الصيد فى مصر - إقتراح سيضع منتدى الصيد في مصر في طليعة منتديات الصيد العربية

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

إقتراح سيضع منتدى الصيد في مصر في طليعة منتديات الصيد العربية

السلام عليكم,
عاملين إية يا حضرات. الواحد مننا لما يكون قاعد عالنت بيدور على بندقية حلوة, أو مسدس صوت قوي, أو سكوب بيروح للمواقع الأجنبية عشان يشوف التقييم اللي عملوه الخبراء الأجانب. الناس ديه بتأخذ السلاح و "تفصصة" كدة عشان الناس تقرأ بهدوء و تفهم كويس. المواقع ساعتها تجيبلك صور و الخبير يشرح السلاح مميزاتة و عيوبة و في الأخر يقول وجهة نظرة فيه اللي بيبقى إسمها Review أي مراجعة . طبعا بالنسبة للبعض ده صعب شوية لعدم فهمهم المصطلحات الإنجليزية (أنا مش قصدي حاجة غلط و الله أعلم بنيتي). أنا بقى إقتراحي إن إحنا نعمل قسم في المنتدى يهتم بتقييم قطعة السلاح, أو الأكسسوار. ممكن واحد يقول "طب مين يا عم الحاج اللي هيعمل الشرح ده". هقولك منتدانا العزيز فيه خبرات مميزة مثل الأستاذ محمود شلبي (ملك الصيانة), الأستاذ عادل عبدة (مروض الكرال), و الأستاذ قنصل و الأستاذ هشام سمير, و الأستاذ أبو ضيف, إلخ, إلخ, إلخ.. (محدش يزعل مني لو نسيت أسمه أنا أصلي مش عارف كل الخبراء للأسف مع إن و الله هتشرف بكل شخص خبيرا كان أم لا إني أتعرف على حضرته) . الأساتذة ديه كلها أكيد قضت وقت طويل مع الأسلحة اللي معاها أو بتبيعها و على قدر كافي من الخبرة إنهم يشرحو كل التفاصيل بتاعته سواء بكتابة بما شبه المقالة أو بالفيديوهات. ساعتها ممكن ربنا يبارك للمنتدى و شركات و محلات الصيد في مصر و الشرق الأوسط يبعتولنا قطع أسلحة من عندهم عشان نراجعها للناس و الناس تفهم السلاح كويس قبل ما تشتري. و ديه طريقة معروفة عالميا. و على فكرة الناس اللي بتعمل المراجعة أو الشرح بتتقاضى فلوس بالإضافة إن السلاح بيتبعتلنا مجانا و نرجعهولهم.. ممكن واحد يقولي طب هنجيب سلاح من فين في أول المشوار. هقولك أي حد من الخبراء عنده سلاح يظبط نفسه كده كويس و يكتب ما يشبه "مقالة" و يبعته لمجموعة ثانية من الخبراء عشان لو أحبو يضيفو حاجة أو يصححو حاجة الشخص الأصلي نسيها أو غلط فيها بعد كدة ينزلوها على المنتدى. ممكن تقولي طب لو في أنواع مش موجودة مع الخبراء. هقولك هنشوف لو واحد من الأعضاء عنده السلاح ده. إذا كان عنده هنسأل منه إن إحنا نستعين بيه (طبعا بعد قبول الطرفين و تقديم ضمانات للشخص في حال لا قدر الله حدوث ضرر للسلاح) مع إن طبعا أنا عارف إن الاساتذة اللي عندنا بيحافظو على السلاح زي ولادها بالظبط ههههه :) مع الوقت إن شاء الله ممكن نجيب إعلانات و فلوس و نبدأ محل أون لاين لبيع الأسلحة في مصر و الشرق الأوسط (طبعا مع موافقة كل الجهات الأمنية و الجمركية المختصة) و نبقى زي PyramidAir كدة. هتقولي طب لو (لا قدر الله) ما جالناش إعلانات. عندي فكرة جهنمية. إحنا نطلع بعثة في كل محافظة في مصر, البعثة ديه تتطلع تلف محلات الأسلحة اللي في جميع أنحاء الجمهورية تعرض على أصحاب المحلات إنهم ينضمو إلى المنظومة. المنظومة بقى عبارة عن إن إحنا هنقل المحلات إن إحنا نعرض بضاعئهم على الموقع بتاعنا و كل زبون هيدور على البضاعة اللي عاوزها و يقارن الأسعار بين المحلات و كل محل مشترك عليه إنه يدفع نسبة (خلينا نقول 7% مثلا) من الثمن المدفوع من البيعة بالإضافة إلى إشتراك سنوي بسيط. و بالفكرة ديه إن شاء الله نكون عملنا أكبر تطور ممكن يشهدها قطاع الأسلحة و الصيد في الشرق الأوسط بحيث إن الجميع الناس في منطقتنا يعانون من إلتهاب الأسعار بسبب جشع المستوردين (مش التجار يجماعة, في فرق ضخم لأن التجار غصب عنه لازم يبقى سعره كده عشان هو لو القطعة بيشتريها ب 1000 جنيه مينفعش يبيعها ب 700 اللي هو سعرها الأصلي عالميا فهيضطر يبيعها ب 1300 عشان يعرف يأكل ولاده هو كمان). هتقولي طب عشان نعمل كل ده هنحتاج موارد بشرية, هقولك مهو ممكن كل واحد في محافظته يجمع زملائه في المحافظة و يلف فيها على المحافظات تطوعا طبعا. و أنا أول واحد بتطوع أهو عشان بجد و الله أعضاء المنتدى ده ساعدوني لدرجة محدش يصدقها. أنا ممكن لو أترجم التقارير اللي الخبراء هيكتبوها لمراجعة السلاح للإنجليزية (بما إني الحمد لله لغتي الإنجليزية زي العربي يالظبط, زي البومب يعني.. هههههه :) ) و بكده بقينا دخلنا السوق الدولي كمان.. :)
أخيرا أحب أشكر حضراتكم إنكم إستحملتوني في الحوار الطوييييل ده. و و الله الموضوع من فكرتي 120% من الأول للأخر.. هوصيكو على التقييم و التثبيت عشان الإدارة المحترمة اللي عملتلنا المنتدى الحلو ده تشوفها و الله أعلم ممكن تتنفذ.. :)

شكرا لحسن الإستماع,
محمد قطب الدكماوي

رد: إقتراح سيضع منتدى الصيد في مصر في طليعة منتديات الصيد العربية

مشكور اخي الكريم على الفكرة الرائعة
وأضم صوتي إليك ,, ليصل إلى اخواننا الخبراء

رد: إقتراح سيضع منتدى الصيد في مصر في طليعة منتديات الصيد العربية

هى فعلا فكره كويسة جدا وانا معاااااااااك

رد: إقتراح سيضع منتدى الصيد في مصر في طليعة منتديات الصيد العربية

معاك و كمان يبقي في ركن تقييم من اللي اشتروها
تقبل مروري

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة loverlover (المشاركة 385032)

مشكور اخي الكريم على الفكرة الرائعة
وأضم صوتي إليك ,, ليصل إلى اخواننا الخبراء

ربنا يخليك يا فندم, بس يا ريت تتثبت بس و تتشاف.. :)

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة loverlover (المشاركة 385032)

مشكور اخي الكريم على الفكرة الرائعة
وأضم صوتي إليك ,, ليصل إلى اخواننا الخبراء

اقتباس:

المشاركة الأصلية كتبت بواسطة aemmm (المشاركة 385077)

هى فعلا فكره كويسة جدا وانا معاااااااااك

شكرا جزيلا يا فندم و إن شاء الله تتطبق.. :)

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة champion (المشاركة 385119)

معاك و كمان يبقي في ركن تقييم من اللي اشتروها
تقبل مروري

برده فكرة تطويرية رائعة من شخص رائع.. و للو إن شاء الله قررو إنهم يعتمده الفكر ممكن نطور الفكر أكث لتلائم مجتمعنا وىالتمويل الموجود.. ده أنت على رأسي يا فندم بعد موضوع الأيرسوفت ده.. هههههههه :)

رد: إقتراح سيضع منتدى الصيد في مصر في طليعة منتديات الصيد العربية

فكرة ممتازة وعلي فكرة احنا ممكن نطلع علي المحلات الموجودة عندنا ونصور فيديو وممكن العاملين في المحل يشرحولنا كل حاجة ,دة طبعا لازم يكون معانا كارنية المنتدي حتي يسمح لنا بذللك .
موضوع تمام .

رد: إقتراح سيضع منتدى الصيد في مصر في طليعة منتديات الصيد العربية

فكره ممتازه جداً
وانا اول المؤيدين والمشتركيت والمتطوعيين :)
تحياتى محمد باشا

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة Angel of Death (المشاركة 385180)

ديه شهاده اعتز بيها من حضرتك :)
بالمناسبه موقع airsplat بتاع الأيرسوفت عامل لكل سلاح عنده Review بالفيديو عليه
و بينشن لمسافه قد ايه و يقعد يتكلم 10 دقائق كامله عنه :)

رد: إقتراح سيضع منتدى الصيد في مصر في طليعة منتديات الصيد العربية

فكرة اكثر من رائعة
اضم صوتي لصوت حضرتك

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة ahmed el sarky (المشاركة 385182)

هي ديه الفكرة يا أستاذ أحمد.. :) بس لازم الأول نتأكد إن صاحب المحل فاهم يا فندم.. أصلي ساعات بيكوت صاحب المحل موقف عيل مش فاهم يبيع للناس زي فتح الله... :)

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة هشام سمير (المشاركة 385226)

فكره ممتازه جداً
وانا اول المؤيدين والمشتركيت والمتطوعيين :)
تحياتى محمد باشا

و الله يا فندم أنا مصدوم إن حضرتك دخلت على الموضوع المتواضع بتاعي بنفسك و كتبت فيه كمان,, :) لأ و إيه عجبك كمان,, :) ديه يا فندم شهادة أعتز بيها طول عمري.. :) بس يا ريت الإدارة المحترمة تتطبقها أو على الأقل تنظر فيها..

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة Champion (المشاركة 385246)

يا مستر Champion هو ده اللي بتكلم عنه بالحرف "Review" بس كنت عاوز أخلي الموضوع عربي بالكامل عشان الكل يفهمه.. :) هو ده التفكير اللي زي الفل.. :) نحياتي يا باشا.. :)

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة ِahmedalaa2007 (المشاركة 385373)

فكرة اكثر من رائعة
اضم صوتي لصوت حضرتك

ربنا يخليك لينا يا فندم, و ديه شهادة أعتز بيها منحضرتك.. :) و من كل الأعضاء.. :)

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة Angel of Death (المشاركة 385413)

انا جاهز في وقت انا ممكن اساعدك في ال review و اجمعلك معلومات و كده
اصل انا اتفرجت علي كذه review للأيرسوفت :)
مثلا عن الكرال
اول حاجه نجيب علبه جديده ونعملها unboxing
و ده يبقي بدايه الفيديو و تشرح الحاجه اللي جايه معاه
تاني حاجه تتكلم عنه و مميزاته
تالت حاجه نجيب في الفيديو الأسعار بتاعت الكرال مثلا في فتح الله و في خضر و في السجلابي وفي محلات شريف ابوضيف وعالمنتدي الخ
رابع حاجه تجيب دقيقه و انت بتصطاد بيها
ده كبدايه :)

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة champion (المشاركة 385440)

حضرتك كده كثير أوووويي عليا.. إيه الأفكار الروعة ديه.. بجد و الله حضرتك عالمي.. :) يا رب بس الإدارة تنفذ.. :)

رد: إقتراح سيضع منتدى الصيد في مصر في طليعة منتديات الصيد العربية

لو حد يا أساتذتنا عارف حد من الإدارة يدلو على الموضوع عشان يتسمع و يتنفذ و نطلع بمنتدانا للعلا زي ما نشيد القوات الجويه بيقول "إلى العلا في سبيل المجد" :)

رد: إقتراح سيضع منتدى الصيد في مصر في طليعة منتديات الصيد العربية

تم نقل الموضوع للاقتراحات

رد: إقتراح سيضع منتدى الصيد في مصر في طليعة منتديات الصيد العربية

فكره رائعه و بالفعل لو تم تطبيقها ستكون إضافه جميله للمنتدي.

تقبل تحياتي و شكرًا لمجهودك

رد: إقتراح سيضع منتدى الصيد في مصر في طليعة منتديات الصيد العربية

فكرة جميلة جدا وانا اؤيد الكلام ده بشدة

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة orabi (المشاركة 385646)

فكره رائعه و بالفعل لو تم تطبيقها ستكون إضافه جميله للمنتدي.

تقبل تحياتي و شكرًا لمجهودك

شكرا يا أستاذ عرابي و ديه شهادة أعتز بيها يا فندم قادمة من أحد عمداء المنتدى.. :)

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة karim eid (المشاركة 385658)

فكرة جميلة جدا وانا اؤيد الكلام ده بشدة

ربنا يخليك يا أستاذ كريم و الموضوع يطبق إن شاء الله ز كلنا نساعد إن إحنا نرفع المنتدى إلى العالمية بجهود أعضائه.. :) :) تحياتي لك يا فندم. :)

رد: إقتراح سيضع منتدى الصيد في مصر في طليعة منتديات الصيد العربية

فكرة مميزة جدااااااااااا
ان شاء الله تتطبق فى المنتدى

رد: إقتراح سيضع منتدى الصيد في مصر في طليعة منتديات الصيد العربية

اقتباس:

المشاركة الأصلية كتبت بواسطة mohamed mahmoud (المشاركة 385845)

فكرة مميزة جدااااااااااا
ان شاء الله تتطبق فى المنتدى

ربنا يخليك يا فندم و شكرا لإهتماماك للموضوع يا فندم.. :)