دة للأعضاء الجدد و الى نفسهم يصتادو و مش عارفين يبتدو ازاى و يجيبو عدة و مش عارفين مواصفاتها الصيد فى النيل هناك طريقتين للصيد فى النيل::: الحداف: و دى طرقه بتعتمد على الرمى و توصيل الطعم لداخل النيل اى اماكن بعيدة عن الشاطئ الاسماك:(بياض -دقماق -انوم كركور -بنى -مبروكه) اخر نوعين قليلين شويه و ليهم طرق خاصه العدد المطلوبه: عود حداف 4.5 او 5 متر عود جبر يعنى ناشف شويه عشان يستحمل المعافرة و الحدف بأوزان رصاص كبير مكنه صيد متوسطه الحجم تشيل مثلا 100 متر خيط 50 اوزان رصاص نص كيلو مشكل من نمرة 2 لحد نمرة 4 بكرة خيط 40 تتلف على المكنه و بكرة 30 ترمل بيها(الترميل هو ربط السنار فى الخيط) هتجيب الحاجات دى منين : هقولك انا بقى كل منطقه اكيد فيها حد بتاع ادوات صيد بس انا انصح بالنزول للمظلات شبرا لأن فيها اكتر من محل و فى نوع من المنافسه و عشان تلف براحتك اولا هتخش اى محل تقول للراجل انا لو عايز اجمع عدة صيد حداف و تسيبه هو يقترح الانواع لأن اغلب الانواع صينى و مش ماركات محددة عشان كدا هتلف على كزا محل تاخد فكرة عن الانواع و الاشكال و نصيحة قبل ما تشترى لف على كزا محل و خد فكرة عن انواع البوص و المكن و الى ترتاحله فى الخامات و السعر و المعامله خليك معاه اوك ما هتخش تقوله عايز اجمع عدة نيل حداف بس متوسطه فى السعر و تشوف تختار العود الجبر اى لازم يكون ناشف شويه 4.5 او 5 متر لبلوب طرى عشان تحس بنقر السمك و المكنه تشوف عندة كزا مكنه و تجرب تلفها على الفاضى و تسيب الدراع و تشوف هتكمل لف ولا ايه و تختار المكنه الناعمه الى تحس انها ناعمه فى اللم و الحركه و مش مهم الماركه لأن اغلبهم صينى الخيط و السنار هتحتاج زى ما قلت بكرتين واحدة 40 و واحدة 30 و رصاص بالاحجام السابق زكرها و دستين صنار مقاس 7 و 8 و 6 و علبه لحفظ السنون و شنطه لوضع العدة و جرس يركب على اللبلوب عشان يرن لما يتحرك اللبلوب عياشه بحبل عشان تحط فيها السمك الى اصتادته و وتد حديد عشان تركن عليه عود الحداف مش هتفضل ماسكه فى ايدك و طبعا الى هتشترى منه بقى تخليه يجمعلك العدة و يركبهالك و تخليه يوريك ازاى بترمل و كدا من الاخر هتكدر الراجل و تخليه يكرة اليوم الى دخلتله فيه ما انت بردو لازم تاخد مبادئ و تنميها بنفسك سواء من الطلعات الى هتطلعها او الخبرة من الاصدقاء الغماز: الطرقه دى بتعتمد على تركيب غماز (فله ) و بتنزل و تطلع لو فيه نقر من السمك هنا بقى هناك تغيير فى العدة اولا العود لازم يكون رقع يعنى طرى شويه عشان ميتعبش ايدك و انت شايله و المكنه صغيرة بردو مش هتحتاج مكنه كبيرة اوى و تحط عليها خيط 35 او 30 و ترمل ب خيط 25 و هتحتاج رصاص بلى صغير و رصاص قشرة عشان توزن بيه الفله و مجموعه فلل 2 من المقاس الصغير و 2 من المقاس الاكبر شويه و بردو هتجبها من اى محل لأدوات الصيد فى النهايه انا احب اوضح انى الى قولته دة مبادئ تمشى عليها لو عايز تجمع عدة لذلك لم اذكر انواع بعينها لأختلاف الانواع و الاسعار نصيحة : انت هتجيب عدة تتعلم عليها يعنى مش لازم مكن و بوص غالى و ماركات دلوقت انت تجيب حاجة بسيطع تتعلم عليها و لو جرالها حاجة متزعلش عليها على فكرة انا مش محترف اوى فى الصيد و يعتبر مبتدئ بردو بص قولت اعمل موضوع افيد بيه زمايلى الى عايزين يجمعو عدة يصتادو بيها و معندهمش فكرة و على فكرة انا تحت اى امر اى عضو عندو اى استفسار لو عندى ليه اجابه مش هبخل عليه و لو اى حد عايزنى معاه و هو بيجمع عدته انا من شبرا يعنى قريب جدا من المظلات انا تحت امرة ممكن انزل معاة و على فكرة الموضوع مفتوح يعنى ال عندة معلومه يحب يضفها انا هكون سعيد جدا عشان نستفاد كلنا و اعزرونى لو الموضوع مش منسق اوى لأنى بصراحه مبعرفش انسق المواضيع كويس بس انا نفسى ان اكبر عدد يستفاد من الموضوع دة و اى استفسار انا فى الخدمه سواء على الخاص او العام يلا الى قرأ الموضوع و استفاد منه بجد مينسانيش فى الدعاء ثم التقييم |
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
ارجو من الادارة تثبيت الموضوع لتعم الفائدة
|
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
يا عم الموضوع بقالة ساعة متثبت هههههههههههههههههههههههههههههههه
بس موضوع جاااااااااااااااامد تسلم ايديك |
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
اقتباس:
|
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
بجد موضوع ممتاز .. ومجهود أكثر من رائع
خالص تحياتي لك على طرحك المميز وأحلى تقييم ليك |
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
اقتباس:
|
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
رااااااااااااااااااااااااااائع واحلى تقييم يا كبير
ايوه كده يا رجاله |
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
اقتباس:
|
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
الله ينور ، تسلم
موضوع مهم جدا وممتاز ، جزاك الله خيرا |
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
موضوع فوق الممتاز . و احلى تقييم منى ليك انت و الموضوع
|
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
مشكوووووووووووور اخي علي الموضوع الرائع
|
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
موضوع جميل :)
|
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
السلام عليكم ورحمة الله وبركاته لكل القائمين على هذا المنتدى الجميل
|
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
اقتباس:
نورتنا وشرفتنا اخى الغالى |
رد: موضوع لأنعاش قسم صيد السمك فى المنتدى(تجميع العدة للمبتدئين) الجزء الاول الصيد النيلى
الله يبارك فيك
|
الساعة الآن 05:31 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir