|
احذر ان تسرق بهذه الطريقة
هذا الموقف حدث مع زميل اخي في العمل
الراجل راح البنك وصرف مبلغ محترم - تبع الشركة - وخرج من البنك وركب العربيه وكان معاه زميل آخر ، بعد قليل لاحظ ان فردة كاوتش نامت ، توقف ونزل وغير الفردة - وطبعا زميله نزل يساعده - ثم ركب العربيه وانطلق . . . ثم اكتشفوا ان الشنطة اللي فيها الفلوس والشيكات ... اختفت ! ممكن هذا ان يحدث كالتالي :- 1- اللص امام البنك يراقب كل سيارة تقف وينزل صاحبها لصرف الفلوس 2- عندما يجد - صيد محتمل - يذهب ويضع مسمار ام كاوتش العربيه 3- بعد ان يسير الضحية بالسيارة سيتوقف حتما وينزل لتغيير فردة الكاوتش 4- هنا يغافل الضحية وبخفة يسرق الشنطه لتفادي ذلك : 1- اسأل الله ان يحفظك من شر الطريق قبل ذهابك للبنك 2- اذا حملت مبلغ من المال واضطررت للتوقف لتغيير فردة الكاوتش فاختر مكان مناسب لكي تستكشف القادم عليك 3- بعد توقفك لا تقوم بتغير الفردة على الفور ، اخرج من السيارة وانتظر لفترة مناسبة وانظر حوليلك لتستكشف ان كان هناك احد يراقبك 4- ان لم تلاحظ وجود من يراقبك لا تتعجل ، دعه هو يلاحظ انك تراقب المكان وانك حذر ، بذلك سيتردد هو في تنفيذ مخططه 5- ان كان معك صديق في السيارة فدعه يحرس المال ولا ينزل وغير انت الفردة بمفردك 6- احذر ممن يعرض عليك المساعده في تغيير الفردة 7- احذر ان يفتعل احد معك الشجار ، فمن السهل ان تسرق في هذه الحالة 8- اعلم دائما ان الله هو خير حافظا ، ولا يرد القضاء إلا الدعاء |
رد: احذر ان تسرق بهذه الطريقة
جزاك الله كل خير وربنا يجعله في ميزان حسناتك
|
رد: احذر ان تسرق بهذه الطريقة
وديه بقا فايده الكوتش التيوبليس ههههه
جزاك الله خيرا وربنا يحفظنا ويحفظ البلد والمسلمين جميعا |
رد: احذر ان تسرق بهذه الطريقة
ربنا يستر والحاجات دي منتشرة من زمان
|
رد: احذر ان تسرق بهذه الطريقة
فالله خير حافظ وهوا ارحم الراحمين
استر علينا جميعا يا رب |
رد: احذر ان تسرق بهذه الطريقة
زي برضه حركة انه واحد يجي يسالك على حاجه من شباك العربية والتاني يجي من الناحية التانيه ويسرق الموبايل او اي حاجه يطولها
هو كان لازم يبقى مفتح شويه ما دام معاه مبلغ كبير وتبع شركة كان لازم تبقى عينه على الفلوس متروحش عنها, وصاحبه المفروض كان واخد باله معقول حرامي يدخل العربيه ويسرق الشنطه وهم ولا واخدين بالهم!! |
رد: احذر ان تسرق بهذه الطريقة
ربنا يحفظنا ويحفظكم جميعاً يا شباب من كل سوء وياريت كلنا نحاول نزود ثقافتنا الأمنيه ونهتم بحجات صغيره بس ممكن تبقى نافعه زي - لو انا لوحدى مفتحش غير الشباك اللى بجوارى, ومش على الآخر - إغلاق الأبواب سواء أنا جوا العربيه أو براها, يعنى اول ما اركب أقفل السنتر لوك, و أول ما انزل اقفله, حتى لو هجيب حاجه من الكشك بسرعه, وحتى لو هسيب زوجتى أو أختى أو أياً كان فى العربيه أقفلها وهما جواها والشبابيك تبقى مقفوله عليهم كمان - إغلاق الابواب برضه لو نازل أغير الكاوتش وخصوصا لو كنت لوحدي - عدم ترك المفاتيح فى الكونتاكت مهما كان مده نزولى من العربيه قصيره وحجات كتير زي دى صغيره جدا, ومش هتاخد من الواحد فتره طويله لحد ما يتعود عليها وتبقى تلقائيه, بس هتقلل نسبه تعرضه لمخاطر, والحافظ هو الله, بس ده من الأخذ بالأسباب والحاجات منتشره من زمان زي ما سمسم قال, أنا ليا صديق اللاب توب اتسرق منه برضه وهوا بيغير الكاوتش والكلام ده كان من أكتر من أربع سنين, و معلومات الأمان دى مش معلومات جديده ولا ليها علاقه بالوضع دلوقت, دى حتى بيعلموها من زمان للى شغالين فى شركات بترول وجايين من بره البلد أو هيسافرو بره, يبقى كل واحد لازم يجتهد ويحاول يعرفها ويتعلمها وينفذها ويعلمها لأهله وربنا يحفظ الجميع . |
رد: احذر ان تسرق بهذه الطريقة
ربنا يسترها
|
| الساعة الآن 03:00 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir