اول مشاركة لي
 

السلام عليكم
هده اول مشاركة لي هنا
و بمناسبة الشهر الكريم و بمناسبة بداية موسم الصيد كل عام و انتم طيبين


شوف يا سيدى...
المصحف 600 صفحه او 602 ..صح
(لو مش مصدقنى روح بص فى المصحف بسرعه وتعالى)
هاه.. طلع كام ..أوكي ... تعالى نكمل بقه

المصحف 600 صفحه على 30 يوم بكام يا ريس..؟؟...
يا عم متعقدهاش الحسبه أبسط من كده 600 / 30 = 20 صفحة



..شفتوا سهله إزاي...


طيب يعنى فى اليوم 20 صفحه وإحنا عندنا 5 صلوات فى اليوم
يبقى 20 / 5 مظبوط أيوه كده
4 صفحات

يبقى إنت لو قريت 4 صفحات بعد كل صلاه يبقى فى اليوم هتخلص 20 صفحه
يعنى فى الشهر هتخلص القرآن مستريح أوى
عايز نصيحتى خليهم 30 فى اليوم علشان لو جيت إنشغلت فى يوم من الأيام
يتعوض فى يوم تانى


إستنى الإيميل لسه مخلصش
الدال على الخير كفاعله

شوف بقه لو بعتّ الإيميل ده لكل أصحابك وختم القرأن بسببك هيتحسبلك أجر
وثواب أد إيه...

ياااه ده إنت تبقى ختمته كتير أوى يللا يا عم شد حيلك
عايزين
الناس كلها تختم القرآن السنه دى على ايدك
ربنا يوفقنى لختم القران
أصلح نفسك وادعو غيرك
كل يوم بيعدى بيقربنا من الموت

رد: اول مشاركة لي
 

جزاك الله خيرا ومشكور علي تيسير الامور وربنا يقدرك علي الخير

رد: اول مشاركة لي
 

السلام عليكم


الله يباركلك ويضع لك الاجر فى ميزان حسناتك

وشكرا

رد: اول مشاركة لي
 

ربنا يبارك فيك

وجزاك الله كل خير