حل بندقيتك بطريقة أمنة.
 

الاخوة الاعزاء انا شفت اكثر من طريقة لحل البنادق لكن بصراحة كانت طرق خطر جدا بالنسبة لى وذلك لعدم استعمال منجلة لحل السوسته.
النهارده وانا بأفك التل بتاعتى قمت بتصوير خطوة خطوة حتى يستفيد الجميع عن كيفية حل البندقية وبطريقة أمان.
طبعا أول خطوة هى حل الدبشك من قميص البندقية وده عن طريق حل 3 مسامير (2 امامى و1 خلفى عند الزناد).
أول 3 صور لأماكن مسامير الدبشك وعليهم أسهم باللون الاحمر.

http://i67.tinypic.com/axl7ih.jpg

http://i63.tinypic.com/r8fayd.jpg

http://i63.tinypic.com/2iksca0.jpg

ودى صورة الدبشك وهوه محلول من البندقية.

http://i66.tinypic.com/ajqr01.jpg

بعد كده هنحل ماسورة البندقية وفى التل ليها مسمارين (المسمار الصغير بيتفك الاول لأن مستحيل حل المسمار الكبير لو المسمار الصغير فى مكانه ودى شغلة المسمار الصغير تثبيت المسمار الكبير). دى صور المسمارين قبل وبعد الحل برضه عليهم سهم وعلامه باللون الاحمر.

http://i67.tinypic.com/n19py1.jpg

http://i68.tinypic.com/2604mbs.jpg

ودى صورة الماسورة منفصله عن البندقية.

http://i63.tinypic.com/168a7ma.jpg

طبعا لغاية كده دى الخطوات السهلة. نيجى بقى للخطوات اللى فيها خطورة ولازم تتعامل معاها بحرص شديد.
وضع قميص البندقية فى مكانه فى منجلة السوسته بطريقة صحيحة.

http://i64.tinypic.com/5zpf88.jpg

يتم الضغط على القميص من الخلف حاجة بسيطة جدا تقريبا ربع لفة من يد المنجلة وده بيضغط السوسته ويشيل الضغط الموجود على الزنبه الحديد اللى مأمنة مكان تثبيت السوستة فى نهاية القميص. المفروض الزنبه دى (عليها سهم باللون الاحمر) بعد الضغطه البسيطه عليها بتخرج من مكانهابسهولة.

http://i66.tinypic.com/a0x6dz.jpg

http://i68.tinypic.com/ix9qvr.jpg

http://i67.tinypic.com/2jb3684.jpg

بعد خروج الزنبه من مكانها هنبتدى نفك الاجزاء الخلفية وذلك بلف يد المنجلة للحل ببطأ وحرص ودى صور لمرحلة الحل على مسافات مختلفة (شوف العلامه باللون الاحمر).

http://i63.tinypic.com/eba6q9.jpg

http://i65.tinypic.com/2vwgpkz.jpg

http://i63.tinypic.com/1raohc.jpg

أخر حاجة خروج الدليل والسوستة والبستم (طبعا انا عامل تعديل فى بندقيتى مركب دليل وسوستة واحدة فقط بدل نظام التل الاصلى اللى بيبقى بسوستتين جوه بعض).

http://i63.tinypic.com/2m276li.jpg

http://i67.tinypic.com/35hllyv.jpg

http://i68.tinypic.com/67unpe.jpg

http://i63.tinypic.com/25kmnn9.jpg

نصيحة أخيرة دائما وانت بتفك البندقية خللى جنبك علبة بلاستيك صغيرة لوضع المسامير والزنبه....ألخ علشان مافيش حاجة تضيع منك وتحتاس بعد كده....
طريقة التركيب عكس مراحل الحل بالضبط.

أرجو ان يكون الموضوع عاجبكوا وأهم حاجة فى الموضوع عامل الامان أثناء حل السوستة بالطريقة الصحيحة.
خالص تحياتى للجميع.

رد: حل بندقيتك بطريقة أمنة.
 

الله ينور ياكبير شغل بروفيشنال بصحيح ليه تحرمنا من المواضيع الجامده دى

رد: حل بندقيتك بطريقة أمنة.
 

تسلم ايدك يا استاذ عادل شرح وافى ومبسط تحياتى

رد: حل بندقيتك بطريقة أمنة.
 

شرح وافي وربنا يكرمك علي المعلومات الجامدة دي

رد: حل بندقيتك بطريقة أمنة.
 

هنروح جنب منك يابرنس وجنب شغل التمويه اللى بتعمله فى البنادق بتاعتك.

رد: حل بندقيتك بطريقة أمنة.
 

ربنا يباركلك يامحمد باشا.

رد: حل بندقيتك بطريقة أمنة.
 

شكرا على رد حضرتك المحترم.

رد: حل بندقيتك بطريقة أمنة.
 

رد: حل بندقيتك بطريقة أمنة.
 

وعليك يابخيت باشا.
تحياتى.

رد: حل بندقيتك بطريقة أمنة.
 

جميييييييييييييييييييييييييييييييييييييييييييييييي ييل الموضوع يا عم عادل
تسلم

رد: حل بندقيتك بطريقة أمنة.
 

الموضوع جميل علشان انت دخلت ورديت عليه.
بس ياريت تغير صورة التوقيع وترفع صورة جديدة للنيو لوك يابرنس. ههههههههههههه.
تحياتى.

رد: حل بندقيتك بطريقة أمنة.
 

رد: حل بندقيتك بطريقة أمنة.
 

شكرا أخى العزيز على رد حضرتك المحترم.
تحياتى.

رد: حل بندقيتك بطريقة أمنة.
 

ما شاء الله موضوع مميز جزاك الله خير يا استاذ عادل

رد: حل بندقيتك بطريقة أمنة.
 

شكرا محم بك على زوق حضرتك وردك المحترم.

رد: حل بندقيتك بطريقة أمنة.
 

تم رفع كل صور الموضوع من جديد .....

رد: حل بندقيتك بطريقة أمنة.
 

مليوووووووووووون حمدلله على السلامه يا عمونا:lov::lov::lov::lov:

رد: حل بندقيتك بطريقة أمنة.
 

صباح الفل ياابو منه. الله يسلمك ياباشا..
:lov::lov::lov::lov::lov:

رد: حل بندقيتك بطريقة أمنة.
 

الاستاذ/عادل انا عندى بندقية نفس النوع الذى فى الصورة ومش عارف اسمهاوهل هى اسبانى ام تركى وهذة البندقية معى من 15 عام وانا بغير السوستة عند محل العراقى فى الزقازيق وهو قال الن البندقية اسبانى فهل هذا صحيح وما تقييمك لهذة البندقية واسف على الاطالة وشكرا

رد: حل بندقيتك بطريقة أمنة.
 

استاذ عدنان بعد التحية.
البندقية اللى فى الصور هى بندقية تل مجرى كسر موديل lg527
هذه البندقية تعتبر من البنادق متوسطة السرعة وتتراوح سرعتها لنمرة2 بين 160 - 180 متر/ث فى افضل حالتها. من النادر جدا وجود نمرة1 فى هذه البنادق.
تمتاز هذه البنادق بالخامة القوية جدا والدقة المتناهية كذلك وزنها مناسب جدا.
وتعتبر من اكثر البنادق المفضلة عند الصيادين القدام وخصوصا صيادين المناطق الصحراوية (العرب البدو).
من وجهة نظرى الشخصية تعتبر من افضل البنادق فى مصر وسرعتها مناسبة جدا للصيد حيث ان اغلب الصيد عندنا بيكون يمام او حمام برى. ويمكن الاصطياد بهذه البندقية من مسافات تصل الى 30 - 35 متر بدون اى مشاكل.
أرجو ان اكون قد اجبت على أسألة حضرتك.
خالص تحياتى.

رد: حل بندقيتك بطريقة أمنة.
 

شكرا على الرد استاذ عادل هى جلدة البستم الزفرة افضل ام الجلدة الفبر وعندى مشكلة فى النشنكان الحلقة العلوية التى بتضبط الارتفاع ضايعة ومركب مسمار والنشنكان نقدر نقول علية مضبوط ودورت على هذة الحلقة فى الزقازيق قال ان النشنكان زات نفسة مش موجود هل يوجد مكان اشترى منة الحلقة ثانيا الوردة التى توجد بين بيت الرش و قميص الذى توجد بة السوستة احداهم ضايعة وتوجد واحدة ولفيت على هذة الوردة ملقتهاش هل هذة تسبب مشكلة انا مركب وردة واحدة والناحية التانية مركب وردة نحاس رقيقة اسف على الاطالة اخر سؤال اعرف منين ان الجلبة والسوستة عيزين يتغيروا وشكرا

رد: حل بندقيتك بطريقة أمنة.
 

لا شكر على واجب استاذ عدنان.
انا جربت البندقية بالجلبة الاصلى الجلد الزفرة وجربتها بالجلبة الفايبر. لكل واحد مميزات وعيوب. الجلبة الزفرة بيخللى صوت البندقية هادئ جدا وسرعتها أقل وعمرها الافتراضى أقصر وبتحتاج لنقطة او اتنين زيت كل فترة. بالنسبة للجلبة الفايبر صوتها بيكون أعلى سرعة البندقية بتزيد حاجة بسيطة لكن عمرها الافتراضى اطول بكثير من الجلبة الزفرة.
زى ما قلت لحضرتك انا جربت الاثنين لكن بصراحة فى الاخر رجعت للجلبة الجلد الزفرة لسبب بسيط جدا انى حسيت ان الجلبة الزفر بتخللى البندقية اكثر دقة عن الجلبة الفايبر.
بالنسبة لقطع الغيار زى النيشانات وأجزائها والورد اللى بتحكم ماسورة البندقية مع أظافر القميص الحاجات دى مش هتلاقيها غير عند حد بتاع صيانة بنادق يكون حالل بندقية وبيستعملها كقطع غيار.
بالنسبة للجلبة والسوستة هتعرف ميعاد تغيرهم من اداء البندقية. ياعنى لو البندقية قوية لكن بتشكل وأطمنت ان كل حاجة مضبوطة والمسامير مربوطة كويس وكل حاجة. بتكشف على الجلبة (البستم وبيت الرش).
لما البندقية قوتها بتضعف بيكون فى الغالب السوستة ضعفت وانكمشت ومحتاجة تغيير.
بالتوفيق وتحياتى:lov:

رد: حل بندقيتك بطريقة أمنة.
 

شكرا على الرد وربنا يبارك فيك

رد: حل بندقيتك بطريقة أمنة.
 

لا شكر على واجب يافندم. وتحت أمر حضرتك فى اى استفسارات أخرى.
:):):):):)

رد: حل بندقيتك بطريقة أمنة.
 

استاذ عادل انا البندقية معايا نشان جميل بس نظرى ضعف بسبب السن والقاعدة على الكمبيوتر خاصة ونى مدرس كمبيوتر اعدادى هل ممكن تساعدنى فى الحصول على تلسكوب سعرة كويس ويؤدى الغرض وهناك تلسكوب معروض على 1600 جنية وانا شايف ان المبلغ كبير على البندقية متوسطة الاداء ولا ابيع البندقية واشترى وحدة تانية مدى اكبر انا محتار وكل الناس بتشكر فى البندقية التل وبعضهم بيقول ان البنادق الجديدة فرز ثانى وثالث وان اردت ان اشترى تلسكوب معقول اجيبة منين

رد: حل بندقيتك بطريقة أمنة.
 

هو التلسكوب اللى انتا مركبة على بندقيتك اللى فى الصور نوعة اية وهل هو فعال

رد: حل بندقيتك بطريقة أمنة.
 

شوف يااستاذ عدنان انا برضه نظرى مش قد كده بسبب السن برضه. وحضرتك مش محتاج اسكوب يكون غالى لهذه البندقية. اى اسكوب جم صغير الى متوسط اكثر من كافى. ياعنى لو لقيت اسكوب زى اللى على بندقيتى يبقى كويس جدا. ده اسكوب قديم جدا بى اس ايه 5×15 وصعب جدا تلاقى اسكوب زيه حاليا للبيع. من الاسكوبات اللى ممكن تأدى الغرض ومتوفرة فى الاسواق فى بعض الاوقات الاسكوبات ال 4×32 حجمها ممتاز وناس كثير استعملتها وشكرت فيها وسعرها المفروض لا يتعدى ال600 جنيه.

رد: حل بندقيتك بطريقة أمنة.
 

استاذ عادل افضل سوستة للبندقية التل المجرى الكس ومنين اجيب هذة السوستة ولك جزيل الشكر

رد: حل بندقيتك بطريقة أمنة.
 

يركبلها سوستة الجامو الشادو ال35 حلقة الاسبانى الاصلى.
للأسف ما عنديش اى خلفية عن مكان بيع السوستة فى مصر حاليا.