|
علاج يدوى لألام الظهر والعمود الفقرى بدون عمليات
يا جماعة انا حبيت افيدكم فى الموضوع دة لانى مجربه
كان عندى انزلاق غضروفى وكل الدكاترة قالولى عملية لكن ولاد الحلال عرفونى بواحد وعملى جلستين على ضهرى والحمد لله خفيت وهو بيعالج يدوى وبيرجع الفقرات مكانها الصحيح وكام يوم وخلاص تخف باذن الله كأنه سحر اللى عنده حالة ومحتاجه اجيبلكم رقمه وهو بيعالج المريض فى بيت المريض |
رد: علاج يدوى لألام الظهر والعمود الفقرى بدون عمليات
ياليت صدقني اناليااكتر من صديق عنده المشكلة دي فياليت لو تحط رقم التليفون والعيادة يكون مشكوررر جدااا
|
رد: علاج يدوى لألام الظهر والعمود الفقرى بدون عمليات
حاضرررررررررررر من عينى
|
رد: علاج يدوى لألام الظهر والعمود الفقرى بدون عمليات
ربنا يخليك يا باشا ويجعله في ميزان حسناتك باذن الله تعالي
|
رد: علاج يدوى لألام الظهر والعمود الفقرى بدون عمليات
ايوة يا جماعة مين محتاج العلاج دة؟
|
رد: علاج يدوى لألام الظهر والعمود الفقرى بدون عمليات
ابحثوا عن علاج الكايروبراكتيك
|
رد: علاج يدوى لألام الظهر والعمود الفقرى بدون عمليات
سبحان الله وبحمده سبحان الله العظيم
|
رد: علاج يدوى لألام الظهر والعمود الفقرى بدون عمليات
يا ريت تستازن من المعالج و تنشر تليفونه
و كل واحد منا يبقى عنده الرقم في حالة حد محتاج الموضوع ده نبقى نساعد على طول و ربنا يبارك في عمل الخير |
رد: علاج يدوى لألام الظهر والعمود الفقرى بدون عمليات
حاضرررررررررررر
|
رد: علاج يدوى لألام الظهر والعمود الفقرى بدون عمليات
ياباشا فين الرقم ولا الضربة مقصر لغاية الان بس بجد عجبتني اوى
|
رد: علاج يدوى لألام الظهر والعمود الفقرى بدون عمليات
اقتباس:
|
رد: علاج يدوى لألام الظهر والعمود الفقرى بدون عمليات
الله هو الشفى المعافى
ربنا يشفى كل مريض |
رد: علاج يدوى لألام الظهر والعمود الفقرى بدون عمليات
السلام عليكم ورحمة الله وبركاته بعد إذن صاحب الموضوع أنا أحذره وأحذر كل الأعضاء الأحباء من الإنسياق وراء مثل هذا النوع من العلاجات الغير مفيدة والتى يكون من ورائها أهداف أخرى لا يعلمها الا الله وحده فلا يوجد شىء اسمه اعادة الفقرات الى مكانها يدويا , ولو كان يوجد لعرفه الأطباء " وماكانش حد غلب " وأغلب الظن أن هذا هو نوع جديد من النصب , ولا تصدقوا ان أحدا ممكن يشفى من هذا الهراء الغير علمى والغير منطقى بالمرة. أرجو من صاحب الموضوع البعد عن هذه الأشياء الضارة , وألا يتدخل فيها حتى لا يتحمل وزرها أمام الله سبحانه وتعالى لأنها تعلق المريض بأمل زائف فى الشفاء , وحتى اذا كانت تسبب تحسن مؤقت فى الحالة نتيجة التاثير النفسى , فإن عواقبها تكون وخيمة اذا اعتقد فيها المريض وابعدته عن العلاج الطبى السليم. إخوانى , منطقة الفقرات منطقة حساسة جدا فى الجسم وأى إهمال أو تدخل غير مدروس فيها ممكن أن يسبب الشلل النصفى والعياذ بالله , فما الذى يجعلنا نخاطر كل هذه المخاطرة من أجل أمل وهمى وغير منطقى ؟!!!! |
رد: علاج يدوى لألام الظهر والعمود الفقرى بدون عمليات
طبعا كلام الاخ dr_mohasan منطقى جدا
جزاكم الله خيرا على النصيحه |
رد: علاج يدوى لألام الظهر والعمود الفقرى بدون عمليات
اقتباس:
الكايروبراكتيك علاجفى جميع دول العالم ولو حضرتك سافرت اى دولة اوروبية هتلاقى عياداته مالية الشوارع والمشكله ان الدول العربية متعرفش حاجة عن العلاج دة وهقولك حاجة شخصية لى وامام عينى انا من كام سنة كنت مرافق مع طبيب كايروبراكتور من موسكو وكان بيجى مصر لدكاترة عمود فقرى كتير وكان بيعالج حالات مستعصية وبيدرب الدكاترة المصريين عليها وكله كان قدام عينى والدكتور دة صاحبته ومتواصل معاه لحد دلوقتى وكان بيجى يدى كورسات لناس فى مصر وأغلبهم دكاترة وبتوع علاج طبيعى وانا كنت مرافق معاه تورليدر لانى عضو فى جمعية سياحية مصرية بتوفر تورليدر مرافق ومترجم للطرفين وانا عارف ان الدكاترة متعرفش حاجة عن العلاج دة لانى شوفت حالات محدش يصدقها |
رد: علاج يدوى لألام الظهر والعمود الفقرى بدون عمليات
وبعدين يا دكتور
دة اكبر دكاترة فى العالم عندهم كتب عن العلاج دة ولو عايز اجيبلك منها ممكن اجيبلك انا مش ضد حضرتك لكن العلاج دة موجود فى كل دول العالم وكان زمان برضوا بيقولوا ان العلاج بالابر الصينية خرافة وجهل |
رد: علاج يدوى لألام الظهر والعمود الفقرى بدون عمليات
اقتباس:
خلى بالك أنك قلت (( طبيب )) من موسكو و بيدرب (( أطباء )) مصريين طالما اللى بيعالج كدة طبيب يبقى الموضوع علمى , وخاضع للبحث العلمى , حتى اذا ثبت فشله فيما بعد , لأن الطبيب عارف هو بيعمل ايه , ومش ممكن يضر المريض. أما الإعلان ده بيتكلم عن (( واحد )) بيعالج عرفت الفرق يا أخى الحبيب ؟ |
رد: علاج يدوى لألام الظهر والعمود الفقرى بدون عمليات
أيوة فاهمك يا دكتور
انا بس حبيت اقول ان الكايروبراكتيك علاج حقيقى وهو اعادة تقويم الفقرات وليه فوائد كتير جدا وفى نقطة مهمة وهى ان العلاج دة ممكن يدرس ويدرب لأى حد ممكن يكون بارع فيه ومش شرط طبيب لأنى حضرت مع الطبيب كورسات كتير لمعالجين مش دكاترة ولدرجة انى انا شخصيا شربت الكورس كله الموضوع سهل وبسيط ومش معقد وانما يلزمه ذكاء ومهارة معينة ودة فيديو لمعالج يابانى أحرج العالم كله وهو يعتبر أشهر معالج فى العالم وهو ايضا ليس طبيب والمهم ان اللى بيعمله دة مش اى حد يقدر يعمله ولازمله دراسة من حيث الهيكل البنيانى العظمى وارتباطه بالجهاز العصبى والعضلى ودراسة عن المخ كاملا |
رد: علاج يدوى لألام الظهر والعمود الفقرى بدون عمليات
لا يا أخى هنا أختلف معك لو طبيب بيقوم بالعلاج يبقى ممكن انما لما يكون حاجة بسيطة لدرجة أن أى حد ممكن يقوم بيها يبقى ده مش علاج أصلاً بلاش جدال فيما لا يفيد العلاج الحقيقى موجود فى الكتب العلمية والأبحاث والدوريات الطبية , وأى شىء غير منشور فى هذه الكتب والدوريات العلمية لا يعترف به , لأنها تابعة لجهات علمية وبحثية ولا تنشر اى شىء الا بعد التأكد منه علميا العلاج الحقيقى لا يوجد فى برامج التليفزيون والبرامج المسلية !!! وسط فتيات تضحك !!! وهاسألك سؤال مهم , هاينهى الموضوع , ليك ولكل الإخوة الأعضاء , وأرجو انك تجاوب عليه امام نفسك انت واخد الموضوع ببساطة علشان مش مهم ليك , انما لو لا قدر الله والدك أو والدتك احتاج الى مثل هذا العلاج ( عافاهم الله وسلمهم ) هل هاتوديهم عند طبيب , ولا هاتوديهم عند أى حد والسلام كدة بمنتهى البساطة ؟؟؟ وهل ممكن تخاطر بصحة وسلامة حد من أهلك بمثل هذه الطريقة , وهل يهونوا عليك للدرجة دى ؟؟؟ أرجوك لا تجادل فى الموضوع أكثر من ذلك , واذا كنت مقتنعاَ به فهذا شأنك , ولكن لا تحاول إقناع الأعضاء حتى لا تتحمل ذنب من يتبعك منهم أمام الله , وأنا قد بينت الحقيقة وبرأت ذمتى أمام الله , وكل واحد حر فى شأنه يفعل به ما يريد إحذر يا أخى من الجدال فيما هو واضح كالشمس , الكلمة التى تقولها أمانة فاحرص عليها حتى لا يتبعك من هو اقل ثقافة مسترشدا ومقتديا بك , فتورده الى المهالك وتتحمل ذنبه امام الله هذه آخر مشاركاتى فى الموضوع وعلى كل عاقل ان يتحمل مسئوليته ومسئولية من يتبعه , ويعقل ما يفعل ويتقى الله فى نفسه وفيمن هو مسئول عنهم. وجزاكم الله خيراً |
رد: علاج يدوى لألام الظهر والعمود الفقرى بدون عمليات
يا دكتور
أقسملك بالله العظيم انا والحمد لله اولا وأخيرا عالجت والدى بنفسى من عرق النسا بعد ما داخ على الدكاترة سنين وخايف من العملية وانا اقسم بالله ان والدى شخصيا عالجته بنفسى وتم رد الفقرات الى موضعها الصحيح بعد كم جلسة فقط وربنا يحاسبنى على حلفانى وانا عن نفسى مش بمارس العلاج دة كمهنة لكن اللى صاحب الموضوع اتكلم عنه هو شخص يمارس العلاج كمهنة وتاخد منه ميعاد وتروح تلاقى عنده بالميات ومعظم الدكاترة اللى بتيجى فى برامج التليفزيون بتاعة العمود الفقرى كلها عارفه العلاج دة وكنت بروحلهم مع الدكتور بتاع موسكو لكنهم مش بيعالجو بيه لانهم بيضخموا الموضوع عشان الناس تدفع بالالوفات كشف وتحاليل وفحوصات وجلسات واشعة وعمليات وفتح غرفة العمليات و .... استنزاف يعنى |
رد: علاج يدوى لألام الظهر والعمود الفقرى بدون عمليات
ارجوا من الاعضاء تشوف الفيديو دة كمان وهى تحلل بنفسها
هل الحالة دى حد فى مصر يقدر يعالجها بدون عملية جراحية ؟ |
رد: علاج يدوى لألام الظهر والعمود الفقرى بدون عمليات
برجاء ارسال تليفونات المعالجين. و كل واحد عايز يروح يشيل مسئولية نفسه. خاصة بعد كل هذه التحزيرات. شكرا
|
رد: علاج يدوى لألام الظهر والعمود الفقرى بدون عمليات
من غير معالجين ولا حاجة
لو فى حد محتاج علاج انا فى خدمتكم وتحت امركم وربنا الشافى اولا واخيرااااا |
رد: علاج يدوى لألام الظهر والعمود الفقرى بدون عمليات
هههههههههههههههههههههههههههههههههه هى وصلت لكدة , بقى ده اسمه كلام ؟ إتقوا الله فى بعضكم يا إخوانى |
رد: علاج يدوى لألام الظهر والعمود الفقرى بدون عمليات
ههههههههههههه مؤيد ليك يا دكتور محمد |
رد: علاج يدوى لألام الظهر والعمود الفقرى بدون عمليات
يا جماعة دى حاجة سهلة والله العظيم زى التمارين بالظبط
وكله لوجه الله بدون مقابل |
رد: علاج يدوى لألام الظهر والعمود الفقرى بدون عمليات
اقتباس:
|
رد: علاج يدوى لألام الظهر والعمود الفقرى بدون عمليات
اقتباس:
أرجوك ترد على سؤالى أنت حضرتك خريج إيه ؟ |
رد: علاج يدوى لألام الظهر والعمود الفقرى بدون عمليات
عارفين الناس بتوع المساج
لما تيجى تتكلم مع اى واحد فيهم عن المساج يقولك مش اى حد يعمل مساج دة لو اتعمل غلط يسبب شلل وطبعا هم بيقولوا كدة عشان يحسسوا الناس انهم عباقرة ومتخصصين وكل دة وهم |
رد: علاج يدوى لألام الظهر والعمود الفقرى بدون عمليات
اقتباس:
طب ماهو فعلا مش أى واحد بيعمل مساج بطريقة صحيحة .. ولا رأيك انتا إيه ؟؟ |
رد: علاج يدوى لألام الظهر والعمود الفقرى بدون عمليات
الجدال فى الموضوع ده لن يفيد اللى عايز يجرب هذه الطريقة السحرية التى تعالج جميع أمراض الفقرات بدون استثناء يجرب , هو حر , وسوف يتحمل العواقب |
رد: علاج يدوى لألام الظهر والعمود الفقرى بدون عمليات
اقتباس:
بكالريوس برمجة ونظم معلومات - المعهد العالى ميدان الحجاز دبلوم موبايل ريبيرينج هاردوير وسوفت وير من اوكرانيا سنة 2000 دبلوم الخط العربى وحاصل على المركز الاول على الجمهورية فى تالتة اعدادى وحاصل على المركز الاول على الجمهورية سنة 83 مسابقة وزارة الثقافة فى الفن التشكيلى تانى جمهورية فى الملاكمة - نادى الترسانة سنة 94 هههههههههههههههه طبا هتضحك اوى دلوقتى لان كل دة مالوش دعوة فى اللى بنقوله |
رد: علاج يدوى لألام الظهر والعمود الفقرى بدون عمليات
اقتباس:
وأشهر ناس فى مصر اللى فى شرم واللى فى الغردقة ولأنى اعرفهم شخصيا |
رد: علاج يدوى لألام الظهر والعمود الفقرى بدون عمليات
اقتباس:
أنا كنت فاكرك مالكش علاقة بالطب خاااااااااااالص ههههههههههههه |
رد: علاج يدوى لألام الظهر والعمود الفقرى بدون عمليات
يا دكتور الموضوع ببساطة انى اعرف ازاى الغضروف بيكون ضاغط على العصب
وبعرفه من غير اشاعة ضاغط ازاى وفين وبعرف الفقرة معوجه ازاى وبالتالى بعدلها مكانها الصحيح ولما بتتعدل المريض بيرتاح تماما دة مجرب تماما انما لو تأكل أو كسور أو حوادث أو قطع فى الغضروف أو حاجات زى دى دى مشاكل تانية الكايروبراكتيك مش بيعالجها |
رد: علاج يدوى لألام الظهر والعمود الفقرى بدون عمليات
اقتباس:
طبعا عندك حق وانا بحترمك جداااااا ومش مختلف معاك وانا والله بحبك جدا من غير ما اشوفك لانك انسان محترم والمناقشة معاك مفيدة بس يا دكتور العلاج دة مفيد والله العظيم |
رد: علاج يدوى لألام الظهر والعمود الفقرى بدون عمليات
اقتباس:
المساج يعتمد أساساً على علم التشريح لمعرفة أماكن العضلات واتجاهها ومنشأها ونهايتها لأن كل عضلة لها طريقة واتجاه فى المساج على حسب مكانها واتجاهها والناس بتوع المساج الفاهمين فى شغلتهم لازم يدرسوا دراسة بسيطة فى علم التشريح علشان يفهموا هما بيعملوا ايه كما ان الاتجاه الصحيح لمساج العضلة يساعد فى التخلص من الكمية المتراكمة من (اللاكتيك اسيد) والتى تتراكم بالمجهود وتسبب ارهاق العضلة , والمساج فى الاتجاه الخاطىء يسبب زيادة تراكم هذا الحمض داخل العضلات مافيش حاجة محترمة من غير علم يا أستاذ للأسف معلوماتك كلها غلط |
رد: علاج يدوى لألام الظهر والعمود الفقرى بدون عمليات
اقتباس:
|
رد: علاج يدوى لألام الظهر والعمود الفقرى بدون عمليات
اقتباس:
بس فى ناس كتير اعرفها بيقولولها اعملوا كدة وكدة وخلاص بيشتغلوا وبقالهم سنين شغالين فى الاجانب ومحدش اتشل ولا حاجة ولا عمرنا سمعنا ان حد المساج عمله شلل |
رد: علاج يدوى لألام الظهر والعمود الفقرى بدون عمليات
اقتباس:
لا معلش مافيش حد عاقل ممكن يصدق ده |
رد: علاج يدوى لألام الظهر والعمود الفقرى بدون عمليات
يا دكتور حضرتك طبيب فى اية ؟
وانا سعيد بمعرفتك |
رد: علاج يدوى لألام الظهر والعمود الفقرى بدون عمليات
سوف انهى هذه المناقشة من جهتى لأنها أصبحت غير مجدية ونترك الموضوع كله للأعضاء للحكم عليه أستأذنكم و خالص تحياتى لكم جميعاً |
رد: علاج يدوى لألام الظهر والعمود الفقرى بدون عمليات
اقتباس:
المريض عادة لما بيروح للدكتور بيطلب منه أشعة وعلى حسب الأشعة الطبيب بيشخص الحالة فى تشخيص واحد الكايروبراكتيك بيعالجه الانزلاق الغضروفى ومشاكل ضغط الغضروف على الاعصاب وانا قصدى ان كل اشكال الانزلاق ممكن اعرفها بالضغط فى اماكن معينة ومن خلال المريض بعرف الانزلاق ازاى وبالتالى يتم اعادة الفقرة مكانها ورد الغضروف كله عن طريق حركات يدوية معينة |
رد: علاج يدوى لألام الظهر والعمود الفقرى بدون عمليات
اقتباس:
لكن حضرتك لما تشوف حالة تم علاجها أكيد هتستغرب |
رد: علاج يدوى لألام الظهر والعمود الفقرى بدون عمليات
والله يا أخى كلامك غريب!!! .. لأن المختصين نفسهم بيبقى الأمر صعب عليهم .. ولو حاله فعلا تم علاجها فأعتقد أنها صدفه لن تتكرر .. |
رد: علاج يدوى لألام الظهر والعمود الفقرى بدون عمليات
اقتباس:
لكن دة علاج فى كل دول اوروبا وفى اليابان والصين بقاله سنين طويلة |
رد: علاج يدوى لألام الظهر والعمود الفقرى بدون عمليات
2 مرفق
مستغربين الكايروبراكتك
طيب هتعملوا اية لما نتكلم عن الريفليكسولوجى انا بقى عندى صحاب كتير دكاترة لما سألتهم عليه قالولى اول مرة نسمع عنه ههههههه مع انه منتشر فى العالم كله |
رد: علاج يدوى لألام الظهر والعمود الفقرى بدون عمليات
|
رد: علاج يدوى لألام الظهر والعمود الفقرى بدون عمليات
|
رد: علاج يدوى لألام الظهر والعمود الفقرى بدون عمليات
|
رد: علاج يدوى لألام الظهر والعمود الفقرى بدون عمليات
|
رد: علاج يدوى لألام الظهر والعمود الفقرى بدون عمليات
|
رد: علاج يدوى لألام الظهر والعمود الفقرى بدون عمليات
كل دول بيعالجوا بالصدفة ؟؟؟؟؟؟
|
رد: علاج يدوى لألام الظهر والعمود الفقرى بدون عمليات
|
رد: علاج يدوى لألام الظهر والعمود الفقرى بدون عمليات
|
رد: علاج يدوى لألام الظهر والعمود الفقرى بدون عمليات
نقاش ممتاز والله ويارب كلام اكسلانس يكون صحيح مع تحياتى واحترامى للجميع
لان الكلام ده لو كان صحيح هيريح ناس كتير بفضل الله سبحانه وتعالى وتحياتى للجميع مرة اخرى |
رد: علاج يدوى لألام الظهر والعمود الفقرى بدون عمليات
ماهى كل الفيديوهات اللى فوق دى بتأكد كلامى
العلاج دة موجود فى كل دول العالم الا الدول العربية شغالة تقطيع فى الناس هههههههههههه |
رد: علاج يدوى لألام الظهر والعمود الفقرى بدون عمليات
والله يا اكسلانس هل يوجد عند الاخ المعالج طريقه لعلاج الام الكتف و الذراع؟ ياريت و جزاك الله خيرا
|
رد: علاج يدوى لألام الظهر والعمود الفقرى بدون عمليات
لازم نعرف السبب الاول
انت رقبتك تعبانة ؟ يعنى فى وجع فى الرقبة ؟ انهى دراع ؟ |
رد: علاج يدوى لألام الظهر والعمود الفقرى بدون عمليات
بسم الله الرحمن الرحيم
يقوم طب تقويم العمود الفقري باليد أو الكيروبراكتيك (Chiropractic Medicine) وهو نوع من العلاج بدون أدوية على نظرية تقول أن الجسم كائن قادر على شفاء نفسه بنفسه. وقد استعمل أبو قراط، أساليب يدخل فيها ضبط العمود الفقري منذ ما يربو على ألفي عام. وقد بدأ طب الكيروبراكتيك الحديث كمهنة منظمة عام 1859م، عندما أعلن مؤسسه " د. د . بالمر" أول قصة نجاح له مع الكيروبراكتيك. والمعروف أن والد "بالمر"، وكان بائع سمك متجول ، اكتشف الكيروبراكتيك عندما عالج – بإذن الله - حالة صمم لدى أحد الرجال بضربه على ظهره! وفي عام 1963م، بدأ مجلس ممارسي طب الكيروبراكتيك في وضع شروط بضرورة اجتياز خريجي مدارس طب الكيروبراكتيك لاختبار موحد على مستوى الأمة قبل أن يبدءوا بممارسته. واليوم ، يتلقى المعالجون بالكيروبراكتيك تدريباً تعليمياً باهراً. وبدلاً من علاج الأعراض، مثل ألم أسفل الظهر، يركز المعالجون بالكيروبراكتيك على علاج عظام العمود الفقري التي يعتقد أنها غيرت مواضعها وحركتها الطبيعية نتيجة للإجهاد والإصابات أو أسباب أخرى. ويقوم الطبيب بعملية ضبط وضع النظام أو استخدام قوة مناسبة في اتجاه محسوب بدقة على مفصل مصاب بعجز في الحركة أو لا يتحرك بصورة سليمة. كيف يعمل: طبقاً لم يقوله أطباء العلاج بالكيروبراكتيك، فإن الجهاز العصبي يسيطر على جميع وظائف الجسد، والرسائل العصبية تسير من المخ إلى الحبل الشوكي ثم إلى أعصاب كل منطقة من مناطق الجسم، ثم تعود إلى الحبل الشوكي في طريقها إلى المخ من جديد. وتقوم النظرية على أن الأوضاع غير الطبيعية لعظام العمود الفقري قد تتدخل في تلك الرسائل وغالباً ما تكون هي السبب الكامن وراء العديد من المشاكل الصحية. ويقوم أطباء الكيروبراكتيك بتصحيح الأوضاع الخاطئة لعظام العمود الفقري. وسواء كانت يدي الطبيب أو آلة مصممة خصيصاً لوضع قوة معينة لزمن وجيز وبدقة شديدة على مفصل ما، فإن هذا الشكل من المعالجة أو الضبط يقال أنه يساعد على إعادة العظام إلى وضع أو حركة أكثر قرباً من الأوضاع أو الحركات الطبيعية، مما يساعد على تخفيف الألم والشفاء بإذن الله. وقد ينصح طبيب الكيروبراكتيك ببرنامج إعادة تأهيل للعمود الفقري وتثبيته والإقلال من حركة المفاصل، وذلك لإعادة تأهيل نسيج أربطة العضلات وإعادة التوازن للنبضات العصبية. ما الذي يفعله: يستخدم طب الكيروبراكتيك بنجاح في علاج آلام الظهر، وآلام الصداع المزمنة، وآلام العنق، والآلام الناجمة عن إصابات بالجهاز الحركي (العضلات أو العظام). وقد ثارت بعض الأقاويل عن إن بإمكان أطباء الكيروبراكتيك علاج مشاكل خطيرة كالأورام وأمراض القلب وأن بإستطاعتهم تقديم رعاية وقائية شاملة . غير أنه لا يوجد دليل علمي يبرهن صحة هذا الكلام. ملاحظات: المعالجة بالكيروبراكتيك لا تجري في حالة وجود كسر بالعظام، أو عدوى أو سرطان أو التهاب شديد بالمفاصل أو أي حالة تتعارض مع استخدامه، وبخاصة الإصابات أو المشاكل العنقية. معالج الكيروبراكتيك هو الذي يقرر ما إذا العلاج آمناً للشخص أم لا. المعالجون في هذا المجال يحصلون على تعليم عالي ويجب عليهم إتمام دراسات جامعية وبرنامج إضافي مدته 4 سنوات داخل إحدى كليات طب الكيروبراكتيك. يعتبر العلاج بالكيروبراكتيك طريقة من اهم الطرق طب تقويم العمود الفقري باليد وهو نوع من العلاج بدون عقاقير في إطار نظرية العلاج بالطب البديل والقائلة بأن هناك حالات مرضية يكون للجسم فيها قادرا على شفاء نفسة بتفسة(بأذن الله) والعجيب فعلا أن (أبو قراط)أبو الطب أستخدم أساليب العلاج بالكيروبراكتيك لضبط العمود الفقري منذ مايربو على الف عام. وقد عادت هذه الاساليب العلاجية من جديد لتقويم العمود الفقري باليد في اواخر القرن التاسع عشر وتعددت الاساليب المستخدمه في ذلك ,إلا أنها جميعها تتشابة في منهجها لانها تركز على الرعاية الوقائبة وعلاج الشخص (بالكامل)وبرغم تباين الوسائل والاساليب فإن كل الاساليب تحتاج إلى ممارس او طبيب متخصص يكرس قدرا هائلا من انتباهه لمعالجة المريض,والان يوجد اطباء تقويم العظام مدربون جيدا,باعتبارهم من الاصل أطباء خرييجي كليات الطب ويحملون ترخيصا للعلاج بالكيروبراكتيك. فلسفة العلاج بالكيروبراكتيك: تقوم فلسفة العلاج بالكيروبراكتيك على اساس ان الجهاز العصبي يسيطر على جميع وظائف الجسد وان الرسائل العصبية تسير من المخ الى الحبل الشوكي ثم الى اعصاب كل منطقة من مناطق الجسم ثم تعود الى الحبل الشوكي في طريقها الى المخ من جديد. وتؤكد فلسفة المعالجين بالكيروبراكتيك ان الاوضاع غير الطبيعيه لعظام العمود الفقري قد تتدخل في تلك الرسائل وغالباً ماتكون السبب الكامن وراء العديد من المشاكل الصحيه والمتاعب التي يعاني منها الانسان. وعلى هذا الاساس يقوم اطباء الكيروبراتيك بتصحيح الاوضاع الخاطئه لعظام العمودالفقري بالمعالجة اليدوية وسواء كانت بيد الطبيب تقوم بهذا الاصلاح بااستخدام تقنيات عالية الدقة وجديثة مخصصة لوضع قوة معينه وحيز بدقة شديده على مفصل ما. المزايا العلاجية للكيروبراكتيك: 1-علاج الام الظهر. 2-علاج الام الصداع المزمن. 3-علاج الام العنق. 4-علاج الالام الناجمة عن اصابات بالجهاز الحركي سواء كانت العضلات او العظام. الموضوع منقول للامانة العلاج موجود في مصر بس قليل جدا السلام عليكم |
رد: علاج يدوى لألام الظهر والعمود الفقرى بدون عمليات
طبعا واسأل مجرب
|
رد: علاج يدوى لألام الظهر والعمود الفقرى بدون عمليات
اكيد طبعا انا حطيت الموضوع ده عشان خاطر كان في جدل في الموضوع وفي ناس ما كنتش تعرف عنه اي حاجه
وانا كمان المعلومات دي اول لما عرفتها حطيتها علي طول عشان الكل يعرف ويستفيد |
رد: علاج يدوى لألام الظهر والعمود الفقرى بدون عمليات
شكرااااااااااااااااااااااااا
|
رد: علاج يدوى لألام الظهر والعمود الفقرى بدون عمليات
لو سمحتوا تفيدوني
هل ممكن علاج تنكس مفصل الورك بالكيروبراكتيك؟ و شكراً |
| الساعة الآن 12:24 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir