فين يا جماعة صيادين الزقازيق ؟
يا شباب ان شاء الله عاوزين نشجع بعض ونطلع نصطاد امال احنا داخلين المنتدى لية عاوزين ان شاء الله نتعرف على بعض ونطلع كل يوم جمعة ونكون صحبة حلوة وبعدين عاوزين نعرف اماكن الصيد الكويسة فى الشرقية اقصد طبعا صيد اليمام والحمام البرى لأن صيد البط لا يكون الا فى شهور معينة فى السنة ويتطلب سلاح نارى واحنا معظمنا لا يمتلكه وصيد اليمام والحمام ممتع جدا بس محتاج لصحبة عشان عدم الملل ونشجع بعض ياريت اى اخ من الزقازيق يكون بيحب الهواية دى يدخل ويعمل كومنت ويسيب وسيلة الاتصال بيه وياريت نبدأ ننظم طلعات كل يوم جمعة واللى يعرف اماكن كويسة يقول وشكرا
محمد رمضان ( محاسب ) first_knight2155@yahoo.com |
رد: فين يا جماعة صيادين الزقازيق ؟
انا موجود يا غالى
انا من منيا القمح ومعايا جامو هانتر 440 0179001064 |
رد: فين يا جماعة صيادين الزقازيق ؟
تشرفنا يا استاذ محمد
ان شاء الله عاوزين نتقابل ونطلع نطلع مع بعض قريب 0117593179 |
رد: فين يا جماعة صيادين الزقازيق ؟
اوك يا غالى انت منين من الزقازيق وايه المناطق اللى ممكن نصتاد فيها
|
رد: فين يا جماعة صيادين الزقازيق ؟
انا من الحسينية ( حسينية الزقازيق طبعا ) وبالنسبة للأماكن فيه جنب الزقازيق مطاحن وحاجات كتير ممكن نصطاد فيها وبعدين معانا وسيلة المواصلات لسهولة التنقل ( سيارة + موتوسيكل ) وان شاء الله يكون صيد ممتع وانت هل عندك اماكن نصطاد فيها فى منيا القمح ؟
|
رد: فين يا جماعة صيادين الزقازيق ؟
انا من قريه جنب منيا القمح
والامكان اللى بصتاد فيها بتكون بين الاشجار واوقات بروح اصتاد فاكتوبر |
رد: فين يا جماعة صيادين الزقازيق ؟
كلام جميل ان شاء الله نبقى نحدد ميعاد الجمعة القادمة
|
رد: فين يا جماعة صيادين الزقازيق ؟
نطلع مع بعض جروب
|
رد: فين يا جماعة صيادين الزقازيق ؟
ان شاء الله
انت بتدخل المطاحن عادى من غير محد يكلمك |
رد: فين يا جماعة صيادين الزقازيق ؟
لا من برة المطاحن بيكون فيه يمام وحمام كتير
|
رد: فين يا جماعة صيادين الزقازيق ؟
البندقية اللى معاك انت شريها بكام ومن امتى وهل هى كويسة عشان عاوز اجيب واحدة ؟
|
رد: فين يا جماعة صيادين الزقازيق ؟
انا شاريها من الاستازذ هشام سمير ب 2200 مستعمله وهى كويسه تمام
|
رد: فين يا جماعة صيادين الزقازيق ؟
أنا المهندس أحمد هلال العوضي
رئيس إتحاد شباب مصر فرع الشرقية يشرفني الخروج معكم وإقامة مخيمات للصيد وسوف أقوم بعمل دعاوي عامة لإتحاد شباب مصر للخروج في رحلة صيد كبيرة إن شاء الله |
رد: فين يا جماعة صيادين الزقازيق ؟
تشرفنا بمعرفتك يا باش مهندس وتحصل لنا البركة بحضور حضرتك معنا
خالص تحياتى |
رد: فين يا جماعة صيادين الزقازيق ؟
انا من منيا القمح بس مستنى اشترى البندقيه ويمكن ابقى معاكم ان شاء الله كنت رحت عند فتح الله لاقيته كان قفل هو بيفتح الجمعه ولا نجبها السبت ان شاء الله؟
|
رد: فين يا جماعة صيادين الزقازيق ؟
بلاش فتح الله فى ناس كتير مبتشكرش فيه
|
رد: فين يا جماعة صيادين الزقازيق ؟
ان شاء الله بس انا مشغول حاليا جدا
عندي بندقية رش رمسيس 1 من زمان هيا مش شغالة بس ممكن ازبطها واشغلها واصلحها انا عندي خبرة في الاسلحة لسه هطلعها واشوف محتاجة ايه واطلع معاكم ان شاء الله ايه اخبار الصيد بمسدسات الصوت المعدلة بتاعت البلي عايزين نجرب نصطاد بيها |
رد: فين يا جماعة صيادين الزقازيق ؟
اعتقد ان الصيد بيها مش دقيق والمسافة بتاعتها مش كبيرة
|
رد: فين يا جماعة صيادين الزقازيق ؟
خلاص يا عم غاوي نصطاد بالرمسيس هيا وحشة يعني ؟ انا اقدر اصلحها عارف ايه اللي فيها ان شاء الله واقدر اصلحها
|
رد: فين يا جماعة صيادين الزقازيق ؟
انا احمد البرنس من الزقازيق معايا جامو ريل تايم رقم 3 وكرال ماجنوم وجاهز للصيد دا ميلى angel_officer_2011@yahoo.com
|
رد: فين يا جماعة صيادين الزقازيق ؟
اقتباس:
|
رد: فين يا جماعة صيادين الزقازيق ؟
وانا ان شاء الله معاكم .. أنا برضه من الزقازيق .. بس لسه مشترتش بندقية .. دورت عند العراقى بس أسعارة نار .. ترشحوا ايه أبدأ بيه .. بس تكون حاجة نضيفة و محتاجش أغيرها بسرعة
|
رد: فين يا جماعة صيادين الزقازيق ؟
يا باشا لو عاوز تجيب حاجة كويسة وقوية جدا وماركة وسعرها معقول هات نوريكا حاجة اسبانى محترمة وتعيش معاك وممتعة
|
رد: فين يا جماعة صيادين الزقازيق ؟
معاااااااااااااااااااكو بأذن الله
بس تقريبا عشان المعنى يصبح ادق انتوا معايا باذن الله انا من الزقازيق شارع المحافظة بس انا نظامي في الصيد يختلف عن نظامكو تماما فالصيد كهواية بالنسبة لي تعدى مرحلة البنادق الرش ( طبعا منكرش اكتر من 12 سنة مع بنادق الرش والعصافير والحمام ) لكن الصيد بالنسبة لي اصبح اكثر تعقيدا واقل ( في عدد الطلعات ) حاليا 95 % من رحلات الصيد بالخرطوش ( و 5 % صقور ورصاص و رش ) وبتعتمد على الطيور المهاجرة والحيوانات والطيور البرية الجبلية مثل القميري والبط بأنواعه وطيور الماء المختلفة والسمان والكرك والكروان والحبارى والطيور الجبلية مثل القطا والشنار وحمام الجبل و الحيوانات البرية مثل الارنب والغزال والوعول ( ماعز جبلي ) واليومين دول موسم طير مهاجر اسمه القميري يشبه اليمام لكنه رووووووووووووووووعه في الطعم والالوان والتنظيف وجوده لحمه لازم يا جماعة يا بتوع الزقازيق نظبط طلعة للقميري قبل الموسم ما يخلص ومعاكو بأذن الله في اي حاااااااااجة القميري على السريع http://www.egypthunt.net/attachment....1&d=1305157393 |
رد: فين يا جماعة صيادين الزقازيق ؟
عمنا الكبير محمد طلال الواضح ان احنا طلعنا مبتدئين بالنسبة لك واظاهر فعلا احنا اللى يحصل لنا الشرف نطلع معاك ويا ريت يا باشا نكون معاك فى اى رحلة قادمة وطبعا يسعدنا ان فيه المستوى بتاع حضرتك فى الزقازيق
ارجوا ان احنا نكون اصدقاء ونتعرف على بعض بامر الله وانا ليا صديقى استاذ محمد عصام بنطلع تقريبا كل جمعة بنصطاد فراخ غيط ويمام بس بما ان حضرتك بتصطاد بشكل اكبر يبقة احنا ان شاء الله ننضم لك محمد رمضان 0117593179 وياريت يا باشا لو تسيب رقم تليفونك عشان نتواصل شكرا تحياتى لك |
رد: فين يا جماعة صيادين الزقازيق ؟
السلام عليكم
محمد باشا والله شرف ليا اني اتعرف على صيادين من الزقازيق لأن الصياد عاده يكون رجل ذو خلق رفيع ويتضح من طريقة الحوار طبعا الذوق والاخلاق والكرم على العموم اخي محمد اتمنى تنظيم مقابلة شخصية لجميع اعضاء المنتدى من الزقازيق اخوك محمد طلال 0109607000 على فكره انا هكلمك يا استاذ محمد عشان نظبط مقابلة |
رد: فين يا جماعة صيادين الزقازيق ؟
اهلا بولاد بلدى
ايوه كده عاوزين نورى القاهريين صيد الشراقوه بيبقا عامل ازاى |
رد: فين يا جماعة صيادين الزقازيق ؟
انا احمد باشتغل فى شركه برمجيات من الصيادين وتليفونى0121060179 ارجو تنظيم طلعات ونطلع سوا
|
رد: فين يا جماعة صيادين الزقازيق ؟
انا بكون اجازه جمعه وسبت كلمونى وقت ماتحبو ومعاكم بامر الله
|
رد: فين يا جماعة صيادين الزقازيق ؟
ان شاء الله يتم تعارفنا جميعا فى اقرب وقت
|
رد: فين يا جماعة صيادين الزقازيق ؟
وفريق الشرقية زادو واحد لسة جاى طاظة لو الموضوع شغال انا بردو ان شاء الله معاكو |
رد: فين يا جماعة صيادين الزقازيق ؟
ما شاء الله
|
الساعة الآن 11:13 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir