طائرغريب .... وصحبه حلوه ....
السلام عليكم ورحمة الله ..... صباح الفل يا احلى صيادين ....
تم بحمد الله تنفيذ حلمى بخروجى لاول رحله بعد ماكنت بصطاد فى المنطقه جنب البيت وكانت الحصيله فى الاول ثلاث يمامات او اكتر لانى عندنا مابصطدش حمام لانه بيكون بلدى او غيه . مكان الصيد 6 اكتوبر بعد ميدان جهينه ..روحنا متاخرين تقريبا نصف ساعه على الشروق وكان معانا بندقيتين بتاعتى جامو هنتر 440 واحمد صاحبى نوركا 61 خنقتنا وطلعت عنينا مع اننا لسه مغيرين سوسته وجلبه عند شريف فى شبرا ...... المهم ضربنا احنا الاتنين بالهانتر واحلى حاجه فى اليوم هى الصحبه الحلوه وكانت المحصله 5يمامات و3حمامات معلش الحصيله قليله ودا عشان الرحله كانت قصيره وكان القصد استكشاف المكان ونصيحه لكل الصيادين اللى يقدروا ينزلوا 6 اكتوبر الاهداف كتير جدا ولو كان معانا بندقيه تانيه كنا جبنا كتير لان الحمام كان بينزل على الارض فى تجمعات لا تقل عن 15 الى 30 حمامه ويمام بالكيلو وكمان انا وقعت طائر غريب عليه ومعرفوش لو ممكن حد يعرف الطائر ده اسمه ايه وبتاكل ولا لأ....ودا كان على الحصيله اللى جبناها .... ارجو ان الصور تعجبكم وياريت تقولوا رايكم .... ملحوظه . فى صوره فيها اربع يمامات دى قديمه شويه .تحياتى......... |
رد: طائرغريب .... وصحبه حلوه ....
انا ياجماعه لسه مبتدأ بس عندى فكره ...... واعتقد ان اللى اعرفه هو نقطه فى بحر خبراتكم .... وربنا ينفعنا بيكم .
|
رد: طائرغريب .... وصحبه حلوه ....
ما احلى الصحبة الحلوة rock وربنا ما يقطعها والصور بتاعتك جميلة وصيدك احلى وبندقيتك اجمل ...
وبالنسبة للطائر داة على ما اعتقد اسمة طائر السقساق وهو لونة اسود فى ابيض ورجلية طويلة وحجم راسة كبير وديما بيتواجد فى المناطق الصحراوية وبالقرب من البيرك والمستنقعات وبيبنى عشة على الارض فى المناطق النائية او فى اى جزيرة على النيل او بحيرة وبيتغذى على القوارض والاسماك وكمان الحشرات وهو طبعا مابيتكلش وانا اسطدت منة كتير بس كنت بااحنطة ... واخر كلامى تحياتى لك ياباشا... ............... قناص الليل .................. |
رد: طائرغريب .... وصحبه حلوه ....
السلام عليكم ..... ازيك يا مصطفى ..... شكرا على المعلومات الجميله والاطراء الاجمل ..... وانشاء الله لينا طلعه مع بعض ....... تحياتى.
|
رد: طائرغريب .... وصحبه حلوه ....
داانا يذدنى شرف ياباشا انى اطلع معاك رحلة صيد وانا تحت امرك فى اى وقت .... وتحياتى لك ...
|
رد: طائرغريب .... وصحبه حلوه ....
الطائر ده اسمه الزقزاق البلدى..والله ينور على الصيادين .. بس ياريت تحديد المكان بدقة اكثر .. يعنى فين بالنسبة لميدان جهينة؟؟؟
|
رد: طائرغريب .... وصحبه حلوه ....
المكان بالظبط من عند ميدان جهينه يمين.... طريق بيفرلى هيلز لحد قبل الكارته ب100 متر المكان رائع .تحياتى.
|
رد: طائرغريب .... وصحبه حلوه ....
[QUOTE=rock;20129]انا ياجماعه لسه مبتدأ بس عندى فكره ...... واعتقد ان اللى اعرفه هو نقطه فى بحر خبراتكم .... وربنا ينفعنا بيكم .[/QUOTE
مبتدا ايه ياعم احمد انت طلعت صياد جامد بس ياريت الطلعه الجايه ماتنسنيش وياريت اسمع صوتك |
رد: طائرغريب .... وصحبه حلوه ....
اشكرك على الرد وتمنياتى لك بالتوفيق والصيد الوفير
|
رد: طائرغريب .... وصحبه حلوه ....
هو فعلا طير الزقزاق وطعمه قريب جدا من اليمام بستثناء إن لحمه خشن شوية
والله ينور عالصيد الجامد |
رد: طائرغريب .... وصحبه حلوه ....
الطائر دا يا oonyx مابيتاكلش والله مابيتاكل لانة بيتغذى على القوارض الصغيرة والحشرات ....
اللهم بلغت اللهم فاشهد ..... وتحياتى لكم قناص الليل ............. |
رد: طائرغريب .... وصحبه حلوه ....
الله ينور على الصيد الجامد
والطائر ده فعلا مش بيتاكل انا ضربته قبل كده انت ضربته بنوع طلق ايه ومن ضربة واحدة لا اكتر اصل انا شايف صدره متدمر :) |
رد: طائرغريب .... وصحبه حلوه ....
طيب يا جماعه انا لقيت وانا بنضف الطير ده حوصلة مش معده ولقيت فيها ارز وذره وقمح وملقيتش اى بواقى لقوارض او حشرات ..... المهم انى لقيته نظيف من جوه زى اى طائر بناكله ومش مهم هو بتاكل ولا لأ المهم انى مش هصطاده لانى مش من هواة التحنيط والحاجه الوحيده اللى ممكن احنطها هى البومه لانى نفسى فيها اوى لانى بحب شكلها القوى جدا وياريت حد يقوللى ازاى احنط الحاجات دى .... لانى معرفش.... تحياتى .
|
رد: طائرغريب .... وصحبه حلوه ....
لكم اسعدتنى الردود الجميله .....واستغربت من عدد المشاهدات ...شكرا لكل من قام بالرد ... وشكر لكل من شاهد واستفاد ولم يفد .... نسال الله ان ينفعنا بكم ... تحياتى .
|
رد: طائرغريب .... وصحبه حلوه ....
اقتباس:
|
رد: طائرغريب .... وصحبه حلوه ....
اقتباس:
|
رد: طائرغريب .... وصحبه حلوه ....
[QUOTE=body77;20149]
اقتباس:
|
رد: طائرغريب .... وصحبه حلوه ....
الله ينورعليكوا
|
رد: طائرغريب .... وصحبه حلوه ....
ايه الجمال ده يا باشا انا كنت في اسكندرية ولسه شايف المشاركة الجميلة دي اعمل حسابي معاك المرة القادمة وربنا يبارك لك
|
رد: طائرغريب .... وصحبه حلوه ....
شكرا يا حبيب قلبى وانشاء الله انت معانا المره الجايه
|
رد: طائرغريب .... وصحبه حلوه ....
و الله صيد جميل و وفير و الله يباركلك
اما بالنسبة للطائر فهو طائر السقساق و هو على حد علمى انه هو مش بيتاكل لأنه بياكل حشرات و كدة بس مع ذلك فى ناس بتاكلو و تقبل مرورى |
رد: طائرغريب .... وصحبه حلوه ....
lمعلش يا ابو حميد انا اتاخرت بس والله انا بقالي اسبوع في مطروح بصيف مع الاولاد .
بس اية الحلاوة تسلم ايدك وعيونك والبندقية حبيبتي هانتر 440 وسلامي الي احلي صحبة |
رد: طائرغريب .... وصحبه حلوه ....
اقتباس:
|
رد: طائرغريب .... وصحبه حلوه ....
اقتباس:
|
الساعة الآن 05:05 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir