الصيد فى مصر

الصيد فى مصر (http://www.egyhunt.net/index.php)
-   الورشة (http://www.egyhunt.net/forumdisplay.php?f=63)
-   -   تعديل ناشينكان المارفيك والجيت (http://www.egyhunt.net/showthread.php?t=10095)

msa_79 11-06-08 07:05 PM

تعديل ناشينكان المارفيك والجيت
 
6 مرفق
السلام عليكم ورحمة الله
ازيكم جميعا
الموضوع ده عملته مخصوص بناء علي طلب استاذ طارق حبيب قلبي هو طلب يشوف صور للتعديل ففكرت اني انزلها علي المنتدي ويستفيد منها جميع الاعضاء.
الفكرة بدأت اني كنت عند استاذ احمد روك وفرجني علي مجموعة بنادق عنده من ضمنها البندقية الرائعه الالمانيه الفالك ولفت انتباهي حاجه مهمه فيها وهي ان فتحة التشيز في الناشينكان الخلفي ضيقة جدااا وبالكاد تقدر تشوف منها سن النملة في الاول استغربت وانا بنشن بيها بس لما جربتها لقيت انها بتعطي دقة عالية جدااا خصوصا في الماسفات البعيدة وه انا بعاني منه في بندقيتي المارفيك العادية وليست الجولد وكذلك اكيد بيعاني من المشكلة دي كل من عنده بندقية فيها نفس الناشينكان زي الجيت مثلا وهي ان فتحة الشيز الخلفية مستطيله وواسعه وده بيخليك تشوف الفتحة واسعه اوي وسن النملة صغير وتايه فيها خصوصا لما تضرب هدف علي ماسفه بعيدة ففكرت اني اضيق فتحة التشيز واخليها زي بتاعت الفالك.
الفرق ببساطه ان الفتحة في المارفيك او الجيت مستطيله وواسعه بينما في الفالك عبارة عن مثلث صغير مقلوب يعني قاعدتة لفوق.
انا قبل كده كنت بردت سن النملة عندي وخليته علي شكل مثلث وده ايضا بيدي دقة اعلي اللي عندهم البندقية الجيت اكيد لقو معاها سن النملة المثلث بالاضافة لسن النملة المستطيل فمش هايحتاجو يعلمو الخطوة دي يغيرو السن المستطيل بالسن المثلث فقط اما اللي معندهومش المثلث يبقي يبردوه بمبرد بعد ما يفكوه طبعا ولازم يكون البرد بحرص شديد عشان يكون سن النملة علي شكل مثلث متساوي الساقي وقاعدتة لأسفل.
دلوقتي نيجي لعملية تعديل الناشينكان الخلفي
1- نفك الناشينكان الخلفي وده عن طريق فك المسمار اللي بيربطه بجسم البندقية بالاضافة الي فك البكره العلوية وبعدين تقبله هتلاقي فيه مسمار صغير عادة وده وظيفته تثبيت البكره الجانبية هاتفكه وتشد البكرة الجانبية واحترس جداا عشان متضيعش البلية الحديد والسوسته (البليه مهمه جداا لانها بتثبت البكرة الجانبية عشان متلفش مع الضرب وقوة رد الفعل)
2- نيجي لتجهيز الحاجه اللي هانصغر بيها الفتحة الفكرة ببساطه هيا عمل شريحه صغيرة علي طولها حوالي 1 سم وعرضها حوالي 3 ملم فقط ثم عمل فتحة فيها علي شكل مثلث مقلوب ولصقها في الناشينكان بحيث ان المثلث يكون علي فتحة التشيز بظبط فيصغرها ويحددها علي شكل مثلث.
الخامه انا فكرت في كذا حاجه بس رسيت علي الكوتشينه البلاستيك لانها رقيقه جداا وقصها سهل عشان اقدر اقص المثلث الصغير بدقة ويكون ايضا مثلث متساويالاضلاع.
ملحوظه المثلث يكون صغير جدااا طول ضلعة مللي ونص فقدتحتاج انك تجرب تقص كذا مره الحد ما يتظبط معاك
بعد كده هاتقص الجزء اللي فيه المثلث زي الصور وبعدين تلونه اسود( وياسلام لو كانت الكوتشينه ضهرها اسود يكون احسن لان تلوينها رخم شويه)
اليكم الصور:
بصراحه جربتها النهارده النتيجة ممتازه البندقية اصبحت دقيقه جداا ومريحة جداا في النيشان حتي في المسافات البعيدة

AMR EBID 11-06-08 07:16 PM

رد: تعديل ناشينكان المارفيك والجيت
 
الله ينور والله انا كمان كونت بدايق
من فتحت النشان العريضه لحد مستعملت سكوب
لكن دي فكره جميله زي البي اس بتكون امتع وبتحس انك متمكن اكتر

msa_79 11-06-08 07:18 PM

رد: تعديل ناشينكان المارفيك والجيت
 
انا كمان كنت بحس ان سن النمله عايم في الفتحه وطبعا انت عارف ان ال نص مللي بيفرق في المسافات البعيدة
وشكر علي مرورك اخي الكريم

adel152 11-06-08 07:21 PM

رد: تعديل ناشينكان المارفيك والجيت
 
محمد باشا بعد التحية
ما أقدرش أقول غير استاذ ورئيس قسم.
تعديل ممتاز. وسهل وبسيط الخطوات.
شكرا لمجهود حضرتك.
تحياتى

msa_79 11-06-08 07:32 PM

رد: تعديل ناشينكان المارفيك والجيت
 
اقتباس:

المشاركة الأصلية كتبت بواسطة adel152 (المشاركة 116036)
محمد باشا بعد التحية
ما أقدرش أقول غير استاذ ورئيس قسم.
تعديل ممتاز. وسهل وبسيط الخطوات.
شكرا لمجهود حضرتك.
تحياتى

مش اوي كده ياباشا هيا بس زي ما بيقولو ان الحاجه ام الاختراع
وشرفني مرورك يباشا

التلميذ 11-06-08 08:32 PM

رد: تعديل ناشينكان المارفيك والجيت
 
مشكور على الإفادة

msa_79 11-06-08 09:11 PM

رد: تعديل ناشينكان المارفيك والجيت
 
اقتباس:

المشاركة الأصلية كتبت بواسطة التلميذ (المشاركة 116093)
مشكور على الإفادة

العفو وتحت امركم جميعا في اي استفسار او توضيح

tarekvb 11-06-09 12:43 PM

رد: تعديل ناشينكان المارفيك والجيت
 
اقتباس:

المشاركة الأصلية كتبت بواسطة msa_79 (المشاركة 116043)
مش اوي كده ياباشا هيا بس زي ما بيقولو ان الحاجه ام الاختراع
وشرفني مرورك يباشا

متعرفش مين ابوها

msa_79 11-06-09 12:48 PM

رد: تعديل ناشينكان المارفيك والجيت
 
اقتباس:

المشاركة الأصلية كتبت بواسطة tarekvb (المشاركة 116434)
متعرفش مين ابوها

هابقي اقولك بس لما اشوفك

braveheart 11-06-09 12:55 PM

رد: تعديل ناشينكان المارفيك والجيت
 
الله ينور يا محمد باشا .. و إمبارح كنا في سيرتك أنا و الصحبة مع محمود شلبي باشا و أحنا بنفك الكرال .. و هو قال لي علي الموضوع ده إمبارح و قعد يقول فيك أشعار ... ههههههه ... بس أفكار مميزة جدا .. تحياتي لك.

msa_79 11-06-09 12:59 PM

رد: تعديل ناشينكان المارفيك والجيت
 
اقتباس:

المشاركة الأصلية كتبت بواسطة braveheart (المشاركة 116443)
الله ينور يا محمد باشا .. و إمبارح كنا في سيرتك أنا و الصحبة مع محمود شلبي باشا و أحنا بنفك الكرال .. و هو قال لي علي الموضوع ده إمبارح و قعد يقول فيك أشعار ... ههههههه ... بس أفكار مميزة جدا .. تحياتي لك.

الله يخليك ياكريم باشا وعلي فكرة عمرو ده كداب متصدقهوش ههههههههه
وان انزلت الفكرة مخصوص عشان خاطر طارق

tarekvb 11-06-09 01:21 PM

رد: تعديل ناشينكان المارفيك والجيت
 
ربنا يخليك يا ابوحميد ويدوم المحبة بنا انت قناص ماهرة وراجل اكثر من محترم والموضوع ده اسمحلى محتاج تغير اسمه المفروض يبقى اسمه (اد الكف يموت مية والف) فكرة بسيطة اوى انما تاثرها كبير اوى واكيد هتجيب اكتر من مية الف طريدة باذن الله شكرااااااااااااا ليك حبيب قلبى وانت اللى جيبته لنفسك مش هسيبك هتعملهالى فى الجيت طبعا ههههههههه

msa_79 11-06-09 01:34 PM

رد: تعديل ناشينكان المارفيك والجيت
 
اقتباس:

المشاركة الأصلية كتبت بواسطة tarekvb (المشاركة 116461)
ربنا يخليك يا ابوحميد ويدوم المحبة بنا انت قناص ماهرة وراجل اكثر من محترم والموضوع ده اسمحلى محتاج تغير اسمه المفروض يبقى اسمه (اد الكف يموت مية والف) فكرة بسيطة اوى انما تاثرها كبير اوى واكيد هتجيب اكتر من مية الف طريدة باذن الله شكرااااااااااااا ليك حبيب قلبى وانت اللى جيبته لنفسك مش هسيبك هتعملهالى فى الجيت طبعا ههههههههه

برجاء من الادارة منع العضو طارق انه يشوف الموضوع ده
معرفش ازاي بقا اتصرفوا ههههههههههه
ياعم طارق عنيا ليك هاعملك واحده ولما اشوفك اركبهالك بس اشوفك بس ياعم

tarekvb 11-06-09 02:19 PM

رد: تعديل ناشينكان المارفيك والجيت
 
فكرة جميلة وياريت لو حد من الاعضاء يعرف منين ممكن يتجاب كروت بلاستيك او ماشبه بس تكون فيسفورى بدون تلوين لزيادة فاعلية الفكرة

محمود شلبي 11-06-10 05:45 PM

رد: تعديل ناشينكان المارفيك والجيت
 
الفنان محمد عاوز يجمع دقه الانجليزى وقوة الاسبانى لك التحيه

tarekvb 11-06-11 04:28 PM

رد: تعديل ناشينكان المارفيك والجيت
 
اقتباس:

المشاركة الأصلية كتبت بواسطة محمود شلبي (المشاركة 117475)
الفنان محمد عاوز يجمع دقه الانجليزى وقوة الاسبانى لك التحيه

طبعة هى فكرة حلو بس انت رايك ايه يا حودة مش يروح يجمعلو يماميتين ياكلهم احسن


الساعة الآن 06:29 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir