سؤال عن الصيد فى النيل
 

صباح الخير على أعضاء المنتدى الكرام
أنا محمد مصطفى عضو جديد معاكوا هنا ، وتقريبا أبيض تماما فى موضوع الصيد نهائى فى كل حاجة ، الا أنى حابب أخوض التجربة "بحريا" فى البداية وبعدين الصيد البرى - إن شاء الله - لو وفقنا فيه ...
فى البداية أنا ليا كام سؤال خاصين بصيد السمك فى النيل وحابب أعرف إجابات الإخوة الكرام عنها هنا

1 . هل لابد من إصدار رخصة صيد كما أخبرنى أحد الأصدقاء - من عمارة التأمينات بالجيزة - عشان أقدر أقف وأصطاد فى النيل ؟ عرفت منه أنها مش محتاجة غير صورة وصورة البطاقة و 30 ج وتجدد سنويا .. اللى مبيصدرهاش فى مشكلة ؟ وهل تصلح للصيد فى البحر الأحمر والمتوسط ؟

2 . أيه رأيكم فى السنارة دى من هنا لانى عايز أبدأ بيها الصيد .. هى سنارة قلم رخيصة وكويسة صغيرة .. هل هحتاج أدوات تانى ؟ غير السنارة دى ولا لأ ؟ عرفت طبعا ان لازم يكون معاك أيس بوكس وكرسى خشب وطواقى للشمس الخ .. إيه تانى ممكن نكون ناسينه ؟

3. انواع الطعم ايه لأسماك النيل مبدأيا ؟ ومنين بتتجاب وأسعارها للى يعرف ؟

4. أفضل أماكن الصيد فى رأيكم وأهداها اللى بتفضلوها شخصيا على شط النيل "غربى وشرقى" فى القاهرة والجيزة .. وأفضل الأوقات بتكون إمتى ؟ الصبح ؟ بالليل ؟ فى الصيف فى الشتا ؟

كفاية كده دلوقت .. وشاكر جدا ليكم تعاونكوا مع مبتدأ مثلى

رد: سؤال عن الصيد فى النيل
 

متابعك ومعاك وبنفس عدتك يادرش

معنديش غير تجربه واحده في مركب في البحر والناس ال كانت معايا هما ال جهزولي السناره بس ال فهمته اننا كدا عدتنا ناقصه
فيه تقل + سن .. مستنين حد من الخبراء يرد علينا

انا من اكتوبر وممكن نتقابل ننزل علي النيل في مكان قريب او مركب بعد مانجهز عدتنا وده رقم تليفوني لو عايز تكلمني واتس اب 01222603686

رد: سؤال عن الصيد فى النيل
 

اهلاً وسهلا بك معنا فى منتدى الصيد فى مصر يا ليت لى من الخبره فى الصيد البحرى ما يوهلنى للاجابه على اسألتك
ولكنى متخصص فى الصيد البرى
لكن راجع مخنويات المنتدى وستستفيد الكثير