الحل النهائي لكسر الأجزاء (ادخل مش هتندم)
بسم الله الرحمن الرحيم الحل النهائي لمشكلة الأجزاء المكسورة يا مساء الفل علي صيادين أحلي منتدي المشكله اللي هنتكلم عنها النهاردة مشكلة موجودة كتير جدا وقابلت كتير مننا وهي إن الاجزاء تتكسر نصين أو من ناحية من النواحي بشكل يقصف عمر المسدس الصوت لعدم وجود قطع غيار لبعض الأنواع وإن وجدت فهي بأسعار مبالغ فيها ممكن توصل لنص سعر المسدس الصوت طب والعمل ؟؟؟؟ الحل النهاردة هيحمل اسم الشريحة والمسامير :sante: هههههههههه سبب التسمية دي واحد صديق ليا كنت عملتله الموضوع دا بعد ما فشل اللحام بالانتيمونيا من مسك الجزء المكسور فأول ما شافه قاللي يا دكتور دي عملية شريحة ومسامير :lf: المهم المسدس المعروض صوره دلوقتي هو بي 29 تركي كان ماسك علي جزء بسيط من فوق وشرخ من الجانبين وعملتله الموضوع دا وبقي زي الفل وشكله مقبول جدا وبالذات بعد دهان الشرايح والمسامير الطريقة بالتفصيل هكتبها باذن الله بس اما نشوف الموضوع هيعجب الناس ولا فشنك ولو عجبك الموضوع متنساش أخوك بالتقييم و أسيبكم مع الصور .... http://www7.0zz0.com/2013/06/14/16/146763356.jpg http://www7.0zz0.com/2013/06/14/16/797144901.jpg http://www7.0zz0.com/2013/06/14/16/113094421.jpg أما لو يثبتوا الموضوع ياااااااااااااااه :) الخطوات للي يحب ينفذها أو يعلم عاللي هينفذها :) نبدأ بسم الله 1- هنجيب الأول قطعه من الصاج سمك 2 ملم ليييييييييه؟ لأن بدنها محمل ويتحمل لو رفيعه زي اللي في البي 29 مبوظش وانتا بتخرمها ومتضعفش لو الباقي بعد الخرم هيبقي قليل . 2 - هنصنفر الصاجة كويس كدا عشان منتعبش واحنا بنعملها نفكها ونقعد نفك ونركب عايزين السن يفضل محمل أحسن عشان مايتكلش أو ما يحلقش بلغة الصنايعيه . 3 - هنعلم العرض اللي محتاجينه قد ايه والطول ونقص حته الصاج المطلوبة بالمقاس . 4 هنحط الجزء المكسور مكانه ونحط عليه الصاجة وونعلم بقلم فلوماستر رفيع أو طباشير وشوكة (الشوكة هي سلك مسنون زي القلم) و نذنبها تجهيزا للتخريم ويستحسن يكونوا علي خط واحد عشان الشكل . ملحوظة التذنيب دا بيبقي الدكرة (أقلام القلاووظ) المكسورة بنسنها بوزها رفيع عالحجر النار زي القلم وندق عليها بالشاكوش عشان سمسمه البنطة متهربش مننا واحنا بنخرم . 5 - لو فرضنا اننا هتقلوظ مسامير سن 5 في 8 اللي بيقولوا عليها مسامير 8 لأن راسه بالمفتاح البلدي بتبقي 8 هنا لازم تعرف احنا هنعمل ايه أولا هو مسمار 5 ملي في 8 زي ما قلنا ايه معني 5 في 8 يعني المسمار لو قست عرضة بالبوكليز هتبقي 5 ملي والمسمار له سن حلزوني 8 من عشرة من الملي لو طرحنا من ال 5 مل 8 من عشرة يتبقي كاااااام؟ برافو اللي قال 4,2 هو دا مقاس البنطة اللي هنخرم بيها في الألومنيوم بتاعه الاجزاء والصاجة (الشريحة)هتتخرم بالبنطة ال 5 مل لأن مفيهاش قلاووظ طبعا أنا الخطوات الجاية هكلمك في فنيات عشان يطلع شغلك نظيف وما تلاقيش الجزئين بعاد عن بعد أو شكلهم وحش . 6 - احنا علمنا مكان الاخرام في الشريحة هنخرمها الأول ببنطة اقل من 5 اربعه مثلا وبعدين الخمسة بتاعتنا وتبقي خلصت خالص الأول هنجيب الجزء الصغير اللي قدام ونحط عليه الصاجة في مكانها وركز معايا في دي عشان هتعجبك في بنسه اسمها بنسه كلابه (يعني ايه ) يعني شبه بنسة الكهربا العادية بس فيها مسمار بتعاير مشوارها بيه فممكن تقفل الايد وها لسه بوقها مفتوح وتمسك الحاجة تكلبش فيها زي المنجله دي لما يبقي معاك واحده تبقي انت كدا باشا هتحص الصاجة في مكانها صح تقفل البنسه وتخرم لا هيرحل منك ولا يمين ولا شمال مفيش كلابه امسك بالعادية بس انشف واوعي تفلت منك الغلطه هنا بجون ههههههه هتخرم الاول بالخمسة أل ما يدوب تلمس تخوش لنفسها (يعني تعمي علامه علي مكانها دليل للبنطة اللي بعدها ) تطلع اوعي ايدك تسرح :) وتفك الكلابة وتخرم نفادي بال4,2 وتطلع وتاخدها عالبنك تربطها علي منجلتك وتقلوظها بقلم القلاووظ اللي بنسميه احنا الدكر بتبدأبالمسلوب وبعدين النص مسلوب وبعدين العدل وتجيب المسمار طبعا هيبقي طويل ونت عايز تعرف تقصة ازاي عالمقاس ؟ هتخلي فيه صاموله وتحط الصاجة عالجزء المكسور وتربطة لما يبقي عالسوا تعاير الصاموله وتفكة الجزء اللي قدام الصاموله هو اد الطول تقيسه بالبوكليز وتحل الصاموله من المسمار وتعلم الطول دا تقص الزياده مع ملاحظة ان الجزء اللي انت مش محتاجة هو اللي يتربط عالمنجلة متربطش من راس المسمار وتبوظ شكلها وطريقة القياس اللي أنا قلتها للمبتدئين انما انا هقيس باليوكليز دغري لكن دا لأنك جديد وممكن تقيس غلط . 7 بعد قص المسمار تلفه عالحجر أو بمبرد لو مش نطيف مكان قطعيه المنشار عشان ميبوظش القلاووظ اللي في الاجزاء وتربطة وتاخد الجزء دا تحطة مكانه بالظبط وتمسك بالكلابه بتاعتنا عالزياد من ورا في الجزي الكبير من الأجزاءبعد عن الخرم أهم حاجة انها تكون مطبعه في مكانها مش بعيده وبعدين تخوش بال 5 وتخرم بالأربعه واتنين من عشرة وتقلوظ وتركب المسمار المقصوص زي اللي فات بالظبط وتقلب عالناحية التانية وهكذا. ملحوظة مهمه جدا جدا جدا الجزء اللي بتخرمه الكبير اللي فيه المجاري بتاعه الأجزاء دا لازم ولابد وانت بتخرم فيه تحط في الفاصل اللي بتملاه الماسورة حاجة بنفس العرض مثلا حته خشب . برافوا الأخ للي سألني ليه ؟ الاجابة لان لو محطيتش حاجة تملأ الفراغ دا ممكن تتعوج معاك وانت شغال من التخريم بالشنيور أو المتئآب فتيجي تركبها تتحرك بصعوبة عالمسدس وتقرفك وتبقي جيت تصلحة بهدلته . ثانيا ايدك متتهزش وانت بتخرم والا هتوسه الخرم وتضعف مكان السن . واللي ميعرفش يعمل الكلام دا يجيب 60 جنية وييجي نعملهاله وخلاص هههههههههههههه ولا نديكوا سر الصنعه وناكل من بيوتنا :) إوعوا حد يصدق أنا مبشتغلش في الحاجات دي دا ساعه الفراغ كدا بس أنا راجل مشغولياتي كتير ههههههههه طبعا أنا حطيت الخطوات لأجل عيون المنتدي والأعضاء المحترمة دي يبقي عيب بقي لو ما ثبتولناش الموضوع أبطل أحط مواضيع تاني انتوا احرار يا ادارة حق الناس دي في رقابتك انتي ههههههههههه واللي شجعنا نحط الخطوات الناس المحترمه اللي عبرتنا بالرد ومشكورين جدا (محمد بك خلف - المصري 123 - الجوكر - سكوربيون - ايهاب بوب - هيل 007 ) العدد المذكورة بالترتيب البنسة الكلابة والبوكليز أو (القدمه ذات الورنية لو عايز الاسم العلمي ) http://www3.0zz0.com/2013/06/15/05/323121155.jpg http://www3.0zz0.com/2013/06/15/05/788437253.png |
رد: الحل النهائي لكسر الأجزاء (ادخل مش هتندم)
تسلم ايد الباشا
ممكن تبرد مخ المسمار كمان هيبقى شكلهم احسن |
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
والله هى نظريه برده بس كده شكل المسدس معدش ظريف بس الفكرة نفسها جامده
|
رد: الحل النهائي لكسر الأجزاء (ادخل مش هتندم)
تسلم ايدك يا باشا
العقل المصري عمره ما كان هين احلي تقييم يا باشا |
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
ايه الموضوع معجبش حد تاني ولا ايه ؟؟ طب محدش قال نعملها ازاي عشان اديه التيته :)
|
رد: الحل النهائي لكسر الأجزاء (ادخل مش هتندم)
طيب فى حل تانى احلى من كده كتير من وجهه نظرى
نشوف ايه المشكله و نحلهه من اساسها و اساسهه هيه انك متستعملش بلى بس على فكرخ موضوه جميل من راجل محترم |
رد: الحل النهائي لكسر الأجزاء (ادخل مش هتندم)
يا ترى دى تنفع فى الوالتر ppk الجزء اللى مكسور هو زر الامان والجزء اللى تحت منه يا ترى ممكن نعملها عملية شريحة ومسامير هههههههه[IMG]G:\walther/dsc0000015[/IMG]
|
رد: الحل النهائي لكسر الأجزاء (ادخل مش هتندم)
موضوع رائع جدااااااااااااااااا ....... مجهود رائع و يستحق التقيييم
تم التقييم ب 5 نجوووووووووووم و برجاء التثبيت من الادارة الموقرة ............. |
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
تم وضع خطوات التنفيذ لعيون صيادين المنتدي الكرام .... والله ما قصرت ههههههه :)
|
رد: الحل النهائي لكسر الأجزاء (ادخل مش هتندم)
احلى تقيم من غير كلام كتير
|
رد: الحل النهائي لكسر الأجزاء (ادخل مش هتندم)
موضوع جميل ومميز ومجهود مشكور علية لايجاد حلول لاصلاح ما يمكن اصلاحه
تقبل مروري يا استاذنا واتمني لك التوفيق |
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
معالى الباشا انا رفعت صورة الوالتر والرابط هنا http://www11.0zz0.com/2013/06/15/19/714586690.jpg
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
صلي علي سيدنا النبي احنا فكينا الأجزاء بره الجزء اللي مكسور دا لو بصيتله من جوا هتلاقي هوا فيه مجري وشفه أعلي منها اللي انا بقوله انك تحط حاجة تبقي زي قالب للمجري والجزء المكسور عشان ما يلحمها المونيوم وتشيل الصاجة والسلك دا يبقي هيا من جوا خلصانه مش محتاجة تشكيل النظافة تبقي من الجزء الخارجي اللي تمسك منه وتشدالاجزاء بس وهحاول دلوقتي اعملك صورة تفهمك قصدي الأحمر هوا السلك ومحطوط علي الصاجة السودا ويتم اللحام فوقهم باللمبة
http://www7.0zz0.com/2013/06/16/09/194782204.jpg |
رد: الحل النهائي لكسر الأجزاء (ادخل مش هتندم)
يا باشا اتخن واضخم تقييم للدماغ الجامده جدا
انت مش محتاج رأى واحد زى حالاتى فى الللى بتعمله انت معدى كل الحدود |
رد: الحل النهائي لكسر الأجزاء (ادخل مش هتندم)
موضوع رهيب تم التثبيت نظرا للمجهود الرائع تحياتى |
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
موضوع فوق الممتاز و الى تقييم منى ليك انت و الموضوع
و على فكره انا كمان من الغربيه اصلا |
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
استاذ والله تسلم |
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
بجد تسلم دماغك واحلى تقييم يا كبير
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
السلام عليكم كل سنه وانتو طيبين
طب انا عندي مسدس ريتاي بارون الاجزاء بتاعتو اتكسرت موش عارف بقا ليها علاج عند حضرتك ولا لا دا اللينك بتاع الصور بتاعت المسدس http://www.egyhunt.net/showthread.php?t=41107&page=2 |
رد: الحل النهائي لكسر الأجزاء (ادخل مش هتندم)
اقتباس:
|
Re: الحل النهائي لكسر الأجزاء (ادخل مش هتندم)
حل هندسي رائع..... وعلي فكرة درج الريتاي ايجل مشابه جدا للحل.... وهذا يزيد فكرتك نجاحا
تحياتي وتقديري |
رد: Re: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
دكتور فعلااااااا و احلي تقييم
|
رد: الحل النهائي لكسر الأجزاء (ادخل مش هتندم)
ممتاز وانا هاجربها عندي
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
انا جربت الحل ده وممتاز بس انا عملت ببرشامه مش مسمار وطالعه ممتازه الله ينور وتسلم ايدم بس يريت تفيدني في كيفيه تركيب سوسته الزناد بتاعت نفس المسدس ده
|
رد: الحل النهائي لكسر الأجزاء (ادخل مش هتندم)
يا باشا الحمد لله والمهم ان الموضوع عجبك أما بخصوص السوسته فالنوع دا ( الايكول بي 29 ) يتميز من وجهه نظري المتواضعه بميزة لا توجد في البريتا ال 84 علي سبيل المثال وهي ان تيله الزناد منصله عن سقاطة تحرير الاجزاء ( بتاعه اخر طلقه ) مش بنفس البنز ودا بيحافظ عليها مع تكرار صيانه سوسته الزناد وتركيبها سهل لكن يشترط حل سقاطة اخرطلقه ودي لها سوسته برده مهمتها تخلها متتحركش الا لما المشط يزقها بعد خلوه من الطلق في اخر طلقه ودي لها اتجاه وبعدها تطلع بنزالزناد ودا له راس تخينه من ناحيه السقاطة فالدق عليها يكون من الناحيه التانية وتطلع القديمة وتحط الجديده مكنها وترجع الزناد بالراحه مكانه طبه مش مكانه قوي والا فتحه السوسته هتبعد فنحاول انت من الناحيه اللي دقيت منها انك تحط مسمار رفيهع أو حاجة تثبتها بيها عشان متهربش علي ما تدخل بالبنز بتاع الزناد وهو هيطلع المسمار اللي انت ساند بيه والسوسته ما تغلبكش وبعدين سقاطة اخر طلقه انا عارف ان الكلام بوقيقي كدا صعب بس علي عيني معنديش واحد عشان اصورلك اللي اقصده واتمني اكون افدتك وشكرا لمرورك العطر اللي شرفني
|
رد: الحل النهائي لكسر الأجزاء (ادخل مش هتندم)
شكرا ليك وانا جربتها فعلا وطلعت ممتازه بس حصلت عندي مشكله في التركيب وهي انكسار القطعه اللي بتركب في الزناد وموصله للشاكوش ومش عارف اجيبها من فين
|
رد: الحل النهائي لكسر الأجزاء (ادخل مش هتندم)
لو اللي انكسر البنز اللي شبه المسمار اللي بيركب في الزناد هتخرم مكانه من جوا خرم 3 ملم وتقلوظة بدكر 4 ملم في 7 من عشرة وتجيب مسمار وتربطة من برا وبعد ما تربطة تشيل راسه بالراحة علي حجر نار وتسيب بس حاجة بأمارة كدا وتركبها اما لو جت نصين لازم تشتريها والمنتدي مليان تجارمحترمه اسألهم
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
اقتباس:
|
رد: الحل النهائي لكسر الأجزاء (ادخل مش هتندم)
والله ياباشا انتا جتلى نجده من السما انا عندى نفسى المسدس ونفس المشكله الاجزاء مشروخه من الجمبين ولفيت بيه ع الدنيا كله ومالقتش حل كله قالى مش هاينفع تانى لازم تغير الاجزاء بالكامل انا بعتلك رساله ع الخاص يافندم
|
الساعة الآن 09:14 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir