الصيد والقانون
بسم الله الرحمن الرحيم
اخوانى الاعزاء اعضاء منتدى الصيد فى مصر انا حبيت اعمل الموضوع دة رداً على الموقف اللى حصل لأبو ياسين (استيقافة من قبل ضابط شرطة وسحب بندقيتة الرش ) الموضوع دة هتكلم فية على كل ما يخص الاسلحة سواء رش او صوت او حى علشان كل واحد منا هيكون معاة بندقية رش وماشى بيها فى الشارع يكون عارف حقوقة وواجباتة وموقفة القانونى فى البداية انا اسمى امير سعد ومحامى استئناف وعاشق للقانون المصرى وبالذات جنائى واجراءات وملم بقانون الاسلحة والذخيرة ومتعلقاتها المام شديد اولاً : لازم نعرف ان الاسلحة مقسمة الى (اسلحة نارية ) و (اسلحة بيضاء) اما بنادق ضغط الهواء فلا تعتد سلاح ولكنها تشترك مع السلاح النارى فى الشكل الذى قد يقارب 100% وهيا دى المشكلة زى مسدس الصوت بالضبط اللى هوا اسمة القانونى (محدث صوت ) وليس مسدس او طبنجة طبقا لما هوا وارد فى قانون الاسلحة والذخيرة المشكلة الكبرى هيا تشابة الشكل ودة اللى هتكلم فية اولاً لازم نعرف محظورات مهمة لكل صياد اولاُ : تلسكوب البندقية مدرج فى جدول الممنوعات ويعامل معاملة السلاح الحى (جناية تصل العقوبة الى 15 سنة) ثانياً : المطاوى والخناجر والسنج والزمبك( ماسورة مدببة من المقدمة ) (جنحة تصل الى 3 سنوات) ثالثاً : الطلقات الحية وماسورة السلاح المششخنة (بها حلزونات) مجموعة الترباس فى البنادق الالية ومجموعة ضرب النار (تيتك وشاكوش وابرة) اى منها يوجة لحاملها تهمة حيازة اسلحة نارية (متعلقات) ونفس العقوبة يبقى نبعد عن الثلاث بنود السابقة (نهائياً) علشان نبقى فى السليم احنا كدا انتهينا من قصة الحى والاسلحة البيضة نرجع للرش والصوت علشان مطولش هنجز فى صورة سؤال واجابة س: حمل بنادق ومسدسات ضغط الهواء والصوت محتاج ترخيص ج : لا طبعاً س : من حق اى ضابط او عسكرى داخلية يوقفك وياخد السلاح اللى معاك للقسم على الرغم من انة عارف انة رش او صوت ؟. ج: من حقة 100% طب لية ( غلاسة مقننة وممكن تقول تعسف فى استعمال السلطة بنا وبين بعض لكن بالنسبة للقانون دا شايف شغلوا كويس) ) ( القانون مبيديش الحق للضابط بيان نوع السلاح لأن دى وظيفة المعمل الجنائى يعنى هيبقا عارف بس لية الحق انى يمشى فى اجراءاتة عمل محضر وتحويلة للنيابة بس النيابة هترجعلك البندقية اما لو مسدس صوت لأنة ممكن يكون ملعوب فية زى الغشما اللى بيفتحو ماسورة الصوت ويحطوا بلى (البس يا معلم من 5 لعشر سنين وش) فهيتوجلك حيازة سلاح بدون ترخيص وتحويلة للمعمل الجنائى لبيان ما اذا كان حى او صوت ملعوب فية او صوت على ابوة) وطبعاً الضابط اللى يعمل كدا يبقى فعلاً فاضى وعايز يتسلا نصائح اخوية قانونية ابعد عن الحجات اللى نهينا عنها متصطدش فى مناطق سكنية لأن ممكن حظك يجى ف منطقة كان فيها حد اتعور ( فقد عينة من رشاية)فيها من كام سنة وتلبس قضية احداث عاهة وتعويضات تخرب بيتك وحبس اتعامل مع الضباط بأحترام وثقة وبلاش كلمة يا باشا اعرف رتبتة ونادية يا سيادة النقيب او سيادة الرائد مع ابتسامة (كأنة صحبك ) وبالزوق تقولة طبعاً حضرتك عارف ان بنادق ضغط الهواء مش مدرجة فى جدول الاسلحة والذخائر وانا امبارح كنت بصطاد ورا مدرية الامن :) واديلو حتة ابتسامة لو مكنش شاف بطاقتك لازم هيسألك انت شغال اية . تقولوا على وظفتك وتعرض علية خدماتك وتخدوا تليفونات بعض (واى خدمة) اما لو كان اتم ابن 60 فتسألوا عن كارنيهة بكل اتامة وتقولوا انتم موصلكوش اخر تعديل فى قانون 134 ولو سألك بتشتغل اية قولو مواطن واقطم ولو اصر انك تروح معاة القسم روح معاة واول ما توصل اسأل على المأمور ولو مش موجود يبقى نائب المأمور او رئيس المباحث او المعاون واشتكى الضابط انة متعسف فى استخدام السلطة لأن البندقية مش مدرجة فهتاخد بندقيتك وتروح وللعلم مدام متعملكش محضر يبقى بندقيتك معاك والاكلام اللى اتعمل كان هتة والسلام ختام وارجو التثبيت من الادارة ومتخفش بندقيتك رجعالك رجعالك |
رد: الصيد والقانون
تمام تمام الله ينور يا كبير ايه الحلاوة دى
|
رد: الصيد والقانون
الله عليك ...... بس الكلام ده مش بينفع فى الصعيد ... قبل 25 يناير كان الضابط يقعد يغلّس , ويرخّم على سعادتك ... أما لو أشتكيته تخبط رأسك فى الحيط دى ترد فى الحيط اللى قدامها !!!!!!!!!!!!!!!!!!!!!!!!!!!
|
رد: الصيد والقانون
معلومات قيمة فعلا وجزاك اللة خير الجزاء بس ممكن سوال غلس شوية ممكن شرح اخر تعديل فى قانون 134 ويبقى كرم منك تحياتى يا متر
|
رد: الصيد والقانون
الله يفتح عليك وشكراً على المعلوملت الجميله دى...............
انا عندى سؤال هل من طريقه قانونيه احمل بها مسدس الصوت |
رد: الصيد والقانون
اقتباس:
|
رد: الصيد والقانون
بارك الله فيك يا أستاذ أمير
|
رد: الصيد والقانون
والله كلام زي الفل والف شكر ليك ونبهتنا لحاجات كتير اوي كنا مش عارفنها
بس اي سؤال عندك لو سمحت ايه الاجرائات الي اعملها علشان اصنع سلاحي بنفسي ولا مينفعش اصلا |
رد: الصيد والقانون
شكرا يأستاذنا على المعلومات ...و ليا استفسار عن نقطه "ماسورة السلاح المششخنة (بها حلزونات) يوجة لحاملها تهمة حيازة اسلحة نارية (متعلقات)" ....طب مابنادق الرش ماسورتها مششخنه ...يا ترى عادى ولا يوجة لحاملها تهمة حيازة اسلحة نارية (متعلقات)؟؟...وياريت تكمل جميلك و تشرح اخر تعديل فى قانون 134 عشان بس ابقى عارف انا بتكلم عن ايه...شكرا ليك
|
رد: الصيد والقانون
استاذنا الغالي الف الف شكر
|
رد: الصيد والقانون
معلومات مفيده اسلوب اكثر من رائع
بالتوفيق |
رد: الصيد والقانون
ربنا يخليك يا امير
|
رد: الصيد والقانون
[IMG]C:\Documents and Settings\amir saad\Desktop\الاسلحة[/IMG]شكراً للسادة الاعضاء على الردود وحجاوب عن بعض الاسئلة
اولاً فية تعديل صغير فى الموضوع اللى كتبتة وهوا القانون رقم 394 لسنة 54 مش 134 اولاً : بعض التعديلات متخصناش والبعض الاخر والهمهوا سبب الموضوع وهيا التعديلات الخاصة بأضافه بعض الاسلحة الى جداول الاسلحة المحظورة علشان كدا انا هنزلكم صورللجداول المدرجة فى القانون طبقاًلأخر تعديلات وعلى السادة الاعضاء طباعتها وممكن يمشوا بيها فى جبهم لوخارجين صيد علشان يحطوها فى عين التخين بخصوص طريقة قانونيةلحمل مسدس صوت 1- انك تشتغل فى شركة امن وحراسة وتاخد كارنية مكتوب فيةيصرح لةبحمل مسدس طوت 2- انك تعمل مشكلة وتخلى المسدس يتسحب منك ويروح المعمل الجنائى ولما يجى تقرير المعمل الجنائى تمشى بالتقرير (دة لو المسدس متعدمش بقرار المحامى العام) والطريقة دى شبة مستحيلة بس انا عملتها الاخ اللى كتب ان ماسورة بنادق الرش مششخنة ودى مدرجة كلامة صح 100% بس انت هتكون ماشى بالبندقية كاملة فلو فية شبهه هتكون على البندقية وطبقاً للعرف انكل بنادق الرش مششخنة الاخ اللى بيسأل عن امكانية صناعة سلاح دةممكن بس بعد تراخيص بداية من الحى اللى انت ساكن فية لحد الامن العام . وفى النهاية الجداول الخاصة بالاسلحة المراد ترخيص لها هيا اللى تهمنا يعنى نعرفها كويس ولا نقوم بحيازتها |
رد: الصيد والقانون
الجداولللللللللل
|
رد: الصيد والقانون
اخر الصورررررررررررر
|
رد: الصيد والقانون
الف شكر على المعلومات المهمه دى كويس اننا نكون عارفين اللى لينا واللى علينا
|
رد: الصيد والقانون
موضوع رائع بجد ... علشان كل واحد يعرف حقوقة و واجباتة قانونيا ... تسلم أيدك يا أمير باشا. |
رد: الصيد والقانون
و الله يا باشا انا كنت بدور على الحاجات دى من زمان
متشكر اخر حاجه |
رد: الصيد والقانون
الف شكر يا جماعة دة واجب على كل عضوفى المنتدى نشر الوعى والخبرات للاخر
|
رد: الصيد والقانون
اقتباس:
|
رد: الصيد والقانون
بصراحه موضوع جميل جدا و شامل
و معلومات مفيده و اكيد كتير مننا كان محتاجها الف شكر عل مجهودك الكبير ده و ربنا يجعله في ميزان حسناتك ان شاء الله |
رد: الصيد والقانون
جزاك الله خيرا يأستاذ امير......واشكرك على سرعه الرد.
|
رد: الصيد والقانون
اقتباس:
وحسترده ولا حيتكسر زى مسمعت __________________ يا ريت الرد على اسئلتنا وشكرا |
رد: الصيد والقانون
اقتباس:
شكرا لك على نصائحك ثانيا بالنسبة للمعاملة فلا يفضل ذكر الرتبة أو كلمة باشا علشا ميتنفخش عليك يكفى كلمة يا فندم او حضرتك من باب الادب والذوق . اما عن الاتامة بتاعت بعضهم فبلاش اتامة معاهم ولكن يفضل الصمت والذهاب للقسم واتباع ما سبق من تعليمات ذكرتها فى الموضوع ويمكن بالطبع بعد الخروج التوجه إلى قسم التفتيش الداخلى بوزارة الداخلية والتقدم بشكوى أو التوجه إلى النيابة وتقديم بلاغ بالتعسف وإستغلال السلطات وترويعك وإساءة المعاملة كده هيتربى الأتم أكثر وهيتعلم الادب وإفتكر تماما الحكمة التى تقول اللى بيفعل مبيتكلمش كتير لأن صمتك أمام أتمته هيخليه يفكر أنت ناوى فى دماغك على أيه ولا أنصح بالاستفزاز بمعرفتك بالقانون لأنه ممكن يرقد ليك على مصيبة تانيه أول ما توصل القسم . تحياتى وتقديرى للجميع وشكرا مرة أخرى على موضوعك |
رد: الصيد والقانون
فعلا كلام حضرتك مظبوط
انا بدرس قانون و الموضوع زي قصة البطاقة و الكارنيه الموقف المعتاد و نفس الاجراءات اي حد يتبعها لو حصل اي تعسف و طبعا في اجراءات تانية في حالة ان الموضوع تطور شكرا ليك |
رد: الصيد والقانون
شكرا لك على نصائحك
ثانيا بالنسبة للمعاملة فلا يفضل ذكر الرتبة أو كلمة باشا علشا ميتنفخش عليك يكفى كلمة يا فندم او حضرتك من باب الادب والذوق . اما عن الاتامة بتاعت بعضهم فبلاش اتامة معاهم ولكن يفضل الصمت والذهاب للقسم واتباع ما سبق من تعليمات ذكرتها فى الموضوع ويمكن بالطبع بعد الخروج التوجه إلى قسم التفتيش الداخلى بوزارة الداخلية والتقدم بشكوى أو التوجه إلى النيابة وتقديم بلاغ بالتعسف وإستغلال السلطات وترويعك وإساءة المعاملة كده هيتربى الأتم أكثر وهيتعلم الادب وإفتكر تماما الحكمة التى تقول اللى بيفعل مبيتكلمش كتير لأن صمتك أمام أتمته هيخليه يفكر أنت ناوى فى دماغك على أيه ولا أنصح بالاستفزاز بمعرفتك بالقانون لأنه ممكن يرقد ليك على مصيبة تانيه أول ما توصل القسم . تحياتى وتقديرى للجميع وشكرا مرة أخرى على موضوعك __________________ والله الاتامة تقابلها اتامة وقلة الادب تواجها قلة ادب والتطاول يواجهة تطاول سواء بالقول او الفعل ودى ميزة القانون ادهالنا وانا متأكد ان اغلبية الناس ميعرفوهاش وهيا تحت مسمى ( افتراض سوء النية من قبل مأمور الضبط القضائى) وبناء علية ليك الحق انك تقلع الجزمة وتديلة على خلقتة لو قل ادبة عليك وطبعاً دة مش تحريض ومن الاخر لازم الواحد يعرف ان كرامتة لو اتهانة يبقى يلا السلام والسكوت فى بعض الاحيان يتفهم ضعف عموماً دية وجهة نظرى وانا اتبعتها كتير وكانت سحر وبحترم وجهة نظرك بس الخوف انةيطلع من النوع الواطى اللى بيسوء فيها وتكون ايدو اطول من لسانة |
رد: الصيد والقانون
معلش سؤال هو ممكن الحجز بمسدس صوت لحين رد المعمل
وحسترده ولا حيتكسر زى مسمعت __________________ يا ريت الرد على اسئلتنا وشكرا لا طبعاً لأننتيجة المعمل الجنائى بتاخد من شهرين ل 4 شهور فلا يجوز حجزك الفترة دى كلها على زمة قضية لم تكتمل (حيازة سلاح بدون ترخيص) الا لما تيجى نتيجةالمعمل الجنائى فبيكون قرار النيابة توجية تهمة حيازة سلاح بدون ترخيص مع ارسال السلاح للمعمل الجنائى لبيان مااذا كان حى من عدمة مع اخلاء سبيل بضمان محل الاقامة لما بتيجى النتيجة انة صوت تقوم النيابة بأسقاط التهمة الموجهة اليك مع اعدام السلاح المحرز انا حصل معايا العكس واستلمت السلاح من القسم (دمياط) والمأموركان بيخبطكفعلى كف والاظرف من كدا انى قولتلوان السلاح كان متحرز معاة 6 طلقات انا عايزهم قبل السلاح وكنت متراهن مع نائب المأمور على حاجة ساقعة انى هستلم السلاح وهوا حلفلى ان القرار هيجى اعدامة وهوااللى هيكسرة بأيدو وكان شكلو وحش وانا داخل علية من غرفة الاحراز بالمسدس الله يمسية بالخير (المقدم شريف) جابلى الحاجة الساقعة وقالى والله محصلتقبل كدا انت جبتو ازاى ودى كانت اول مرة واحد يمشى بمسدس صوت وتقرير من المعمل الجنائى مختوم برقم السلاح انى صوت ولا يستدعى حملة ترخيص وكنت عايش بية جوا الاقسام والمحاكم و الفنادق والمواصلات برنس بس كل دة لأن رئيس النيابة كان زميلى فى الكلية والمحامى العام زميل ابن خالتى وكان الموضوع عند فى نائب المأمور |
رد: الصيد والقانون
الله الله عليك بجد موضوع راااااااااائع جدا جدا
|
رد: الصيد والقانون
مية مية يا امير
|
رد: الصيد والقانون
بصراحة الموضوع رائع , من أفضل ما قرأت سواء على هذا المنتدى أو فى أى مكان آخر
|
رد: الصيد والقانون
يا جماعة لا شكر على واجب
والموضع دة كان لازم اول موضوع الاعضاء الجدد يكونوا على دراية بية لانهم داخلين منتدى صيد مش منتدى اسبرانزا :) |
رد: الصيد والقانون
تسلم علي المعلومات القيمة دي :)
|
رد: الصيد والقانون
الله ينور يا متر
|
رد: الصيد والقانون
وعليك يا باشا
|
رد: الصيد والقانون
نسيت أقول إن الأستاذ أمير هو المستشار القانوني للرابطة .. و سيكون له دورا كبيرا في أشهارها قانونيا .. و بالتوفيق إن شاء الله.
|
رد: الصيد والقانون
مشكورا على المعلومات والنصائح القيمة
|
رد: الصيد والقانون
الله ينور علي حضرتك
|
رد: الصيد والقانون
المهم الحرص في الصيد... وطبعا موضوع هايل ربنا يبارك فيك ....
|
رد: الصيد والقانون
معلومات قانونية سليمة 100% بس أعتقد بالنسبة مسدس الصوت بيكون الوضع أصعب وغالبا هيتاخد منك ويتعرض على المعمل الجنائى بس هيرجع تانى...تحياتى أمير باشا
|
رد: الصيد والقانون
جهد رائع وموضوع هام جدا لتوعية الصياديين وحاملي مسدسات الصوت
|
رد: الصيد والقانون
الله ينور عليك يا متر
|
رد: الصيد والقانون
ربنا يبارك فيك
|
رد: الصيد والقانون
اللة ينور عليك نورت أفكارنا أنا من رأيى أن أحنا نستعمل السلاح فى مكانة فقط ولا داعى للتحرك والمنضرة بة ولك الشكر والتحية
|
رد: الصيد والقانون
سؤال انا كنت قريت أنى التيلسكوبات الممنوعه هى التى تصلح للتركيب على الأسلحة الناريه أما التيلسكوبات التى تركب على بنادق الهوا فلم تذكر تحديدأً ؟
إيه رأيك أفدنا أفادك الله أحسن الواحد ميستغناش عن التيلسكوب |
رد: الصيد والقانون
مشكورين جميعا علي هذه المعلومات و لكني أريد فقد التعقيب علي الزميل العضو الذي حدث معه
المشادة الكلامية مع ضابط الشرطة الذي سأله علي البندقية التي معه 1- رد فعلك يا أخي باستخدام الألفاظ الغير لائقة بسبب سلطة الوالد طبعا لأنك تعلم انك ستكون فوق القانون بسبب الوالد أطال الله في عمره , لنري إذا كان وآلدك غير ذي سلطة مواطن عادي أسيكون هذا ردك - لا أعتقد!!!! 2- الإخوة الاعضاء الذين أكثروا و عالوا في رد فعلهم بقولهم أنا كنت عملت و سويت فيه و كلام الذي لا يصح مثل ده تلاقي مراته ضرباه بالجزمة سوءال ايه اللي دخل الستات اللي في البيت في الموضوع و لا كلامي غلط منتهي التطاول !!!!!!! في رأيي ان الضابط كان بيعمل عمله و هي دي شغلته و لا لما أقول للضابط اين مهندس يبقي تمام و أنا في المصبوظ و بالمرة بقي أقوله بابا مين عشان نلخص في الحوار مش كده برصه معرفش ليه الكبر وأخذ حده للدرجة دي و لا أنا غلط و ايه , العضو الزميل و من غير زعل أخذ والده إلي القسم عشان يربي الضابط الوحش عشان كان شايف شغلة و العضو يعرف بقي يعرف يصطاد مش بين العمارات يصطاد الناس اللي جوه الشقق ؟؟؟؟؟؟؟ أعلم ان الذين يكون لوالدهم سلطة لن يعجبهم كلامي لأنهم يريدون ان يسير العالم في فلكهم فقد و ان كل شيء مسخر لهم لا أحد يقف في طريقهم و بدون زعل |
رد: للاعضاء الجدد
كلام 100 100
ممكن تدور علي اللي انت عاوزة من البحث بدل فتح موضوع جديد |
رد: الصيد والقانون
أمير باشا
تسلم و تسلم معلوماتك القيمة. كنت محتاجها فعلا يوميها هههههه. تقبل تحياتى. السلام عليكم |
رد: الصيد والقانون
اقتباس:
واضح أن لدى الزميل مشكلة كبرى فى فهم و تفسير اللغة العربية. فلن يجد أى شخص منصف أى كلمات غير لائقة فى حوارى معه. و لكن استطرادى أثناء سرد الأحداث كان يعبر عما يجيش فى عقلى من مشاعر الظلم و سوء المعاملة. فبرجاء إعادة قراءة الموضوع للفهم الصحيح. ثم كيف ياأخى تحكم على شخص "بالكبر" و هى صفة مذمومة بدون أن تعرفنى؟ هذا هو قمة الظلم للأشخاص بدون وجه حق. والأخلاق الحميدة توجب على صاحبها أن يتحرى الدقة فى النصح و استخدام الألفاظ الجارحة للأشخاص. مصداقا لقول الله عز وجل :" فبما رحمة من الله لنت لهم و لو كنت فظا غليظ القلب لانفضوا من حولك". صدق الله العظيم. وقولى للضابط أننى "مهندس" المقصود منه أن يحسن معاملتى كمواطن محترم و ليس "كمسجل خطر" كما كان يفعل. و سبحان الله فى طبعك يا أخى. لو عندك مشكلة ما يمكنك الحوار حولها و لكن لا تسقطها على اناس لم تقابلهم أو تسمع حتى عنهم!!! وكفى لهذا الحد و بنا يدينا و يهديك. و أستغفر الله العظيم لى و لك. |
رد: الصيد والقانون
موضوع مفيد ومهم جدا ....شكرا على التقديم السلس و الواضح ...سوال بخصوص الصيد البحري على مجاري الانهار و البحيرا ت
و سوال على اسلحة الصيد البدائية زي القوس و السهم و زي الصيد بالبندق او النبل و لو فرضا اشتريت قصبة النشان بالسهم الصغير .بيرمي السهم بالنفخ هل يعامل معاملة بندقية الرش ؟ كل الشكر |
Re: الصيد والقانون
هي المشكلة تقع اولا علي نوعية الظابط فاذا كان مريض نفسيا فكدة كدة لازم هتحصل مشكلة ثانيا اذا كان ظابط محترم اذا ليست هناك مشكلة وتذكر دائما ان احترامك للاخرين هو احترام لنفسك ... اللسان الخلوق يخرج صاحبه من اي مشكلة
|
Re: رد: الصيد والقانون
اقتباس:
تقبل مروري وارجو ان اكون قد وضحت وجهة نظر زميلي الاخر |
رد: الصيد والقانون
:):)موضوع رائع جدااا:):)
|
رد: الصيد والقانون
موضوع اكثر من رائع
لكن فيه ملحوظة صغيرة انا اعرف ان مسدس الصوت القانون بيقول إنه يرد إلى مالكه إيه بقة موضوع إعدام المسدس و تكسيره دة ؟؟؟؟؟ |
رد: الصيد والقانون
طب بما ان حضرتك فاهم القانون ايه الخطوات اللى ممكن نعملها كصيادين لطلب تعديل قانون التلسكوبات
|
رد: الصيد والقانون
الاستاذ الزميل المحترم اوفى الموضوع وما فرط
|
رد: الصيد والقانون
تسسسسسسسسسسسسسسسسسسسسسسسسسلم
|
رد: الصيد والقانون
أرجو الإفادة القانون بيقول ان مسدس الصوت يرد الى مالكه
موضوع إعدام المسدس و تكسيره دة إيــــه ؟؟؟؟؟ |
رد: الصيد والقانون
اقتباس:
وشكرا . |
رد: الصيد والقانون
الله ينور عليك يا باشا
كلام موزون و مظبوط و تقييم |
رد: الصيد والقانون
موضوع مميز جداااااااااااااااا
|
رد: الصيد والقانون
مشكور يا باشا ولا بلاش باشا ديه ههههه
|
رد: الصيد والقانون
اقتباس:
|
رد: الصيد والقانون
تسلم على المعلومات الجميله دى
|
رد: الصيد والقانون
موضوع ممتاز - تسلم ايدك - بس انت جبت الطبنجة عشان معارفك الحلوة يابخت من كان النقيب خاله - تحياتى لصاحب الموضوع و فى انتظار المزيد
|
رد: الصيد والقانون
موضوع مهم لكل صياد
|
رد: الصيد والقانون
جزاك الله كل خير
|
الساعة الآن 07:21 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir