الصيد فى مصر

الصيد فى مصر (http://www.egyhunt.net/index.php)
-   الصيد البري وادواته (http://www.egyhunt.net/forumdisplay.php?f=58)
-   -   اقوى طرائف الصيد (http://www.egyhunt.net/showthread.php?t=42599)

عمرو الصياد 13-09-09 11:45 PM
اقوى طرائف الصيد
 
الموضوع باين من عنوانه كل عضو يحكى قصة طريفه قبلته فاى رحلة صيد او موقف حدث معاه بسبب الصيد والموضوع هيثبت لو عجبكم

elmasrey123 13-09-23 12:57 PM
رد: اقوى طرائف الصيد
 
انا قصتى الطريفة غريبة شوية اول رحلة صيد ليا شكلى شكل اى صياد مبتدئ مجبتش اى حاجة ولا الهوى طب ايه الغريب فى كده ان انا رجعت البيت واخدت قرار ببيع البندقيه على طول ههههه

عمرو الصياد 13-09-27 03:31 AM
رد: اقوى طرائف الصيد
 
شرفتنا يامصرى بالرد ويارب بقى الاعضاء تتفاعل

قناص اسوان 14-12-31 02:52 AM
رد: اقوى طرائف الصيد
 
اولا تحياتى ل احلى ناس فى الدنيا .. من يومين حصل معاى موضوع طريف شوية . كعادتى طلعت بعد صلاة الجمعه اصتاد شوية المهم قولت اغير نوع فريستى وطلبت معايا اصيد غراب المهم كل ما ضرب واحد يطير بالرشاية وما يوقعش فى الاخر نفسى اتسدت قولت اروح لقيت واحد وانا ماشى على نخلة بعيدة وتوكلت على الله وضربت ... الغريب انه وقع روحت اجيبه اول ما قربت منه طار تانى ؟؟ وقف على نخلة قريبة ضربت تانى وقع ..وتكرر الموضوع 3 مرات والله جبت اخرى بقة روحت الغريب بقه انى لقيته تانى يوم ميت واصار الرش فيه .. طب ليه يا ابن الناس تعبتنى ده كله ؟؟:lf::lov::punnch:

البهواشى 14-12-31 08:47 AM
رد: اقوى طرائف الصيد
 
انا حصل معايا موقف غريب ويضحك فى نفس الوقت
خرجت انا وابنى فى رحلة صيد كالعاده وكانت الحصيله جيده يمام وحمام وفراخ غيط والعملية ماشيه تمام والبندقية مظبطه على الشعره بس فى اخر الرحله حصل موقف عجيب كان فيه يمامه على شجره نشنت عليها مجتش نشنت عليها تانى الرشه مجتش استغربت وبعد ما عمرت البندقيه بالرشه الثالثه ابنى قالى ادينى البندقيه وانا هضرب المره دى قولته ماشى واديته البندقيه وبسم الله ضرب نزلت مقفوله قولته برافو واحنا ماشيين لقيت يمامه تانيه جيت انشن ماجتش حاولت تانى مجتش رحت معمر البندقيه وادتها لابنى وقولته اضرب انته هوب ضرب نزلت هد شوت فى الدماغ ... ابنى قالى بص يا بابا انت تعمر وانا اضرب بس كان يوم روعه

هشام سمير 14-12-31 12:52 PM
رد: اقوى طرائف الصيد
 
مره كنت بصطاد انا وزكريا ( الصياد زيكو) عضو معانا هنا
كنا بنصطاد فى مكان كان حصل فيه سرقه قبلها بيوم. ودخلنا وقعدنا نضرب نضرب نضرب
وفجاءه شوفنا الناس من بعيد طلعلنا بالنبابيت والعصيان واللى ماسك بندقيه خرطوش واللى ماسك آلى. ولسه بنركب الموتسكل علشان نمشى لقيناهم بيضربو علينا نار
زكريا جتله حاله عصبيه وفضل يقول محدش يضرب نااااااار محدششششش يضرب نار كان بيقولها بسرعه جدا وبتوتر وانا بين احساسين هموا من الضحك ومن الخوف فى نفس الوقت
المهم الناس لما قربت عرفتنا وتفهمو الامر الحمد لله

عمرو الصياد 15-01-09 07:14 PM
رد: اقوى طرائف الصيد
 
نورتوا الموضوع بجد وكل موقف منهم يضحك بجد
ايه الغراب الى مبيمتش ده عامل شفرة الموت :mechan:
والموقف التانى ضحكنى بجد وربنا يبارك لحضرتك فابنك ويطلع قناص اد الدنيا :lov:
وحبيبى يا هشام اجرى يا مجدى :lf:


الساعة الآن 08:13 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir