كل ما تريد معرفته عن الكرال التركى
 

بسم الله الرحمن الرحيم

اخوانى الأعزاء فى الفترة الأخيرة كثرت الأسألة بخصوص البنادق التركى
الموجودة فى الأسواق ولاحظت كثرة أعادة الأسألة ووجودها فى مواضيع مختلفة
ومتفرقة فقررت عمل موضوع واحد يشمل كل مايخص هذه البندقية من ايجابيات
وسلبيات ليكون مرجع لجميع العضاء.

فى البداية ظهرت هذه البندقية فى مصر تقريبا مع بداية صيف 2010 رغم وجود
هذه البنادق منذ 2007 فى اوروبا مع الاختلاف بان الدفعة التى نزلت مصر
بنادق كسر واغلبية الموجود فى اوروبا العتلة.
البندقية الكسر هى نسخة من الشادو 1000 . والبندقية العتلة هى نسخة من CFX .

فى تقرير ليها من مجلة أنجليزية تسمى Gun Mart وده الموقع الموجود فيه
التقرير (على فكرة جميع التقارير الموجودة للنوع العتلة مش الكسر وأم عتلة
تسمى Kral Demon والكسر Kral Devil ا).
http://gunmart.net/gun_review/kral_demon
ودى صور لمصنع كرال فى تركيا لتصنيع السلاح
http://www.kralav.com/en/galeri.asp

بعد استعمال البندقية حوالى 4 شهور يمكن عرض سلبيات وايجابيات ومشاكل
البندقية وكيف التغلب على هذه المشاكل.
أثير من قبل أن دبشك البندقية تصنيعه دون المستوى وبه اماكن حاده يمكن ان
تحدث أصابات.
الدبشك البلاستيك يوجد به مكان واحد فقط حامى فى مقدمة الدبشك من الأسفل
وده باين فى الصورة الموجوده فى اول رابط فى نهاية الموضوع وعلي الدبشك علامة حمرة (وللأمانه مش مسبب لى أى مشكلة خلال ال4شهور).

البندقية قوية جدا ولذلك لها رد فعل قوى وصوتها عالى نسبة للبنادق الأخرى.
وجدت صعوبة فى تثبيت تليسكوب كبير 3-9*40 عليها وتم تثبيت تليسكوب صغير
15*5 ومثبت %100 لكن بعض الأعضاء زى الأخ جمال Consul ركب التليسكوب الكبير بدون أى مشاكل.
المسمارين الأماميين للدبشك بيتحلو مع استعمال البندقية.
لحل هذه المشكلة يتم وضع مادة صمغ مطاطى هندى على المسامير أثناء ربطهم والعلبه
لونها أصفر فى أحمر وأسمه Fevibond وأشتريته ب3.50 جنيه.

وجود كمية كبيرة من رايش التصنيع مع زيت المصنع الزائد.
أنصح بحل البندقية وتنظيفها م الداخل وتشحيمها.

السوسته الأصلى بتتكسر.
تغيير السوستة بواحده جامو أصلى 35 حلقة.
(احسن حاجة تركبلها السوستة الجامو أثناء حل البندقية وتنظيفها).

دى روابط فيها معلومات وصور لكل مايخص الكرال:

http://www.egyhunt.net/showthread.ph...F%ED%C9&page=2

http://www.egyhunt.net/showthread.ph...E1%CA%D1%DF%EC

http://www.egyhunt.net/showthread.ph...1%DF%EC&page=3

بعض الصور للأستاذ احمد عصام وحصيلة صيد الكرال

http://www.egyhunt.net/showthread.ph...C3%E5%D1%C7%E3

http://www.egyhunt.net/showthread.ph...C3%E5%D1%C7%E3

برجاء قراءة جميع المواضيع والمشاركات الموجودة فى الروابط بالكامل قبل وضع أى سؤال لعدم التكرار.
أشكركم جميعا وفى انتظار أى اسألة او استفسارات جديدة.
خالص تحياتى.

رد: كل ما تريد معرفته عن الكرال التركى
 

بس سمعنا ان بيكون في مشاكل في مجموعة ؟؟؟الزناد

رد: كل ما تريد معرفته عن الكرال التركى
 

أنا شخصيا لم تقابلنى أى مشكلة فى مجموعة الزناد.
لو فى أى عضو من الأعضاء الذى بحوزتهم البندقية لديه مشكلة فى مجموعة الزناد برجاء كتابة المشكلة.

أما لوحضرتك بتتكلم أن الزناد بتاعها تقيل ممكن تغيره بالزناد المعدل grt-iii والذى يقوم بتغيره أصحاب البنادق الجامو للحصول على دقة أكثر أثناء النيشان وهذه صورة للزناد المعدل.

رد: كل ما تريد معرفته عن الكرال التركى
 

موضوع جميل جداً يا استذنا ربنا يبركلك
وفعلاً البندقيه دى كويسه جداً

رد: كل ما تريد معرفته عن الكرال التركى
 

أخي العزيز الغالي الأستاذ عادل152...الله ينور عليك وربنا يبارك لك...موضوع قيم وشيق وجميل جدا...وبصراحة إنت مغطيه تقريبا بالكامل...إنا إستفدت منه كثيرا جدا لدرجة إني نزلت الصور بالترتيب...وهأغامر وأفكها وأنظفها لإن فعلا فيها صوت بسبب الإحتكاك بالسوستة...لكن إنت ما غيرتش الجلبة بتاعتها بنوع تاني...وما نوعية الشحم الذي تستعمله...وهل شعرت فعلا بالفرق بعد التنظيف والتشحيم...أكرر شكري علي موضوعك الممتاز ومجهودك الرائع...تقبل خالص تحياتي وتقديري واحترامي...

رد: كل ما تريد معرفته عن الكرال التركى
 

أستاذى وأخى المحترم ا/ جمال
شكرا لرد حضرتك.
البندقية حلها سهل جدا.
أنا أشتريت سوسته وجلبة جامو.
الشحم الى بأستعمله فى جميع انواع البنادق والمسدسات شحم Esso Fibrax 235 .
وأحسن طريقة للتشحيم موجوده فى الفيديو الى فى الرابط ده


شوف بقى ياسيدى صوت الأحتكاك ده من الدراع المتصل بدراع التعمير ومجموعة الزناد.
الدراع شغلته تثبيت الزناد اثناء التعمير لعدم ارتداد الماسورة.
الدراع ده مهم جدا جدا خاصة للمبتدئين لعدم اصابتهم من ارتداد الماسورة لو داسو على الزناد بالخطأ اثناء التعمير .

أنا لما قفلت بنديقيتى ماركبتش الدراع ده وجربت البندقية طبعا كانت روعة ودلوقت بأقدر أفضى البندقية لو متعمرة من غير ماأضرب رشة بدون لازمة.
صورة الدراع المقصود فى الصورة.
شكرا وخالص تحياتى

رد: كل ما تريد معرفته عن الكرال التركى
 

موضوع جميل جداً يا أستاذ عادل و الله يبارك لك

رد: كل ما تريد معرفته عن الكرال التركى
 

أستاذ avensis
شكرا لرد حضرتك.
أنت فين بقالك كام يوم مختفى؟ عل المانع خير.
المنتدى مالوش طعم من غيركم ياجماعة.
تحياتى

رد: كل ما تريد معرفته عن الكرال التركى
 

أخي العزيز الغالي الأستاذ عادل...ما شاء الله لا قوة إلا بالله...أنت رجل تنشد وتطلب الكمال...والكمال لله وحده...بارك الله فيك وجزاك عنا خير الجزاء...خالص تحياتي...

رد: كل ما تريد معرفته عن الكرال التركى
 

رد: كل ما تريد معرفته عن الكرال التركى
 

عادل باشا / استاذنا الكبير . موضوع قيم جدا جدا و جاء فى الوقت المناسب للكثير من الزملاء .

( خالص تحياتى و احترامى ) .

رد: كل ما تريد معرفته عن الكرال التركى
 

أستاذ عادل موضوع جميل ومطلوب من أعضاء كثيرين
بس ليا أستفسار
ياريت توضح اكثر جزئية الذراع اللي حضرتم مركبتهوش وهل فعلا محصلش تأثير سلبي علي البندقيه؟

رد: كل ما تريد معرفته عن الكرال التركى
 

شكرا لمرور حضرتك أستاذ تيمور.
تحياتى.

رد: كل ما تريد معرفته عن الكرال التركى
 

أستاذ محمد
الدراع ده شغلته الوحيده تعليق الزناد اثناء كسر البندقية للأمان فقط لاغير. لعدم ارتداد الماسورة وهى مكسورة لو حد داس على الزناد اثناء التعمير بالخطأ.
البندقية فيها زرار امان امام الزناد انا بأستعمله باستمرار. ومابشلش الأمان الا وقت ضرب الرشه وبعد ضرب الرشة مباشرة برجعة لوضع الامان على طول يعنى تقدر تقول بقت عملية تلقائية معايا مع التعود.
خلص تحياتى.

رد: كل ما تريد معرفته عن الكرال التركى
 

الكلام ده جميل جدااا ده حضرتك كده ممكن تعمل موضوع تاني عن التعديل في البندقية لأن كان فيه عيب في البندقية انك مينفعش ترجع التعمير الا لما تضرب الرشه

رد: كل ما تريد معرفته عن الكرال التركى
 

حضرتك كده وصلتك المعلومة %100 . وللأمانة دى فكرة أستاذى الكبير الشخصية العبقرية والمحترمة الأمبراطور الأستاذ محمد أنور وهو كان أتكلم عليها فى الجامو وأنا نفذتها عندى فى الكرال وضربت عصفورين بحجر منع صوت الأحتكاك وأمكانية تفضية البندقية بدون ضرب رش على الفاضى.
تحياتى

رد: كل ما تريد معرفته عن الكرال التركى
 

تحية طيبة للجميع --- أتساءل عن قول بعض الاخوة ومنهم الأستاذ الكريم عادل ان الكرال (بندقية قوية جدا ولذلك لها رد فعل قوى وصوتها عالى نسبة للبنادق الأخرى)
هل فعلا الكرال الماجنوم قوية جدة ورد فعلها قوى؟؟
الحقيقة أننى عندما اريد الإستراحة من الديانا 350 ماجنوم مثلا وضرب علبة رش من باب التسلية وتمضية الوقت فإننى أستخدم الكرال .... هدوء وخفة وزن وردة فعل غير محسوسة تقريبا مقارنة بالزلزال الذى تحدثه الديانا الماجنوم

لايفوتنى تحية الأستاذ عادل على اتاحته لمعلوماته القيمة عن الكرال .... واكرر التحية لانه اسكندرانى ... مثلى

رد: كل ما تريد معرفته عن الكرال التركى
 

تحية طيبة للجميع --- أتساءل عن قول بعض الاخوة ومنهم الأستاذ الكريم عادل ان الكرال (بندقية قوية جدا ولذلك لها رد فعل قوى وصوتها عالى نسبة للبنادق الأخرى)
هل فعلا الكرال الماجنوم قوية جدة ورد فعلها قوى؟؟
الحقيقة أننى عندما اريد الإستراحة من الديانا 350 ماجنوم مثلا وضرب علبة رش من باب التسلية وتمضية الوقت فإننى أستخدم الكرال .... هدوء وخفة وزن وردة فعل غير محسوسة تقريبا مقارنة بالزلزال الذى تحدثه الديانا الماجنوم

لايفوتنى تحية الأستاذ عادل على اتاحته لمعلوماته القيمة عن الكرال .... واكرر التحية لانه اسكندرانى ... مثلى

رد: كل ما تريد معرفته عن الكرال التركى
 

مجهود رائع و مشكووووووووووووور

رد: كل ما تريد معرفته عن الكرال التركى
 

أستاذ رفعت بصارحه عندك حق انا استغربت من الكلام ده لما ضربت بالبندقية صوتها اوطي كتير من بندقيتي المارفيك وكذلك رد فعلها أقل كمان.
طبعا دي وجهات نظر وليها احترامها برده

رد: كل ما تريد معرفته عن الكرال التركى
 

أستاذ رفعت - الأخ العزيز العربى - محمد باشا

أشكر حضرتكم على الرد الجميل وده شرف ليا مجرد مروركم والمشاركة فى هذا الموضوع.

الأجابة تقريبا موجودة فى الأسألة بتاعة أستاذ رفعت والأستاذ محمد.
الأستاذ رفعت أستعمل البندقية بعد الجبارة الالمانية الديانا 350 والأستاذ محمد بعد المدفع الاسبانى المارفيك وأنا أستعملتها بعد نوريكا61 والتل المجرى (الخرساء). فالكرال بالنسبة لى مدفع عالى الصوت وقوى فى رد الفعل مقارنة بالنوريكا61 والتل المجرى.
خالص تحياتى وشكرى للجميع.

رد: كل ما تريد معرفته عن الكرال التركى
 

انا عندي استفسار بسيط بس انا عايز اعرف ماركة معينة للمنظار

رد: كل ما تريد معرفته عن الكرال التركى
 

استاذ محمود
شوف الرابط ده وأقراء جميع المشاركات الى فيه ولو عايز تستفسر بعد كده عن أى حاجة أنا تحت أمرك.

http://www.egyhunt.net/showthread.ph...E3%E4%D9%C7%D1

رد: كل ما تريد معرفته عن الكرال التركى
 

شكرا علي لهتمامك بالرد

رد: كل ما تريد معرفته عن الكرال التركى
 

بصراحة موضوع أكثر من رائع
شكر خاص جدا للأستاذ عادل ولجميع الأخوة الكرام الي أمتعونا بالموضوع ده وبصراحة لما قرأت الموضوع ده أنا نفسي هفتني على البندقية دي وبالفعل وبعد عشرة عمر مع بندقيتي الأسد والمدفع bsa قررت أضيف الكرال الي مقتنياتي بس لما نزلت أسأل عليها عند فتح الله في إسكندرية لقيت منها نوعين الأولى بنظام الكسر والثانية بنظام العتلة وفي منها خشب وفي منها فيبر ولما سألته على النوعين قالي أنا أرشح الكسر لسهولة التعمير وسهولة الصيانة على الرغم من أن نظام العتلة في رأيي أفضل من حيث دقة التصويب ولما سألته عن السوسته وقولتله إني سمعت إن السوسته الأصلية بتتكسر أكدلي المعلومة وقالي هي فعلا بتتكسر بس الأفضل لما تشتريها تغير لها السوستة بسوسته جامو هتبقى بندقية زي الفل وقالي كمان إنها دقيقة جدا في التصويب
وطبعا لأني بثقة جدا في رأي أستاذنا عادل وبتابع مشاركاته كلها وجميع الأخوة إلي بصراحة بيناقشوا مواضيع غاية في الجمال
فحبيت أسأل من وجهة نظركم أشتري الكسر ولا العتلة ويا ترى الخشب أفضل ولا الفيبر
وسلامي للجميع
وتقبلوا مروري

رد: كل ما تريد معرفته عن الكرال التركى
 

أستاذ محمد.
مرحبا بيك عضو جديد فى المنتدى.
البنادق الكرال العتلة لم تطرح فى السوق الا من مدة قصيرة جدا.
انا عن نفسى أثناء ما أشتريت بندقيتى ماكنش موجود غير الكسر.
البندقية الكرال ام عتلة هى الأكثر انتشار فى السوق الاوروبية.
من المعروف عموما ان البندقية ام عتلة اكثر دقة من الكسر لثبات الماسورة.
بالفعل البندقية الكسر اسرع فى التعمير وأسهل فى الصيانة (ولكن الكمال لله وحده).
أنا شخصيا معايا الفيبر لكن سمعت ان الخشب أفضل على المدى البعيد ولذلك سوف اترك نقطة أختيار الدبشك للمشترى أثناء الشراء أيهما يفضل.
بالتوفيق فى أختيارك للبندقية المناسبة لحضرتك.
وياريت حضرتك لو ماعندكش مانع تقولنا اسعار فتح الله اسكندرية (مع تحديد الفرع. سعد زغلول ولا محطة مصر) كام فى هذه البنادق فى الوقت الحالى حتى يستفيد الأعضاء بمعرفة ثمن البندقية.
خالص تحياتى.

رد: كل ما تريد معرفته عن الكرال التركى
 

رد: كل ما تريد معرفته عن الكرال التركى
 

أشكرك يا أستاذ عادل على المعلومات القيمة
أما بالنسبة للأسعار لقيت تفاوت بين الأسعار
بالنسبة لأسعار فتح الله محطة مصر فكان أرخص سعر قالي إن سعر الكسر 1100 أما العتلة فهي 1400 جنيه
وبالنسبة لفتح الله سعد زغلول فكانت الكسر ب 1200 بس مسألتش على العتلة عنده
و بالنسبة لفتح الله المنشية ( إلي هو جولدي دلوقتي ) فلقيت عنده البندقية الكسر رقم 1 ب 1200 ورقم 2 ب 1300 أما بالنسبة للعتلة فقالي ب 1800 ( مش عارف إزاي ب 1800 وفي فرع محطة مصر ب 1400 ) وعلى فكرة هو عنده جميع الألوان حتى البني ( نفس لون الخشب ) بس لما قولتله على التفاوت في الأسعار قالي شوف إنت عايز تدفع كام ومش هتكلم معاك في السعر وهيبقى أرخص من الأسعار الي في السوق .
بس مش عارف بقى وقت التنفيذ هيوصل السعر كام !!!!!
خالص تحياتي

رد: كل ما تريد معرفته عن الكرال التركى
 

بس فتح الله المنشية قالي حاجة غريبة أوي
قالي على فكرة إلي بيجي يسأل على الديانا ومش بيلاقيها بياخد الكرال مكانها !!!!!!!!!!!
مع إحترامي طبعا للكرال بس معقول واحد داخل ياخد بندقية ألماني على الأقل ب 5000 جنيه وإنت طالع فيكون الإختيار الثاني له هو الكرال الي ب 1200 جنيه أمال البي إس إيه والجامو راحو فين !!!!

رد: كل ما تريد معرفته عن الكرال التركى
 

أستاذ محمد
شكرا على رد حضرتك وقائمة المعلومات والاسعار فى مختلف المحلات بالأسكندرية.
طبعا ده كلام زى مابيقولو تحلية بضاعة ومن بداية تقييمى للكرال كان أول حاجة ذكرتها هو عدم المقارنة بين البنادق الأسبانى والانجليزى والالمانى التى تتراوح اسعارها بين 3000 و 7000 جنيه.
خالص تحياتى.

رد: كل ما تريد معرفته عن الكرال التركى
 

لا شكر على واجب وأحب أضيف إني بالفعل قمت بشراء الكرال الكسر ذات الدبشك الفيبر البني اليوم لأني لقيت الخشب بصراحة شكلها زي الصيني وليست بنفس شكل الفيبر رغم قوتها عن الفيبر طبعا...... المهم اني إشتريتها بسعر مناسب جدا ب  جنيه رغم اني كنت ناوي أشتري البندقية ذات العتلة بس بصراحة أستاذ نبيل فتح الله قالي إن في بعض قطع غيار النوع ذات العتلة غير متوفر فتوكلت على الله واخدت الكسر وأنا قاعد دلوقتي في إنتظار إنكسار السوستة ههههه.............. مع تحياتي

رد: كل ما تريد معرفته عن الكرال التركى
 

مبروك ربنا يديك خيرها كلة ويمنع عنك شرها كلة _بعد اول طلعة لحضرتك يا ريت تعرفنا اخبارها اية ؟

رد: كل ما تريد معرفته عن الكرال التركى
 

الأخ محمد
الف مليون مبروك
ربنا يديك خيرها ويكفيك شرها يارب.
خالص تحياتى.

رد: كل ما تريد معرفته عن الكرال التركى
 

رد: كل ما تريد معرفته عن الكرال التركى
 

أشكركم جميعا على الروح الطيبة
ومعلش سعر البندقية مظهرش في المشاركة الي فاتت ( الظاهر ان الجهاز كان بيهيس ) أنا حبيت أقول السعر عالشان ابشر المقبلين على شراء هذه البندقية الجميلة وأنا إشتريتها ب 950 جنيه .
البندقية طبعا انا لسه مجربتهاش تجربة فعلية ولكن مبدئيا هي مبشرة بالخير لأنها تتسم بالقوة والدقة والوزن الخفيف بالإضافة الي أن تجميع نشانها جميل جدا
أما بالنسبة للفرق بيها وبين bsa فكما قال أستاذنا عادل لا يجب مقارنة الألماني أو الإنجليزي بالتركي طبعا البي إس ايه بندقية ممتعة وقوية ومن يستعملها ميقدرش على بعادها ولكني أعيب عليها ثقل الوزن ومجموعة الزناد ( لا تقارن بالديانا ) ولكن ماعدا ذلك فهي بندقية بمعنى الكلمة وأنا ضارب بيها أكتر من يمامة من على بعد أكتر من 80 متر ونزلت مقفولة ( توفيق طبعا مش مهارة صياد ...هههههه ) أما الكرال فأنا ارى أنها بندقية مناسبة جدا بالنسبة لسعرها بدليل إن الصيادين المحترفين أصحاب الديانا وغيرهم أضافوها الي مقتنايتهم بالإضافة الي قوتها وخفة وزنها ودقتها وأنا شايف إنها هتثبت وجودها في الأسواق في الفترة الجاية
تحياتي للجميع

رد: كل ما تريد معرفته عن الكرال التركى
 

السلام عليكم
اهلا و سهلا بكم اخوتى الكرام
فى الحقيقة رايت البندقية الكسر اليوم فى بلبيس و الدبشك فيبر اسود و هى نمرة 2
و السعر الذى ذكره كان مبالغ فيه جدا جدا
كما انى لم يعجبنى الدبشك الفيبر الأسود لانه ليس بالجودة العالية و فعلا تشطيبه حاد من الأمام
و لكن النيشان فوسفورى جميل و واضح
الغريب انه عند تجربتها انبعثت شرارات او نيران من فوهتها عند الاطلاق فما سبب ذلك؟؟؟

و رجاء من الأخ الكريم محمد لقد نويت اشترى نسخة من بندقيتك ذات الدبشك البنى و لكن اريد مكان مضمون و بالسعر الذى ذكرته و الف مبروك عليها رزقك الله خيرها و كفاك شرها
و لكم جميعا خالص شكرى و تقديرى و محبتى
لما استفدته من خبراتكم فى الفترة الماضية
حيث اننى احب التأنى فى الأختيار
و هذه ستكون بندقيتى الأولى
و قد اعجبتنى البندقية
و اريد افضل مكان للشراء منه و ارجو ان يكون فى الشرقية او القاهرة

رد: كل ما تريد معرفته عن الكرال التركى
 

السعر 1550 سعر مبالغ فيه جداااا وفيه عرض للبنقدية ذات الدبشك البني الفايبر في المنتدي ستجده في سوق المنتدي بسعر افضل من ذلك بكثير علي ما اعتقد 1000 جنيه
بالنسبه للنار اللي بتخرج ده بسبب الزيت اللي في البندقية
ولما تشتري البندقية يفضل انك تفكها وتشحمها ده هايفرق معاك كتير
وتقبل احترامي

رد: كل ما تريد معرفته عن الكرال التركى
 

الأخ الكريم msa_79
اخر سعر سمعته فى الشرقية اليوم كان 1150 و هو مازال ايضا سعر مرتفع و الدبشك الأسود
و فى حالة لم اجد سعر مناسب ساقوم بزيارة للقاهرة ان شاء الله
و فعلا اعتقدت ان هذه النار بسبب الزيت و لكن ان يؤدى الاحتكاك و ضغط الهواء لاشعاله بهذه الصورة فهل هذا يدل على قوة الضغط فى البندقية ام انه شئ معتاد فى بنادق اخرى
اشكرك جدا
و فعلا هى رياضة جميلة و نتعرف من خلالها بشخصيات محترمة
لكم جزيل الشكر

رد: كل ما تريد معرفته عن الكرال التركى
 

الأخ العزيز aescorc
زى ما الأستاذ محمد قال لك سعر الكرال الدبشك البنى الفايبر 1000 من عند ا/ شريف ابوضيف وده رابط البيع ورقم التليفون للأستعلام.
http://www.egyhunt.net/showthread.php?t=4522
الكرال الفايبر الأسود 950 .
خالص تحياتى وبالتوفيق أن شاء الله.

رد: كل ما تريد معرفته عن الكرال التركى
 

الأخ الكريم adel152
شكرا جزيلا على هذه المعلومات
و إن شاء الله اتصل به الأسبوع القادم
و لكم جزيل الشكر

رد: كل ما تريد معرفته عن الكرال التركى
 

وفيتم وكفيتم
وكما قال أخونا msa_79 بالنسبة للدخان الي بيخرج من فوهة البندقية دا بسبب الزيت وسوف يختفي مع الإستعمال
وربنا يكرمك بيها وتاخدها بسعر مناسب وءاتاك الله خيرها وكفاك شرها

رد: كل ما تريد معرفته عن الكرال التركى
 

جزاك الله خيرا أستاذ/ محمد سالمين

سعر هذه البندقية خارج مصر فى الدول الأوربية و تركيا حوالى مايعادل 500 جنيه مصرى
فهل سعرها الحالى مناسب طبقا لفروق الأسعار فى البنادق بين مصر و الخارج
و هل تتوقعون ان يظل سعرها ثابت أم مرشح للهبوط

رد: كل ما تريد معرفته عن الكرال التركى
 

استاذ aescorc
سؤال حضرتك صعب جدا الأجابة عليه على المدى القريب.
سعر اى سلعة متوقف على العرض والطلب يعنى البندقية دى لو أختفت من السوق فى الوقت الحالى أكيد سعرها حيغلى لأنها مش موجوده وممكن يرجع سعرها 1500 تانى. لكن لو نزل منها كميات أكتر من طلب السوق عليها سعرها ممكن يرخص عن السعر الحالى.

لكن من المؤكد على المدى البعيد البندقية حتغلى زى أى حاجة تانية. أنا أشتريت بندقية رمسيس منذ اكثر من 35 عاما ب18 جنيه من السجلابى أسكندرية والمسدس الصوت 8مم الأيطالى من 30 سنه كان على ماأتذكر ب80 جنيه.
فى أى عضو يقدر يقولنا أسعار النوريكا والجامو والبى اس والديانا من10 سنين فقط كانوا بكام والنهارده بكام؟
أنا كتبت وجهة نظرى الشخصية فى الأسعار وتحتمل الصواب او الخطأ.
خالص تحياتى

رد: كل ما تريد معرفته عن الكرال التركى
 

شكرا لك يا استاذ عادل على اجابتك و هى بالتأكيد مقنعة
ولكن ما اريد معرفته هل البنادق فى مصر تكون اسعارها ضعف سعرها فى العالم بالنسبة لغالبية الأنواع الموجودة فى السوق ام تكون متقاربة للأسعار العالمية

رد: كل ما تريد معرفته عن الكرال التركى
 

شوف الرابط ده وقارن الأسعار بنفسك للديانا والجامو خلال 5 صفحات.
والرابط الثانى لتحويل العملات.

http://www.cabelas.com/catalog/searc...h-All+Products


http://www.xe.com/ucc/

رد: كل ما تريد معرفته عن الكرال التركى
 

السلام:يااستاذ عادل كلك مفهوميه وتعيش على المعلومات القيمه

رد: كل ما تريد معرفته عن الكرال التركى
 

السلام اريد انبهه اخواني انه الكرال له علامة التاج وباللون الذهبي او الفضي وفيه تقليد له نوعه رديء والدشبك غير جيد
وحسب ما رايت بالسوق

رد: كل ما تريد معرفته عن الكرال التركى
 

شكرا يا استاذ عادل
و لكل الأخوة الكرام

رد: كل ما تريد معرفته عن الكرال التركى
 

رد: كل ما تريد معرفته عن الكرال التركى
 

ياأخى العزيز لاشكر على واجب.
خالص تحياتى

رد: كل ما تريد معرفته عن الكرال التركى
 

حمدا لله على السلامة أخي العزيز الأستاذ عادل...فينك من زمان واحشنا كتييييييير...كنت مسافر ولا إيه...ما تبقاش تغيب علينا كتير كده...بتوحشنا يا أخي...الحمد لله أنك بخير...خالص تحياتي...

رد: كل ما تريد معرفته عن الكرال التركى
 

الأخ العزيز الغالى أستاذ جمال
انا كويس والحمد لله لكن بصراحة لما بأتصفح المنتدى ولاقى أى مهاترات أو أى كلام خارج بأزعل على هذا المنتدى المحترم وعلى الشخصيات المحترمة الى الواحد عرفهم وأتعلم منهم الكثير وبأفضل الأبتعاد ليوم أو أثنين لحد ماالوضع يهدأ. لكن أنا ماأقدرش أبعد عنكم لأنكم بالنسبة لى أخوة مقربين لقلبى سواء الأعضاء الموجودين معنا والغائبين عنا.
خالص تحياتى أستاذى الغالى وشكرا لسؤال حضرتك.

رد: كل ما تريد معرفته عن الكرال التركى
 

بارك الله فيك أخي الحبيب الأستاذ عادل...أنا موجود على طول وشبه يوميا بأدخل المنتدى...لم أرى أو ألاحظ أي مهاترات أو كلام خارج...الأمر لا يسلم من بعض المناقشات الساخنة حول معلومة أو رأي في موضوع معين وبطبيعة الحال المتواجدون والمتحاورون شباب صغير ومتحمس ومناقشاتهم بعض الأحيان حامية حبتين بحكم السن والخبرة...ولكن الشهادة لله في إطار الإلتزام وعدم التطاول أو التجريح أو الدخول في مواضيع شخصية...وهم من أنفسهم ما شاء الله عاملين كونترول ومسيطرين ولا يسمحوا بشيئ يعكر جو المنتدي...وهم من أنفسهم يشعروا بأي مداخلة غريبة تثير مواضيع للجدل وبث الفرقة ولا ينجرفوا أو ينساقوا ورائها في الرد ويقاطعوها بدون توجيه من أحد...لأنهم يحبون المنتدي ويشعرون أنه بيتهم الثاني وملاذهم الذي يلجأون إليه ويستطيعون التنفس فيه بحريه ودون كبت لمشاعرهم وأحاسيسهم...وبالتالي هم حريصون ومتمسكون وأنا معهم بألا يعكر صفو والجو العام لهذا المنتدي أي شيئ...إنتظم معنا اليومين دول وشاركنا بمواضيعك الجميلة والشيقة والقيمة وأنت تري بعينك وبنفسك مدي تفاعلهم ومشاركتهم معك وحبهم لك وبصدق...لأن قلبهم صافي ونقي ولا يحمل غلا أو حقدا على أحد...خالص تحياتي...

رد: كل ما تريد معرفته عن الكرال التركى
 

رد: كل ما تريد معرفته عن الكرال التركى
 

السلام عليكم سعادة القنصل
بمناسبة الكلام الجميل دة.عايز اعرف الاعضاء القائمين على ادارة المنتدى.ولقب صياد قديم وجديد على أساس الاقدمية ولا المشاركات.
وتقبل مرورى وتحياتى

رد: كل ما تريد معرفته عن الكرال التركى
 

الأخوة الأعزاء الأفاضل...والله ما تفرق الألقاب...صياد قديم ولا جديد...المهم أننا مع بعض...وكلنا سواسية كأسنان المشط...ومن خلال مواضيعنا وحواراتنا كلنا نستفيد بتبادل المعلومات والخبرات وبالتجارب والتدريب نكتسب المهارات...وأنا عمري ما لفت نظري هذه الشكليات...أول ما إشتركت في المنتدي كانوا كاتبين صياد جديد...وبعد فترة لاحظت أنهم غيروها لصياد فديم...وأنا زي ما أنا...لم تفرق معي في شيئ...المهم جمعتنا ولمتنا مع بعض...ده أهم شيئ...خالص تحياتي...

رد: كل ما تريد معرفته عن الكرال التركى
 

سعادتك كدة بتحرجنى بدبلوماسيتك المعهوده .وطبعا دى شكليات انا متفق معاك تماما.بس سؤالى كان للعلم بالشئ فقط .وتقبل مروري

رد: كل ما تريد معرفته عن الكرال التركى
 

السلام عليكم معلومه جديده لسه مجربها اليومين اللي فاتوا بسبب احداث الهاربين من السجون ( الكرال بتضرب نار ) بجد انا حطيت طلقه صوت 9مل في فوهه الكرال وطبيعي الرش المندفعه من الماسوره تضرب مكان ابره ضرب النار انا ضربت اكتر من عشرين طلقه غير متتابعه ولكن المهم التاكد من عدم وجود رش يسد الماسوره بين كل طلقه وما يليها

رد: كل ما تريد معرفته عن الكرال التركى
 

السلام عليكم
سبحان اللة فى هذة الظروف اشتريت الكرال .وهى فعلا بندقية جامدة لما جربت معاها الرش الماجنوم برو .يعنى فعلا لو ضربتها على حد من قريب ممكن تحدث بة اصابة مش هينة.بس يا ريت توضيح اكتر لوضع طلقات الصوت.

رد: كل ما تريد معرفته عن الكرال التركى
 

توضع طلقه الصوت في الفوهه البلاستيكيه للبندقيه بحيث تقوم الرشه المنطلقه من الماسوره باطلاق طلقه الصوت من فوهه البندقيه

رد: كل ما تريد معرفته عن الكرال التركى
 

صوتها مروع وتاثيرها كبير من المسافات القريبه لان البارود والطلقه نفسها والرشه ينطلقون سويا

رد: كل ما تريد معرفته عن الكرال التركى
 

تحيه عطره للسيد\ القنصل الاكثر خبره اريد من سيادتكم التعليق علي الموضوع واي تعديلات تراها مناسبه ولسيادتكم جزيل الشكر

رد: كل ما تريد معرفته عن الكرال التركى
 

بارك الله فيك أخي الحبيب...أنا عن نفسي لا أحبذ ولا أفضل هذه الطريقة فمضارها وأخطارها أكثر من فوائدها...في مسدس الصوت تكون هناك إبرة للطرق على كبسولة طلقة الصوت ليحدث إشتعال البارود الذي يحث الإنفجار داخل ماسورة المسدس المحكمة الذي ينجم عنه الصوت العالي المعروف وبالتالي يخرج اللهب والبارود المشتعل في إتجاه واحد للأمام وبدون إصابات للمحيطين...ولكن في هذه الطريقة المجربة والمقترحة منكم لا تعرف إتجاه طلقة الرش عندما ترتطم وتصطدم بطلقة الصوت فتطيش يمينا أو شمالا أو أعلا أو أسفل وتسبب إصابات بليغة بمن يقع في طريقها وقد يكون الشخص نفسه الممسك بالبندقية...وكذلك بالنسبة لطلقة الصوت هنا يحدث إنفجار غير آمن وغير منتظم لأنه خارجي وليس داخل ماسورة محكمة تصب اللهب والصوت في إتجاه واحد...قد تكون بالصدفة نجحت معك مرة أو مرتين...وربنا ستر...ولكنك لا تضمن عواقبها وما ينتج عنها في المرات القادمة...ونصيحتي ألا يجرب أحد هذه الطريقة فهي غير آمنة أو مضمونة وأخطارها كثيرة ويمكن أن تتسبب في حرائق وإصابات للصديق قبل العدو...كمن يفجر قنبلة ممسكا بها في يده ستصيبه قبل أن تصيب عدوه...خالص تحياتي للجميع...

رد: كل ما تريد معرفته عن الكرال التركى
 

جزيل الشكر لسيادتكم لسرعه الرد والاخذ براي الخبراء يؤدي للتواصل والنجاح

رد: كل ما تريد معرفته عن الكرال التركى
 

ما شاء الله المعلومات شاملة كل حاجة انا ان شاء الله ناوي اجيب واحدة قريب

رد: كل ما تريد معرفته عن الكرال التركى
 

بصراحه يا جماعه مشكورين على المجهود الرائع ده و تحياتى

رد: كل ما تريد معرفته عن الكرال التركى
 

ممكن حد مشكورا يقولي مقاسات واسعار هذه البندقيه

رد: كل ما تريد معرفته عن الكرال التركى
 

أخى العزيز
ده موقع شركة كرال وفيه مواصفات البنادق الكسر والعتلة
http://www.kralav.com/en/urunDetay.asp?alturunID=343

وده رابط فيه أسعار البنادق الكسر (1000 جنيه) والعتلة (1600 جنيه) من الأخ هشام سمير
http://www.egyhunt.net/showthread.php?t=4671
تحياتى

رد: كل ما تريد معرفته عن الكرال التركى
 

وماذا عن قطع الغيار بالنسبة للكرال التركى

مثلا الناشنكان الفسفورى وسن النملة الأحمر

وقطع غيارها عند ميييين

وياترى سعرها كاااااااااااام تقريبا

وشكراااااااااا

رد: كل ما تريد معرفته عن الكرال التركى
 

جميع قطع الغيار موجودة عند الأستاذ شريف ابوضيف (ربنا يقدره ويرجع محله أفضل مما كان ان شاء الله).
http://www.egyhunt.net/showthread.php?t=4282&page=2
تحياتى

رد: كل ما تريد معرفته عن الكرال التركى
 

شكرا لكل من شارك في الموضوع بمعلومة أو سؤال ...... لعل الله يجعله في ميزان حسناتهم

رد: كل ما تريد معرفته عن الكرال التركى
 

سؤال : ماهي انواع الكرال المتوفرية في مصر وما اسعارها

رد: كل ما تريد معرفته عن الكرال التركى
 

dears , i want to buy a kral rifle used with good con because i want it as a start with small scope and i cant find it so plz any one want to sell with good price plz contact me , Ahmed 0164443049

رد: كل ما تريد معرفته عن الكرال التركى
 

السلام عليكم يا أستاذ Neiazy
أرجوك بلاش الكتابة بالفرانكو آراب لسببين:
1.احنا كدة بنعجن اللغة العربية ونهملها
2. أنا شخصيا واحد من اللي بيطلع عينهم في قراءة الكلام اللي بالشكل ده

وربنا يوفقك في شراء كرال محترمة تحببك في الهواية إن شاء الله
تحياتي

رد: كل ما تريد معرفته عن الكرال التركى
 

thanx for advice , so do any one want to sell

رد: كل ما تريد معرفته عن الكرال التركى
 

استاذ neiazy نصيحة الأستاذ calm&silent لك بالكتابة بالغة العربية اكيد نابعة من ان هذا المنتدى مصري و عربي ويستهدف هذه الشريحة من المستخدمين ، وستجد الذي يعرف لغات وكذلك الذي لا يعرف إلا العربية وبالتالي انت تحجب طلبك وما تريد أيصاله عن معظم الاعضاء أو على الأقل جزء كبير قد يكون احدهم من يملك ما تريد ...... ولك الاختيار بين ان يكون كلامك مسموع من الجميع أو من قلة ......
مع احترامي ..
احمد سعد

رد: كل ما تريد معرفته عن الكرال التركى
 

أ\عادل
شكرا على المقال المفيد جدا, أنا لسة شارى الكارال الفايبر الأسود ولسة فى مرحلة التجارب - وللأسف بالأسعار بتاعة اليومين دول -

رد: كل ما تريد معرفته عن الكرال التركى
 

الاخ الكريم استاذ احمد
اخبارها معاك اية واخوك شاريها من وقت الاحداث وما تسالنيش بكام علشان تم استغلالى بمزاجى طبعا
المهم سعرها كام دلوقت
تحياتى

رد: كل ما تريد معرفته عن الكرال التركى
 

أ/ بدر
انا لسة شاريها من يومين بـ 1150 + علبة رش نمرة 2 بتاع الرماية وبرضه البندقية لسة تحت الاختبار

رد: كل ما تريد معرفته عن الكرال التركى
 

الأخ الكريم بدر
أنا لسة جايبها امبارح و واضح انه تم استغلالى جدااااا علشان أنا كنت عارف سعرها بس كنت عايزها ولفيت محلات كتير لحد ما جبتها - وأنا عامل فيها ناصح وعمال أحذر الناس فى المنتدى من استغلال التجار ههههه -
بعد المقدمة دى أنا جبتها ب 1900 ج .... أيوة 1900 بس ده كمان بعد الفصال و تنزيل 400 ج - صدق أو لا تصدق - و والله محل من المحلات - مش عارف المفروض أقول اسمه ولا لأ - قالى 3000 ج سعر نهائى!!!
على العموم الأستاذ تامر أكد لى بتعليقه انى مش استغليت بس, دا أنا انضحك عليه تماااااااااام - أنا بهزر, ربنا يبارك له فيها يا رب -
بالنسبة لرأيى فيها, ادينى يومين بس وأنا أكون فيها رأى مبدأى - أنا لسة شاريها امبارح

رد: كل ما تريد معرفته عن الكرال التركى
 

أستاذ احمد ندى
اولا الف مبروك على البندقية وربنا يديك خيرها ويكفيك شرها يارب.
انا عارف الى حأقوله دلوقتى متأخر لكن ليه حضرتك ماسألتش فى المنتدى على الأسعار وأماكن البيع قبل الشراء كان على الأقل ا/ تامر اكيد حيقولك جابها منين ب1150 .
لو حضرتك محتاج اى معلومة او مساعدة أنا تحت أمرك فى أى اسألة وفى أى وقت.
مرة تانية الف مبروك وخالص تحياتى.

رد: كل ما تريد معرفته عن الكرال التركى
 

الاخوة الافاضل

استاذ تامر واستاذ احمد مبروك عليكم الكرال

وشكرا لردود حضراتكم

رد: كل ما تريد معرفته عن الكرال التركى
 

شكرا أستاذ بدر وربنا يبارك ليك انت كمان فيها انشاء الله
أستاذ عادل شكرا على اهتمامك, أنا كنت متابع الأسعار فى المنتدى قبل ما أشترى بس برضه عارف الاستغلال الأيام دى و قلة المعروض, ولما نزلت أشترى لفيت كذا محل, يا اما مافيش أو أسعار خيالية
المهم ماحدش بيتعلم ببلاش و انشاء الله المرة الجاية أكيد سوف أستشير كل خبراء المنتدى

رد: كل ما تريد معرفته عن الكرال التركى
 

الاخ الكريم استاذ احمد
طيب ممكن اعرف جبتها منين واية المحلات اللى حضرتك شوفتها ولاقيت الاسعار عندهم غالية
تحياتى

رد: كل ما تريد معرفته عن الكرال التركى
 

السلام على اعضاء المنتدى الكرام
انا عندى كام سؤال كده ..ياريت اللى معاه البندقيه دى يجاوبنى عليه لو يقدر.
التجميع فى البندقيه بتاعتى حاسس انه ضعيف شويه....مفيش مشكله فى الشيز بس القطعه الفسفوريه اللى فى سن نمله الدبانه حاسس انه مبتجمعش ضوء كفايه و مبيلمعش زى القطعه اللى فى الشيز وبالتالى ده بيأثر على النشان لأن سعات كتير مبعرفش احدد و اظبط المستوى بتاع سن نمله الدبانه ...فكنت عاوز اعرف ده عادى فى البندقيه دى ولا لأ خصوصا انى اول مره اتعامل معى نشان فسفورى لان تعاملى كله كان معى الرمسيس و المجرى و نوريكا توين....
و سؤال تانى معلش
كنت عاوز اعرف الدقه فى مدى 10 متر "بالنسبه لجنيه فضه مثلا" مجموعتين فى 4 طلقات.. وايه ادق نوع رش استخدمته للمدى 50 متر.
اخيرا بقى....اى والله اخر سؤال "هما تلاته فى بعض يعنى :)"
انا عندى الشيز الخلفى مايل شويه للشمال....ياترى حد عنده المشكله دى؟؟؟ وهل حلها؟؟؟؟ وممكن تأثر كتير فى الدقه؟؟؟
و ياريت لو الخبراء "الاب الفاضل/القنصل" والعزيز علينا "الاستاذ عادل" و "البشمهندس بدر" يتكرموا بلأجابه على ...اكون شاكرا جدا و ارجو انى مكونش تقلت عليكو بالأسئله و لونى متأكد من كده و اتمنى انكم تتقبلونى بصدر رحب.
تقبلوا مرورى .....تحياتى

رد: كل ما تريد معرفته عن الكرال التركى
 

أستاذ باسم
أنا حاأحاول أساعدك حضرتك فى بعض الأسألة ومتأكد أن الأخ العزيز استاذ جمال والأخ الغالى استاذ بدر حيقدروا يساعدوك فى الباقى.
أنا بأستخدم تليسكوب بى اس صغير على بندقيتى وبأضرب على غطاء زجاجة السفن البلاستيك من بعد 15 متر بدقة متناهية وبستعمل الرش التركى الى ببوز (ده أحسن رش ضبط معيا فى الكرال) وفى ناس تانية بتحلف بالرش الماتش مع الكرال (دى أجابة الجنيه الفضه). حاول تجرب كذا نوع رش وشوف انت أنه رش بيضبط معاك أكتر.
بالنسبة للنيشانات الأمامى والخلفى أستاذ جمال عنده خبره أكتر منى فى هذا الموضوع وكان عامل موضوع بخصوص النيشانات الفوسفورية وده الرابط بتاعه
http://www.egyhunt.net/showthread.ph...D3%DD%E6%D1%EC
ارجو ان أكون أفادك فى ردى.
خالص تخياتى

رد: كل ما تريد معرفته عن الكرال التركى
 

الأخ الكريم أستاذ بدر
أنا رحت عند سمير زكى و أبو ضيف ماكانش عندهم بنادق
صيام فى مصر الجديدة قاللى 3000 ج !!
رحت المركز المصرى فى وسط البلد كان عنده واحدة بس اشتاريتها

رد: كل ما تريد معرفته عن الكرال التركى
 

ظبعا افدتنى وده العشم بردو ياستاذ عادل اشكرك على المعلومات و سرعه الاستجابه......
هو قصد حضرتك تليسكوب بى اس ايه 4-20 مثلا؟؟ اصل انا بفكر اجيب واحد وان كنت بفضل النشان التقليدى بس انا مش مستريح فى الفسفورى ده....غريب صح؟؟؟ :)
وياريت لو تقولى اسم الرش التركى و اقدر اجيبو منين فى اسكندريه....والسكوب اكون شاكر جدا
تحياتى

رد: كل ما تريد معرفته عن الكرال التركى
 

علبة حديد زى علبة الجامو مكتوب عليها Pointer 200 رشة وأنا بأشتريها ب15 جنيه من الدخيلة محل أسلحة الوزيرى.
أنا عندى تليسكوب بى اس ايه صناعة يبانى 5*15 على الكرال وشغال %100

رد: كل ما تريد معرفته عن الكرال التركى
 

متشكر قوى ياستاذ عادل....

رد: كل ما تريد معرفته عن الكرال التركى
 

أستاذ عادل ... أولا موضوعك غاية في الجمال .. تسلم إيدك ..

أنا بس عندي أستفسار ... حضرتك قلت إنه يفضل فك البندقية و تنظيفها و تشحيمها ... و تغيير السوستة بسوستة جامو شادو 1000 ... حيث أن قطع الغيار واحدة .. طيب ممكن حضرتك أسالك بكام سعر السوستة دي ... و هل ستزيد من قوة البندقية عن السوستة الأصلية ؟

و منين أشتريها ... و بكام سواء البندقية أو السوستة كقطع غيار ... و أكون شاكر لحضرتك جدا

تقبل مروري

رد: كل ما تريد معرفته عن الكرال التركى
 

أستاذ braveheart
السوسته أشتريتها من عند الحاج محمد فتح الله أسكندرية ب100 جنيه والجلبة الأسبانى الأصلى ب25 جنيه.
قوة البندقية لم تتأثر ولكن أصبحت أكثر سلاسة لأن السوسته التركى الحديد بتاعها ناشف جدا وأعتقد ده السبب فى أنها بتكسر أما السوسته الأسبانى فهى أكثر ليونة.
البندقية أنا اشترتها تقريبا فى سبتمبر 2010 من محل سلاح فى الدخيلة ب1200 جنيه + 2علبة رش تركى. للعلم فى هذا الوقت البندقية كانت تباع فى المحلات الأخرى ب1500 جنيه.
خالص تحياتى.

رد: كل ما تريد معرفته عن الكرال التركى
 

بندقيه الكرال بعتله رائعه فى قوتها ودقتها بس فاشله اوى فى كسر العتله ووضع الرشه كمان الامان فيها فاشل اوى وده تقييمى ليها والله اعلم

رد: كل ما تريد معرفته عن الكرال التركى
 

استاذ باهى
ياريت حضرتك تكتب تفاصيل أكتر بالنسبة لأيجابيات وسلبيات الكرال العتلة بما أن حضرتك تملك واحدة.
وده حيكون موضوع مفيد جدا لباقى الأعضاء الى بيفكروا لشراء الكرال العتلة.
حضرتك تعتبر اول واحد يكتب عن الكرال العتلة ويقتنيها يعنى عن تجربة.
ويسلام لو فى صور مع المشاركة خاصة لسلبيات البندقية يبقى موضوع %100 .
خالص تحياتى.

رد: كل ما تريد معرفته عن الكرال التركى
 

السلام عليكم
والله انت فيك شئ لله لسه كنت هكلمك واسال على سيادتك
تحياتى

رد: كل ما تريد معرفته عن الكرال التركى
 

الاخوة الافاضل
لازم تستغلو الاستاذ عادل
يعنى اى حد عايز يجيب الكرال يبقى علية وعلى الاستاذ الكبير عادل
تحياتى ومنور

رد: كل ما تريد معرفته عن الكرال التركى
 

يا جماعه والله بجد احترسو من الكرال بعتله دى فاشله بجد وعن تجربه لعدد 2 بندقيه فرز اول مش واحده وجارى التصوير وشرح ذلك لاخوتى فى المنتدى انا بحاول تقليل حجم الصور ل 250 ك

رد: كل ما تريد معرفته عن الكرال التركى
 

عليكم السلام ياأبو بدر
والله ماشوفت مشاركة حضرتك الا دلوقت.
أخبار الكرال بعد الربط عامله ايه مع التليسكوب؟
ان شاء الله أكلم حضرتك قريبا.
خالص تحياتى

رد: كل ما تريد معرفته عن الكرال التركى
 

لو سمحتو ممكن حد يحط صورة لخرم السيل في البندقية الكرال او بالعربي الفتحة الي بيتحط فيها الرش

رد: كل ما تريد معرفته عن الكرال التركى
 

معلهش أستاذ محمود أتأخرت عليك.