الصيد فى مصر - طريقة ظبط النيشان العملية

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - طريقة ظبط النيشان العملية (http://www.egyhunt.net/showthread.php?t=37210)

طريقة ظبط النيشان العملية

السلام عليكم,

و أنا بدعبس في المنتدي في الجو التلج ده لقيت استاذ فاضل عاوز يعرف إزاي يظبط نيشان البندقية..
قلت بس.... هي ديه ياض يا محمد فرصتك تتفزلك و تعمل موضوع عن ظبط النيشان لحبايبنا.. و أنا اصلا واخد بريك من مزاكرة الكلية فمفيش أي عذر...

أبطل دلع بقي و أبتدي.. :D :D

أولا الطريقة ديه ممكن تكون غريبة شويتين عن الطرق العادية. لكن الطريقة ديه من صيادين إلي صيادين عن طريق صيادين.. يعني مش من إختراع من واحد عمره ما مسك بندقية أو طلع طلعة صيد و بيفتي.. لا لا أنا الطريقة ديه قالهالي صياد كبير أوي :) للصيادين :D :D

نخش في الجد بقي

1) ما هو ظبط النيشان:
ظبط النيشان هي عملية يقوم فيها الرامي بعمل تعديلات علي ناشنكاه سلاحه أو بندقيته أو علي المنظار او السكوبات Scopes ليتمكن من تتبع مقذوفه. (و في حالتنا المقذوف هو الرش).
ماسورة البندقيه ثابتة. بمعني أن في كل إطلاق أو ضربة, تخرج الرشة بنفس الطريقة و باتباع نفس المسار في كل مرة. و لكن النيشان هي منصة توجيه متحركة. و لذلك فظبط النيشان هي عملية يكون فيها الهدف مطابقة الناشنكاه أو الصليبة (في حالة السكوب) علي مسار الرشة. فمن خلالها فنحن نطابق مكان إصابة الرش مع نيشان البندقية لكي نتمكن من معرفة أين سيذهب المقذوف و من ثم توجيه الرشة حسب إرادة الرامي ليس حسب إرادة الرشة.

ملاحظة: هذه الطريقة مناسبة للناشنكاه فقط و لا تصلح إطلاقا للسكوب.

2) كيفية ظبط النيشان في حالة الناشنكاه ليس السكوب:
أولا: يجب توافر مسافة تقدر ب 20 متر علي الأقل.
لأن ظبط النيشان سيكون علي هذه المسافة. السبب إن أغلب مسافات الصيد تكون في هذه المسافة أو أبعد, فمن الصعب أن تكون مسافات الصيد أقل من 20 متر. لكن إذا وجد الصياد أنه يواجه الكثير من الأهداف في مسافة ال 15 متر فقد تكون أسهل له ظبط النيشان علي هذه المسافة :D

ثانيا: أن يتم تعمير البندقية و إطلاق 5-7 رشات لتسخين ميكانيزم السوستة و البستم و الجلب خاصة في هذا الطقس البارد لكي نحصل علي نتائج ثابتة.

ثالثا: إتخاذ مكان الهدف أو الإصابة. فلتكن حائط أو هدف ورقي علي المسافة المرادة. لكن من تجرتبي و نصيحة الصيادين الأحباء النيشان علي الحائط أفضل لأن من هذه المسافة سيكون من الصعب المحافظة علي النيشان علي الصليبة الورقية.

رابعا: أن يتم التنشين علي أي نقطة موازية (أي في نفس إرتفاع/ مستوى العين) علي الحائط أو التنشين علي نقطة الهدف الورقي و إطلاق 3-5 رشات علي الهدف نفسه.

خامسا: عند تفقد الهدف سيتبين الإتجاه العام للرش. مثلا قد يكون شمال غرب أو جنوب شرق, إلخ
فمثلا إذا كان الإتجاه العام شمال غرب (بمعني فوق يسار) فنحن سنقوم بتوجيه الناشنكاه الخلفي إلي الجنوب (تحت) و إلي الشرق (يمين) و ذلك لظبطه علي الهدف.

سادسا: قم بتدوير بكرة المحور الأفقي (فوق و تحت) 10 تكات أو كليكات Clicks و هو صوت فرقعة واضح جدا لكي يذهب الناشنكاه الخلفي إلي الأسفل (بتفرق بين كل بندقية إذا كانت عكس عقارب الساعة و لا مع عقارب الساعة جرب و شوف بقي إيه اللي بينزل الناشنكاه تحت)
ثم قم بتدوير بكرة المحور الرأسي (يمين و شمال) 10 تكات أو كليكات Clicks و هو صوت فرقعة واضح جدا لكي يذهب الناشنكاه الخلفي إلي اليمين (بتفرق بين كل بندقية إذا كانت عكس عقارب الساعة و لا مع عقارب الساعة جرب و شوف بقي إيه اللي بيحرك الناشنكاه لليمين)
بناء علي تعديل أستاذ عرابي فالقاعدة العامة هي كالأتي:

1- البكره الجانبيه هي مسئوله عن إتجاهات اليمين و الشمال و لو حضرتك لفتها للخلف بتخلي النشان يحدف شمال و لو حضرتك لفتها للأمام بتخلي النشان يحدف يمين.

2- البكره العلويه مسئوله عن مستوي إرتفاع أو إنخفاض النشان يعني لو حضرتك لفتها يمين كأنك بتربط حاجه بتوطي النشان و لو لفتها شمال يعني كأنك بتفك حاجه بترفع مستوي النشان.

سابعا: قم بالتنشين علي نفس الهدف و إطلاق 3-5 مرات و تبين تحرك مجموعة الرش. إذا قمت بتنفيذ جميع الخطوات بطريقة صحيحة فيجب أن تكون مجموعة الرش قد إقتربت إلي الهدف.

ثامنا: أعد الخطوة السادسة إلي أن تكون المجموعة علي الهدف. عند إقتراب المجموعة من الهدف يجب تقليل الدوران إلي 5 تكات أو كليكات لتجنب الذهاب بعيدا عن الهدف.

تاسعا: إدعيلي بقي و النبي عشان أنا و الله تعبت أوي عقبال ما عملت الموضوع ده و ما تنساش تدعيلي بالنجاح في الكلية المنيلة ديه و طبعا ما تنساش التقييم :D :D
أما بالنسبة للإدارة فأنا الصراحة طمعان في تثبيت.. معلش يعني أصل النثبيت هي الوسيلة الوحيدة اللي هتخلي كل اللي يخش علي القسم دع يشوف الموضوع و يستفيد :D
معلش أنا أسف إن الموضوع ممكن دمه تقيل شوية عشان مافيهوش صور أو هزار و ضحك لكن للأسف مش بعرف أهزر أوي في المواضيع.. يا إما بقي هتلاقو ألش رخــــــــــــــم و أغلب الأعضاء هتسيب المنتدي و ينتحره
http://algarida.com/wp-content/uploa...1310194407.jpg

ا

الموضوع من مجهودي الخالص لمنتدي "الصيد في مصر" www.egyhunt.net فقط و لا يسمح بالنشر في مكان أخر بدون إذني

تحياتي,
محمد قطب الدكماوي