الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   نصيحة لوجه الله للى هايشترى بندقية (http://www.egyhunt.net/showthread.php?t=46107)

ابو مروان 14-05-22 05:33 PM
نصيحة لوجه الله للى هايشترى بندقية
 
نصيحتى لوجه الله قبل ما تشترى البندقية شوف هل ليها قطع غيار والا لا واهم حاجة السوستة....يقولك بندقية قوية دقيقة موس... تعبان... الرشيقة...الرهيبة....الافلام دى كلها دى تحلية بضاعة وبعد كدا تدور على سوستة لو السوستة باظت او ضعفت تدوخ السبع دوخات ودة يشقطك لدة ودة يبعتك لدة....نصيحة تانية لوجة الله...لما تشترى بندقية اشترى من محل معروف يعنى ناس تجار ابا عن جد ابعد عن الهواة واللى واخدينها سبوبة....موش كل واحد معاة 30 او 40 الف وفتح محل يبقى تاجر سلاح.............انا مرارتى مفقوعة وكفاية كدا:pleur:

elmasrey123 14-05-22 07:18 PM
رد: نصيحة لوجه الله للى هايشترى بندقية
 
طب انا معايا المبلغ ده ينفع افتح محل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالراحة على نفسك يابو مروان ده سوق عرض وطلب

adel152 14-05-22 09:59 PM
رد: نصيحة لوجه الله للى هايشترى بندقية
 
اقتباس:
المشاركة الأصلية كتبت بواسطة ابو مروان (المشاركة 560209)
نصيحتى لوجه الله قبل ما تشترى البندقية شوف هل ليها قطع غيار والا لا واهم حاجة السوستة....يقولك بندقية قوية دقيقة موس... تعبان... الرشيقة...الرهيبة....الافلام دى كلها دى تحلية بضاعة وبعد كدا تدور على سوستة لو السوستة باظت او ضعفت تدوخ السبع دوخات ودة يشقطك لدة ودة يبعتك لدة....نصيحة تانية لوجة الله...لما تشترى بندقية اشترى من محل معروف يعنى ناس تجار ابا عن جد ابعد عن الهواة واللى واخدينها سبوبة....موش كل واحد معاة 30 او 40 الف وفتح محل يبقى تاجر سلاح.............انا مرارتى مفقوعة وكفاية كدا:pleur:
ايه اللى مزعلك بس يا ابو مروان قوى كده؟
لو فيه مشكلة ياريت تقولنا عليها احتمال يكون فيه حل ليها عند اح الاخوة.
وعموما انا موافقك على كلامك وانا شايفه انه كلام سليم %100 ولا غبارعليه كنصيحة.
خالص تحياتى.

ابو مروان 14-05-23 12:35 AM
رد: نصيحة لوجه الله للى هايشترى بندقية
 
الف شكر على تعليقك يا استاذ عادل..........المصرى بك.....معاك 40 الف ينفع تفتح المشروع دة اكيد ...3 حتت كرال ب 3 بواكى وحتتين تلاتة صينى ب 5 بواكى وحتتين ديانا على حتة اى نوع قول ب 15 الف على شويه رش و 10 جرابات على شويه سوست مصرى وكدا ب الفين جنية....تبقى صاحب محل ادوات صيد.......... فية كذا موقف كدا يا استاذ عادل بس ما ينفعش اقولهم وخلاص

هشام سمير 14-05-23 02:02 AM
رد: نصيحة لوجه الله للى هايشترى بندقية
 
مش قولتلك يا ابو مروااان
قولى ابعتلك السوست ازاى

big man 14-05-23 02:43 AM
رد: نصيحة لوجه الله للى هايشترى بندقية
 
انت عاوز سوستة لاية بالظبط يا ابو مروان ؟
مفيش حاجه تستاهل الزعل

ابو مروان 14-05-23 04:38 AM
رد: نصيحة لوجه الله للى هايشترى بندقية
 
حبيبى يا اتش...........ربنا يكرمك ...يومين كدا واكلمك عشان انا فى موقف محرج مع ابن خالتى والله.......فكيت سوست بندقيتة ومركونة وكنت فاكر انى هاجيبلة سوستة فى يومين و المنتديات بقى والمعارف و عامل عليهم فتح الله فى زمانة وشكلى بقى زبالة....دة يركنها عشرين يوم ودة يركنها اسبوعين ودة يرجع يغير كلامة وشغل حلمنتيشى.......لو عندك الشادو 1000 سوستة....ممكن نظبط حد يبعتهم القاهرة .عالعموم هاكلمك بكرة او بعدة ان شاء الله

مورو 14-05-24 12:11 AM
رد: نصيحة لوجه الله للى هايشترى بندقية
 
ربنا يوفقك يا ابو مروان

عـمـر 14-05-24 01:45 PM
رد: نصيحة لوجه الله للى هايشترى بندقية
 
الاستاذ الفاضل ابو مروان ما تزعلش نفسك وفعلا للاسف دي بقة خلاص ظاهرة منتشرة بس في الاول وفي الاخر اقدر اقلك ان الامانة ضاعت والله واللي بيزعل الواحد بجد انك كمان تلاقي فعلا يقلك النادرة والوحيدة والفريده .. الخ وتلاقي المجمالات بقه على ودنه اللي يقلة خسارة الكنز ده واللي يقله بلاش تفرط فيها مش هتلاقيها تاني واللي يقلة خلاص هتبيع الغالية والغالية اصلا متجددة ومستحمية خمسميت مرة ههههههههه وهو اصلا ماشفهاش وهكذا .... لكن في الاخر اقلك اي بندقية تقدر تجيبها مفيش حاجة مستحيلة وده من خلال التجار المحترمين والمعارف والاصدقاء الاوفياء وكمان مش كل بندقية من نفس النوع زي التانية بالضبط لاااااااااااا كل قطعة لها ظروفها ولما تصادفك بندقية من نوع انت عاوزه فعلا خامة وقوة وتجميع خلاص احتفظ بيها انا شخصيا عندي ثلاث بنادق من نوع واحد والله كل واحده فيهم مختلفة عن التانية في حاجات ما يعرفهاش الا واحد متمرس ... وبيني وبينك الواحد يشتري النوع اللي ليه قطع غيار متوفرة افضل علشان يريح دماغه .. وربنا يوفقك ويصلحلك الحال يا ابو مروان وماتزعلش والله انت راجل محترم وربنا هاييسرلك الحال باذن الله .. دمت ف ي امان الله .

ابو مروان 14-05-24 02:05 PM
رد: نصيحة لوجه الله للى هايشترى بندقية
 
الف شكر يا استاذ عمر وكلام حضرتك سليم تماما..............والمثل بيقول ادى العيش لخبازة ولو اكل نصة ودة مثل سليم 100/100 سيبك من الهواة والمستجدين

aymank2 14-05-25 02:14 PM
رد: نصيحة لوجه الله للى هايشترى بندقية
 
واضح انك زعلان اوى يا أبو مروان على العموم هقولك حل سوسته الشادو وده عن تجربه مش من فراغ هات سوسته ديانا 52-54 هما الاثنين نفس السوسته 34 حلقه بس تكون اصلى شوفها عند هشام قص 4 حلقات خليها 30 حلقه وادعيلى ثبات وقوه وعمر اطول للسوسته وعلى فكره نفس الكلام للكرال.

ابو مروان 14-06-05 12:42 PM
رد: نصيحة لوجه الله للى هايشترى بندقية
 
الف شكر يا استاذ ايمن ...الحمد لله وفقنى الله فى السوستة من عند ابو عمار ...والحمد لله تم تركيبها وشغالة....ابو عمار قلب الدنيا لحد ما جابها

احمد بيبرس 14-06-25 11:43 PM
رد: نصيحة لوجه الله للى هايشترى بندقية
 
ازاي تمشي مع الكرال اللي انا اعرفه ان الكرال 35 حلقة و انت بتقول ان سوسته الديانا 34 وكمان هنقص منها طب ازاي
اقتباس:
المشاركة الأصلية كتبت بواسطة aymank2 (المشاركة 560475)
واضح انك زعلان اوى يا أبو مروان على العموم هقولك حل سوسته الشادو وده عن تجربه مش من فراغ هات سوسته ديانا 52-54 هما الاثنين نفس السوسته 34 حلقه بس تكون اصلى شوفها عند هشام قص 4 حلقات خليها 30 حلقه وادعيلى ثبات وقوه وعمر اطول للسوسته وعلى فكره نفس الكلام للكرال.

ابو مروان 14-06-26 01:18 AM
رد: نصيحة لوجه الله للى هايشترى بندقية
 
استاذ احمد بيبرس..لو حضرتك هاتجيب اى سوستة ما تقصش منها خالص ركبها الاول لو لقطت تعمير مع مجموعة الزناد يبقى خير وبركة لو ما لقطتش قص حلقة حلقة لحد ما تلقط


الساعة الآن 02:35 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir