الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   احترس من دعوات الخروج للصيد (http://www.egyhunt.net/showthread.php?t=33689)

القبطان المصرى 77 12-09-03 05:42 PM

احترس من دعوات الخروج للصيد
 
بسم الله الرحمن الرحيم
تجربه مؤلمه حدثت لصديق ليا اسمه احمد منذ فتره
وبالامس اكتشف انها لم تكن تجربه او حادث عارض
بل كانت عملية نصب
الموضوع باختصار
ان لى صديق من فتره كبيره اتعرف بالصدفه على احد الاشخاص اسمه السيد من منطقه اخرى
وهذا الشخص كان يمارس هواية الصيد ايضا
وفى احد الايام اتصل هذا الشخص بصديقى وقاله انا اعرف مكان حلو للصيد تعالى نخرج سوا رحلة صيد
وبالفعل صديقى ذهب وقابله وراحو فى منطقه زراعيه فى ابيس واثناء الصيد خرج عليهم خمسة اشخاص وقامو بتثبيتهم بالمسدسات
http://www10.0zz0.com/2012/09/03/15/455341430.jpg
واخذو منهم بنادقهم ونقودهم وموبايلاتهم
وكان صديقى معاه بندقيه سلافيا 631
والشخص الاخر معه بندقيه جامو اكزابو
وعادو الى منازلهم سالمين وحمدو الله على كده
ولم يقومو بالابلاغ عن الحادثه عشان كانت ايام ثوره ومفيش امن ولا شرطه فى البلد
وفى احد الايام كان صديقى بيصطاد فى منطقة اخرى بعد ماشترى بندقيه تانيه وقابل الشخص ده بالصدفه ( السيد ) وهو بيصطاد هناك برده
ولكن الغريب ان صديقى وجد بندقيته السلافيا مع الشخص ده ( السيد )
لكن كان مغير لونها ومرشوشه
لكن صديقى عرف انها بندقيته من احد العلامات عليها كان عارفها ( لحام فى الناشنكاه الخلفى )
لكن مابينش للشخص ده انه شاكك ان دى بندقيته
ولما سأله انت جايب البندقيه دى منين
قاله انا شاريها قريب من سوق الجمعه
صديقى طنش وسكت وقال ان بعد الظن اثم
لكن الغريب ان من حوالى يومين صديقى قابل صياد اسمه عبد الحليم فى احد الاماكن واتعرف عليه وقعدو يدردشو مع بعض
وصديقى حكالو فى وسط الكلام على الموقف اللى اتثبت فيه هو والسيد ده من فتره فى منطقة ابيس
قام عبد الحليم ده اتنطر من مكانه وقال فى نفس واحد
ده السيد ده هو نفس الشخص اللى اتعرفت عليه بالصدفه من فتره كبيره
وبرده هو نفس الشخص اللى عزمنى على رحلة صيد قبل كده فى نفس المكان فى ابيس
وبرده اتثبتنا انا وهو فى اليوم ده وخرج علينا تلات اشخاص بمسدسات واخدو مننا كل حاجتنا
http://www10.0zz0.com/2012/09/03/15/202488775.jpg
وصديقى وصاحبو قعدو يبصو لبعض بذهول ومش مصدقين انهم تقريبا وقعو ضحية نصب وسرقه
ولا كانهم بيتفرجو على فلم هندى فاشل
و المشكله انهم مايعرفوش عنوان السيد ده اصلا
لأنهم اتعرفو عليه اثناء رحلات الصيد
وحاولو يتصلو بيه كتير لكن تلفونه غير موجود بالخدمه
وبكده خيوط اللعبه وضحت
ان السيد ده بيتعرف على صيادين
ويقوم يعزمهم على رحلات صيد بحجه انه عارف اماكن حلوه للصيد
وهناك فى مكان مقطوع يقوم بالاتفاق مسبقا مع بعض اصحابه على تثبيتهم وهما بيصطادو
http://www10.0zz0.com/2012/09/03/15/230641723.jpg
وطبعا من ضمن الاتفاق ان اللصوص ياخدو حاجته هو كمان ( السيد ) عشان اللعبه تبقى كامله
تفتكرو مش هو ده برده السناريو اللى تم ولا احنا تفكيرنا غلط وظالمين الراجل ( السيد )
معقول يكون اللى حصل ده صدفه
السرقه مرتين فى نفس المكان ومع نفس الشخص ؟

.............
بس ده اللى حصل
وانا حبيت احكى الموقف ده لاصدقائي واحبابى هنا عشان ياخدو بالهم
ومش اى حد يقولك تعالى نخرج نصطاد سوا تخرج معاه كده بسهوله
لازم يكون شخص انت عارفه كويس
او على الاقل واثق فيه وفى اخلاقه
والمنتدى هنا مليان صيادين محترمين تقدر تختار منهم اللى يعجبك تخرج معاه من الناس اللى انت تعرفهم
والسلام عليكم ورحمة الله

farouk 12-09-03 05:48 PM

رد: احترس من دعوات الخروج للصيد
 
شكرا علي النصيحة ..وربنا يجعلها في ميزان حسناتك ان شاء الله

القبطان المصرى 77 12-09-03 05:59 PM

رد: احترس من دعوات الخروج للصيد
 
اقتباس:

المشاركة الأصلية كتبت بواسطة farouk (المشاركة 430143)
شكرا علي النصيحة ..وربنا يجعلها في ميزان حسناتك ان شاء الله

اللهم امين
تسلم استاذ فاروق
وربنا يكفينا شر ولاد الحرام جميعا

aymank2 12-09-03 07:17 PM

رد: احترس من دعوات الخروج للصيد
 
ياساتر يارب هيا الدنيا بقى فيها ايه ياريت يعرفو يجيبوه الحيوان ده .

MBadr 12-09-03 07:36 PM

رد: احترس من دعوات الخروج للصيد
 
جزاك الله خيرا يا قبطان على النصيحة والواد ده لازم يتعملوا كمين بمعنى حد يتعرف عليه ثم يقول له متعرفش اماكن صيد كويسه ثم هو اكيد هيطمع ويقولوا اعرف ويحدد ميعاد وفى الميعاد التمام وبعد لما صحابوا يظهروا يتقفش هو واصحابه

القبطان المصرى 77 12-09-03 07:48 PM

رد: احترس من دعوات الخروج للصيد
 
اقتباس:

المشاركة الأصلية كتبت بواسطة aymank2 (المشاركة 430198)
ياساتر يارب هيا الدنيا بقى فيها ايه ياريت يعرفو يجيبوه الحيوان ده .

يااااااااااااريت والله يا استاذ ايمن
الله اعلم هو نصب تانى على مين واحنا مانعرفش

القبطان المصرى 77 12-09-03 07:50 PM

رد: احترس من دعوات الخروج للصيد
 
اقتباس:

المشاركة الأصلية كتبت بواسطة mbadr (المشاركة 430209)
جزاك الله خيرا يا قبطان على النصيحة والواد ده لازم يتعملوا كمين بمعنى حد يتعرف عليه ثم يقول له متعرفش اماكن صيد كويسه ثم هو اكيد هيطمع ويقولوا اعرف ويحدد ميعاد وفى الميعاد التمام وبعد لما صحابوا يظهروا يتقفش هو واصحابه

ماهو ده اللى قررنا نعمله والله يا استاذ محمد
بس المهم يظهر ونشوفه فى اى مكان الاول
الوسيله الوحيده اللى كانت ممكن توصلنا ليه هى الموبايل
لكن مع الاسف شكله قفل الخط خالص

sniperwolf500 12-09-03 08:30 PM

رد: احترس من دعوات الخروج للصيد
 
للصياديين بالاسكندرية لما تحب تطلع مع حد بيصطاد لازم تحاول تعرفه
لازم تعرف نوع بندقيته و تليفونه و عنوانه
مترحش مع حد متعرفهوش لوحدك
لازم لانك صياد لازم يكون عندك ثقافة أماكن الصيد ابيس والصبحية متقربلهومش انا عندي تروح الساحل لوحدك فالصحراء احسن منهم
لازم المكان الي بتصطاد فيه تأمن فيه معارف علشان لو حصلك حاجة يلحقوك

عـمـر 12-09-03 10:12 PM

رد: احترس من دعوات الخروج للصيد
 
بارك الله فيك يا قبطان على هذه النصيحة ... ومع ان الموضوع ده مختلف عن كل مواضيعك المرحة الا انك برضو مصمم تضحكنا ... ايه يا عم صور الحرامية اللي انت جايبهم دول هههههههههههه دول عاوزين واحد يسرقهم ههههههههههه ... ربنا يكفينا جميعا الشر اللهم امين ... ودمت في امان الله.

مورو 12-09-03 10:38 PM

رد: احترس من دعوات الخروج للصيد
 
جزاك الله خير وربنا يسترها


الساعة الآن 12:15 PM

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir