الصيد فى مصر

الصيد فى مصر (http://www.egyhunt.net/index.php)
-   الصيد البري وادواته (http://www.egyhunt.net/forumdisplay.php?f=58)
-   -   الامريكان استيك (http://www.egyhunt.net/showthread.php?t=46990)

DARK KNIGHT 14-08-14 09:41 PM
الامريكان استيك
 
هل يعتبر الامريكان استيك سلاح ابيض ؟
http://mubawba.com/screens/133829954...11223ed6e9.jpg

احمد حسن ادريس 14-08-21 12:55 AM
رد: الامريكان استيك
 
مش عارف بس يعتبر من الروادع ولو اتمسك فى كامين الظابط اقل واجب هياخدة وممكن يرخم وصاحب العصاية كمان بس ان شاء

الله لو هتشيلة للحماية فتوكل على الله وربنا يستر

مورو 14-08-22 12:01 AM
رد: الامريكان استيك
 
قانونا مش ممنوع بس في الكماين بيبقى ممنوع

Mr_mody 14-09-05 02:20 AM
رد: الامريكان استيك
 
يعني ازاي قانونيا مش ممنوع و في الكماين ممنوع؟ الكمين بيفتش عن اي شيء من المخدرات او سلاح قاتل ذو مقذوف او ذو اطراف حاده و هي الأسلحة البيضاء علشان يطبق القانون! ازاي بقي القانون نفسة بيقول انه مش ممنوع و يجي حد يمنعة؟! حيبقي فعلا مستفز جدا ان ظابط يعمل محضر او غيرة لشخص حامل لأمريكان ستيك! حاجة تحزن والله!

hema777h 14-09-05 10:44 AM
رد: الامريكان استيك
 
تعتبر الامريكان استيك سلاح ابيض

_SAIKO_ 14-09-05 04:59 PM
رد: الامريكان استيك
 
الامريكان غير مدرج ف القانون و اي عصاية خشب او حديد تقوم مقام الاستيك يعني من الاخر لا سلاح ابيض ولا اخضر كل ما في الامر ان الكمين هيرخم عليك و ياخد منك الاستيك ولو قاوحت هيقاوح معاك اكتر الا من رحم ربي و شاف انك محترم و عارف انك شايلها للدفاع و ده نسبة قليلة ف الظباط اللي بيتعاملوا كدة

_SAIKO_ 14-09-05 05:03 PM
رد: الامريكان استيك
 
اقتباس:
قانونا مش ممنوع بس في الكماين بيبقى ممنوع
مستر مودي هوضحلك وجهة نظر مورو .. هو كلامة صح لان دة الواقع .. مثال واقعي البلية نمرة 2 .. اصلا غير مدرجة ف القانون و المسدس الصوت غير مدرج ان ناري ف القانون بالتالي اي حد يحملة لكن كون انك تخلية يطلق بلية نمرة 2 اللي هي اقل منا لمواصفات المدرجة ف القانون يبقي انت كدة عدلت سلاح لا يجرمة الي سلاح يجرمة القانون عالرغم ان المسدس الصوت غير مدرج ك سلاح ناري و بالتالي هتتحاسب علي انه سلاح ناري بدون ترخيص

اتمني اني اكون وضحتلك وجهة النظر

Mr_mody 14-09-08 11:31 PM
رد: الامريكان استيك
 
اقتباس:
المشاركة الأصلية كتبت بواسطة _saiko_ (المشاركة 567016)
مستر مودي هوضحلك وجهة نظر مورو .. هو كلامة صح لان دة الواقع .. مثال واقعي البلية نمرة 2 .. اصلا غير مدرجة ف القانون و المسدس الصوت غير مدرج ان ناري ف القانون بالتالي اي حد يحملة لكن كون انك تخلية يطلق بلية نمرة 2 اللي هي اقل منا لمواصفات المدرجة ف القانون يبقي انت كدة عدلت سلاح لا يجرمة الي سلاح يجرمة القانون عالرغم ان المسدس الصوت غير مدرج ك سلاح ناري و بالتالي هتتحاسب علي انه سلاح ناري بدون ترخيص

اتمني اني اكون وضحتلك وجهة النظر
ايوه يا سايكو هو اتجرم لسبب انه ممكن يوئدي الي القتل المباشر! ماشي الأمريكان لو ضربت بيها حد علي دماغة ممكن يحصل لة نزيف و يموت لكن يبقي الي واقف في الكمين الي هو بيطبق القانون يرخم علشان امريكان ستيك ولا شومة يبقي ده استفزاز و ابتزاز لحق المواطن! القانون بيعطي للمواطن حق و زي ما لة حق عليه ان يتبع ! و هو تبع و مش شايل مسدس ده شايل استيك يبقي من المفترض ان محدش يتكلم في الموضوع ده من الأساس ولا حد يقول لة ايه الي انت شايلة ده!

_SAIKO_ 14-09-09 05:48 AM
رد: الامريكان استيك
 
اقتباس:
ايوه يا سايكو هو اتجرم لسبب انه ممكن يوئدي الي القتل المباشر! ماشي الأمريكان لو ضربت بيها حد علي دماغة ممكن يحصل لة نزيف و يموت لكن يبقي الي واقف في الكمين الي هو بيطبق القانون يرخم علشان امريكان ستيك ولا شومة يبقي ده استفزاز و ابتزاز لحق المواطن! القانون بيعطي للمواطن حق و زي ما لة حق عليه ان يتبع ! و هو تبع و مش شايل مسدس ده شايل استيك يبقي من المفترض ان محدش يتكلم في الموضوع ده من الأساس ولا حد يقول لة ايه الي انت شايلة ده!
بالظبط كلامك صح مستر مودي لكن انت عندك ظباط الشرطة اغلبهم رخمين اضربلك مثال واقعي حصل معايا و بعيدا جد عن اي حاجة تخص السلاح .. انا ف مرة كنت راجع علي طريق مصر اسماعيلية و وقفت ف كمين الكارتة .. الظابط بيقول السواق الازاز ده عسلي و السواق يقولة والله مش عسلي يا باشا يقولة لا عسلي انت هتشوف احسن مني و السواق يقولة والله ما عسلي يا باشا ازاز عادي والله لحد لما واحد جنب الظابط قالة ياباشا نضارتك الشمس مبينه الازاز عسلي لكن هو مش عسلي ده ازاز عادي راح الظابط سكت شوبة و قال للسواق لو شوفتك بالازاز تاني هسحبلك الرخص و احجزك لحد اما اشوفلك صرفة ... ف تخيل بقي لو الظابط دة وقف واحد و كان معاه استيك تخيل كان هيحصل ايه

doos99 14-09-10 12:18 PM
رد: الامريكان استيك
 
الاستاذه الافاضل بعد التحيه
للاسف يا جماعه المريكان استيك مجرمه قانونا و الدليل علي ذلك نص الماده المرفقه من قانون الاسلحه و الذخائر المظلله بالون الاسود
اما في حاله ان ضابط الشرطه لقي ادامه شخص محترم شايلها استحاله هيغلس عليه لانه شايلها يحمى بيها نفسه مش علشان يبلطج بيها
تحياتى
http://im72.gulfup.com/MTbxrY.jpg

_SAIKO_ 14-09-10 04:29 PM
رد: الامريكان استيك
 
اقتباس:
الاستاذه الافاضل بعد التحيه
للاسف يا جماعه المريكان استيك مجرمه قانونا و الدليل علي ذلك نص الماده المرفقه من قانون الاسلحه و الذخائر المظلله بالون الاسود
اما في حاله ان ضابط الشرطه لقي ادامه شخص محترم شايلها استحاله هيغلس عليه لانه شايلها يحمى بيها نفسه مش علشان يبلطج بيها
تحياتى
+++++1 - مشكور استاذنا عالاضافة لكن دة انا اعتبرة عيب ف القانون

ذكر كلمة " اي اداه اخري "
عشان مايتعبش نفسة و عشان لو حب يلبس حد تهمة ف مايتعبش ف دليل الادانة ف حط كلمة " اي اداة اخري " عشان تكون شاملة .. يعني لو حد اعتدي علي مواطن ب رجل كرسي خشب هيبقي ساعتها سلاح مجرم ... و قياساً علي ذلك ف الطوب الاحمر مجرم و البلاط مجرم و الخشب مجرم و الكراسي البلاستيك مجرم الخ الخ الخ

مورو 14-09-21 02:34 AM
رد: الامريكان استيك
 
اقتباس:
المشاركة الأصلية كتبت بواسطة doos99 (المشاركة 567327)
الاستاذه الافاضل بعد التحيه
للاسف يا جماعه المريكان استيك مجرمه قانونا و الدليل علي ذلك نص الماده المرفقه من قانون الاسلحه و الذخائر المظلله بالون الاسود
اما في حاله ان ضابط الشرطه لقي ادامه شخص محترم شايلها استحاله هيغلس عليه لانه شايلها يحمى بيها نفسه مش علشان يبلطج بيها
تحياتى
http://im72.gulfup.com/mtbxry.jpg
منور الدنيا كلها ياكبير وهمافعلا سايبنها عايمه

مورو 14-09-21 02:35 AM
رد: الامريكان استيك
 
اقتباس:
المشاركة الأصلية كتبت بواسطة mr_mody (المشاركة 566980)
يعني ازاي قانونيا مش ممنوع و في الكماين ممنوع؟ الكمين بيفتش عن اي شيء من المخدرات او سلاح قاتل ذو مقذوف او ذو اطراف حاده و هي الأسلحة البيضاء علشان يطبق القانون! ازاي بقي القانون نفسة بيقول انه مش ممنوع و يجي حد يمنعة؟! حيبقي فعلا مستفز جدا ان ظابط يعمل محضر او غيرة لشخص حامل لأمريكان ستيك! حاجة تحزن والله!
يعني ياباشا لو معاك شومه وحد حب يرخم عليك ممكن يعملك محضر فرض سيطره وترويع مواطنين امنين وسرقه بالاكراه

وحدثت بالفعل
انت في مصر ياعم الحاج
بلد اللي مالهوش ضهر افاه بيورم

مورو 14-09-21 02:40 AM
رد: الامريكان استيك
 
انا عن نفسي بمشي بيها كتير بس ماصادفنيش اني وقفت في كماين
وكنت بشتغل بحصل دفعات نقديه من تجار للشركه اللي كنت بشتغل فيها وكان معايا جا كال وفيرات وكنت كتير بمشي بحاجه منهم وواحده فيهم كانت بلي
ودا ممنوع بس كنت بمشي بفلوس كتير احيانا 200.000 وشيكات وليله كبيره وكنت هتثبت قبل كده بس الحمد لله ربنا ستر وكنت مجبر اني امشي بسلاح ولو الفلوس اتاخدت الشرطه مش هترجعها ولا صاحب الشركه هيقولي فداك وكنت هلبس
وبيتي في العبور وكنت برجع متأخر
بس الكلام دا من فتره
دلوقتي في البيت خلوني ابيع المسدسات وحتى البنادق الرش

emad medo 16-02-15 09:24 PM
رد: الامريكان استيك
 
طب ممكن تقولولى هيا بتتباع فين

mr vigo 16-03-07 01:51 AM
رد: الامريكان استيك
 
محلات الاسلحه
مدربي الفنون القتاليه
بعض التجار على النت


الساعة الآن 09:55 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir