|
اعمل اية
1 مرفق
سلام عليكم و رحمة الله و بركاتة
مشكلتى فى النشان الخلفى حاولت اظبطه لفيت المفتاح اللى في الوسط للاخر لحد ما بقى ما بيجيبشي معايا خالص وبرده النشان بيعلي فكيت المسمارين الالانكيه اللى في النشان وركبته تاني مازال النشان بيعلي حوالي7 سم وكل شئ في البندقية مظبوط النشان الجديد ياريت تفيدونى اعمل ايه علشان اظبطه ...... بندقيتى bsa air sporter mk7 رقم البريفكس بتاعها gn 52444 ياريت كمان لو حد عندة معلومة عن الرقم دة يفيدنى لكم جزيل الشكر و اسف على الاطالة |
رد: اعمل اية
السلام عليكم
الاخ العزيز خط الصعيد ارجو ان توضح المشكلة دى حصلت امتى يعنى غيرت نوع الرش او البندقية جديدة على العموم المشكلة دى قابلت صديق لى والحمد لله حلتها من خلال النشان الامامى ارفعه الى اعلى لان نشان الbsa الامامى فيه مسمار ممكن التحكم من خلاله فى الارتفاع جرب وان شاء الله تكون حاجة بسيطة وتقبل تحياتى |
رد: اعمل اية
اولا انا بشكرك يا اخى على اهتمامك وزوقك .
ثانيا البندقية معاية بقالها فترة بس انا معايا نشانين خلفى فيهم و احد حر يعنى فلت شوية و بقا نازل للاخر بس مش بيثبت و الاخر جديد و مش عايز ابوظة اما بالنسبة لنوع الرش نوع مصرى اسمة الرماية اوالشمس و هو دة المتوفر عندى و هو فعلا فية مسمار فى النشان الامامى بس دة علشان يربط النشان فى الماسورة مش علشان يعلى و يوطى لانى فكيتة قبل كدة و شفتة بس انا حاليا و صلت لحل انشاء الله ينفع شلت الرلة الى بتعلى بتعلى النشان فبقا نازل زى مانا عايز بكرة اجربة و اقولك التجربة نجحت ولا لاو شكرا ليك |
رد: اعمل اية
او المفروض الي يرد علي اي مشكلة غي البي اس هو اسامة فتحي خبرة لاتقارن دعوة الي الاستاذ اسامة فتحي للاستجابة
|
رد: اعمل اية
اقتباس:
|
رد: اعمل اية
الاستاذ جلال
السلام عليكم ورحمة الله وبركاته . انا بشكر حضرتك جدا على المجهود الجبار الى بتقوم بيه لخدمة اعضاء المنتدى جميعا بدون استثناء ودا انا لاحظته من خلال جميع الاعضاء . لى عتاب عند حضرتك انا رديت على الاخ خط الصعيد [عمرو] من منطلق الرغبة فى مساعدته لانى حاسس بيه لما البندقية ما تبقاش مضبوطة دى بتعكنن الصياد والعيب ده مر عليا ونجحت فى حله والحمد لله فحبيت اشاركه برأى يحتمل الصواب او الخطأ...* |
رد: اعمل اية
يا جماعة ممكن يكون الزناد تقيل فا بالتالى البندقية بتنتش منه فبتعلى ياريت تخفف الزناد و تجرب
|
رد: اعمل اية
اقتباس:
ال bsa لها ثلاث مستويات لضبط النشان الاول : من خلال النشان الامامي ترفعه لفوق او تنزله لتحت بس بعد ما تفك المسمالر اللي رابطه قوي هتسحب الدبانة ها تلاقيها بتطلع لفوق وتنزل لتحت اذا كان النشان الامامي عالي البندقية ها تضرب تحت مهما رفعت النشان الخلفي اذا كان النشان الامامي واطي البندقية ها تضرب لفوق مهما نزلت النشان الخلفي وعلي فكرة في الغالب المشكلة هاتكون بسبب النشان الامامي زي ما رد عليك الخ super هيكون محتاج يعلي شوية لو البندقية بتضرب فوق او يوطي لو البندقية بتضرب تحت الثاني النشان الخلفي اذا كانت البندقية بتضرب يمين الهدف هاتحرك النشان شمال من العجلة الصغيرةوهي مكتوب عليها اتجاه اليمين والشمال اذا كانت البندقية بتضرب فوق نزل النشان تحت والعكس بالعكس بس انتبه لان السر في الجزء اللي هاقولهولك لو البندقية مظبطتش يبقي المشكلة في النشان الامامي محتاج يترفع او ينخفض كمان سر تاني انتبه ليه كويس وهو العجلة اللي بترفع وتخفض النشان الخلفي داخله بجزء بارز في فتحة المسمارالعادة اللي هي راكبه فيهلو راس المسمار العادة ابتعد عن الجزء البارز اللي داخل فيه هيبقي فيه مشكلة في رفع وخفض النشان وضربة والتانية والبندقي هاتخلف طب ازاي اتلافي المشكلة ديه؟ اضغط بيدك علي الجزء بتاع فتحة الشيز وانت بترفع او بتخفض عل شان المسمار ما يخرجش من مكانه واذا كان خرج يرجع تاني مكانه ثالثا : رفع او الصفيحة بتاعت فتحة الشيز وهي مربوطة بمسمارين عادة وبها مجري لكي تخفض وترفع او تغير فتحة الشيز الv الي u والعكس ووضع الصفيحة المثالي هو موازي تماما للجزء البلاستيكيالمربوطة عليه مش فوق ولا تحت واذا ربنا ما وفقكش ممكن تقابلني وانا باذن الله اظبطهالك الضبطة المثالية لان في حته مهمة في الضبط وهو ان البندقية بعد الضبط توحد بسرعة ويكون وضع رقبتك علي البندقية سليم مش متعب وتلاقي النشان قدامك بسرعة مش تقعد تدور عليه وتنزل برقبتك كدة وكدة لان البندقية البي اس ايه اتعملت عشان تريح كل الناس مهما كان تكوينهم الجسماني بالنسبة للبريفكس هو معمول ل - Airsporter Mk 6 عيار 22 اي نمرة 2 فقط التي بدأ الانجليز تصنيعها سنة 1983 لثلاث سنوات متتالية اي انتهي انتاجها 1986 وقد مل الموديل نفسه البريفكس en ولكن في العيار 177 اي نمرة 1 ارجو ان اكون قد اجبت علي كل تساؤلاتك |
رد: اعمل اية
اقتباس:
بص الزناد لما بيكون تقيل وبينتش البندقيةبتضرب يمين مش فوق وتحت تقريبا المشكلة هاتكون في النشان الامامي زي ما قال الاخ super هايكون محتاج يترفع لفوق كمان البندقية ديه زنادها ما يتخففش |
رد: اعمل اية
الاخ super بالعكس مشاركتك مهمة جدا بالنسبالى
town sniper انت بجد استاذ انشاء الله الصبح هتبع التعليمات و نشوف الدنيا فيها اية اما اخونا الصغير سيف هى زنادها تقيل شوية بس مش للدرجة الى تخليها بالصعوبة دى شكرا ليكم جميعا |
رد: اعمل اية
يا استاذ اسامة انا رحت فكيت النشان الامامى لقيتة ثابت مش بيتحرك و مفيهوش غير مسمار واحد بس علشان يثبت النشان فى الماسورة.
وهو غالبا عالى شوية زى ما حضرتك تكرمت و قلت لانى انا فكيت النشان الرولا الى بتعلى و توطى و شلتها خالص و ظبط كويس وظبط معايا لحد كبير و فعلا من كلامك حسيت كانك موجود معايا و شايف البندقية بالظبط و الله لو حضرتك قريب ياريت نتقابل دة شى يسعدنى لو حضرتك قريب علشان انا فى قنا |
رد: اعمل اية
اقتباس:
|
رد: اعمل اية
شكرا استاذ جلال على الرد وبتأسف لحضرتك لانى ما فهمتش الكلام صح
ويشرفنى ان انضم لهذا المنتدى الجميل الى بيضم خبرات عظيمة بيستفاد منها الصغير والكبير واحلى حاجه فىه ان الكل ما بيبخلش بمعلومة او صورة ممكن تفيد الاخوة والاستاذ اسامة بالفعل خبرة كبيرة اتشرفت بيه وبجميع الاخوة المحترمين اعضاء المنتدى الكرام . وتقبل تحياتى.* |
رد: اعمل اية
اقتباس:
موسوعــــــــــــــــــــــة:) |
رد: اعمل اية
اقتباس:
|
| الساعة الآن 03:53 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir