|
الى الاعضاء القدامى
نداء ورجاء الى كل الاعضاء القدامى ان ترجعوا الى المنتدى وتتفاعلوا من جديد وتجيبوا على اسئلة الاعضاء الجدد وتحيوا موضوعاتكم القديمة وان تثروا المنتدى بوجودكم على الاقل تطمئنونا عليكم وان لم يكن هناك معرفة شخصية بيننا فهنا هواية عظيمة بيننا هواية ابينا اسماعيل عليه السلام
والى كل من عنده نقد للمنتدى وسياساته يدخل يكتب ذلك في موضوع ويوضح وجهة نظره فيها وانا اعده انها ستكون محل الاعتبار الاول منا ولا يقول احد انا محجم عن المشاركة لان حال البلد والصيد ، ومثل هذا الكلام من الممكن انك تعمل موضوع عن طلعة صيد او تهنئة بمناسبة او دردشة،او نصيحة او حتى تبدي رفضك لموضوع ما المهم لا تترك بيتك ومنزلك الثاني انا واحد من الناس هطلق قريب بسبب المنتدى ده ولو حصل هتبيتوني عندكم انا اعلم ان هناك منتديات يمر عليها اسبوع ولا يكتب فيها مشاركة واحدة من عشرة احرف ولكن نحن نريد لمنتدنا الافضل دائما وكل عام وانتم بخير وسائر المسلمين. ا |
رد: الى الاعضاء القدامى
للرفع والتجديد
|
رد: الى الاعضاء القدامى
يا استاذ ابو مسلم انا عن نفسي برد علي اي عضو بسأل و انا عندي اجابة و مش ببخل بأي اجابة بكون متأكد منها بالرغم من اني بشارك كتير بموضوعات و مش بلاقي اي رد و بهتم جدا بأسئلة اﻻعضاء الجدد و يرحب بيهم و بحاول ولما بكون متأكد من اجابة برد علطول و كتير اكتب مواضيع و مش بتعبر اصلا و مرارا و تكرار طرحت موضوع تسهيل عملية تنزيل الصور و انا اوعد بعد تسعيل تنزيل الصور علي المنتدي بأذن اللة هحاول جاهدا بتنشيط المنتدي انا بوعد حضرتك بكدة في مواضيع كتير جدا في ذهني لو كتبت عنها في المنتدي مع التدعيم بالصور المنتدي هييقي ساحة كبيرى للنقاش و يرجع زي اﻻول و اكتر في افكار كتير عندي بس سهلو موضوع تنزيل الصور
|
رد: الى الاعضاء القدامى
تسلم يا أ/حاوى وموضوع الصور ان شاء الله انا مكلم فيه هشام سمير من فترة وهو وعدني انه سيحله بس الموضوع متوقف على الشركة المستضيفة
انت تشكر جدا بس انا قصدي على الاعضاء الذين هجروا المنتدى او هجروا التفاعل معه انت بشوف منتديات كتير وفي رايي انه افضلهم |
رد: الى الاعضاء القدامى
طبعا منتدي الصيد في مصر افضل منتدي سوفتة مهتم بالصيد تقريبا نص معلوماتي ان لم يكن اكتر اتعلمتها من هنا و فعلا انا ملاحظ عمالقة كتير مش بشوفهم من فترة من ضمنهم استاذ مصري عاشق الريتاي بارون علي سبيل المثال وليس الحصر
|
رد: الى الاعضاء القدامى
انا شايف ان بعد منع الكلام عن المسدسات المفتوحة و الطلق البلى و عروض بيعهم ناس كتير سابت المنتدى و قل المشاركة بنسبة 60%
|
رد: الى الاعضاء القدامى
لعد منعها ولا العكس
|
رد: الى الاعضاء القدامى
بعد المنع ولا عدم المنع هو السبب
|
رد: الى الاعضاء القدامى
للتجديييييد
|
رد: الى الاعضاء القدامى
مشكور على الموضوع يا ابومسلم
للاسف الشديد المشكلة مش من المنتدى المشكلة ان اغلبية الاعضاء اتجهوا الى الفيس بوك واصبح الحوار كلة على الفيس بوك مش على المنتدى زى زمان سوف اقوم باجراء بعض المحدثات مع الاعضاء القدامى والله المستعان |
رد: الى الاعضاء القدامى
متشكر جدا على الرد يا استاذ محمد
الحمد لله ان المشكلة ليست من المنتدى والفيس بوك ده صنيعة من؟ وماذا اصابنا بسببه؟ انا الحمد لله لم ادخله يوما من الايام لما فيه من تضييع الاوقات فيما لا يفيد ونشر للشائعات وسباب ولعن للغير ايا كان انا عن نفسي لو حبيت التواصل مع احد خارج المنتدى فعلى الفايبر اتصال او رسالة ولازم كلنا نبذل شوية جهد للرجوع بالمنتدى الى مستواه ليس لانه مجرد منتدى وحسب بل لانه يختص بافضل هواية ولا اخفيكم سرا انها من افضل الطرق في اعداد القوة التي نحتاجها في الجهاد مع كل امام من ائمة المسلمين فكيف نهملها ونهمل سبيلها؟ |
رد: الى الاعضاء القدامى
اقتباس:
يا ابو منه |
رد: الى الاعضاء القدامى
اقتباس:
|
رد: الى الاعضاء القدامى
ان شاء الله المنتدي يرجع احسن من الاول
|
رد: الى الاعضاء القدامى
المنتدى مش هيرجع زى الاول الا لو الفيس بوك راح فى داهيه ههههههههه
|
رد: الى الاعضاء القدامى
اقتباس:
|
رد: الى الاعضاء القدامى
محدش يفرقع لنا خزنة 9مم بس تبقى صوت في الفيس اللى مغلبنا ده
|
رد: الى الاعضاء القدامى
اقتباس:
شقلب دماغ الناس |
رد: الى الاعضاء القدامى
يا استذتي بلاش نرمي اهمال الاعضاء للمنتدي علي اي موقع تاني الفيس بوك موقع تواصل اجتماعي ولا يمت للمنتدي بصله اصلا المنتدس ولا فيه شات ولا في بوستات المنتدي مكان انقل الخبرات وحركات البيع والشراء يعني مش معقول حجيب صحابي و اختي وابويا وامي واقولهم اعملوا حسابات في المنتدي وانسوا الفيس ونشيت ونكتب بوستات لبعض هناهههههههههههههه يا جماعه لازم نفور المنتدي من تحت لفوق ونعمل بلان A وبلان b وبلان c كمان ونمشي علي الخطت دي نخلي للعضو نفس يفتح ويشارك غصب عنو لانو باه ممل وميديش دافع للمشاركه ده حقيقي انا لو مكنتش بحب المنتدي وشاركت بحساب من 2012 وقبل لسكده كنت لسه عيل في ابتدائي متابع مكنتش قولت الكلام ده لازم تجديييييييد وعروض وامتيازات
|
رد: الى الاعضاء القدامى
:sante::sante::sante:
اقتباس:
|
رد: الى الاعضاء القدامى
قولى ايه المطلوب منى وانا اعمله
|
رد: الى الاعضاء القدامى
اقتباس:
لكن انا الفترة الاخيرة غير قلة التفاعل كمية الاعلانات الغير مشروعة الي اصحابها لا يمتوا للهواية بصلة سواء الاسلحة النارية او الهوائية او الصيد عموما ... يعني اية ربح عن طريق الانترنت وفرص عمل وشركات وحجات وهمية صحابها يدخلوا وسطنا ويختفوا غير الهواة الي بيدخلوا يسالوا علي حاجة او يستفسروا عن مسدس معين في 3 4 مواضيع ورا بعض بيحملوا نفس السؤال بدون اي بحث في المواضيع القديمة فبيشترورا وعلي كدة منشوفلهومش مشاركة ولا اتنين تاني وبيستخدموا اسماء مستعارة يعني المفروض يدخل باسمة الحقيقي وبعد كدة اسمو المستعار المهم قسم الموضوعات العامة مليانة مواضيع هوائية محتاجة للحذف ووقف اصحابها تماما عن المنتدي + ان الشخص الي بيمتنع عن المشاركة لمدة شهر بينذر 3 مرات وبعد كدة وقف العضوية تماما لمدة معينة ولا يستطيع اضافة اي موضايع لفترة معينة _ المواضيع المخالفة و حركات البيع والشراء الي اصحابها عملوها واختفوا وانتهت مصداقيتها يتم حذفها وليس وقفها فقط _ تجديد عروض التجار المثبتة او وقفها ووضع عناوينهم و ارقامهم فقط لحين تجديدها منهم مرة اخري _ومحدش يقدر يضيف اي موضوع في الموضوعات العامة الا اذا كان لية مثلا 10 مشاركات بارزة وحضور في المنتدي ا\هشام انا مقدرش املي علي حضرتك اي شروط لكن انا بقول وجهه نظري الي مضيقاني في المنتدي لكني متواجد باستمرار مقدرش اسيبو شكرا لسعة صدر حضرتك __________________________________ nour eltoureny |
رد: الى الاعضاء القدامى
انا جاتلي فكرة كويسة ممكن تساهم في رفع الروح المعنوية حبة وتجبر علي التفاعل
|
رد: الى الاعضاء القدامى
زي ايه كده يا نور
|
رد: الى الاعضاء القدامى
اقتباس:
|
رد: الى الاعضاء القدامى
السلام عليكم الاخوة الاعضاء ..بعد التحية والتقدير .... نحن لسنا في حاجة لندفع الناس الى المشاركة بل نحن في حاجة الى ان يكون بيننا تواصل مستمر وتفاعل ولو بالقليل .. يعني لو العضو طلع طلعة صغيرة ما يرضاش يشارك بيها لااا يا اخي شارك لو كان محصلة الطلعة صفر... كذلك لو انت جربت حاجة في بندقيتك ونفعت خلى الفائدة تعم على الجميع وانشرها .. وهكذا لكن الحقيقة ان المعظم بيخاف يعمل كده علشان يريح دماغة من الانتقادات والجدل وخلافة .. فرب سطر يكتب يكون بين طياته معلومة ورب تجربة تنشر تكون ضالة احدنا التي يبحث عنها .. في الحقيقة هذا المنتدى عملاق بجد كلنا اتعلمنا منه حاجات كتيرة جدا ... يمكن انشغلنا شوية بامور الحياة وقل التواصل لكن... معك كل الحق اخي ابو مسلم لابد من العودة مرة اخرى لاثراء منتدانا العريق .. تحياتي لدعوتك ابو مسلم وكذلك للاستاذ هشام سمير .. دمتم بخير وصحة وسعادة .. وجزاكم الله خيرا .
|
رد: الى الاعضاء القدامى
السلام عليكم ورحمة الله وبركاته
موضوع مهم وهو قدرة المنتدي علي التواصل وقدرة المنتدي علي اجبار الاعضاء علي المتابعة والتواصل وعلي ما أظن ده اسلوب ادارة وتفعيل لخدمات وبالتوفيق |
| الساعة الآن 08:07 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir