الصيد فى مصر

الصيد فى مصر (http://www.egyhunt.net/index.php)
-   صيد السمك (http://www.egyhunt.net/forumdisplay.php?f=75)
-   -   التاو تاو..... العباسى (http://www.egyhunt.net/showthread.php?t=36976)

tarekabasy 12-12-30 06:47 PM

التاو تاو..... العباسى
 
صباح الفل على الصيادين الجدعان
العدد والأدوات مهمة جدا بتساعد وتيسر على الصياد رحلتة
اخر رحلة كنت فيها مان الهوا شديد جدا وكانت لصيد الكاليمارى على شواطةء السخنة قريب من لافيستا السخنة...المهم الدنيا ساقعة وكلة حاول يعمل شاى بالتوتو بتاعة وفشل الجميع فشلا زريعا هههههههه بينى وبينكم الهوا كان جامد جدا......المهم سميت الله وقولتلهم هشربكوا شاى وانا اصلا مش كييف شاى بس كنت عامل تاوتاو جامد بجد
زمان كنت دايما باخد ترمس شاى وعندى من اول ربع لتر لغاية اتنين لتر بس بينى وبينكم اول ما تفضى منة 5 كوبايات شاى مثلا بيبتدى يبرد مع ان عندى ترامس لكبرى الشركات العالمية امريكية الصنع ويابانية

بس بينى وبينكم كنت عاوز حل اكيد يمنح الدفء فى الشتاء القارس ويسلى كمان وقت التمنيع....المهم شوفت الصيادين بيستخدموا التاوتاو وكل واحد سبحان الله عاملة بطريقة شكل يعنى لغاية النهاردة ماشوفتش حد عاملة زى التانى.... منهم اللى عملة خراطة من النحاس علشان صاحبة صياد وخراط ومنهم اللى خلى صاحبة فى المصانع الحربية يعملهولة ومنهم اللى عملة من فلتر الزيت بتاع العربية......

بينى وبينكم رحلة ليلية على نيل والا شط بحر فى الشتا بدون عدة شاي يعتبرانتحار هههههههههههه

المهم التاوتو اللى عملتة عملنا شاى فى الرحلة تمام وكافح الريح الشديدة ولو انى اول ما رجعت عملتلة تعديل سميتة ( إحكام النار ) المهم ندخل بقا على التوتو عشان خدت من وقتكم كتير

التوتو كان مطلوب انة يبقا كومباكت يعنى بالبلدى محندق..........حلوة محندق دى هههههههههههه
لية بقا عشان ماياخدش مساحة ومايبقاش شيلة

عشان كدة عملتلة كل القطع دى ههههههههههههههههههههههه

http://img132.imageshack.us/img132/7...012644copy.jpg

Uploaded with ImageShack.us


ما تتخضوش كدة عمال اقول موجز وكومباكت ومحندق ههههههه وفى الأخر يطلع بالحجم دة دحنا كدة بقا عاوزين شيكارة نشيلة فيها هههههههههههه

لا اصبروا دى صورتة لما بيتقفل

http://img407.imageshack.us/img407/8...012645copy.jpg

Uploaded with ImageShack.us

دى بقا مكوناتة بالتفصيل

http://img32.imageshack.us/img32/256...012643copy.jpg

Uploaded with ImageShack.us


ودى بقا نص قفلة صورتهالكوا عشان تعرفوا بيتلبس ازاى

http://img690.imageshack.us/img690/4...012647copy.jpg

Uploaded with ImageShack.us

دى اول قطعة ومهمة جدا ومتوفرة جدا وهى طربوش الشيشة هتلاقوة فى محلات بيع الشيشة ومستلزماتها وممكن تشترية مستعمل من اى قهوة او من اى سوق خردة

http://img837.imageshack.us/img837/9...012654copy.jpg

Uploaded with ImageShack.us

ودى بقا صورة القطعتين اللى بعدة وهم بيت النار يعنى اللى هنحط فية السبرتو ونولع فية وتحتها علاية عبارة عن علبة تونة سهلة الفتح وتكون مقلوبة ...........وخلى بالك بيت النار دة لازة تعملة بنفسك تجيبة من علبة صلصة او علبة لبن مكثف المهم ان العلبة الصاج دى تبات كويس داخل ضهر علبة التونة عشان لا قدر الله ماتوقعش وانت بتشيل الدروة من عليها تدلق السبرتو وتحرق الدنيا...........والمميز فى علبة التونة اللى هى العلاية انها ليها افريز زى سور فى ضهرها ودا بيتوافق مع علب صاج كتير اللى تلاقيها لابسة فيها قصها بسكينة او منشار اللى يعجبك واتنى حرفها بالكماشة عشان ماتعورش وهى هتبقا صاج طبعا ممكن تصدى تلفها بلزق المونيوم زى اللى انت شايفة دة عشان تمنع اترمسك للصدا اثناء استعمالها

http://img834.imageshack.us/img834/5...012653copy.jpg

Uploaded with ImageShack.us

وطبعا ماننساش اننا نجهز القطعة الاولى اللى هى الطربوش اللى سميناه دروة النار بالتخريم عشان دخول الهوا وكمان تركيب ايد عشان نشيلة منها اثناء الحمل وتفيد كمان فى الشيل بعد التسخين وبدونها مش هتقدر تشيل الدروة وهى سخنة.....وكمان يتم تركيب اربع مسامير بصواميل من برة ومن جوة عشان تقف عليهم الكنكة اللى هتغلى فيها

http://img716.imageshack.us/img716/1...012651copy.jpg

Uploaded with ImageShack.us

وادى صورة تورينا شكل النار بعد ما نولع السبرتو

http://img266.imageshack.us/img266/4...012656copy.jpg

Uploaded with ImageShack.us

ودى بقا صورتة اثناء التشغيل عشان نشوف انة فعلا حامى ومنجز وبيعمل تلات كوبايات شاى فى المرة الواحدة
وطبعا السر فى الكوباية البرميل دى مابتضيعش اى مساحة وايدها تحفة متنية بشكل جيد مش واخدة مساحة خالص

http://img715.imageshack.us/img715/5...012659copy.jpg

Uploaded with ImageShack.us

ولما المية تغلى تشيل الدروة وتطفى النار كدة بالعلبة الزيادة تحطها عليها هتطفى النار لوحدها لأن السبرتو مش سريع الأشتعال اوى وكمان هتحافظ على السبرتو انوا مايطيرش يعنى لو سبتها ساعة مثلا هتلاقى السبرتو زى ما هو وترجع الزيادة فى القزازة تانى.......
http://img267.imageshack.us/img267/6...012660copy.jpg

Uploaded with ImageShack.us


ودى صورتة لما كونا فى الرحلة والصورة بتوضح شدة الرياح ولما رجعت عملت القطعة اللى سميتها احكام النار وهى علبة تبغ فرغتها بسكينة فراغ على قد نزول الكوباية البرميل اللى بنغلى فيها عشان النار ماتطيرش فى ايام الهوا الشديد ودا طبعا كان بيسبب ان الشاى يتأخر ونستهلك سبرتوا كتيييير جدا

http://img836.imageshack.us/img836/6...012640copy.jpg

Uploaded with ImageShack.us

ودى صورة المجموعة كلها ببساطة لا بتاخد مكان ولا تعيق الحركة ولا تشكل حمولة

http://img10.imageshack.us/img10/475...012649copy.jpg

Uploaded with ImageShack.us

واللى مش مصدق يشوف بتدخل فى جيب الجربندية بسهولة

http://img694.imageshack.us/img694/4...012663copy.jpg

Uploaded with ImageShack.us


وانا شخصيا عامل اتنين واحد فى جربندية الصيد النيلى والبحرى مابيتشلش منها والتانى فى شنطة الصيد البرى عشان ماوجعش دماغى بالشيل والحط والنسيان

وفى النهاية اتمنالكم الخير والسعادة والصيد الوفير
وتشربوا شاى يدفيكم فى البرد القاسى .......... وابقوا افتكروا التاو تاو العباسى

tarik el 12-12-30 07:21 PM

رد: التاو تاو..... العباسى
 
الله ينور...

مورو 12-12-31 01:40 PM

رد: التاو تاو..... العباسى
 
تسلم ع المجهود الرائع وأحلى تقييم علشان تعبك

MBadr 12-12-31 02:16 PM

رد: التاو تاو..... العباسى
 
تسلم ايدك واحلى تقييم

tarik el 12-12-31 06:15 PM

رد: التاو تاو..... العباسى
 
تسلم ع المجهود الرائع

tarekabasy 13-01-01 02:43 PM

رد: التاو تاو..... العباسى
 
اقتباس:

المشاركة الأصلية كتبت بواسطة tarik el (المشاركة 466388)
الله ينور...

وينور على حضرتك يا باشا

tarekabasy 13-01-01 02:46 PM

رد: التاو تاو..... العباسى
 
اقتباس:

المشاركة الأصلية كتبت بواسطة مورو (المشاركة 466646)
تسلم ع المجهود الرائع وأحلى تقييم علشان تعبك

اشكرك يا باشا........فداكم اى مجهود.......وشكرا لتقديرك.....خالص تحياتى

tarekabasy 13-01-01 02:58 PM

رد: التاو تاو..... العباسى
 
اقتباس:

المشاركة الأصلية كتبت بواسطة mbadr (المشاركة 466658)
تسلم ايدك واحلى تقييم

الله يكرمك يا حاج ومشكور على التقييم

hogan 13-01-02 11:26 AM

رد: التاو تاو..... العباسى
 
وطم الشاى تمام الراجل ده دماغه عاليه لانه شبراوى صرف ههههههههه
ميت فل عليك ابو طارق

tarekabasy 13-01-02 11:47 AM

رد: التاو تاو..... العباسى
 
اقتباس:

المشاركة الأصلية كتبت بواسطة hogan (المشاركة 467184)
وطم الشاى تمام الراجل ده دماغه عاليه لانه شبراوى صرف ههههههههه
ميت فل عليك ابو طارق

حبيبى يا حاج هوجان انت ناسى ان انت شربت شاى من التاو تاو دة هههههههههه.........وشوفت بنفسك بيسوى بسرعة ازاى.........مع اننا كنا قاعدين فى الصالون ههههههههه

صباحك عسل يابو هوجان

سندباد زمانى 13-01-02 05:15 PM

رد: التاو تاو..... العباسى
 
تسلم ايدك وبجد انت فنان وانشاء اللهربنا يوفقق ومستنين الجديد منك:paint::paint:

tarekabasy 13-01-03 10:46 AM

رد: التاو تاو..... العباسى
 
اقتباس:

المشاركة الأصلية كتبت بواسطة سندباد زمانى (المشاركة 467283)
تسلم ايدك وبجد انت فنان وانشاء اللهربنا يوفقق ومستنين الجديد منك:paint::paint:

يا سندباد الله يكرمك يا رب انت اللى انسان زوق وابن حلال..........شكرا على كلامك الجميل .........ودايما فية جديد يا باشا ان شاء الله ادعيلنا بالثساهيل....شكرا على مرورك

aymank2 13-01-04 04:05 PM

رد: التاو تاو..... العباسى
 
يا مزاجك العالى يا طارق باشا تسلم ايدك.

tarekabasy 13-01-07 11:11 AM

رد: التاو تاو..... العباسى
 
اقتباس:

المشاركة الأصلية كتبت بواسطة aymank2 (المشاركة 467878)
يا مزاجك العالى يا طارق باشا تسلم ايدك.

ربنا يكرمك يا حاج ايمن.........خالص تحياتى

mustafa-amer 13-01-07 03:39 PM

رد: التاو تاو..... العباسى
 
لا تعليق ابلغ من ان اعلق

tarekabasy 13-01-07 04:11 PM

رد: التاو تاو..... العباسى
 
اقتباس:

المشاركة الأصلية كتبت بواسطة mustafa-amer (المشاركة 468943)
لا تعليق ابلغ من ان اعلق

ولارد ابلغ من ان اسكت ههههههههههه

mustafa-amer 13-01-08 07:25 AM

رد: التاو تاو..... العباسى
 
اقتباس:

المشاركة الأصلية كتبت بواسطة tarekabasy (المشاركة 468960)
ولارد ابلغ من ان اسكت ههههههههههه


برضه مش هاعلق لان الاختراع رهيييييييب

Mohamed Mahmoud 13-01-08 08:04 AM

رد: التاو تاو..... العباسى
 
لااااااااااااااااااااااااااااااازم يتثبت
خلاص ثبتة
جااااااااااااااااامد قوووووووووووووووووى وتقيييييييييييييييييييم برضة جامد تحية منى للدماغ النضيفة

ebrahem 13-01-08 08:41 AM

رد: التاو تاو..... العباسى
 
ممتاز..............

tarekabasy 13-01-08 11:47 AM

رد: التاو تاو..... العباسى
 
اقتباس:

المشاركة الأصلية كتبت بواسطة mustafa-amer (المشاركة 469211)
برضه مش هاعلق لان الاختراع رهيييييييب

قولت مش هعلق وفى الأخر قولت اختراع رهيب هههههه يا باشا لله يكرمك هو بصراحة اللى كان رهيب هو تعليقك الأول واللى كان رهيب اكتر هو تعليقى على تعليقك ههههههههههه
خالص تحياتى وارق امنياتى وكويس انة عجبك..........
دا اختراع نيلى عشان انا اصلا صياد ريم ولكن لما دخلت الصيد البرى بقيت اخدة معايا لو تعبت من المش لو حبيت اريح افطر دور شاى يا معلم...واكمل المسيرة وخاصة زى مانت عارف اماكن الصيد مقطوعة.........تخيل وانا بلف وسط الغيطان مفيش هوهوز ههههههههههههه
تحياتى

tarekabasy 13-01-08 12:13 PM

رد: التاو تاو..... العباسى
 
اقتباس:

المشاركة الأصلية كتبت بواسطة Mohamed Mahmoud (المشاركة 469212)
لااااااااااااااااااااااااااااااازم يتثبت
خلاص ثبتة
جااااااااااااااااامد قوووووووووووووووووى وتقيييييييييييييييييييم برضة جامد تحية منى للدماغ النضيفة

هههههههههههه اول ما قريت كلمة ثبتة افتكرت اعلان كان بيجى فى الراديو على اف ام ظابط شرطة بيقول اثبت محلك بقولك اثبت محلك وبعدين يطلع صوت يقول مش اى جيل يقدر يثبت شعرك ههههههه

جااااااااااااااااامد قووووووووووووووى دى لو قراها باسم يوسف كان رد عليك وقال اية دة هو البتاع دة بيضرب فياجرا من ورايا ههههههههههههههههه

شكرا جزيلا لتقديرك والتقييم كمان
واتمنى انة يكون مفيد لكل الصيادين وعشان خاطر التقييم الجميل والتثبيت والشكر فى الدماغ النضيفة انا صورت التاو تاو اللى باخدة معايا فى البرى وهو فية تعديلات بسيطة

منها تعديل مكان الشاى ودمجة داخل التاوتاو فى برطمان صغير اوى يدخل فى بيت النار ويتقفل فى قاعدة التاو تاو من تحت

وهو ظاهر فى الصورة والتاو تاو مفرود تحت برطمان السكر على طوول
وكمان شكل تانى للغلاية وهى عبارة عن كنكة كانت بدون ايد عملتلها ابد تتناسب مع شكر التاواتاو
كمان شكل الدروة مختلف كانت بفتحات من تحت اكتفيت بيها وماخرمتش تانى....قولت هى كفاية هتوصل اكسجين مناسب

اة وعلى فكرة الصورة دى بعد طلعة روميو وجوليت قبل ما اطلع كانت قزازة السبرتو مليانة وتم عمل 3 كوبايات شاى شوفوها نقصت قد اية تخيلو الجزء الفاضى دة عمل 3 كوبايات شاى

http://img145.imageshack.us/img145/6716/04012013667.jpg

Uploaded with ImageShack.us



http://img560.imageshack.us/img560/5784/04012013666.jpg

Uploaded with ImageShack.us



http://img32.imageshack.us/img32/5233/04012013668.jpg

Uploaded with ImageShack.us

وياريت تكتبوا على القزازة ان فيها سبرتو لحسن حد من صحابكم يفتكرها بيبسى هههههههههه
والقزازة دى 250 ملى وهتكفى كتيييير

حاجة نهائية عاوز اقولها زى مانوا شايفين انا نفسى لما كنت عامل واحد للصيد النيلى وجيت اعمل واحد تانى للصيد البرى عملتة بشكل مختلف شوية....لية كل مرة تتوافر خامات مختلفة يعنى المهم تركز على الفكرة الأساسية وتستخدم خاماتك المتاحة وصدقنى ابدا بس وانت هتجمعة بسرعة.........

خالص تحياتى وارق امنياتى بصيد وفير

tarekabasy 13-01-08 01:34 PM

رد: التاو تاو..... العباسى
 
نجحت احطلكوا الصورة اللى فى النص ماكنتش راضية تفتح هى صورة مهمة توضح التقفيل

mustafa-amer 13-01-08 01:35 PM

رد: التاو تاو..... العباسى
 
اقتباس:

المشاركة الأصلية كتبت بواسطة tarekabasy (المشاركة 469253)
قولت مش هعلق وفى الأخر قولت اختراع رهيب هههههه يا باشا لله يكرمك هو بصراحة اللى كان رهيب هو تعليقك الأول واللى كان رهيب اكتر هو تعليقى على تعليقك ههههههههههه
خالص تحياتى وارق امنياتى وكويس انة عجبك..........
دا اختراع نيلى عشان انا اصلا صياد ريم ولكن لما دخلت الصيد البرى بقيت اخدة معايا لو تعبت من المش لو حبيت اريح افطر دور شاى يا معلم...واكمل المسيرة وخاصة زى مانت عارف اماكن الصيد مقطوعة.........تخيل وانا بلف وسط الغيطان مفيش هوهوز ههههههههههههه
تحياتى

ماهو يا فندم اجبرتني اعلق....بس بعد الفحص و التمحيص النار دي مصدرها ايه و بتولع أزاي في الاول فكرتها سبرتايه جاهزه و سيادتك دلعتها و عملتلها بيت عشان الهواء
و عجبني حته الخرطوم دي عشان السخونه اصل الواحد لو إتلسع ضاع اليوم

هل سيادك مشترك في منتدى الصيد اللي هو خاص بصيد السمك؟

tarekabasy 13-01-08 02:06 PM

رد: التاو تاو..... العباسى
 
اقتباس:

المشاركة الأصلية كتبت بواسطة mustafa-amer (المشاركة 469284)
ماهو يا فندم اجبرتني اعلق....بس بعد الفحص و التمحيص النار دي مصدرها ايه و بتولع أزاي في الاول فكرتها سبرتايه جاهزه و سيادتك دلعتها و عملتلها بيت عشان الهواء
و عجبني حته الخرطوم دي عشان السخونه اصل الواحد لو إتلسع ضاع اليوم

هل سيادك مشترك في منتدى الصيد اللي هو خاص بصيد السمك؟


مرحبا بتعليقك
النار عبارة عن شوية سبرتو فى علبة صاج بس وتولع بالولاعة قريب منهم هتلاقيهم هبوا وولعوا
لا يا راجيل سبرتاية جاهزة اية دى ولا تولع فى سنتها
حتة الخرطوم دى تطويرة صغيرة عشان الأيد فى التاو تاو الأول بعيدة لكن دى قريبة ممكن تسخن.

انا مشترك فى منتدى صيد السمك وهو فضلة عليا فى الصيد كبير لأن دا اول منتدى ادخلة وانضم لية فى حياتى واستفدت واتعلمت منة ومن خبرات الناس اللى فية كتير وهم عيلتى الأولى فى صيد السمك....وانا فى المقام الأول صياد سمك

وهنا بقا منتدايا التانى اللى اتعلمت فية الصيد البرى وفضلة عليا كبير واللى اشتريت بندقيتى من احد اعضائة.......وبحاول زى ما استفدت من مكان افيد الناس اللى فية

فاماتستغربش لو لقيت ليا نفس الموضوع فى مكان تانى طالما ختم العباسى موجود ما تقلقش ههههههههههههه
خالص تحياتى شكلها شعشعت فى دماغك وهتجرب
والنبى يا شيخ جرب على صينية المونيوم لا تولع الدنيا واقرا الموضوع مرتين تلاتة كويس

tarekabasy 13-01-15 01:31 PM

رد: التاو تاو..... العباسى
 
النهاردة هوريكم تاوتاو حسن هو صديق بنصطاد كاليمارى سوا
هو لة صديق خراط صنعهولة بفكرة عبقرية جدا بصراحة ممكن تكون نواة لتاو تاو مميز
وان كانت ليا بعض الملاحظات على شغل التاو تاو الأجمالى بس فكرة بيت النار تحفة

بيت النار نحاس مقفول من تحت طبعا ومن فوق مخروط لة فتحات مثلثة مع تخريم دواير
دا طبعا عشان يدخل الأكسجين اللأزم لعملية الحرق
اما بقا عن الكنكة بتتحط فوقة مباشر نظرا لقوتة ووصول الأكسجين لة بدون الحاجة للرفع

لو مولع بدون هوا حوالية بيبقا منظرة يجنن والنار حوالية طالعة من بين الفتحات كأنة شعلة بوتجاز
بجد شكلة بيبقا جميل

عيوبة
*فى الهوا بيبقا لعبة يعنى ممكن السبرتو يخلص بدون ما يعمل كوباية شاى
*طبعا عشان تروح لخراط ويعملك الشكل دة خراطة ونحاس اعتقد مش اقل من نقول كيلو نحاس من 30 ل 40 جنية وكمان خراطة من 20 ل 40

قول يا عم بالميت خالص 50 جنية لو واحد حبيبك
*لازم تعمل كل كوباية شاى لوحدها لأن نارة على قد كنكة صغيرة بس
* دا بقا عيب حسن انة مش بيعرف يطفى النار بيسيبها لما تخلص خالص مع ان ممكن يتطفا لو اتعملة كوباية تدخل فية عكس من اى علبة مزيل عرق تكون بقطر اكبر ويرجع السبرتو الفايض للقزازة تانى

مرفق صورتين لة وهو شغال ومحطوط فى دروة جنب حجارة لمنع الهوا وشوفو النار برضة عاملة اية


http://img213.imageshack.us/img213/86/10012013685.jpg

Uploaded with ImageShack.us


http://img84.imageshack.us/img84/5627/10012013686.jpg

Uploaded with ImageShack.us

http://img542.imageshack.us/img542/2248/10012013687.jpg

Uploaded with ImageShack.us



http://img90.imageshack.us/img90/6708/10012013689.jpg

Uploaded with ImageShack.us

http://img521.imageshack.us/img521/2513/10012013688.jpg

Uploaded with [url=http://imageshack.us]ImageShack.us[/url

مصراويي 13-02-16 06:04 PM

رد: التاو تاو..... العباسى
 
روعة بجد...... فنان

عادل عبده 13-02-16 06:27 PM

رد: التاو تاو..... العباسى
 
جااااااااااااااااااااااااااااااااااااااااااااااااا امد تنيين

tarekabasy 13-02-27 07:51 PM

رد: التاو تاو..... العباسى
 
اقتباس:

المشاركة الأصلية كتبت بواسطة مصراويي (المشاركة 481739)
روعة بجد...... فنان

الله يكرمك يا مصراوى شكرا

tarekabasy 13-02-27 07:51 PM

رد: التاو تاو..... العباسى
 
اقتباس:

المشاركة الأصلية كتبت بواسطة عادل عبده (المشاركة 481743)
جااااااااااااااااااااااااااااااااااااااااااااااااا امد تنيين

دولة حبيبى ههههههههههه
امال بقى لما اوريلك الجديد هتعمل اية

هوريلك سوبر تاوتاو عباسى هيدوخك هههههههههه

Orabi 13-03-03 10:34 PM

رد: التاو تاو..... العباسى
 
إيه يا باشا أنت مش سايب حاجه إلا لما دايس فيها هههههههههههه
أنت برنس و الله ... تحياتي طارق باشا :)

mohamed2010habib 13-03-04 02:41 AM

رد: التاو تاو..... العباسى
 
الله ينور يا برنس لازم اجربه ان شاء الله

tarekabasy 13-03-04 12:12 PM

رد: التاو تاو..... العباسى
 
اقتباس:

المشاركة الأصلية كتبت بواسطة orabi (المشاركة 484967)
إيه يا باشا أنت مش سايب حاجه إلا لما دايس فيها هههههههههههه
أنت برنس و الله ... تحياتي طارق باشا :)

هنعمل اية بس يا معلم الحاجة ام الأختراع
بس الجديد هيعجبك وما صبرك الا بالله

tarekabasy 13-03-04 04:53 PM

رد: التاو تاو..... العباسى
 
اقتباس:

المشاركة الأصلية كتبت بواسطة mohamed2010habib (المشاركة 485045)
الله ينور يا برنس لازم اجربه ان شاء الله

عيب يا باشا تجربة بس؟ صدقنى هيعجبك بجد ومش هتستغنى عنة ابدا
وتم انتاج نموذج تانى هيعجبكم بجد
اصورة بس وهنزلهلكم لأنة هيكون قنبلة
تحياتى

Orabi 13-03-05 10:44 PM

رد: التاو تاو..... العباسى
 
اقتباس:

المشاركة الأصلية كتبت بواسطة tarekabasy (المشاركة 485120)
هنعمل اية بس يا معلم الحاجة ام الأختراع
بس الجديد هيعجبك وما صبرك الا بالله





أنا في إنتظار الجديد :)

mohamed2010habib 13-03-26 03:19 PM

رد: التاو تاو..... العباسى
 
اقتباس:

المشاركة الأصلية كتبت بواسطة tarekabasy (المشاركة 485185)
عيب يا باشا تجربة بس؟ صدقنى هيعجبك بجد ومش هتستغنى عنة ابدا
وتم انتاج نموذج تانى هيعجبكم بجد
اصورة بس وهنزلهلكم لأنة هيكون قنبلة
تحياتى

انا مستنى و مش هزهق هههههههههههه

tarekabasy 13-03-26 05:05 PM

رد: التاو تاو..... العباسى
 
اقتباس:

المشاركة الأصلية كتبت بواسطة mohamed2010habib (المشاركة 490430)
انا مستنى و مش هزهق هههههههههههه

والله ردك دا خلانى اكلفت الموضوع وانزلة بسرعة جدا ههههههههههههه
معلش اصلى مشغول فى الشغل اليومين دول
دا لينك للموضوع يا باشا


التاوتاو الشراب ....العباسى هههههه

http://www.egyhunt.net/showthread.ph...445#post490445

mohamed2010habib 13-03-27 12:56 AM

رد: التاو تاو..... العباسى
 
اقتباس:

المشاركة الأصلية كتبت بواسطة tarekabasy (المشاركة 490446)
والله ردك دا خلانى اكلفت الموضوع وانزلة بسرعة جدا ههههههههههههه
معلش اصلى مشغول فى الشغل اليومين دول
دا لينك للموضوع يا باشا


التاوتاو الشراب ....العباسى هههههه

http://www.egyhunt.net/showthread.ph...445#post490445

يا رب ما يحرمنا من مواضيعك اللى زى العسل ...انا لسه مخلص قراءة التاوتاو الشراب و بصراحه دماااااااااغ متكلفه ههههههههههههه تحياااتى

M.SHADY 13-04-18 08:23 PM

رد: التاو تاو..... العباسى
 
طارق العباسى هنا مش تلميذ الجميع لا . ده انت مخترع الجميع

tefa_3n 16-11-06 03:19 PM

رد: التاو تاو..... العباسى
 
برجاء ارفاق الصور مره اخرى


الساعة الآن 05:57 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir