الصيد فى مصر

الصيد فى مصر (http://www.egyhunt.net/index.php)
-   الورشة (http://www.egyhunt.net/forumdisplay.php?f=63)
-   -   ممكن تعملها بنفسك (http://www.egyhunt.net/showthread.php?t=2997)

man.man115 10-08-26 01:54 PM
ممكن تعملها بنفسك
 
7 مرفق
عملت قنطرة لبندقيتى الهانتر 440 حديد بدل البلاستك اللى اتكسرت طريقة عملها بسيطة بس بتاخد وقت ومجهود هتجيب قطعة من الصاج من عند اى سمكرى سيارات ويقصها بنفس طول القنطرة البلاستيك وعرضها وهى مفرودة هتبقى على شكل شريط مستقيم وانت تقوم بالباقى اولا : صنفر قطعة الصاج جيدا لتنظيفها من اى صدا ثانيا: تجيب بنسة( زردية) وتقوم بتشكيل قطعة الصاج وتقوصها بنفس شكل القنطرة الاصلية مفيش صعوبة لان الصاج مرن نوعا ما وهيتشكل معاك بسهولة ثالثا: مرحلة التعليم بعد التشكيل والتاكد ان شكل القنطرة الحديد متطابق مع القنطرة الاصلية هتعلم بمسمار او قلم اماكن المسامير والتفريغ ودى هتتعمل بانك تحط القنطرتيين على بعض وتعلم الاماكن المطلوب تخريمها وتفريغها. رابعا: التخريم والتفريغ ودى اهم وادق مرحلة علشان توفق اماكن المسامير وفتحة الزناد مع القنطر .هتحتاج لشنيور قوى وبنط حدادى (ممكن تفرد قطعة الصاج لحين الانتهاء من التخريم لاماكن المسامير الامامى والخلفى وتفريغ الجزء الخاص بالزناد واعادتها مرةاخرى بعد الانتهاء) وانت بتخرم بالشنيور خرم على قطعة من الخشب مش على الارض .خامسا :مرحلة البرد هتحتاج مبرد حدادى صغير لبرد وتنعيم اماكن التخريم وتبرد حروف القنطرة عند امكن المسامير علشان تتوفق مع خشب البندقية لانها بيضاوية عند منطقة المسمار الامامى والخلفى .سادسا: مرحلة الطلاء هتحتاج فرشة صغيرة ناعمة و ربع بويا سوداء بعد الجفاف لو لقيت فقاقيع هواء فى البويا ممكن تستخدم سلك مواعين ناعم لازالتها سابعا: التركيب هتحتاج جلدة حنفية وتحطها مابين القنطرة والخشب وذلك عند المسمار الخلفى لامتصاص قوة البندقية اثناء التعمير والضرب لان المسمار الخلفى بيربط المعدن مع خشب البندقية وده اللى بيكسر القنطرة البلاستك ............ملحوظة (فكرة ومعلومة جلدة الحنفية ماخوذة من الاخ العزيز abosamer)احقاقا للحق.................. اتمنى ان اكون اضفت اليكم

مصطفى قناص الليل 10-08-26 02:04 PM
رد: ممكن تعملها بنفسك
 
اية الجمال داة يامان فكرة حلوة وبسيطة وموفرة وكمان زكاء منك يا مان تسلم ايديك .. مجهود فعلااً رائع .

............... وتحياتى لك .......... قناص الليل ...............

man.man115 10-08-26 02:09 PM
رد: ممكن تعملها بنفسك
 
شكرا استاذ مصطفى ده بفضل الله وتوجيهاتكوا وتشجيعكوا والمعلومات الشاملة عن الصيد الى بنكتسبها يوميا من منتدانا الرائع

galal khalifa 10-08-26 02:24 PM
رد: ممكن تعملها بنفسك
 
الله ينور وتسلم ايدك يا برنس

man.man115 10-08-26 02:33 PM
رد: ممكن تعملها بنفسك
 
شكرا قائدنا جلال باشا على تشجيعك على فكرة الموضوع ده مكلفنيش حاجة لان الخامات والادوات كلها كانت عندى فى البيت

momo44 10-08-26 02:37 PM
رد: ممكن تعملها بنفسك
 
الله ينور
انا كنت عايز اضيف حاجة بسيطة
ممكن تستعوض عن البوية السوداء
باسبراى اسود وتديله 3 وشوش ما بين الوش والاخر 5 دقائق والرش من مسافة 30 سم
الفنش النهائى هيبقى شكله لحسن وكمان مش ممكن انها تعمل فقاقيع هواء
والسبراى ده سعره 8 جنيهات من عند اى واحد بتاع حدايد
وكمان ممكن تجيبه اسود مط

والى الامام دائما

man.man115 10-08-26 02:44 PM
رد: ممكن تعملها بنفسك
 
تسلم مومو على الاضافة الرائعة ان شاء الله هعملها اكيد الفنش فعلا هيكون احسن واقيم هوا انا ارتبط بخاماتى المتوفرة عندى

Abdelrahman Anwar 10-08-26 03:45 PM
رد: ممكن تعملها بنفسك
 
عفارم على المجهود وتسلم ايدك

momo44 10-08-26 04:26 PM
رد: ممكن تعملها بنفسك
 
اقتباس:
المشاركة الأصلية كتبت بواسطة man.man115 (المشاركة 24460)
تسلم مومو على الاضافة الرائعة ان شاء الله هعملها اكيد الفنش فعلا هيكون احسن واقيم هوا انا ارتبط بخاماتى المتوفرة عندى
العفو يا مان وانا تحت امرك

محمد حافظ 10-08-26 08:17 PM
رد: ممكن تعملها بنفسك
 
ألحاجة أم ألآختراع و ألمصرى لا يعدم ألحيلة
حل عبقرى فعلا برافو عليك

القناص2010 10-08-27 12:56 AM
رد: ممكن تعملها بنفسك
 
مجهود طيب عاش

ادهم 10-08-27 04:46 AM
رد: ممكن تعملها بنفسك
 
تسلم ايد يا جميل
بس انا ليا استفسار
الهدف الأساسي من القنطرة هو حماية التتك وبخاصة من الصدمات
هل قطعة الصاج المستخدمة من الصلابة بحيث تتلقى صدمة ( وقعة علي الأرض ) دون ان يحدث بها انحناء وتؤذي التتك؟
بس برضو فكرة عبقرية ومشكور عليها

golden eagle 10-08-27 01:05 PM
رد: ممكن تعملها بنفسك
 
تسلم ايدك مجهود ممتاز

man.man115 10-08-28 02:53 PM
رد: ممكن تعملها بنفسك
 
شكرا اخوانى على التشجيع على فكرة يا ادهم هى قوية وتحمى الزناد لان سمك الصاج مش ضعيف 2مم تقريبا بلاضافة ان القنطرة مش كبيرة قوى فى الجزء المنحنى بلاضافة انها افضل من البلاستيك الغير متاح اصلا فى المحلات وشكرا على المداخلة

ادهم 10-08-28 06:00 PM
رد: ممكن تعملها بنفسك
 
بالتوفيق ان شاء الله
ولا شك انها فكرة عبقرية مع تمنياتي بدوام التوفيق واتمنا ان اشوف ليك ابتكارات ثانية ان شاء الله

scaner 10-10-04 09:39 PM
رد: ممكن تعملها بنفسك
 
أخى الفاضل man.man115

فكرة ممتازة وتنفيذ متقن الله ينور عليك
ولى اقتراح اتمنى ان يعجبك وهو استفاده من ناحيتين , ناحية اللون وناحيتة القوه والتحمل وذلك بتقسية القنطرة بالنار لإعلى من درجة الاحمرار - عن طريق بشبورى اوكسى اسيتيلين - و غمرها فى زيت سيارات مستعمل بارد لتكتسب صلادة ثم إعادة تسخينها مره اخرى الى درجة احمرار اقل وتركها تبرد ببطء وذلك لتكتسب متانة ولون صلب ازرق جميل , و بداية تستطيع ان تجرب فى قطعة صاج من نفس النوع اكثر من مرة لتتمكن من ضبط العملية حتى لا يحدث خطأ يخرب القنطرة وتدعى على ,
وفى النهاية هو مجرد اقتراح اتمنى ان يعجبك

تحياتى

ايهاب رمزى 10-10-04 10:00 PM
رد: ممكن تعملها بنفسك
 
اقتباس:
المشاركة الأصلية كتبت بواسطة scaner (المشاركة 29672)
أخى الفاضل man.man115

فكرة ممتازة وتنفيذ متقن الله ينور عليك
ولى اقتراح اتمنى ان يعجبك وهو استفاده من ناحيتين , ناحية اللون وناحيتة القوه والتحمل وذلك بتقسية القنطرة بالنار لإعلى من درجة الاحمرار - عن طريق بشبورى اوكسى اسيتيلين - و غمرها فى زيت سيارات مستعمل بارد لتكتسب صلادة ثم إعادة تسخينها مره اخرى الى درجة احمرار اقل وتركها تبرد ببطء وذلك لتكتسب متانة ولون صلب ازرق جميل , و بداية تستطيع ان تجرب فى قطعة صاج من نفس النوع اكثر من مرة لتتمكن من ضبط العملية حتى لا يحدث خطأ يخرب القنطرة وتدعى على ,
وفى النهاية هو مجرد اقتراح اتمنى ان يعجبك

تحياتى
صحيح يا بشمهندس العلم نور

الله يفتح عليك

man.man115 10-10-05 11:25 AM
رد: ممكن تعملها بنفسك
 
اقتباس:
المشاركة الأصلية كتبت بواسطة scaner (المشاركة 29672)
أخى الفاضل man.man115

فكرة ممتازة وتنفيذ متقن الله ينور عليك
ولى اقتراح اتمنى ان يعجبك وهو استفاده من ناحيتين , ناحية اللون وناحيتة القوه والتحمل وذلك بتقسية القنطرة بالنار لإعلى من درجة الاحمرار - عن طريق بشبورى اوكسى اسيتيلين - و غمرها فى زيت سيارات مستعمل بارد لتكتسب صلادة ثم إعادة تسخينها مره اخرى الى درجة احمرار اقل وتركها تبرد ببطء وذلك لتكتسب متانة ولون صلب ازرق جميل , و بداية تستطيع ان تجرب فى قطعة صاج من نفس النوع اكثر من مرة لتتمكن من ضبط العملية حتى لا يحدث خطأ يخرب القنطرة وتدعى على ,
وفى النهاية هو مجرد اقتراح اتمنى ان يعجبك

تحياتى
فكرة ممتاز بشمهندس ان شاء الله نبقى نجربها وشكرا على الاضافة للوصول للاجود

ahmed2101 10-11-25 07:52 AM
رد: ممكن تعملها بنفسك
 
فكرة أكثر من رائع بس انا عندى سؤال انا معايا gamo expo-26 وبردو قنطرة الزناد بلاستيك الفكرة دى بردو ممكن أعملها فى بندقيتي ولا دى ف الجامو هانتر بس وشكرا

هشام سمير 10-11-25 08:55 AM
رد: ممكن تعملها بنفسك
 
استاااااااااذ والله الله ينور عليك بس ياريت تقولنا كلفت كام تقريباً

man.man115 10-11-25 11:14 AM
رد: ممكن تعملها بنفسك
 
اقتباس:
المشاركة الأصلية كتبت بواسطة هشام سمير (المشاركة 37522)
استاااااااااذ والله الله ينور عليك بس ياريت تقولنا كلفت كام تقريباً
استاذ هشام شخصيا مكلفتنيش غير علبة سبراى ب 8 جنية اما شريط الصاج متوفرة عند اى سمكرى من المستهلكات عنده يقصهالك وادفعله اى حاجة ولو معندكش شنيور التخريم فى اى ورشة خراطة مش هيكلف 10 جنيه ( الحسبة تقريبا 15 جنيه صاج وتخريم و 8 سبراى اسود) يعنى 23 جنيه لو هتعملها برة

man.man115 10-11-25 11:32 AM
رد: ممكن تعملها بنفسك
 
اقتباس:
المشاركة الأصلية كتبت بواسطة ahmed2101 (المشاركة 37516)
فكرة أكثر من رائع بس انا عندى سؤال انا معايا gamo expo-26 وبردو قنطرة الزناد بلاستيك الفكرة دى بردو ممكن أعملها فى بندقيتي ولا دى ف الجامو هانتر بس وشكرا
الفكرة دى ممكن تنفع لاى قنطرة بندقية لانك انت اللى بتشكل وتقطع وتخرم شريط الصاج بنفس شكل قنطرة بندقيتك المكسورة ايا كان نوعها

wael hassan 10-11-25 02:16 PM
رد: ممكن تعملها بنفسك
 
الله ينور عليك ياباشا ,,,مجهود رائع
بس من حوالى شهر القنطرة الفبر عندى اتكسرت ورحت عند ميشيل عازر غيرتها بواحده حديد (مش عارف هو عنده تانى ولا ديه كانت مصادفه )

galal khalifa 10-11-25 02:55 PM
رد: ممكن تعملها بنفسك
 
اقتباس:
المشاركة الأصلية كتبت بواسطة wael hassan (المشاركة 37550)
الله ينور عليك ياباشا ,,,مجهود رائع
بس من حوالى شهر القنطرة الفبر عندى اتكسرت ورحت عند ميشيل عازر غيرتها بواحده حديد (مش عارف هو عنده تانى ولا ديه كانت مصادفه )
[u]القنطرة موجودة وحديد عند اشرف عازر شارع زكي بالتوفيقية ب 40 جنية الصياد المصري وخامة محترمة جدا وجبناها مخصوص علشان كل الاعضاء الي عندها 440 وفيها المشكلة دية[/u]

هشام سمير 10-11-25 05:04 PM
رد: ممكن تعملها بنفسك
 
اقتباس:
المشاركة الأصلية كتبت بواسطة man.man115 (المشاركة 37538)
استاذ هشام شخصيا مكلفتنيش غير علبة سبراى ب 8 جنية اما شريط الصاج متوفرة عند اى سمكرى من المستهلكات عنده يقصهالك وادفعله اى حاجة ولو معندكش شنيور التخريم فى اى ورشة خراطة مش هيكلف 10 جنيه ( الحسبة تقريبا 15 جنيه صاج وتخريم و 8 سبراى اسود) يعنى 23 جنيه لو هتعملها برة
الف مليون شكر يا كبير واكيد علبة الاسبراى تصلح لا اشياء اخرى
شكراً على افادة جميع الاعضاء

حسام 10-11-25 07:20 PM
رد: ممكن تعملها بنفسك
 
فكرة ممتازة


الساعة الآن 06:14 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir