احترسوا من نصابين فيزا أمريكا
الموضوع انى لقيت اعلانات على النت انه فيه هناك شخصين يمكنهم المساعدة فى تخليص بعض الاوراق لتسهيل الحصول على تأشيرة أمريكا .. المهم اتصلت بالشخصين وتم مقابلتهم فى القاهرة والمهم قمت بدفع مبلغ 5000 جنيه وفى الآخر الاوراق طلعت كلها مزورة وليس لها اى اصل او اساس... المهم اتصلت بيهم وفى الآخر اكتشفت انهم نصابين اسمهم أحمد كامل وأخوه محمد كامل. ودلوقتى انا بحاول انى اتقابل معاهم وآخد فلوسى لكن للأسف انا مش من القاهرة وصعب انى اقفشهم فى الشارع طبعاً. لكنى عملتلهم محضر فى قسم الشرطة وبعدين ان شاء الله ححاول اعملهم كمين ان شاء الله قريباً.. فأحذروا من هؤلاء النصابين..
|
رد: احترسوا من نصابين فيزا أمريكا
السلام عليكم ورحمة الله وبركاتة
الله يعوض عليك ويخلف عليك خير وان شاء الله تجيب حقك من النصابين بس ازاى عرفت ان اسمهم الحقيقى كدة مش ممكن يكون مش اسمهم وهما منين من القاهرة |
رد: احترسوا من نصابين فيزا أمريكا
اقتباس:
لكن نصيحة للجميع فى هذا الموضوع مافيش تأشيرة بتتاخد لأمريكا او اوروبا من غير مقابلة شخصية فى السفارة. وعلى فكرة فى ناس سفرت بتأشيرات مضروبة ورجعت على اول طيارة من مطارات امريكا فتخيل بقى المصاريف اللى أتصرفت. والحاجة الثانية اللى فيه شباب كثير مايعرفهاش ان التأشيرة حتى التأشيرة السليمة بتكون فقط للوصول لمطار البلد اللى أنت رايحها مش تأشيرة دخول للبلد. اللى من حقه يختملك دخول البلد هو ضابط الجوازات اللى فى مطار هذا البلد. وصدقونى انا مرة شفت 3 طلاب فى مطار هيثروا فى لندن معاهم تاشيرات سليمة وكل حاجة وضابط الجوازات هناك رجعهم على اول طيارة راحية مصر فى نفس اليوم لأن ردهم على أسألته ماكنتش منطقية من وجهة نظره. فأرجو من الجميع توخى الحذر فى هذه الامور. |
رد: احترسوا من نصابين فيزا أمريكا
يا باشا رجاء وضع ارقام تليفوناتهم علشان التحذير يبقي كامل
و ربنا يعوض عليك |
رد: احترسوا من نصابين فيزا أمريكا
لو حضرتك إديتهم أي معلومات عن حساباتك البنكيه أو أرقام كروت الكريدت بتاعتك بلغ البنك فورآ
|
رد: احترسوا من نصابين فيزا أمريكا
اقتباس:
اقتباس:
|
رد: احترسوا من نصابين فيزا أمريكا
الحمد لله تم عمل الكمين لهؤلاء النصابين وتم القبض عليهم فى قسم قصر النيل بالقاهرة وتم احالتهم للنيابة وقامت النيابة بحبسهم 4 ايام على زمة التحقيق وانا لسة جاى امبارح من القاهرة بعد ايام عصيبة من التحقيقات بس الحمد لله اخذت حقى وفلوسى رجعت طبعاً بعد أول ليلة باتوا فيها فى قسم قصر النيل . بس بصراحة من أول ما دخلت القسم وقابلت معاون المباحث الرائد محمد عمير اللى فى قمة الاحترام والادب والزوق والاخلاق. لغاية وكيل النيابة اللى برضه فى قمة الاحترام والادب. ودة كله بتوفيق من عند ربنا طبعاً. |
رد: احترسوا من نصابين فيزا أمريكا
اقتباس:
|
رد: احترسوا من نصابين فيزا أمريكا
الحمد لله بس هما اتجابوا عن طريقى انا ووواحد صديقى بنحاول نعملهم الكمين دة بقالنا شهرين والحمد لله شربوا المقلب وتم مقابلتهم تحت كوبرى عبد المنعم رياض وكان كمين المباحث موجود بالفعل تحت الكوبرى.
|
رد: احترسوا من نصابين فيزا أمريكا
الحمد لله ان الحق رجع لصحابه
|
رد: احترسوا من نصابين فيزا أمريكا
الحمدلله و مره تانيه الاحسن اني الواحد يعمل كل حاجه حكومي
|
الساعة الآن 07:51 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir