سؤال مهم لرجالة المنتدي
هو المنتدي دة لة كام ادمن و كام مسئول من حقة حذف مشاركات و هل من حقة مهما كانت سلطتة في المنتدي مسح اي مشاركة او تعليق ؟! وشكرا
|
رد: سؤال مهم لرجالة المنتدي
معلش متزعلش يا استاذ حاوى بس انا اسرعت وقلت قبل الموضوع يكبر وبردوا انا حذفت جزء من مشاركته اللي رد فيها عليك بنرفزة ولو حبيت ارجعهالك تانى ومتزعلش مرة تانية انا قصدى خير
|
رد: سؤال مهم لرجالة المنتدي
احنا بندخل على المنتدى عشان نفيد ونستفيد من بعض مش عشان نزعل من بعض وكفاية اللي احنا بنشوفه بره طول اليوم وخلى بالك طويل حبتين
|
رد: سؤال مهم لرجالة المنتدي
ايه الحوار يا ابو مسلم
|
رد: سؤال مهم لرجالة المنتدي
الحوار ان فيه عضو عارض مسدس زوراكى بكشاف للفرجة بس وكاتب ليس للبيع او الايجار فالاستاذ الحاوى معجبوش الكلام ورد عليه ان فيش حد في المنتدى بياجر مسدسات وقال له ايضا محدش طلب منك يشترى قام صاحب الموضوع رد عليه وانت محدش طلب منك ترد
وانا عشان مشرف جديد ومعنديش خبرة في الاشراف حذفت المشاركتين عشان الكلام ميطورش اكتر من كده حفاظا على المنتدى وسمعته ورضو كرامتنا ومحدش يزعل من حد بسبب سوء تفاهم بسيط |
رد: سؤال مهم لرجالة المنتدي
انت ايه رايك
|
رد: سؤال مهم لرجالة المنتدي
المشرف العام يفعل ما يراه لمصلحة المنتدى يا ابو مسلم
|
رد: سؤال مهم لرجالة المنتدي
السلام عليكم و رحمة اللة و بركاتة استاذ هشام الهواية دي هواية الرجالة و كلام الرجالة يبقي بميزان يعني قبل ما يتكلم يعرف الكلام رايح فين وانا مغلطش لما دافعت عن اخواتي و زمايلي في الهواية ﻻن انا شفت في الموضوع ان العضو بيقل برجالة المنتدي دا رايي ﻻني حد افهم في اﻻصول و بميز الكلام و اظن معظم رجالة المنتدي كدة ايجار اية !! اذا كان اصغر واحد في المنتدي معاه ﻻيقل عن مسدسين مع احترامي للكبير و الصغير انت بقي مش شايف ان دي فيها شئ من اﻻهانة ؟! طب لو شايف ان دي فيها شئ مهين ازاي تحزفوا مشاركتي لو مش شايف فيها شئ مهين دي تبقي نقطة تاني و مش هتكلم فيها لو مشوفتش المشاركة اصلا و بتقول من حق المشرف العام يفعل ما هو في صالح المنتدي من غير ما تطلع اصﻻ علي مشاركتي دي تبقي حاجة تالتة و حاجة تدعو للتفكر !! انا ﻻقلت لفظ و ﻻ غلطت في حد انا بس اتضايقت ليا و ﻻخواتي في المنتدي ﻻن دا مش كلام و لو في قعدة رجالة الراجل اللي كاتب الكلام دة هيتحق كلام الرجالة بميزاااااان و دي هواية الرجالة استاذ ابو مسلم شكرا جدا لزوق حضرتك و كونك انك تحذف مشاركة عشان تمنع الانفعال او المشاجرة دا دليل علي نواياك الحسنة الف شكر
|
رد: سؤال مهم لرجالة المنتدي
بخصوص الراجل صاحب الموضوع اللي كان عارض المسدس الزوراكي اللي عرفتة من اﻻستاذ ابو مسلم انة بيقول (ومحدش طلب رأيك) طب لو بتقرأ الكلام دة دلوقتي ازاي و انت كاتب رجاء الكل يشارك و بما اني عضو كتبت مشاركتي او رأيي دا اية التناقض دة ؟! اسف للاطالة
|
رد: سؤال مهم لرجالة المنتدي
برجاء من ابو مسلم
اللين وعدم الشده في اخذ القرارات |
رد: سؤال مهم لرجالة المنتدي
حصل خير يا استاذ الحاوي خلاص صلي علي النبي :)
|
رد: سؤال مهم لرجالة المنتدي
انا تحت امركم يا احسن رجالة في مصر
|
رد: سؤال مهم لرجالة المنتدي
ومعلش يا رجالة اغلب المشاكل في المشاركات والمشدات الكلامية بتيجي من اننا بنتكلم بالكتابة مش مباشر وجه لوجه
فده بيعمل دايما لبس وسوء فهم لان الكلام المباشر بيكون مختلف كليا بيكون فيه تعابير كتير مش موجودة في الكتابة زي تعابير الوجه ونبرة الصوت والنظرة للاخر وملابسات الموضوع والمواقف السابقة بين الطرفين وحجات تانية كتير فمعلش نصبر على بعض شوية ونقدم حسن الظن لا سوؤه في الاول والاخر احنا اخوة بس لسنا اخوات عشات اخوات دى بتاعت الاناث هههههههههههههههههههه وصباح الفل سلام بقى عشان انا نازل |
رد: سؤال مهم لرجالة المنتدي
اخواتي و اساتذتي انا معنديش اي مشكلة و حصل خير و كفاية اننا مع بعض في المنتدي المحترم دة و سبب المشكلة اني مينفعش احس بأستهانة بأخواتي و اسكت حصل خير نهاركو عسل
|
رد: سؤال مهم لرجالة المنتدي
انتا محترم يا استاذ حاوى وعلى فكره عندك حق فى كل كلمه قلتها
|
رد: سؤال مهم لرجالة المنتدي
شكرا يا استاذ هشام و المحترمين بيتلموا علي بعض احنا كأعضاء في المنتدي المحترم دة تقريبا كلنا شبة بعض و اللي مش شبهنا مش بيبقي لة مكان وسطنا و ياما حضراتكم استبعدتوا اعضاء ربنا يديم المحبة بينا
|
رد: سؤال مهم لرجالة المنتدي
اقتباس:
ونحسبك على خير ولا نزكيك على الله |
رد: سؤال مهم لرجالة المنتدي
اية في كلامي دل علي اني من الشرقية يا استاذ عاطف ؟! احب اعرف من باب العلم بالشئ يعني قدرت تعرف ازاي ؟؟ و عموما انا شبراوي مش شرقاوي و احلي تحية ﻻهل الشرقية الجدعان و يا استاذ عاطف انت لو مش شايف ان الموضوع فية شئ من اﻻستهانة باﻻعضاء و اللة دي حاجة ترجعلك و حصل خير و كلنا اخوة
|
رد: سؤال مهم لرجالة المنتدي
اقتباس:
اما بالنسبة لموضوع الاستهانة بالاعضاء عايز اقولك واضح ان فيه سؤ فهم حصل لان صاحب الموضوع واااااااااااااضح جدا جدا انه بيهرج والحقيقة انا مندهش انك ما وصلكش المعنى واذا كنت ممن يقبلون النصيحة .. بلاش الردود الجافة لان زى ما حضرتك قلت كلنا اخوة واحلى تحية لشبرا وشبابها |
رد: سؤال مهم لرجالة المنتدي
موش صحيح ان الشراقوة بيحطوا مش فى الاول_هههههههههههههههههه_شرقاوى وافتخر
|
رد: سؤال مهم لرجالة المنتدي
ابو مروان كلام الاستاذ عاطف صح 100 100 بس مش كل الشراقوة مراكز مراكز زي ديرب وكفر صقر وفاقوس ولهم كلمات مشهورة زى مش الي دعوة زى مليش دعوة عندنا كده وكمان جملة الفرخة مش الها وراك انا عاملتهم في الكلية وكان فيهم اجدع ناس وعلى فكرة انا اصلى من الشرقية جدي لامي واخوالي من منيا القمح من قبيلة عربية من الجزيرة العربية انت بس اللى مش داهس الشرقية كويس
|
رد: سؤال مهم لرجالة المنتدي
اقتباس:
|
الساعة الآن 01:30 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir