الصيد فى مصر - جديد في تربية الصقور

الصيد فى مصر (http://www.egyhunt.net/index.php)

- الصيد بالصقور (http://www.egyhunt.net/forumdisplay.php?f=8)

- - جديد في تربية الصقور (http://www.egyhunt.net/showthread.php?t=46857)

جديد في تربية الصقور

السلام عليكم انا محتاج راي اصحاب الخبره لاني عايز اربي صقر بس عندي اسئله كتيره اولا انا قريت حجات كتير قبل ماجي هنا فعندي خلفيه بسيطه و فهمت اني كمبتدء المفروض اشتري صقر شرياص انا من الاسكندريه و معرفش حد بيبيع صقور هنا فلو في حد عارف ياريت يقولي تاني حاجه كنت محتاج اعرف بعد اكتمال تدريبه ممكن يصطاد ايه؟ ثالث حاجه هل ينفع اربي اكثر من صقر في نفس الوقت ارجو المساعده

رد: جديد في تربية الصقور

وعليكم السلام ورحمه الله وبركاته
تربيه الصقور حاجه جميله جدا
بس الاول يكون عندك صبر شويه في حكايه التدريب ديه
اولا ابدأ بصقر شرياص زي ما انت قلت بالظبط
لانه سعره رخيص وتدريبه سهل
حكايه بيتباع فين في الاسكندريه والله معرف
انا عارف انه في سوق الجمعه الي في السيده عيشه
وعشان تربي وتدرب صقر لازم يكون عندك الادوات اللازمه بتاعته
زي البرقع والجوندي والوكر
والمفروض تشتري صقر صغير عشان تعرف تدربه عليك وتدربه علي المكان
اما حكايه يصطاد ايه ديه
فديه علي حسب تدريبك انت
بس الشرياص اخره حمامه او يمامه لان حجمه صغير مش كبير
وممكن تربيه كذا صقر براحتك بس اهتم بيهم كويس

ارجوا ان اكون افتدك يا كبير
ولو احتجت اي حاجه تحت امرك
مع تحياتي

رد: جديد في تربية الصقور

مشكور جدا بس كنت عايز اسال هو وجبته ايه و بتبقى كل اد ايه؟ و ايه متوسط عمره؟ و عشان اخليه يصطاد حمامه او يمامه ده تقريبا محتاج فتره اد ايه؟

رد: جديد في تربية الصقور

اقتباس:

المشاركة الأصلية كتبت بواسطة sherif kandil (المشاركة 564491)

تحت امرك يا كبير
هو اكله ده علي حسب سنه
بس هو في الاول لو تقدر تصطادله عصفورتين كل يوم يبقي تمام
مره الصبح
ومره قبل المغرب او بعد المغرب بشويه
ده لو هو بيعرف ياكل لواحده
اما لو هو صغير
انت الي تأكله وابعد عن اللحم المثلج
خليك في الطازج
اشتريلك صقر بتاع 4 او 3 اشهر عشان تعرف تربيه
اما حكايه انك تعلمه الصيد ديه
اقل حاجه سنه او اقل شويه وممكن اكتر
كله علي حسب تدريبك ليه