|
طلعة اليوم ( كمين امن الدوله )
احم احم
السلام عليكم ندخل فى الموضوع دوغرى عشان انا جعان وعاوز اقوم اكل طبعا كل الصيادين الايام دى عاملين بيات شتوى بسبب ظروف البلد وقليل منهم اللى بيخرج للصيد وبصراحه عندهم حق لكن انا دماغ اهلى صعيدى ناشفه ومش باسمع الكلام خرجت للصيد الايام اللى فاتت دى خمس طلعات خفيفه مابين ساعه وساعتين يعنى ماتعتبرش طلعات كامله واخر مره حصل معايا الاتى كنت باصطاد فى مدينة النوباريه طريق مصر اسكندريه صحراوى وحوالى الساعه 6.30 صباحا كنت ماشى فى الشارع ولقيت يمامه واقفه على عامود نور قدامى والشارع فاااااااااااااضى خالص ومفيش حد لكن فى نهاية الشارع كده بعد حوالى 30 متر كان فيه تقاطع شارع شمال ويمين المهم عمرت ونشنت وضربت واليمامه اخدت الطلقه ووطارت شويه ووقعت فى التقاطع ده رحت عشان اجبها وطبعا انا لسه موصلتش للتقاطع ومش شايف لا الشارع اليمين ولا الشارع الشمال واول ماوصلت للتقاطع باضرب عينى يمين التقاطع وكانت الصدمه والمفجأه لقيت موجود على يمين التقاطع كمين مدجج بالسلاح وحجات كده شكلها مرعب اوبااااااااااااااااااااااااااا لقد وقعنا فى الفخ ههههههههههههههههههههه انا قلت يا اما هالبس اسود بسبب المنظار يا اما اقل الخساير هايطمعو فى البندقيه وياخدوها وتقريبا كده كان معاهم عناصر امن دوله لان كان معاهم اسلحه شكلها مخيف ولقيتهم كلهم بيبصو عليا وانا شايل البندقيه بالمنظار وماشى باتمختر فى نص الشارع رايح اجيب اليمامه واليمامه عماله تفرفر على الارض قريب منهم وحسيت الجو متكهرب و انهم خلاص هاينادو عليا دلوقت وشكلى هاتبهدل النهارده طبعا كل الكلام ده حصل فى حوالى خمس ثوانى قمت انا بادرت بالهجوم عليهم وعملت حركه متهوره وقلت لنفسى زى ماتيجى بقى كلامى باللون الازرق والظابط بالاحمر قمت منادى على ظابط من اللى معاهم وقلتلو لو سمحت ياافندم ممكن سؤال بتهكم ..تعالالى ياحبيبى تعالالى ولقيتو مكشر ومش طايق نفسه قلت ده يوم كحلى باين كده قمت ماشى ناحيتو وشايل اليمامه وهى بتفرفر فى ايدى الشمال وقلبى فى ايدى اليمين بادرتو بالكلام وقلتلو بسرعه ممكن حضرتك تظبطلى البندقيه البندقيه مش مظبوطه وبتضرب يمين ومش عارف اظبطها بطاقتك بس الاول كده اتفضل بص فى البطاقه واداها لعسكرى والعسكرى اخدها ومشى ناحية العربيه انت ايه اللى جابك هنا وانت من اسكندريه باصطاد يمام حضرتك هو فيه حد بيصطاد الفجر كده حضرتك ده بيبقى انسب وقت لصيد اليمام الصبح واخر النهار كل ده هو ماسك البندقيه هو وكام واحد من اللى معاه وعمالين يقلبو فيها شمال ويمين ويلعبو فى بكر المنظار وانا عمال اقول فى سرى هاتبوظو الظبطه الله يخرب بيوتكو هههههههههههههههههههه الظابط اللى جنبو سألنى البندقيه دى بكام خوفت اقوله على تمنها الحقيقى يطمعو فيها بــ 1500 ياباشا وفين اللى انت صايده اتفضل حضرتك الشنطه اهى واثناء ماهو بيبص فى الشنطه وطلع الرش وشاف اليمام العسكرى جه تانى ومعاه البطاقه وقال تمام ياباشا نضيف قالى يلا خد حاجتك وروح كنت عايز اقولو طيب حضرتك مش هاتظبطلى البندقيه بقى هههههههههههههههههههههههه لكن مسكت نفسى بالعافيه وقمت واخد البندقيه والشنطه وماشى ومحطتش منطق لانى لسه مش مصدق انهم سابونى بسهوله كده وعلى فكره كان ممكن جدا لو مكانوش شافو اليمامه وهى بتقع فى نص الشارع كان ممكن يضربو عليا نار فى المليان على طول بمجرد مايشوفونى شايل البندقيه لان ساعتها طبعا مكانوش هايلحقو يفكرو هى بندقيه رش ولا نارى لكن الحمد لله على كل حال واخدت بعضى وروحت طياره عالبيت طبعا هههههههههههههههههه تفاصيل الطلعات البندقيه جامو رويال وكان عليها منظار بوشنيل 3=9=40 تيكتكال http://www11.0zz0.com/2013/09/26/13/280826500.jpg ودى حربايه لقيتها وانا باصطاد وقعدت العب بيها شويه وفى الاخر اطلقت صراحها http://www11.0zz0.com/2013/09/26/13/683385234.jpg http://www11.0zz0.com/2013/09/26/13/270276188.jpg http://www11.0zz0.com/2013/09/26/13/460214790.jpg الطلعه الاولى 31 سمكه 3 كيلو وشويه http://www11.0zz0.com/2013/09/26/13/565628305.jpg http://www11.0zz0.com/2013/09/26/13/567757710.jpg http://www11.0zz0.com/2013/09/26/13/426800562.jpg الطلعه التانيه 32 سمكه 3 كيلو ونص http://www11.0zz0.com/2013/09/26/13/459165481.jpg http://www11.0zz0.com/2013/09/26/13/451426702.jpg http://www11.0zz0.com/2013/09/26/13/141647549.jpg الطلعه التالته لتجربة المنظار 3 حمامه 1 يمامه http://www11.0zz0.com/2013/09/26/13/441202890.jpg http://www11.0zz0.com/2013/09/26/13/200603610.jpg الطلعه الرابعه بتاعة الكمين 7 يمامه 2 حمامه http://www11.0zz0.com/2013/09/26/13/117087301.jpg http://www11.0zz0.com/2013/09/26/13/335440736.jpg http://www11.0zz0.com/2013/09/26/13/980464579.jpg الطلعه الخامسه 35 سمكه 4 كيلو وشويه 1 فرخة ميه http://www11.0zz0.com/2013/09/26/13/458860627.jpg http://www11.0zz0.com/2013/09/26/13/227005235.jpg http://www11.0zz0.com/2013/09/26/13/415223259.jpg ونصيحه منى لاصدقائى الصيادين بلاش الخروج للصيد الايام دى وانا عن نفسى مش هاقدر ابطل خروج برده هههههههههههههههههههههههههه والسلام عليكم ورحمة الله |
رد: طلعة اليوم ( كمين امن الدوله )
هههههههههه كان بعد ده المفروض تسبلهم اليمام والحمام بالهنا والشفاء
|
رد: طلعة اليوم ( كمين امن الدوله )
الحمد لله انها جت علي اد كدة
وبالهنا والشفا يا قبطان |
رد: طلعة اليوم ( كمين امن الدوله )
بالهنا والشفا يا قبطان
وكويس انها جت علي اد كده والراجل ملطعشي رخم |
رد: طلعة اليوم ( كمين امن الدوله )
اقتباس:
هو انا كنت اقدر ارفض اصلا ههههههههههههههه |
رد: طلعة اليوم ( كمين امن الدوله )
اقتباس:
وانا عن نفسى لسه مستغرب ان الموضوع عدى بسهوله كده |
رد: طلعة اليوم ( كمين امن الدوله )
اقتباس:
هو بينى وبينك كان شكلو رخم ومش بشوش بس هما تقريبا كانو مركزين فى حاجه تانيه خالص خارجين عشانها غير البندقيه الرش |
رد: طلعة اليوم ( كمين امن الدوله )
ربنا ستر هههههه بس انالو منك وهو قالي تعالالي يحبيبي كنت اتبليت ههههههههه
|
رد: طلعة اليوم ( كمين امن الدوله )
اقتباس:
بس عملت نفسى مش واخد بالى هههههههههههههههههههههههههه |
رد: طلعة اليوم ( كمين امن الدوله )
ربنا سترها معاك يا قبطان...عارف لو فيه حد علية حكم وتشابة اسماء معاك كنت اتوكلت على اللة ..هما كشفوا على البطاقة كمبيوتر ودة اكيد امن دولة ......اللى عايز يصتاد يا اخواننا بلاش يمشى فى الشوارع ودة موش هزار ...ولا تلقوا بانفسكم فى التهلكة......تخيل ان اليمامة دى ما وقعتش قدامهم وشافوا وربطوا بينها وبين البندقية؟...تخيل انت داخل عليهم كدا ببندقية وسكوب ....ربنا سترها معاك والله.....احمد ربنا يا قبطان
|
رد: طلعة اليوم ( كمين امن الدوله )
حمد الله على سلامتك ياقبطان.
على فكرة مش شرط يكونوا أمن دولة فى الغالب دول من مباحث تنفيذ الاحكام وهما شغالين شغل جامد جدا اليومين دول. المهم شكلك كده هتعمل شغل بالاميرة اكثر من كيداهم ياباشا. تحياتى. |
رد: طلعة اليوم ( كمين امن الدوله )
امن دولة :) بص يا عم هاني انت تبوس ايدك شعر ودقن علي رأي اللمبي وتحمد ربنا انة وقعك مع ناس بتتفاهم مش بترمي في البوكس علي طول :) بس انت مالقتش حجة غير ظبطلي النشان يا باشا :) هههههههههه ربنا ستر الحمد لله
|
رد: طلعة اليوم ( كمين امن الدوله )
وكان فضل الله عليك عظيم
وبعدين يا قبطان . سيماهم على وجوههم وانتا ابن ناس جداً الف هنا وشفا يا كبير ومليون تحيه لسمو الاميره :) |
رد: طلعة اليوم ( كمين امن الدوله )
اقتباس:
وبجد بجد المفروض فعلا محدش يخرج للصيد اطلاقا الايام دى الا بقى لو هاتروح تصطاد فى منطقة ريفيه قريبه منك لكن انا عن نفسى مش هاقدر ده ادماااااااااااااااااااااااان |
رد: طلعة اليوم ( كمين امن الدوله )
حمدالله على السلامة . ربنا سترها معاك
بالهنا والشفا وربنا يباركلك فى سمو الاميرة :) |
رد: طلعة اليوم ( كمين امن الدوله )
اقتباس:
لان كان فيهم ناس شايله اسلحه اول مره اشوفها مع الشرطه ده زائد الاجسام الرياضيه واللياقه العاليه اللى كانت باينه عليهم وبعدين هو انا كل ماحاول انسى كايداهم تيجى حضرتك وتفكرنى تانى بيها وتنكد عليا هههههههههههههههههههههه |
رد: طلعة اليوم ( كمين امن الدوله )
اقتباس:
وبعدين الحته بتاعة ظبطلى البندقيه دى هى اللى جت على لسانى ساعتها ملحقتش افكر فى حاجه تانيه ههههههههههههههههههههههههه وبعدين شكلها جابت نتيجه اهو |
رد: طلعة اليوم ( كمين امن الدوله )
اقتباس:
ربنا يخليك لينا يارب صباحك زى السكر |
رد: طلعة اليوم ( كمين امن الدوله )
اقتباس:
ونتمنى الستر دايما من ربنا تحياتى لحضرتك |
رد: طلعة اليوم ( كمين امن الدوله )
تصدق لسه بادئ ابطل ضحك
طبعا الطلعه جباره كالعاده و الموقف مالوش حل كالعاده بردو انا هرفع الموضوع عالبيدج عشان اسيحلك ههههههههههههههههه حبيبي يا هاني |
رد: طلعة اليوم ( كمين امن الدوله )
و الله انا مش عارف اقولك ايه يا قبطان . هو انت موعود يا ابنى . هاهاهاهااهاهاها
ربنا يحميك و يكفيك شر امن الدوله |
رد: طلعة اليوم ( كمين امن الدوله )
اقتباس:
اضحك يامحمد بيه اضحك محدش واخد منها حاجه ربنا يديمها علينا نعمه اللهم امين |
رد: طلعة اليوم ( كمين امن الدوله )
اقتباس:
وربنا يديمها علينا نعمه المواقف دى بس اهم حاجه ماتكونش مؤذيه |
رد: طلعة اليوم ( كمين امن الدوله )
حمداً لله على السلامه ياجميل ،، والحمد لله ربنا سترها ربنا يحميك ويكفيك شرهم
|
رد: طلعة اليوم ( كمين امن الدوله )
اقتباس:
وربنا يكفينا كل شر سواء داخليه او غيره احسن دول قرصتهم والقبر |
رد: طلعة اليوم ( كمين امن الدوله )
هههههههه انت المفروض كنت قلت ليه فين الكارنيه اول ما يقولك فين البطاقة وآول ما يكشر قله فين البوكس ولا القسم قريب
|
رد: طلعة اليوم ( كمين امن الدوله )
ههههههههههههههههههه حمد الله على السلامه بجد اسلوبك فى الكلام حسسنى بسسبنس الموضوع وكنت بتخيل اللى حصل وكان قلبى بيدق هههههههههههههههه المهم حمد الله على السلامة وكفارة وبالهناء والشفاء واحلى صباح على اجدع رجاله رجالة اسكندرية
|
رد: طلعة اليوم ( كمين امن الدوله )
اقتباس:
ماهو ده اللى كان ناقص بقى ساعتها كنتو هاتنسو حاجه اسمها القبطان يظهر عالشاشه تانى |
رد: طلعة اليوم ( كمين امن الدوله )
اقتباس:
وسلامة قلبك من الدقات العاليه ياكبير ههههههههههههههههههههههه مسائك زى العسل بقى |
رد: طلعة اليوم ( كمين امن الدوله )
الحمد لله على سلامتك يا قبطان ، نحن السابقون وأنتم اللاحقون
ومش شرط يكون أمن الدولة هما اللي شايلين أسلحة متطورة ، لأن غالبا اللجان دلوقتي بتكون خليط من جميع الأجهزة بما فيهم مخابرات حربية وتنفيذ أحكام ، ومباحث .. سيبك انت .. أخوك خبرة .. وبالهنا والشفا |
رد: طلعة اليوم ( كمين امن الدوله )
اقتباس:
تصدق والله كنت لسه هاتصل بيك بكره عشان اطمن عليك لانك بقالك كام يوم مختفى يارب تكون بخير |
رد: طلعة اليوم ( كمين امن الدوله )
ربنا يسترها معاك اليومين دول ليهم حق يقلقوا
|
رد: طلعة اليوم ( كمين امن الدوله )
اقتباس:
مشكور لمرورك الكريم |
رد: طلعة اليوم ( كمين امن الدوله )
غيرت الاسم ليه يا هاني ؟
|
رد: طلعة اليوم ( كمين امن الدوله )
اقتباس:
والتغيير حلو ومطلوب برده وخصوصا لو عليك تار ههههههههههههههههههههه |
رد: طلعة اليوم ( كمين امن الدوله )
نفسى اكون صياد كبير زيك
ربنا يبركلك ويزيدك |
رد: طلعة اليوم ( كمين امن الدوله )
تار مين ؟
قوللي بس حد يقدر يبصلك و احنا موجودين ؟ |
رد: طلعة اليوم ( كمين امن الدوله )
اقتباس:
بس انا مش كبير ولا حاجه انا على قدى وباتعلم من كل الناس اللى هنا كل يوم حاجه جديده واهمها الاخلاق |
رد: طلعة اليوم ( كمين امن الدوله )
اقتباس:
حبيبى يامحمد ياساندنى ومقوينى |
رد: طلعة اليوم ( كمين امن الدوله )
تواضعك لوحده كفايه يا كبييير ما شاء الله عليك
|
رد: طلعة اليوم ( كمين امن الدوله )
بالعافيه والهنا اخويا
ماكان ما يسرى يعفى ويشفى اخويا العقرب الاحمر |
رد: طلعة اليوم ( كمين امن الدوله )
اقتباس:
|
رد: طلعة اليوم ( كمين امن الدوله )
اقتباس:
تحياتى للشعب السورى الحبيب |
| الساعة الآن 04:01 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir