الصيد فى مصر

الصيد فى مصر (http://www.egyhunt.net/index.php)
-   الموضوعات العامه (http://www.egyhunt.net/forumdisplay.php?f=86)
-   -   مشاريع قوميه (http://www.egyhunt.net/showthread.php?t=46791)

TheLegnedkiller 14-07-21 05:19 PM
مشاريع قوميه
 
السلام عليكم ورحمه الله وبركاته

في وسط الملل ده ووسط الفقر الي الناس بقت فيه

والبطاله والشغل ده

وربنا يستر علي الجيل بتاعنا

الموضوع ده هيبقي عباره عن

ان لو حد عنده افكار لمشاريع صغيره او كبيره

يقولها ويقولنا دراسه الجدوي بتاعتها

عشان الكل يستفيد

ولو كل واحد عنده مشروع يعمله والله البلد هتقوم

والناس تشتغل شويه

الي عنده فكره ياريت يقولها ويقولنا رأيه فيها

والي عمل مشروع ياريت يقوله عشان تعوم الفائده علينا وعلي الجميع

وكان الله في عون العبد ما كان العبد في عون اخيه :)

وربنا يكرم الجميع

وان شاء الله الموضوع لو فيه اقبال كتير
هيتم تثبيته
بعد اذن الاداره

sayed amer 14-07-21 07:50 PM
رد: مشاريع قوميه
 
واحشتنى مواضيعك يا حوده والله ينور عليك

TheLegnedkiller 14-07-21 08:37 PM
رد: مشاريع قوميه
 
اقتباس:
المشاركة الأصلية كتبت بواسطة sayed amer (المشاركة 563930)
واحشتنى مواضيعك يا حوده والله ينور عليك
الله يخليك يا استاذ سيد
والله وانت واحشني اكتر
شرفني مرورك يا كبير

فكرى الفساخ 14-07-21 09:08 PM
رد: مشاريع قوميه
 
اشكرك يا ابنى على افكارك المبدعة . قرأت للأستاذ الراحل جمال الشرقاوى عن مشروع منخفض القطارة . عبارة عن شق قناة طولها 75 كيلو متر من منطقة العلمين تنقل المياه من البحر المتوسط الى منخفض القطارة بالصحراء الغربية . ينخفض 150 مترا عن سطح البحر وتبلغ مساحته 5 مليون فدان . ويوجد بأكاديمية البحث العلمى 22 مجلد دراسات جدوى بكل التفاصيل بمعرفة المتخصصين الالمان . الفوائد باختصار : توليد كهرباء نظيفة تكفى افريقيا . تربية وصيد وتعليب الاسماك . استخراج الملح وتصديره . تحلية المياه المالحة . الزراعة الدائمة والموسمية . منطقة جذب سكانى وسياحى على الشواطئ التى ستنشأ على ضفاف البحيرة . تغير الطقس بفعل بخر المياه والامطار ومساحة المياه الهائلة . هذا مشروع قومى كان سينفذه الرئيس الراحل انور السادات ولكن لم يمهله القدر .

TheLegnedkiller 14-07-22 02:34 PM
رد: مشاريع قوميه
 
اقتباس:
المشاركة الأصلية كتبت بواسطة فكرى الفساخ (المشاركة 563937)
اشكرك يا ابنى على افكارك المبدعة . قرأت للأستاذ الراحل جمال الشرقاوى عن مشروع منخفض القطارة . عبارة عن شق قناة طولها 75 كيلو متر من منطقة العلمين تنقل المياه من البحر المتوسط الى منخفض القطارة بالصحراء الغربية . ينخفض 150 مترا عن سطح البحر وتبلغ مساحته 5 مليون فدان . ويوجد بأكاديمية البحث العلمى 22 مجلد دراسات جدوى بكل التفاصيل بمعرفة المتخصصين الالمان . الفوائد باختصار : توليد كهرباء نظيفة تكفى افريقيا . تربية وصيد وتعليب الاسماك . استخراج الملح وتصديره . تحلية المياه المالحة . الزراعة الدائمة والموسمية . منطقة جذب سكانى وسياحى على الشواطئ التى ستنشأ على ضفاف البحيرة . تغير الطقس بفعل بخر المياه والامطار ومساحة المياه الهائلة . هذا مشروع قومى كان سينفذه الرئيس الراحل انور السادات ولكن لم يمهله القدر .
الله يخليك يا استاذ فكري
وفعلا مصر فيها مشاريع كتير
بس من سابع المستحيلات انها تتنفذ
بس انا قصدي مشاريع للشباب انه يعملها

هشام سمير 14-07-22 03:05 PM
رد: مشاريع قوميه
 
فيه مشرووع كويس جدا عن مكن الطباعه والكتابه على الملابس
هدورله عن دراسة الجدوى وانزله ان شاء الله

TheLegnedkiller 14-07-22 03:11 PM
رد: مشاريع قوميه
 
اقتباس:
المشاركة الأصلية كتبت بواسطة هشام سمير (المشاركة 563992)
فيه مشرووع كويس جدا عن مكن الطباعه والكتابه على الملابس
هدورله عن دراسة الجدوى وانزله ان شاء الله
اول مشروع هينزل بقياده الكبير هشام سمير
ربنا يسهل يا اتش
ويبقي فتحه خير علي الموضوع
وكله ينزل مشاريع

ebrahem 14-07-22 04:12 PM
رد: مشاريع قوميه
 
مشروع السفر للخارج هو المشروع الواقعى ودة بييجى من عدة طرق اقواها رفع الكفاءة بالداخل والحقيقة الى افهمها انة بيعتمد على تخصصات معينة انصح بها المقبلون على التعليم العالى .. فممثﻻ مرغوب اخصائيى العﻻج الطبيعى عشان التخسيس من مرض العصر و متطلبات كبار السن وكذلك مدرسى التخاطب والصم والبكم ومدربى مرضى التوحد و متاخرى الكﻻم وذوى اﻻحتياجات الخاصةوطبعا مدرسى الجامعات فى التخصصات الهندسية الدقيقة زى النانو والطيران والزراعة والبترول والغاز والنقل البحرى وكل كلمة فائتة تندرج تحتها عدة فروع وتخصصات انت تشوف اﻻنسب وتدخل.. يعنى مثﻻ واحد متخصص فى معهد القلب وﻻ دار الفؤاد وﻻ احدى شركات الهيئة العامة للبترول وﻻ مراكز تاهيل ذوى اﻻحتياجات الخاصة وﻻ تخسيس وﻻ تجميل وﻻ مزارع مشهورة و ﻻ اى نشاط صناعى او خدمى مرموق حديد اسمنت ادوية تجميل اتصاﻻات تدريس تأمين شحن بحرى ومن اﻻخر المطلوبين بيكونوا لمهن تستلزم الصبر والتحمل والقرة على استمرار العمل لساعات طويلة تحت ضغط غير كدة بتنزل لدرجة دنيا كعمالة بالمطاعم والمتاجر والمصانع والمزارع

مورو 14-07-22 05:50 PM
رد: مشاريع قوميه
 
ياسلام بس كده خد ياكبير دول ولو احتاجت اي نفاصيل قولي
http://egyhunt.net/showthread.php?t=13820



بسم الله الرحمن الرحيم

مشروع رقم 1

المشروع ده للناس اللي معاها مبلغ من المال وعاوزة تفتح محل والمحل ده هيبيع حاجات كتيييييييييييير اوي منها
1- عطور .
2- هدايا فرو : ودي عبارة عن الدباديب والقلوب والارانب والحاجات دي أسعارها رخيصة جدا في حارة اليهود والموسكي مثلا هتلاقي دبدوب بيتباع في المحلات ب70 جنية ده ممكن تكون جملته من 25 : 35 جنية ونسبة الخصم بتاخدها على أثاث الكمية وهناك مش هتقول للبياع أنك عاوز قطعه أو أتنين حضرتك هتاخد من كل صنف ربع أو نصف دسته وبكده هتاخد خصم اكبر علشان هتاخد بالجملة وفي دباديب ب 7و8 جنية وبتتباع من 15 : 20 جنية وهكذا.
3- وفي المجات هناك اشكال كتييير جدا .
4- نظارات شمسية : هتشتري ستاند نظارات شمسية من الرويعي . وهتشتري النظارات بالعلبة او الدستة والنظارة اللي احنا بنشتريها ب 25 اصلا تمنها جملها حوالي 7: 12 جنية .
5- ميداليات وحظاظات وسلاسل واكسسوارات شبابي وبناتي ودي في حارة اليهود برخص التراب.
6- وهتعمل ركن لمستحضرات التجميل زي الكريمات والجيلات والماسكات وكده . ودي بقى من شارع الجيش .والموسكي.
7-هتعمل ستاند صغير او شبكة سلك للإيشاربات والأسكارف والكاب والايس كاب والطرح الحريمي.
8- وهتعمل ستاند هتعلق علية 20:30 تي شيرت شبابي روش كده ومطبوع وده برده من الموسكي ومكسب التيشرت الواحد لا يقل عن 7 :10 جنية على الاقل.
9-رف للولاعات : وهتعمل حضرتك رف للولاعات ودي في منها الاف الاشكال والانواع. ودي من حارة اليهود من جوة.
10- شنط : ستاند سلك متعلق علية شنط حريمي وشنط شبابي وشنط زي بتاعة الاب توب .
11- الماسكات المرعبة زي بتاعة الهالويين وبتاعة افلام الرعب ودي مش بتتباع كتيير اوي او مش عليها اقبال كتير غير من بعض الشباب اللي بيحطوها ديكورات في المحلات والغرف.
12- احزمة ومحافظ جلد: بردوه في حارة اليهود والموسكي ودرب سعادة.
13- ستاند صغير للكرافت : والكرافت سعره جمله للخامه المعقولة 10:15 جنية بيتباع ب 35 جنية.
وفي حاجات تانية كتييييير اوي زي التحف الانتيكات الصغيرة وكل واحد ودماغة وعلى حسب المنطقة اللي هايفتح فيها المحل . وربنا يكرم الجميع .
عمرو صقر ــــ موروــــــــ

مورو 14-07-22 05:51 PM
رد: مشاريع قوميه
 
http://egyhunt.net/showthread.php?t=13792

بسم الله الرحمن الرحيم
المشروع رقم 2

تركيب عطور
ياجماعة انا هاشرحلكم كيفية تركيب العطور في البيت وأماكن شراء الخامات بأسعار جامدة جدا جدا
مكونات زجاجة العطر
1- الأسنس أو الزيت الخام للعطر .
2- الكحول .
3- الزجاجة .
4- المثبت . وده مالوش لزمة وكل واحد ودماغة.
التركيب :-
لتركيب زجاجة 50 مللي
1- 10 جرام زيت خام .
2- 40 جرام كحول .
3- الزجاجة ال 50 مللي.
4- لو عاوز تحط مثبت 3أو 4 نقط

الزجاجة ال100 مللي ــــ نفس الخطواط مع مضاعفة الكميات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
أماكن شراء الخامات :- في أماكن كتير لشراء الخامات في القاهرة من اهمها
منطقة الحسين وهتلاقي الأسعار غالية نسبيا وفي شارع أسمه الجامع الأحمر متفرع من شارع كلوت بك من شارع رمسيس بجوار شارع الفجالة
الأسعار :-
1- نوع الزيت الخام في منه اكتر من نوع بمعنى درجات أو فرز
اللي انتم هاتجيبوه اسمه الألف وفي شعبي بدرجات كتير
والالف بيتراوح سعر الجرام في بين 55 إلى 70 قرش وفي انواع قليلة جدا سعر الجرام فيها 1.5
وسعر الزيت على حسب نوع العطر .
2- الكحول هتجيبوا حضراتكم اللتر اللي ب7.5 جنية وده معقول جدا وانا عن نفسي بأستخدمه وفي أرخص .
3- الزجاجة الفاضيه ودي أشكالها كتييييييييييير جدا وأسعارها على حسب الشكل والزجاجة العادية المصنفرة ب 1 جنية ال 50 مللي .
والمثبت لو عاوزين تشتروه ال 50 جرام ب 5 : 7 جنيه وهايعيشوا معاك كتيير .
سعر تكلفة الزجاجة ال 50 مللي:-
1-لو سعر جرام الزيت مثلا ب 60 في 10 جرام يساوي 6 جنية .
2- 40 جرام كحول ب حوالي 35 قرش .
3- الزجاجة ال50 ملي 1 جنية .
4- المثبت 0.15 قرش .
التكلفة الكلية للزجاجة 7.5 جنية وبتتباع ب 15 جنية وفي المحلات بتتباع من 15 الى 18 جنية
إذا إم شاء الله المكسب 100%
أتمنى إني اكون أفتدكم وإن شاء الله هجيب ليكم مشاريع تانية كتير.

مورو

مورو 14-07-22 05:52 PM
رد: مشاريع قوميه
 
http://egyhunt.net/showthread.php?t=13999

بسم الله الرحمن الرحيم

المشروع رقم 3

كل بيت عندنا فيه الفرن بتاع البوتجاز وأكيد كل بيت فية فرد من أفراد الأسرة بيعرف يعمل مثلا كيك أو بيتي فور أو كحك أو بسكويت أو قطع البيتزا أو النواشف اللي بتتباع في الفرن الأفرنجي .
أو بسبوسة أو كنافة أو اللي شغال جامد جدي رز باللبن العادي والفرن .
أيه رأيكم في أننا نجيب أطباق الفويل أو الفوم من محلات البلاستيكات والشنط والاكياس ونصنع في البيت ونعبي ونلفها بالبولي راب او الأسترتش البلاستيك وتتوزع على محلات البقالة والسوبر ماركت وممكن الكافيهات ومحلات الأنترنت والبلاي ستيشن ودوا هيتوزع عليهم حلويات بس وطبعا علشان نحسب سعر التكلفة لازم نبداء بكميات قليلة ونضاعف الكميات والأسعار ونضيف هامش ربح معقول وربنا يرزق ويكرم الجميع
* ملحوظة :- مش كل مشروع مناسب لأي حد وياريت كل واحد يفكر في اللي يناسبة
ادعولى بقى لو الحاجة اللي انا بقدمها كويسه وإدعولي برده لو مش كويسة
مع تحياتي عمرو صقر مورووووووووو

مورو 14-07-22 05:52 PM
رد: مشاريع قوميه
 
http://egyhunt.net/showthread.php?t=14301

بسم الله الرحمن الرحيم

المشروع رقم 4

مشروع تعبئة توابل
والمشروع ده ياجماعه من ارخص المشروعات من حيث رأس المال بمعنى انك ممكن تبدأ ب1000|أو 1500جنيه
أدوات الانتاج :-
1- ميزان حساس :- زي اللي موجود عند البقالين والسوبر ماركت وده بيتباع في شارع النحاسين ببالقرب من باب الشعرية او شارع الجيش وسعره بيكون من 100 الى 130 جنيه.
2- ملاعق بلاستيك للتعبئة .
3- اكياس بلاستيك للتعبئة او لو عاوز مظهر شيك خليها علب بلاستيك صغيرة زي الملاحة كده .
4- ماكينه قفل الاكياس ودي برده مش غاليه او وممكن نستبدلها ب دباسة .
5- التوابل ودي بقى هنجبها من الغورية او شارع الازهر وهنجيب مثلا فلفل اسود مطحون وكمون مطحون وشطه وبهارات وهكذا وهنجيب من كل نوع عدد كيلوات قليل للبدء مثلا 2كيلو من كل نوع او كيلو واحد للتجربة مع مراعاة تعبئة كل نوع لوحده علشان مايكرفوش .
6- ستيكر مكتوب عليه اسم الصنف وتاريخ الصلاحيه هكذا وده هنعمله في اي مطبعه.
7- انزل وتوكل على الله ووزع الكميه اللي معاك .
وربنا يكرم الجميع

مورو 14-07-22 05:53 PM
رد: مشاريع قوميه
 
http://egyhunt.net/showthread.php?t=15530

السلام عليكم ورحمة الله وبركاته
بسم الله الرحمن الرحيم

المشروع رقم 5

مشروع بوفيه للمشروبات مشروع جامد جدا
وفكرة المشروع عبارة عن أن يتم إيجار كورنر في أي مكان مثلا أحد المولات اللي مليت البلد أو أي منشأة أو حتى سايبر نت ويتم إنشاء بوفيه ونقوم بإعداد المشروبات الساخنة والباردة والمشروع ده ياجماعه غير مكلف بالمرة بمعنى أن فيه بعض المشروعات مكسبها 300 % يعني مثلا كباية شاي ليبتون تكلفتها لاتتعدى 20 إلى 25 قرش ويبدأسعر بيعها ب 1 جنية على الأقل .
والمشروع ده ياجماعه اللي يعمله صح إن شاء الله يكسب صح الصح
وكل اللي أنت محتاجة غلاية مايه كبيرة لو كان مكان العمل كبير ولو كان المكان صغير غلاية الميه بتاعة البيت تنفع .
والمشروبات الساخنة المنتشرة هي:-
1- شاي 2- نسكافية بلاك 3- نسكافية بالكريمر أو 3x1
4- كابتشينو 5- شاي أخضر بالنعناع 6- شاي بالنعناع 7- نعناع
8- ينسون 9- كركدية 10- نسكويك
بالنسبة للمشروبات الباردة :-
- حضرتك هاتتعاقد مع أي شركة مشروبات غازية مثلا شويبس هاتتعاقد معاهم انك هتاخد كميه معينة من منتجات الشركة وهما هايدولك ثلاجة فري على شرط ان تملئ الثلاجة بمنتجات الشركة.
وممكن تضيف في المكان حاجات تانية كتير مثلا :-
ساندوتشات وممكن ماكينة فشار وممكن حلويات زي أرز باللبن او بسكوتات وكده يعني وظبط نفسك .
الخامات المستخدمة :-
1- الغلاية. 2- الباكت المستخدم . 3- السكر .
4- ملاعق بلاستيك صغيرة . 5- أكواب بلاستيك .
يعني الموضوع بسيط ياجماعه .
أتمنى أتمنى أني أقدر أفيد أي حد في المنتدى المحترم ده علشان بجد في ناس كتير محترمين يستاهلوا أن الواحد يتعب علشانهم .
وأسف للإطاله وشكراااااااااا.
مع تحياتي

مورو

مورو 14-07-22 06:00 PM
رد: مشاريع قوميه
 
مشروع هشام سمير ممتاز جدا جدا ودا عاوز للبدأيه من 15000 ل 20000 جنيه لبدأ العمل ودا شامل البرنتر وجهاز كمبيوتر وورق الطباعه والخامات اللي هتطبع عليها زي مجات تي شيرتات وبمناسبة التيشرتات انا كنت هعمل الموضوع دا من فتره وكنت هطبع رسومات فرعوني ونوديها الغردقه وشرم الشيخ والحسين وخان الخليلي

elmasrey123 14-07-22 06:37 PM
رد: مشاريع قوميه
 
اقتباس:
المشاركة الأصلية كتبت بواسطة مورو (المشاركة 564009)
مشروع هشام سمير ممتاز جدا جدا ودا عاوز للبدأيه من 15000 ل 20000 جنيه لبدأ العمل ودا شامل البرنتر وجهاز كمبيوتر وورق الطباعه والخامات اللي هتطبع عليها زي مجات تي شيرتات وبمناسبة التيشرتات انا كنت هعمل الموضوع دا من فتره وكنت هطبع رسومات فرعوني ونوديها الغردقه وشرم الشيخ والحسين وخان الخليلي
مش لوحدك بس الرقم مبالغ فيه الميزانيه الفعليه للمشروع ده لا تتخطى ال10اللاف المكنه من 5الاف ل7 الاف والخامات مش اكتر من 3 الاف وعيش ولو عاوز دراسه كامله عن المشروع ده موجود

مورو 14-07-22 07:41 PM
رد: مشاريع قوميه
 
اقتباس:
المشاركة الأصلية كتبت بواسطة elmasrey123 (المشاركة 564010)
مش لوحدك بس الرقم مبالغ فيه الميزانيه الفعليه للمشروع ده لا تتخطى ال10اللاف المكنه من 5الاف ل7 الاف والخامات مش اكتر من 3 الاف وعيش ولو عاوز دراسه كامله عن المشروع ده موجود
أمصري المكنه اللي كنت بتكلم عنها لوحدها كانت عامله 10.000 جنيه بدون الكمبيوتر او الاوراق او الخامات اللي هتبدأ بيها وكانت مكنه 7 *1 تقريبا مجات واطباق صيني وتيشرتات وكابات واقلام وع البلاستيك وحاجات كتير
والمكن دا فيه منه انواع كتير اوي ومش بفهم فيهم بصراحه
ولما انت معاك دراسة جدوى ماتنزلها ياجدع هههههههههههه

مورو 14-07-22 08:15 PM
رد: مشاريع قوميه
 
وفي مشاريع انتاج حيواني هنزلهلكم برده بالمره بس اما اخلص بحث عن دراسات الجدوى بتاعتها

فكرى الفساخ 14-07-22 09:23 PM
رد: مشاريع قوميه
 
استاذ مورو أنت عبقرى .. تحياتى واعجابى

TheLegnedkiller 14-07-23 12:33 PM
رد: مشاريع قوميه
 
اشكر كل الرجاله الي ردت علي الموضوع
وربنا يقدم الي فيه الخير
وبرضه في مشروع كويس يارب يفيد الناس
زراعه الماشروم
وان شاء الله انزل الدراسه بتاعته
وشكر خاص لمورو ارجوا ان تتقبل شكري
مع تحياتي

مورو 14-07-23 04:45 PM
رد: مشاريع قوميه
 
اقتباس:
المشاركة الأصلية كتبت بواسطة فكرى الفساخ (المشاركة 564017)
استاذ مورو أنت عبقرى .. تحياتى واعجابى
الله يكرمك ياعم فكري انت راجل محترم وبلاش استاذ دي علشان بتجبلي حساسيه ههههههههههههه

مورو 14-07-23 04:47 PM
رد: مشاريع قوميه
 
اقتباس:
المشاركة الأصلية كتبت بواسطة thelegnedkiller (المشاركة 564047)
اشكر كل الرجاله الي ردت علي الموضوع
وربنا يقدم الي فيه الخير
وبرضه في مشروع كويس يارب يفيد الناس
زراعه الماشروم
وان شاء الله انزل الدراسه بتاعته
وشكر خاص لمورو ارجوا ان تتقبل شكري
مع تحياتي
على ايه ياباشا انا عندي من الحاجات دي كتير بس محتاج اللي يشجعني على نشرها والله مش اكتر ولا شكر على واجب ويارب حد يستفيد من الحاجات دي
وبالنسبه للماشروم هو ممتاز جدا وفوايده عاليه اوي وخلي بالك علشان ليه اكتر من دراسة جدوى ربنا يوفقك

مورو 14-07-23 05:09 PM
رد: مشاريع قوميه
 
بسم الله الرحمن الرحيم

المشروع رقم 6

محل لبيع مصنوعات جلديه زي الشنط الحريمي وشنط المدارس وشنط السفر والمحافظ والاحزمه وكل المصنوعات الجلديه
اماكن بيعها بالجمله بأسعار ممتازه موجوده في باب الشعريه او حارة اليهود الموسكي بس باب الشعريه افضل
وبالنسبه لرأس المال على حسب المبلغ اللي معاك ممكن تبدأ بيه بس تدرس المكان الاول هل يصلح ولا لاء

مورو 14-07-23 05:20 PM
رد: مشاريع قوميه
 
بسم الله الرحمن الرحيم


مشروع رقم 7


الاكل البيتي

مشروع عمل وجبات في المنزل وعمل قائمه بها وتوزيعها على المصانع والشركات القريبه ليك ولو عاوز تكلف المشروع ويكون بإحترافيه تشوف شقه ايجار وتكون صغيره وتكون دي المطبخ بتاعك وتجهزها وتعمل سجل تجاري وبطاقه ضريبيه وشهاده صحيه وتعمل القائمه بالوجبات والاسعار وتوزعها على كل كائن حي جنبك هههههههه بس اهم حاجه النظافه والامانه والمعامله الحسنه دول اساس النجاح والوجبات مثلا هتكون عباره عن رز وقطع كفته او فراخ وسلطه ومخلل وعيش او مكرونه بدل الرز او ممكن تعمل ساندوتشات ومعاها بطاطس وحاجه ساقعه ودا مجال مربح جدا وانا اشتغلت فيه قبل كده والزبون ديما عينه بتاكل الاول يعني شكل الاكل يكون نضيف والتغليف يكون ممتاز وربنا يوفق الجميع

مورو 14-07-23 05:32 PM
رد: مشاريع قوميه
 
بسم الله الرحمن الرحيم

مشروع رقم 8

محل منظفات

تصنيع جيمع انواع الصابون السائل ومعظم النظفات وتعبئتها وبيعها ويباع في المحل كل انواع المنظفات من مساحيق منظفه وصابون وادوات نظافه وكل دا من شارع الجيش في العتبه وتركيبة الصابون السائل بسيطه جدا وغير مكلفه وهنزلكم في نفس المشاركه دي طريقة تصنيع كل حاجه منهم زي الصابون والديتول والطهرات والحاجات دي وهنزلهلكم بالتفصيل وعلى فكره انا جربت فعلا الصابون السائل وكنت بصنعه للمطعم اللي كنت شغال فيه زمان

وليد سالم 14-07-23 05:33 PM
رد: مشاريع قوميه
 
وعد يا مورو ان ربنا كرمني وتم تكليفي بتشكيل الحكومة الجديده اعمل حسابك في وزارة التخطيط
:swit::lov::joi:

elmasrey123 14-07-23 05:35 PM
رد: مشاريع قوميه
 
اقتباس:
المشاركة الأصلية كتبت بواسطة وليد سالم (المشاركة 564074)
وعد يا مورو ان ربنا كرمني وتم تكليفي بتشكيل الحكومة الجديده اعمل حسابك في وزارة التخطيط
:swit::lov::joi:
ابقه اعمل حسابى فى الماليه والاستثمار والصناعة والتجارة والتعاون الدولى

مورو 14-07-23 05:38 PM
رد: مشاريع قوميه
 
بسم الله الرحمن الرحيم


مشروع رقم 9


في مشروع جامد جدا جدا جد ومربح بطريقه رهيبه وربنا يبارك للي هيعمله
هو مشروع تعبئه وتغليف
لايحتاج الا لماكينة تعبئه وتغليف واكياس والمنتج بتاعك
بيتم شراء كميات كبيره من الحبوب زي الرز مثلا وممكن السكر وفول تدميس ودقيق المشروع طبعا بيحتاج تراخيص ومكان واسع لتخزين النتجات قبل التعبئه وبعد التعبئه واما كن بيع الجمله منها ساحل روض الفرج وفي اماكن تانيه ولي صديق كان عامل المشروع هعرف التفاصيل منه بالظبط وانزلهلكم في المشاركه دي

مورو 14-07-23 05:39 PM
رد: مشاريع قوميه
 
اقتباس:
المشاركة الأصلية كتبت بواسطة وليد سالم (المشاركة 564074)
وعد يا مورو ان ربنا كرمني وتم تكليفي بتشكيل الحكومة الجديده اعمل حسابك في وزارة التخطيط
:swit::lov::joi:
هههههههههههههه لا انا عاوز الدخليه ياعم وليد هههههههههههه ومعاها الزراعه الله يكرمك ههههههه

مورو 14-07-23 05:40 PM
رد: مشاريع قوميه
 
اقتباس:
المشاركة الأصلية كتبت بواسطة elmasrey123 (المشاركة 564078)
ابقه اعمل حسابى فى الماليه والاستثمار والصناعة والتجارة والتعاون الدولى
كل دا امصري طب ماتمسك رئيس وزارء احسن ههههههههههههه

وليد سالم 14-07-23 05:40 PM
رد: مشاريع قوميه
 
اقتباس:
المشاركة الأصلية كتبت بواسطة مورو (المشاركة 564082)
هههههههههههههه لا انا عاوز الدخليه ياعم وليد هههههههههههه ومعاها الزراعه الله يكرمك ههههههه


0000000000000000+++++++++++++++++++ :rir::lf::rir::lf::lov:

مورو 14-07-23 07:15 PM
رد: مشاريع قوميه
 
اقتباس:
المشاركة الأصلية كتبت بواسطة وليد سالم (المشاركة 564084)

0000000000000000+++++++++++++++++++ :rir::lf::rir::lf::lov:
ياعم هو انا طلبت حاجه حرام ههههههههههههه والله هظبطلك الدنيا

مورو 14-07-23 07:22 PM
رد: مشاريع قوميه
 
بسم الله الرحمن الرحيم

مشروع رقم 10

دا مشروع الدمار الشامل

بجد المشروع دا اللي يراعي ربنا فيه هيكسب دهب بإذن الله

محل ملابس

لو معاك رأس مال ومكان جامد هتفتح محل ملابس متكامل رجالي حريمي اطفال ولانجيري

الخلاصه بقى بتطلع سيادتك على المصانع اللي في اكتوبر والعاشر والمكاتب اللي في الموسكي وتاخد منهم شغل بالجمله وكل ما تاخد شغل اكتر بينزلك في السعر وتعمل ديكور جامد للمكان وتعيش يامعلم
ولو ميزانيتك محدوده ممكن تفتح حاجه واحده منهم ملابس رجالي مثلا تيشرتات وشورتات وبناطيل جينز وجبردين وكوتشيهات وكابات واحزمه وهكذا بجد مشروع محترم جدا

مورو 14-07-23 07:28 PM
رد: مشاريع قوميه
 
بسم الله الرحمن الرحيم


مشروع رقم 11

محل ادوات رياضيه

ويباع فيه كل ما يخص الرياضه من ملابس رياضيه وادوات رياضيه واجهزه رياضيه ومستلزمات صالات كمال اجسام واجهزة تخسيس المشروع دا ممكن البدايه فيه ب 30.000 الى 40.000 جنيه بضاعه

مورو 14-07-23 07:48 PM
رد: مشاريع قوميه
 
بسم الله الرحمن الرحيم

مشروع رقم 12

محل طيور زينه واسماك زينه وحيوانات اليفه

بإذن الله مكاسب رهيبه بس عاوز اللي يفهم فيه

هتشتري كل حاجه من السيده عائشه سوق الجمعه بس اتعامل مع ناس تكون بتثق فيهم علشان تاخد منهم شغل نضيف
اسماك زينه بكل انواعها وتفرغ عندك بعض الانواع
واحواض سمك
ومستلزماتها وعاصافير
واقفصها ومستلزماتها
حيوانات اليفه زي القطط والسلاحف والهامستر وكده
وربنا يوفق الجميع

elmasrey123 14-07-23 07:53 PM
رد: مشاريع قوميه
 
المشروع الى مدش فكر فيه خالص هو مشروع محل ادوات صيد برى وبحرى ب25 ل30 الف ممكن تبقه صاحب محل وحموجود معانا كمان على المنتدى وتنافس التجار الى معانا على المنتدى وكمان تحس بالى هما حاسينه اليومين دول من وقف حال

مورو 14-07-23 11:57 PM
رد: مشاريع قوميه
 
اقتباس:
المشاركة الأصلية كتبت بواسطة elmasrey123 (المشاركة 564093)
المشروع الى مدش فكر فيه خالص هو مشروع محل ادوات صيد برى وبحرى ب25 ل30 الف ممكن تبقه صاحب محل وحموجود معانا كمان على المنتدى وتنافس التجار الى معانا على المنتدى وكمان تحس بالى هما حاسينه اليومين دول من وقف حال
فكرت فيه يامصري والله بس هيحتاج اكتر من كده بكتير علشان المسدسات الصوت والبنادق الرش

abo amar 14-07-24 01:48 AM
رد: مشاريع قوميه
 
اقتباس:
المشاركة الأصلية كتبت بواسطة elmasrey123 (المشاركة 564093)
المشروع الى مدش فكر فيه خالص هو مشروع محل ادوات صيد برى وبحرى ب25 ل30 الف ممكن تبقه صاحب محل وحموجود معانا كمان على المنتدى وتنافس التجار الى معانا على المنتدى وكمان تحس بالى هما حاسينه اليومين دول من وقف حال
+++++++++++++++++++++++++++++++++++++++++++++1 انا مش معاك فى المبلغ انا معاك فى كلمه تحس باحساس وقف الحال :rir::rir::rir:

elmasrey123 14-07-24 01:49 AM
رد: مشاريع قوميه
 
اقتباس:
المشاركة الأصلية كتبت بواسطة abo amar (المشاركة 564116)
+++++++++++++++++++++++++++++++++++++++++++++1 انا مش معاك فى المبلغ انا معاك فى كلمه تحس باحساس وقف الحال :rir::rir::rir:
خلينى ساكت ال25 الف دول يغرقوه دول يشغلوه فى حوالى 60 حته

abo amar 14-07-24 01:52 AM
رد: مشاريع قوميه
 
طيب ما اسلفك 25 الف وتفتحلك محل فى ميت غمر تولع الدنيا بال 60 حته بتوعك دول :rir::rir:

elmasrey123 14-07-24 01:55 AM
رد: مشاريع قوميه
 
اقتباس:
المشاركة الأصلية كتبت بواسطة abo amar (المشاركة 564119)
طيب ما اسلفك 25 الف وتفتحلك محل فى ميت غمر تولع الدنيا بال 60 حته بتوعك دول :rir::rir:
اولا انا مش محتاج اشحت منك حاجة ثانيا انته عارف وانا عارف انى لو عايز افتح كان زمانى فتحت وكنت اتهبشت فى دماغى فترة ومشيت فى الموضوع بس الحمد لله ثالثا اما يبقه وصلتوه البلو 550 جنيه يبقه جملته كام وقيس على كده انواع كتير واحسبلى والاهم من ده كله احنا مش عايزين حد منوفى فى ميت غمر
وبعدين الاهم من ده كله انتم لاقيين شغل فى القاهرة لما هنشتغل فى ميت غمر

abo amar 14-07-24 02:00 AM
رد: مشاريع قوميه
 
اقتباس:
المشاركة الأصلية كتبت بواسطة elmasrey123 (المشاركة 564120)
اولا انا مش محتاج اشحت منك حاجة ثانيا انته عارف وانا عارف انى لو عايز افتح كان زمانى فتحت وكنت اتهبشت فى دماغى فترة ومشيت فى الموضوع بس الحمد لله ثالثا اما يبقه وصلتوه البلو 550 جنيه يبقه جملته كام وقيس على كده انواع كتير واحسبلى والاهم من ده كله احنا مش عايزين حد منوفى فى ميت غمر
وبعدين الاهم من ده كله انتم لاقيين شغل فى القاهرة لما هنشتغل فى ميت غمر
ياض المنايفه دول بمزاجك او غصب عنك اسياد البلد دى واحنا يبنى من كتر الشغل اللى موجود اليومين دول فى السوق بنفكر نفتح مجموعه محلات على مستوى المحافظات علشان تشغيل عماله فى كل محافظه والمساهمه فى حل ازمه البطاله :rir::rir::rir::rir:

elmasrey123 14-07-24 02:03 AM
رد: مشاريع قوميه
 
اقتباس:
المشاركة الأصلية كتبت بواسطة abo amar (المشاركة 564121)
ياض المنايفه دول بمزاجك او غصب عنك اسياد البلد دى واحنا يبنى من كتر الشغل اللى موجود اليومين دول فى السوق بنفكر نفتح مجموعه محلات على مستوى المحافظات علشان تشغيل عماله فى كل محافظه والمساهمه فى حل ازمه البطاله :rir::rir::rir::rir:
هههههههههههههههههههههههههه والله ياصاحبى كل الى اقولهولك بعيد عن الضحك والهزار ده ربنا يفك الكرب ويوسع علينا وعليكم وعلى المسلمين اجمعين

مورو 14-07-24 02:04 AM
رد: مشاريع قوميه
 
اقتباس:
المشاركة الأصلية كتبت بواسطة abo amar (المشاركة 564116)
+++++++++++++++++++++++++++++++++++++++++++++1 انا مش معاك فى المبلغ انا معاك فى كلمه تحس باحساس وقف الحال :rir::rir::rir:
+11111111111111111111

مورو 14-07-24 02:08 AM
رد: مشاريع قوميه
 
في حاجات بتيجي برخص التراب فعلا يامصري وفي حاجات بتيجي غاليه ولازم البائع يزاكب السوق والله العظيم انا من فتره وقعت على مستورد من الموسكي وكان مدخل كميات رهيبه وهوا مالهوش فيها اساسا بس انا كنت غبي ساعتها

مورو 14-07-24 02:09 AM
رد: مشاريع قوميه
 
طب ماتقولنا ياابو عمار على دراسة جدوى متوسطه كده للي عاوز يبدأ وتفيد الاعضاء بالمره

elmasrey123 14-07-24 02:10 AM
رد: مشاريع قوميه
 
اقتباس:
المشاركة الأصلية كتبت بواسطة مورو (المشاركة 564125)
طب ماتقولنا ياابو عمار على دراسة جدوى متوسطه كده للي عاوز يبدأ وتفيد الاعضاء بالمره
ياحبيبى مشروع فاشل محدش عاد بيبيع ولا يشترى اسمع منى

مورو 14-07-24 06:24 AM
رد: مشاريع قوميه
 
اقتباس:
المشاركة الأصلية كتبت بواسطة elmasrey123 (المشاركة 564126)
ياحبيبى مشروع فاشل محدش عاد بيبيع ولا يشترى اسمع منى
والله يامصري كنت بفكر في المشروع دا قبل ما الطبنجات التركي دي تنتشر في مصر ايام ماكان مافيش غير 7 او 8 محلات بس في القاهره هما اللي بيبيعوا هههههههههههههه بس النصيب بقى الحمد لله على كل حال

طب ماتيجي نبتكر ونفتح مصنع ههههههههههههههههه

abo amar 14-07-24 09:29 AM
رد: مشاريع قوميه
 
اقتباس:
المشاركة الأصلية كتبت بواسطة مورو (المشاركة 564136)
والله يامصري كنت بفكر في المشروع دا قبل ما الطبنجات التركي دي تنتشر في مصر ايام ماكان مافيش غير 7 او 8 محلات بس في القاهره هما اللي بيبيعوا هههههههههههههه بس النصيب بقى الحمد لله على كل حال

طب ماتيجي نبتكر ونفتح مصنع ههههههههههههههههه
هههههههههههههههههههههههههههههه مصنع . المشكله في المصانع ان صوت المكن بيتعب وداني :rir::rir::rir::rir::rir::rir:

TheLegnedkiller 14-07-24 04:00 PM
رد: مشاريع قوميه
 
احلي رجاله ردت علي الموضوع
وان شاء الله برضه في مشروع
ال recycle
واعاده تدوير البلاستيك
ده مشروع مربح جدا بس عاوز رأس مال عالي شويه

مورو 14-07-24 04:51 PM
رد: مشاريع قوميه
 
اقتباس:
المشاركة الأصلية كتبت بواسطة abo amar (المشاركة 564138)
هههههههههههههههههههههههههههههه مصنع . المشكله في المصانع ان صوت المكن بيتعب وداني :rir::rir::rir::rir::rir::rir:
المشكله يا ابو عمار اني بصدع بسرعه ولو مش بصدع بسرعه كنت عملت المصنع ههههههههههههههههههههههه

مورو 14-07-30 01:43 AM
رد: مشاريع قوميه
 
امصري ابقى حط دراسة الجدوى بتاعة المشروع الطباعه

مورو 14-07-30 03:26 AM
رد: مشاريع قوميه
 
مشروع الطباعه بدور ع النت لاقيت الاعلان دا
دلوقتى ممكن تعمل مشروع كبير بمبلغ بسيط
نوفر لك ماكينة طباعة على
الزجاج,السيراميك,الرخام,المج العادى,المج السحرى,الميدلية,الذهب الصينى,الكرستال,الخشب,التيشرتات القطن,التيشرتات البوليستر,الطرح,الملابس الحريمى,الشنط,الجلد,اليفط النحاس,اللوحات الارشادية وغيرها من المنتجات
المجموعة عبارة عن
1 مكبس مج بوحدة كنترول منفصل
2 مكبس مسطح لطباعة كافة شئ كنترول منفصل
3 ماكينة طباعة مساحة 30*20سم
3 احبار اوريجنال تكفى طباعة 1000 تيشرت تقريبا
4 كورس تدريبى على الطباعة
5 ضمان شامل لمدة 12 شهر
5 اعلان على الصفحة لمدة شهر
6 دعم فنى دائم ( دعوة لحضور الندوات والمعارض الخاصة بالطباعة)
7 هدايا مجانية (مجات,تيشرتات,ورق طباعة)
فقط 5,450 جنية
للاستفسار يرجى الاتصال 01000043368
10 شارع ماهر بجوار مسجد العزيز بالله محطة مترو حدائق الزيتون
من 5 مساء الى 10 مساء يوميا ماعدا الجمعة
برنتا اكاديمى

TheLegnedkiller 14-07-30 04:53 AM
رد: مشاريع قوميه
 
اقتباس:
المشاركة الأصلية كتبت بواسطة مورو (المشاركة 564534)
مشروع الطباعه بدور ع النت لاقيت الاعلان دا
دلوقتى ممكن تعمل مشروع كبير بمبلغ بسيط
نوفر لك ماكينة طباعة على
الزجاج,السيراميك,الرخام,المج العادى,المج السحرى,الميدلية,الذهب الصينى,الكرستال,الخشب,التيشرتات القطن,التيشرتات البوليستر,الطرح,الملابس الحريمى,الشنط,الجلد,اليفط النحاس,اللوحات الارشادية وغيرها من المنتجات
المجموعة عبارة عن
1 مكبس مج بوحدة كنترول منفصل
2 مكبس مسطح لطباعة كافة شئ كنترول منفصل
3 ماكينة طباعة مساحة 30*20سم
3 احبار اوريجنال تكفى طباعة 1000 تيشرت تقريبا
4 كورس تدريبى على الطباعة
5 ضمان شامل لمدة 12 شهر
5 اعلان على الصفحة لمدة شهر
6 دعم فنى دائم ( دعوة لحضور الندوات والمعارض الخاصة بالطباعة)
7 هدايا مجانية (مجات,تيشرتات,ورق طباعة)
فقط 5,450 جنية
للاستفسار يرجى الاتصال 01000043368
10 شارع ماهر بجوار مسجد العزيز بالله محطة مترو حدائق الزيتون
من 5 مساء الى 10 مساء يوميا ماعدا الجمعة
برنتا اكاديمى
مشروع جميل بس عاوز منطقه حيويه اوي عشان تعرف تسوق كويس

في انتظار تفاعل الناس

شكرا يا مورو

مورو 14-07-30 06:37 PM
رد: مشاريع قوميه
 
اقتباس:
المشاركة الأصلية كتبت بواسطة thelegnedkiller (المشاركة 564535)
مشروع جميل بس عاوز منطقه حيويه اوي عشان تعرف تسوق كويس

في انتظار تفاعل الناس

شكرا يا مورو
ولا منطقه ولا حاجه انت بس تعمل ديزاين كويس وتسوق برا المكان

elmasrey123 14-07-30 06:47 PM
رد: مشاريع قوميه
 
اقتباس:
المشاركة الأصلية كتبت بواسطة thelegnedkiller (المشاركة 564535)
مشروع جميل بس عاوز منطقه حيويه اوي عشان تعرف تسوق كويس

في انتظار تفاعل الناس

شكرا يا مورو
لالالالالالالالالالالالالالالالا انسى شغل من على النت وعيش وجارى دراسة المشروع فى وتنفيذه فى اقرب فرصه

مورو 14-07-31 01:41 AM
رد: مشاريع قوميه
 
وانا كمان والله بفكر فيه من زمان وممكن اللي يعمل المشروع يعمل تي شرتات عليها رسومات وصور فرعونيه وتتباع في القاهره والغردقه وشرم

هشام سمير 14-07-31 01:15 PM
رد: مشاريع قوميه
 
تقيم ثلاثى يا مورو

مورو 14-07-31 04:02 PM
رد: مشاريع قوميه
 
اقتباس:
المشاركة الأصلية كتبت بواسطة هشام سمير (المشاركة 564615)
تقيم ثلاثى يا مورو
الله يكرمك يا اتش ان شاء الله الاعضاء تستفيد

TheLegnedkiller 14-07-31 08:38 PM
رد: مشاريع قوميه
 
بعد اذن الاداره طبعا
لو الموضوع جاب 500 مشاهده هيتم تثبيته
لانه هيبقي موضوع مهم
ان شاء الله
وربنا يكرم الجميع

مورو 14-08-01 06:12 PM
رد: مشاريع قوميه
 
مش مهم عدد المشاهدات المهم انه موضوع مفيد جدا للجميع وان شاء الله الاداره تثبته

TheLegnedkiller 14-08-10 02:39 PM
رد: مشاريع قوميه
 
يا جماعه فيه مشروع جه في دماغي كده
وقولت اعمله
هو مشروع مزرعه وتربيه ديدان الارض
انا المشروع مجهز كل حاجه فيه الا حاجه واحده بس
اسمها
البيتموس
الي هيا التربه الي بتحط علي الديدان
ياريت الي يعرف بيتباع فين يقولي انا محتاج بتاع 3 كيلو

وليد سالم 14-08-10 04:42 PM
رد: مشاريع قوميه
 
اقتباس:
المشاركة الأصلية كتبت بواسطة thelegnedkiller (المشاركة 565433)
يا جماعه فيه مشروع جه في دماغي كده
وقولت اعمله
هو مشروع مزرعه وتربيه ديدان الارض
انا المشروع مجهز كل حاجه فيه الا حاجه واحده بس
اسمها
البيتموس
الي هيا التربه الي بتحط علي الديدان
ياريت الي يعرف بيتباع فين يقولي انا محتاج بتاع 3 كيلو
انا عامل موضوع عن طريقة تربية وعمل مزرعه لدود الطعم علي قسم صيد الاسماك يا باشا ادخل شوفه يمكن يعجبك ومش هتحتاج للتربه الصناعية اللي بتسال عليها لان في بدائل ليها وارخص بكتير جدا وعلي فكره الموضوع ده انا مجربة عند احد اقربائي من محبي صيد السمك وناجح جدا عنده بس هو مش بيتاجر فيه هو عاملة للاستخدام الشخصي عشان غلاء الاسعار
وكل ما بنطلع طلعه مع بعض بنرجع بالباقي من الطعم ونحطه في الحوض بتاعه تاني وبعد فتره قصيره بنلاقي الكمية زادت

TheLegnedkiller 14-08-10 05:01 PM
رد: مشاريع قوميه
 
اقتباس:
المشاركة الأصلية كتبت بواسطة وليد سالم (المشاركة 565439)
انا عامل موضوع عن طريقة تربية وعمل مزرعه لدود الطعم علي قسم صيد الاسماك يا باشا ادخل شوفه يمكن يعجبك ومش هتحتاج للتربه الصناعية اللي بتسال عليها لان في بدائل ليها وارخص بكتير جدا وعلي فكره الموضوع ده انا مجربة عند احد اقربائي من محبي صيد السمك وناجح جدا عنده بس هو مش بيتاجر فيه هو عاملة للاستخدام الشخصي عشان غلاء الاسعار
وكل ما بنطلع طلعه مع بعض بنرجع بالباقي من الطعم ونحطه في الحوض بتاعه تاني وبعد فتره قصيره بنلاقي الكمية زادت
تمام
طب فيه نظرك انت يا استاذ وليد
هو مشروع مربح ولا ايه
وكمان اقدر احصد كل اد ايه وابيع اد ايه ؟؟

مورو 14-08-11 01:33 AM
رد: مشاريع قوميه
 
اقتباس:
المشاركة الأصلية كتبت بواسطة thelegnedkiller (المشاركة 565433)
يا جماعه فيه مشروع جه في دماغي كده
وقولت اعمله
هو مشروع مزرعه وتربيه ديدان الارض
انا المشروع مجهز كل حاجه فيه الا حاجه واحده بس
اسمها
البيتموس
الي هيا التربه الي بتحط علي الديدان
ياريت الي يعرف بيتباع فين يقولي انا محتاج بتاع 3 كيلو
الموضوع حلو بس عاوز دراسه لن ترببيته احيانا بتكون صعبه ابن عمتي عمل حوض زرع وحط فيه الدود وبيكبر وبياخد منه للصيد واحيانا بيموت من النمل بياكله
بالنسبه للبيتموس في اي مشتل زراعه الكيس في القاهره هنا تقريبا ب 5 جنيه مش فاكر تقريبا الكيس كيلو انا بجيب منه للزرع عندي بس هيحتاج ميه كتير ويكون المكان اللي هتزرع فيه الددود فيه اخرام من تحت علشان الميه الزياده علشان التربه ما تعفنش والدود يموت وعلى فكره مشروع مربح جدا وانا مجهزله مكان عندي في البيت وهبدأ فيه قريب ان شاء الله لأن الدود سعره غلي اوي عندنا في القاهره بقى اغلى من الجمبري ههههههههههه وربنا يوفقك

مورو 14-08-11 01:34 AM
رد: مشاريع قوميه
 
اقتباس:
المشاركة الأصلية كتبت بواسطة وليد سالم (المشاركة 565439)
انا عامل موضوع عن طريقة تربية وعمل مزرعه لدود الطعم علي قسم صيد الاسماك يا باشا ادخل شوفه يمكن يعجبك ومش هتحتاج للتربه الصناعية اللي بتسال عليها لان في بدائل ليها وارخص بكتير جدا وعلي فكره الموضوع ده انا مجربة عند احد اقربائي من محبي صيد السمك وناجح جدا عنده بس هو مش بيتاجر فيه هو عاملة للاستخدام الشخصي عشان غلاء الاسعار
وكل ما بنطلع طلعه مع بعض بنرجع بالباقي من الطعم ونحطه في الحوض بتاعه تاني وبعد فتره قصيره بنلاقي الكمية زادت
الله ينور ياكبير

TheLegnedkiller 14-08-11 11:58 AM
رد: مشاريع قوميه
 
اقتباس:
المشاركة الأصلية كتبت بواسطة مورو (المشاركة 565504)
الموضوع حلو بس عاوز دراسه لن ترببيته احيانا بتكون صعبه ابن عمتي عمل حوض زرع وحط فيه الدود وبيكبر وبياخد منه للصيد واحيانا بيموت من النمل بياكله
بالنسبه للبيتموس في اي مشتل زراعه الكيس في القاهره هنا تقريبا ب 5 جنيه مش فاكر تقريبا الكيس كيلو انا بجيب منه للزرع عندي بس هيحتاج ميه كتير ويكون المكان اللي هتزرع فيه الددود فيه اخرام من تحت علشان الميه الزياده علشان التربه ما تعفنش والدود يموت وعلى فكره مشروع مربح جدا وانا مجهزله مكان عندي في البيت وهبدأ فيه قريب ان شاء الله لأن الدود سعره غلي اوي عندنا في القاهره بقى اغلى من الجمبري ههههههههههه وربنا يوفقك
الف شكر يا مورو وان شاء الله
ابدأ المشروع ده عن قريب

مورو 14-08-11 06:15 PM
رد: مشاريع قوميه
 
اقتباس:
المشاركة الأصلية كتبت بواسطة thelegnedkiller (المشاركة 565521)
الف شكر يا مورو وان شاء الله
ابدأ المشروع ده عن قريب
ربنا يوفقك ان شاء الله

مورو 14-08-21 06:37 PM
رد: مشاريع قوميه
 
في ياجماعه مشروع جامد جدا بس هو مكلف اوي
مشروع رقم 13
جيم

بس لازم يكون عندك مدرب كويس او انك تاخد كورسات في التدريب
في الاتحاد المصري لكمال الاجسام والاجهزه شركات كتير بتبيعها
مع ديكور محترم ومكان مستوى عالي
مع بيع اجهزة تخسيس ومكملات غذائيه مع ملابس رياضيه وتبقى فل اوي

مورو 14-09-07 01:44 AM
رد: مشاريع قوميه
 
انتوا فييييييييييييييييين مافيش حد عنده حاجه جديده ولا ايه

TheLegnedkiller 14-09-07 11:16 AM
رد: مشاريع قوميه
 
اقتباس:
المشاركة الأصلية كتبت بواسطة مورو (المشاركة 567116)
انتوا فييييييييييييييييين مافيش حد عنده حاجه جديده ولا ايه
مشروع الجيم مربح بس غالي
لانه اولا عاوز مكان حي في الناس
كمان امكانيات المكن والالات كتير
والاهم من دول عشان تجيب ناس
يكون كابتن او اتنين بيدربوا صح

وان شاء الله انا بفكر في مشروع واحاول اكتبه هنا


الساعة الآن 10:55 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir