الصيد فى مصر

الصيد فى مصر (http://www.egyhunt.net/index.php)
-   ادوات الصيد الثقيله (http://www.egyhunt.net/forumdisplay.php?f=66)
-   -   فكرة قانونية لإستيراد سلاح بدون موافقة الأمانة العامة لأصحاب التراخيص (http://www.egyhunt.net/showthread.php?t=18576)

masmm001 11-11-20 10:27 PM
فكرة قانونية لإستيراد سلاح بدون موافقة الأمانة العامة لأصحاب التراخيص
 
حضرات السادة الأعضاء نظرا لغلاء أسعار السلاح بشكل مبالغ فيه مع صعوبة الحصول على موافقة الأمانة العامة لإستيراد السلاح خطرت في بالي فكرة لشراء السلاح بدون موافقة الأمانة .. بس مش عارف تنفع و لا لأ؟؟!! محتاج آراء أصحاب الخبرة...
و الفكرة كالآتي:
انا تأكدت أنه مسموح للأجانب السائحين المرخصين لسلاح في بلادهم أو المشتركين في مسابقات الرماية الدولية القدوم إلى مصر بسلاحهم المرخص حيث يتم إثبات السلاح على جوزات سفرهم و من ثم الخروج به من مصر مرة آخرى..
طيب لو تم الإتفاق مع أجنبى مرخص سلاح برة انه يجي مصر و يتم شراء السلاح منه هنا على الرخصة و هو ياخد مذكرة من القسم ببيع السلاح عشان الجوازات و هو مسافر مش كدة تبقى إتحلت؟؟
و على فكرة أنا سألت موظف التراخيص في القسم إذا كان ينفع الشراء من الأجنبى على الرخصة ؟ قال مادام السلاح دخل البلد بشكل قانوني يبقى ينفع يعمل عليه تنازل.. و سألت ظابط في الجوازات لو السائح جابلك مذكرة رسمى من القسم أنه باع السلاح هل فى مشكلة؟ أجاب لا مفيش مشكلة بس هيدفع الجمارك بتاعته.. و بكدة يكون تم الشراء بشكل قانوني و بتكلفة قليلة جدا
أيه رأيكم؟؟ الظابط و الموظف بيفتوا و مش فاهمين و في حاجة مش واخدين بالهم منها؟؟ ولا فعلا ممكن حدوث هذا التصور بشكل قانوني؟؟ خصوصا انه إيجاد هذا الأجنبى بسلاحه المرخص أمر سهل جدا... أرجوا الإفادة من أصحاب الخبرة

eng.amg 11-11-20 10:30 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
كلام جميل... أعتقد ينفع...
ياريت لو في محامي أو واحد عنده فكرة يفيدنا....

amin hegazy 11-11-20 10:32 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
يا ريت تنفع انا صديق لسه حاصل على تصريح شراء ولسه هيحاول يشوف موضوع الاستيراد من الخارج ظروفه ايه
احسن الاسعار في مصر استهبال والله
سال على الجلوك عامل 115000 جنية مع العلم انها بتتباع بره من 550 إلى 600 دولار يعنى بالمصري 3500 جنية
الفرق الكبير ده جه من فين الله اعلم وماعتقدش ان الجمارك هتعمل الفرق ده

sultan 11-11-20 10:41 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
متابع وبالتوفيق

احمد العوضى 11-11-20 10:44 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
كلام سليم ميه فى الميه لاكن فين الاجنبى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

احمد العوضى 11-11-20 10:48 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
ملحوظه الجمارك بتندفع قبل التناذل لان السلاح بيخش البلد مع الاجنبي تربتك وان اراد بيعه فى مصر بيتم دفع الجمارك اولا ثمى التناذل عنه فى وزارت الداخليه ولاكن ملحوظه خد بالك ان السلاح يكون مسموح ترخيصه للمدنين عندنا فى مصر

masmm001 11-11-20 10:52 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
الجمارك لن تتعدى الخمسة آلاف جنيه بأى حال من الأحوال ... و مفيش مشكلة فى الأجنبى خالص حتى لو هنفدعلوا تمن التذكرة ونحجز له فندق مش هيكلف كمان خمسه آلاف جنيه يبقى كله 10 آلاف فوق تمن السلاح من بلده... المهم حد يفيدنا فى أن الفكرة تنفع و قانونية ولا لأ ...

eng.amg 11-11-20 10:55 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
الجمارك 30% والرسوم كمان 13% من ثمن السلاح 500$ يعني
500 * 43% = 215 $
715 $ = 4290 ج

amin hegazy 11-11-20 10:57 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
اقتباس:
المشاركة الأصلية كتبت بواسطة eng.amg (المشاركة 238580)
الجمارك 30% والرسوم كمان 13% من ثمن السلاح 500$ يعني
500 * 43% = 215 $
715 $ = 4290 ج
ضيف عليهم الشحن كمان 1000 جنية يعنى 5290
ومعديه المائة الف :(

arrowexpress 11-11-20 11:00 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
انا مش شايف انا اتحلت ولا حاجة علشان مش كل الناس تعرف اجنبي وعندة سلاح ومثبوت علي الجواز وكمان عندةصبر علشان يروح معاك ويعمل اجراءات التنازل والجمارك وخلافة . دة الواحد يسافر يشترية من برة احسن وارخص ومعلش يتعب شوية في اجراءات اذن الاستيراد

احمد العوضى 11-11-20 11:02 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
عمرها ما هتتحل الا لما ربنا يسهل والبلد تنضف من الحرميه والبلطجيه والمستغلين الله نصرك يا رب

masmm001 11-11-20 11:03 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
مفيش مصاريف شحن لأن الأجنبى بيجيب السلاح معاه على الطيارة ... بيسلمه فى المطار في بلده و يستلمه كابتن الطيارة و اللي بدوره بيسلمه لأمن المطار و بعدين الأجنبى يستلمه من أمن المطار و ده طبقا لكلام ظابط الجوزات إن ده إجراء عادى و متكرر.

القناص العالمي 11-11-20 11:08 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
موضوع جميل جدا جدا

masmm001 11-11-20 11:10 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
اقتباس:
المشاركة الأصلية كتبت بواسطة arrowexpress (المشاركة 238588)
انا مش شايف انا اتحلت ولا حاجة علشان مش كل الناس تعرف اجنبي وعندة سلاح ومثبوت علي الجواز وكمان عندةصبر علشان يروح معاك ويعمل اجراءات التنازل والجمارك وخلافة . دة الواحد يسافر يشترية من برة احسن وارخص ومعلش يتعب شوية في اجراءات اذن الاستيراد
أأكد أنه مفيش مشكله فى الأجنبى خالص... و إزاى ممكن نتعب شويه فى إجراءات الإذن؟!! الفكرة أساسا فى تجاوز إذن الاستراد.

masmm001 11-11-20 11:15 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
اقتباس:
المشاركة الأصلية كتبت بواسطة احمد العوضى (المشاركة 238593)
عمرها ما هتتحل الا لما ربنا يسهل والبلد تنضف من الحرميه والبلطجيه والمستغلين الله نصرك يا رب
و ساعتها مش نحتاج سلاح أصلا و لا هنحتاج نتحايل على القانون بالقانون... الله المستعان

masmm001 11-11-20 11:48 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
يا ريت حد قانوني أو على دراية بإجراءات الترخيص و التنازل أو بإجراءات الجوازات و الجمارك يفيدنا

Mohamed omer 11-11-21 05:01 AM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
فكره جميله

old hunter 11-11-21 05:20 AM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
فكره كويسه بس فين الاجنبي

Qoldus 11-11-21 05:37 AM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
يا إخوانا مع إحترامي لآرائكم جميعا...الموضوع مش بالبساطة إللي إنتوا فاكرينها دي...أولا مافيش أجنبي هايدخل البلد ومعاه سلاح...سلطات الأمن لن تسمح له وسيصادر منه ويعمل له قضية حتى لو مرخص في بلده...المسموح لهم فقط من لهم صفة دبلوماسية ويعملون بسفارة بلدهم وسيقيمون في مصر أكثر من 6 شهور ويتم الإبلاغ مسبقا بالبيانات قبل الحضور للحصول على الموافقات الأمنية اللازمة في مصر وشريطة المعاملة بالمثل وسلطات بلدهم تسمح للدبلوماسيين المصريين بالترخيص وحمل السلاح في بلدهم...ثانيا الحرس الخاص والمصاحب للملوك ورءساء الدول والحكومات ويتم التبليغ أيضا مسبقا ببياناتهم وبيانات أسلحتهم وأعيرتها وعدد الذخيرة المصحوبة معهم...وزي ما دخل بيخرج تاني بسلاحه في نهاية مدته...ثالثا المشاركون في المسابقات الدولية للرماية لا يسافرون بأسلحتهم مصحوبة معهم...إنما يتم شحنها عن طريق شركات أمنية خاصة ويتم الإبلاغ عنها وبياناتها وعياراتها أيضا مسبقا...الموضوع محكم وتحت السيطرة الأمنية الكاملة وله أجراءات وموافقات وبروتوكولات دولية تحترم وتلتزم بها جميع الدول...مش أي أجنبي جاي مصر يجيب معه أسلحته زي ماهو عايز...حتى لو مرخص في بلده...ده أكثر من نص أمريكا مرخصين ومعاهم سلاح...والنص التاني مش مرخصين ومعاهم سلاح برضو...وكل واحد معاه أكثر من قطعة ومتنوعة ( بنادق مسدسات )...لكن لا يستطيع أن يسافر بهم أصلا خارج بلده...هايتكشف ويتمسك في المطار...وحتى لو فرض جدلا إنه عرف يعدي بيهم...لن تسمح له أي دولة بالدخول بالسلاح...حتى لو مرخص في أمريكا...ما لم يكن من الفئات السابق توضيحها...( دبلوماسي أو حراسة خاصة ) أو عن طريق الملحق العسكري ( تجارة وصفقات رسمية بين حكومات الدول )...شرط المعاملة بالمثل والموافقة الأمنية المسبقة...صباح الفل...

masmm001 11-11-21 07:55 AM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
اقتباس:
المشاركة الأصلية كتبت بواسطة qoldus (المشاركة 238766)
يا إخوانا مع إحترامي لآرائكم جميعا...الموضوع مش بالبساطة إللي إنتوا فاكرينها دي...أولا مافيش أجنبي هايدخل البلد ومعاه سلاح...سلطات الأمن لن تسمح له وسيصادر منه ويعمل له قضية حتى لو مرخص في بلده...المسموح لهم فقط من لهم صفة دبلوماسية ويعملون بسفارة بلدهم وسيقيمون في مصر أكثر من 6 شهور ويتم الإبلاغ مسبقا بالبيانات قبل الحضور للحصول على الموافقات الأمنية اللازمة في مصر وشريطة المعاملة بالمثل وسلطات بلدهم تسمح للدبلوماسيين المصريين بالترخيص وحمل السلاح في بلدهم...ثانيا الحرس الخاص والمصاحب للملوك ورءساء الدول والحكومات ويتم التبليغ أيضا مسبقا ببياناتهم وبيانات أسلحتهم وأعيرتها وعدد الذخيرة المصحوبة معهم...وزي ما دخل بيخرج تاني بسلاحه في نهاية مدته...ثالثا المشاركون في المسابقات الدولية للرماية لا يسافرون بأسلحتهم مصحوبة معهم...إنما يتم شحنها عن طريق شركات أمنية خاصة ويتم الإبلاغ عنها وبياناتها وعياراتها أيضا مسبقا...الموضوع محكم وتحت السيطرة الأمنية الكاملة وله أجراءات وموافقات وبروتوكولات دولية تحترم وتلتزم بها جميع الدول...مش أي أجنبي جاي مصر يجيب معه أسلحته زي ماهو عايز...حتى لو مرخص في بلده...ده أكثر من نص أمريكا مرخصين ومعاهم سلاح...والنص التاني مش مرخصين ومعاهم سلاح برضو...وكل واحد معاه أكثر من قطعة ومتنوعة ( بنادق مسدسات )...لكن لا يستطيع أن يسافر بهم أصلا خارج بلده...هايتكشف ويتمسك في المطار...وحتى لو فرض جدلا إنه عرف يعدي بيهم...لن تسمح له أي دولة بالدخول بالسلاح...حتى لو مرخص في أمريكا...ما لم يكن من الفئات السابق توضيحها...( دبلوماسي أو حراسة خاصة ) أو عن طريق الملحق العسكري ( تجارة وصفقات رسمية بين حكومات الدول )...شرط المعاملة بالمثل والموافقة الأمنية المسبقة...صباح الفل...
كلام حضرتك سليم فيما يختص الحراسات و خلافه من الجهات الدبلوماسية (المقيمة في مصر)... لكن حضرتك مفترض أن الأجنبي هيجى مهرب السلاح... دة غير صحيح بالمرة .. الأجنبي هيجيب السلاح بشكل رسمي وقانوني و أنه يكون قادم بغرض السياحة أى ما لا يزيد عن 6 أشهر . و القانون يسمح للسائح و أكرر للسائح بجلب سلاحه. عشان أي أجنبي مقيم يخضع لشروط الترخيص المصرية و يستثنى منها اللي حضرتك ذكرته من الجهات الدبوماسية و الحراسات و ده مش موضوعنا خالص انا بتكلم على السائح و ده إجراء عادى و متكرر. برجاء عدم خلط الأوراق لعدم إحداث لبس في الأمور

avokato 11-11-21 08:32 AM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
كويس بس موضوع دخول الاجانب بسلاح مصر دلوقتي بقي صعب في الوقت الحالي

masmm001 11-11-21 09:36 AM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
اقتباس:
المشاركة الأصلية كتبت بواسطة avokato (المشاركة 238796)
كويس بس موضوع دخول الاجانب بسلاح مصر دلوقتي بقي صعب في الوقت الحالي
سيد أفوكاتو بما إن حضرتك قانوني ممكن تأكدلنا صحة الإجراء قانونا و إمكانية تفيذه بمعنى عدم وجود عقبات قانونية في الفكرة المطروحة... أما بنسبة لدخول السائح لمصر بسلاحة ف ديه مش مشكلة لأنى كما ذكرت ده أمر متكرر و أحيانا يتم إخطار المطار و الأمن العام عن طريق السفارة الاجنبية بناء على طلب السائح بالسفر بسلاحة... أنا عاوز أتأكد أنه يمكن عمل تنازل للسلاح في مصر على الرخصة المصرية.. و أنه مثلا لا يوجد ما يحظر أو يمنع بيع للسلاح في مصر. و أنه لا يوجد عقبة للسائح أثناء خروجه من مصر بدون السلاح في حال معه إثبات بيعه السلاح بشكل قانوني
و شكرا

avokato 11-11-21 11:26 AM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
مفيش مشكله لو دخول السلاح قانوني وقبل ميسافر هيدفع جمركه لانه مش هيرجع بيه تاني ويتنازلك عنه مفيش مشكله المشكلتين دخول السائح بالسلاح لسببين ان مفيش سياح اصلا دلوقتي والتاني ان مغتتين اوي في دخول الاجانب بسلاح اليومين دول وانك تعرف تخلص اجراءات السلاح وهيبقي فيها موافقه امنيه ممكن تقعد 15 يوم

Compact 11-11-22 03:38 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
مش كل الطبنجات تنفع تترخص هنا فى مصر

SHAWKYGHAZY 11-11-23 09:16 AM
Re: فكرة قانونية لإستيراد سلاح بدون موافقة الأمانة العامة لأصحاب التراخيص
 
حاجه بيخه لما الاحتكار فى بلدنا يوصل للدرجه دي

الطيار 11-11-23 09:42 AM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
هى فكرة جميلة بس فين الاجانب اللى هتكفى كلو ده كلو عايز يستورد

samraghost 11-11-23 11:11 AM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
انا شايف ان الموضوع صعب جدا والحل الاسهل ان ربنا يسهل وتيجى حكومه بتفهم وتغير القوانين العقيمه الى زى موضوع السلاح وحتى بنادق الرش

masmm001 11-11-23 07:50 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
انا شايف ان فى كتير من الأعضاء شايفين ان الوصول لحد أجنبي هيكون صعب على البعض ... و لو أنه مش صعب أبدا على الاقل بالنسبة لى عشان بسافر كتير برة مصر و ليا أصدقاء عديدين مستعدين لتنفيذ الفكرة بدون مقابل شخصى لهم و يكفيهم أني هدفع ثمن تذكرة السفر... على كل حال للسادة الأعضاء اللي ميعرفوش حد برة ممكن نعمل الحل الأتى:
الأتصال بمحال السلاح بالخارج و في عدة دول... و نطلب شراء السلاح و إرسالة شخصيا و ليس عن طريق الشحن و لا مانع من شرح الأسباب الحقيقية و بالتأكيد في ناس هترفض و في ناس هتقبل و طبعا ده هيكون فيه إضافة لتكاليف السفر و الإقامة و نسبة أتعاب على عاتق المشتري... و بالتأكيد مهما أضافوا مصاريف برده السعر النهائى هيكون أرخص بكتير من الأسعار في مصر اللي بسبب جشع التجار زي ما كلنا عارفين... على كل حال لا مانع من المحاولة و إجراء المراسلات مع تجار الاسحة خارج مصر.

Mr_mody 11-11-24 04:49 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
بما ان حضراتكم ببتكلموا عن الموضوع دة فيه في دماغي موضوع..دلوقتي فية الكلاشنكوف و تقريبا كل الاسلحة منها مقلد خامة حديد و نفس كل حاجة بس بيضرب صوت و الاسلحة في مستخدمة في الافلام برة في امريكا و فية فيديهوات كتير! الاسلحة دي مينفعش تدخل مصر لية؟!!! ,و اللينك اهو و اتفرجوا علي الفيديو كمان حتلقوه
http://www.modelguns.co.uk/ak47.htm

Mr_mody 11-11-24 05:14 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
و لينك فيديو اهو

farouk 11-11-25 05:16 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
هو الليبي ميعتبرش اجنبي؟

masmm001 11-11-26 08:53 AM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
اقتباس:
المشاركة الأصلية كتبت بواسطة farouk (المشاركة 242479)
هو الليبي ميعتبرش اجنبي؟
أعتقد إنه لا يعتبر سائح أجنبى - و إنما يعتبر عرب - بمعنى أن هناك تسهيلات تمنح للسواح الأجانب و لا تمنح للعرب نظير ما يدفعوه من أموال أكثر.

mozo00 12-04-21 07:32 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
انت فكرتك دية رائعه الجمال ولو في حد عنده واحد ممكن يجيب سلاح لية من الخارج انا اشترية وانا معايا رخصة سلاح وجواب شراء سلاح ومنتظر الامانة وعلي فكرة دية فكرة مجرمة تستهال عليها جائزة نوبل وديه عمله ذي العربية الي دخلة البلد بالضبط

masmm001 12-04-21 10:22 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
اقتباس:
المشاركة الأصلية كتبت بواسطة mozo00 (المشاركة 353113)
انت فكرتك دية رائعه الجمال ولو في حد عنده واحد ممكن يجيب سلاح لية من الخارج انا اشترية وانا معايا رخصة سلاح وجواب شراء سلاح ومنتظر الامانة وعلي فكرة دية فكرة مجرمة تستهال عليها جائزة نوبل وديه عمله ذي العربية الي دخلة البلد بالضبط
الفكرة فعلا تستحق الدراسة لأنها قانونية و بالفعل اتصلت ببعض سفارات مصر في الخارج و سألت في الموضوع و أكدوا أن ممكن السائح يسافر بالسلاح و ده أمر كان بيحصل عادى جدا خصوصا أيام الصيد و في مسابقات الرماية الدولية، لكن في نقطة واحدة و هي أن السائح قد يواجه مشكلة في بلده بعد عودته بدون السلاح. و أنا لسه بفكر لحل لهذه المشكلة.

orbany 12-04-21 10:51 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
بس لو فية شرط الموفقة مش هتاخد الجمارك مبلغ الجمرك الا بعد ان يكون معاك موفقة اصلا بالجلب من الخارج

orbany 12-04-21 10:52 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
شايف حد يجرب و يعرض علينا فى رابطة حائزى تصريح شراء سلاح بدون سلاح
اللى انا عاملها لنتبادل الخبرات و اللة الموفق

masmm001 12-04-25 03:52 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
اقتباس:
المشاركة الأصلية كتبت بواسطة orbany (المشاركة 353232)
بس لو فية شرط الموفقة مش هتاخد الجمارك مبلغ الجمرك الا بعد ان يكون معاك موفقة اصلا بالجلب من الخارج
الفكرة معتمدة على أن المشتري ملوش دعوة بالجمارك خالص، الجمارك هتتطلب من الأجنبي لأنه هو اللي دخل بالسلاح و خارج من غيره فهنا هيطلب منه الجمارك و طبعا هو هيكون دخل البلد بالسلاح من خلال موافقة الجوازات بإعتبارة سائح أجنبي و طبقا لقانون الأسلحة و الذخيرة أي بدون الحاجة لموافقة الأمانة. فالمشتري ملوش دعوة بالجمارك خالص.

badr 12-04-25 04:11 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
السلام عليكم انا مقيم فى اوروبا واعرف اصدقاء لى معاهم سلاح مرخص ولكن فى حالة البيع بيتطلب منة عدة اشياء
1 ان يكون الشاري معاة رخصة 2قبل البيع بيتنازل عن ملكيتة فى قسم الشرطة دى بالنسبة لاوربا فى حالة بيعو فى مصر اعتقد انة هيحتاج ورق موثق من السفارة التابع ليها وايضا ترجمة رخصة حضرتك واعتقد ان رخصة حضرتك غير معترف بيها دوليا ثانيا الى بيدخل مصر بسلاح بيكون معاة رخصة سلاح للهواة وليست شخصية او للحراصة ودى سهل الحصول عليها

eagle1 12-04-27 02:15 AM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
اقتباس:
المشاركة الأصلية كتبت بواسطة badr (المشاركة 355470)
السلام عليكم انا مقيم فى اوروبا واعرف اصدقاء لى معاهم سلاح مرخص ولكن فى حالة البيع بيتطلب منة عدة اشياء
1 ان يكون الشاري معاة رخصة 2قبل البيع بيتنازل عن ملكيتة فى قسم الشرطة دى بالنسبة لاوربا فى حالة بيعو فى مصر اعتقد انة هيحتاج ورق موثق من السفارة التابع ليها وايضا ترجمة رخصة حضرتك واعتقد ان رخصة حضرتك غير معترف بيها دوليا ثانيا الى بيدخل مصر بسلاح بيكون معاة رخصة سلاح للهواة وليست شخصية او للحراصة ودى سهل الحصول عليها
لو حد من أصحاب حضرتك مستعد يجرب أنا موافق أدفع له تذاكر الطيران و إقامة أسبوع فى فندق 5 نجوم فى الغردقة و أشترى منه السلاح و أترجم له تصريح الشراء الخاص بى و أعتمده من الخارجية كمان. تليفونى 00201063799981

عصام سدراك 12-05-10 02:02 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
بس هى فكرة جامد جدأ تسلم دماغك وكمان انا سمعت ان ممكن السلاح يدخل بشكل قانونى مع ملحق سياسى

samco 14-10-12 07:09 PM
رد: فكرة قانونية لإستيراد سلاح بدون موافقة الأمانة العامة لأصحاب التراخيص
 
للبيع
أستار أسباني 9 مم طويل +2 خزينة للاتصال 01220015122


الساعة الآن 08:03 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir