|
رزق الناس على الله
فى الاول بعتزر عن العنوان اللى من الاكيد انى مش بقصد بيه الاهانه لاى من كان بس هو مجرد سؤال برئ عن مسدسات الصوت طبعا انا زي كل الناس شايف عشرات او مئات الانواع من مسدسات الصوت ونفسى اعرف ايه بجد فايدتها هل يا ترى يا هلترى هى موضه زى الموبايلات الصينى ؟ او حتى هى مجرد مظهر من مظاهر الاحتفال فى المناسبات وكذا ؟ وللا ممكن مثلا مثلا يعنى تكون سلاح ردع .. اهو اى منظر وخلاص اخوف بيه اى متعدى ؟ وللا ممكن اقاوم بيه بلطجى ؟ |
رد: رزق الهبل على المجانين
اولا انت المفروض انك تستغفر ربنا لان ربنا هو الرزاق وكل رزق بقدر ومحسوب عنده هو ومحدش بايده لنفسه حاجه للاسف عنوان الموضوع فيه خطأ كبير دينيا قبل ما يكون حاجه تانيه
|
رد: رزق الهبل على المجانين
عمرو .. عندك حق وفعلا انا عدت عليا ,, بس بالامانه واللهى ما اقصد , هو خطئ لفظى شائع
وانا بشكرك فعلا على التنبيه .. ربنا يجعله فى ميزان حسناتك وحقيقى لو اعرف اغير العنوان ,, بس حاولت ومش عارف عموما انا هسيبه عشان محدش يقع فى الغلط دا تانى وممكن مايلاقيش حد كريم مثلك ينبهه استغفر الله العظيم . |
رد: رزق الهبل على المجانين
هو فيه مبالغة من الناس فى الشراء وهوس فقط، يعنى الحالة الأمنية مش تستدعى ذلك، ومسدس الصوت ماسورة مفتوحة يعتبر سلاح حماية بتركيب طبة له وأستخدامه كمسدس بلى يكون له أثر فعال فى الدفاع عن النفس، ولكن نجد من يملك مسدس أو أكثر يسعى لشراء الجديد وكأنه سوف يدخل حرب، مع أن الحكاية فى رأى لا تستدعى أكثر من مسدس تونا ب 450 جنيه ذو ال 6 طلقات للردع والحماية.
|
رد: رزق الهبل على المجانين
فعلا الناس كلها بقت محاربين يارب تقوم حرب بيننا وبين اليهود علشان الكل ياخد فرصته
|
رد: رزق الهبل على المجانين
الاول اضم صوتى للعضو عمرو صابر المقوله ده حرام
الحاجه التانية كل الاسباب اللى انت قولت عليها ممكن تكون سبب لشراء سلاح مظهر احتفال موضه سلاح ردع انت اللى تحدد لوحدك انت هتشتري المسدس ليه. وبعدين احنا كعرب عندنا حب اقتناء السلاح دى عادى عند العرب اصلا |
رد: رزق الهبل على المجانين
اقتباس:
أمثال شعبية تخالف العقيدة 1 – ( اسم النبى حارسه وصاينه ) فأن اسم النبى صلى الله عليه وسلم لايصون ولايحفظ ولايحرس وانما الحافظ وخير الحافظين هو الله ( وربك على كل شىء حفيظ ) 2 – ( لابيرحم ولابيخلى رحمة ربنا تنزل ) هذا أفك عظيم فرحمة الله لايستطيع احد دفعها قال الله تعالى : ( مايفتح الله للناس من رحمة فلاممسك لها ) 3 – ( من علمنى حرفا صرت له عبدا ) ان تقدير العلماء فرض لكنه لايصل الى العبودية لهم 4 – ( أنا عبد المأمور ) العبودية والامر لله فقط 5 – ( تور الله فى برسيمه ) سوء أدب مع الله تعالى فهل هناك ثور لله تعالى وثيران لغيره ؟ فيدل هذا المثل على ان لله ثور ويصفونه بانه ثور غبى كسلان 6 – ( ربنا أفتكره ) هذا المثل يخالف قول الله تعالى ( وماكان ربك نسيا ) وقال ( لايضل ربى ولاينسى ) 7 – ( حاجة تقصر العمر ) وهذا باطل فالعمر محدود لايستطيع كائن ان يقصره قال تعالى فاذا جاء اجلهم لا ييستأخرون ساعة ولا يستقدمون ) 8 – (الرزق يحب الفهلوة) هذا خطأ فالرزق لا يحب الخداع و المكر و المداهنة انما يحب السعى و الجد و النشاط و الاخلاص 9- (اذا دخلت بلد تعبد العجل فحش له) هذا شرك و فيه دعوة لاقرار المنكر وعدم انكاره والرضا به 10- (البقية فى حياتك) و هذا خطأ فلن تموت نفس حتى تستوفى رزقها و اجلها و الاصح ان يقول ( البقاء لله) 11 – (العمل عبادة) دائما يستعمله من لا يصلى و هذا خطا جسيم فالعمل لايكون بديلا للعبادة و انما اى عمل ينهى عن طاعة الله فهو عبادة للشيطان لا عبادة للرحمان 12 – (رزق الهبل على المجانين) هذا القول يدل على خلل عظيم فى الاعتقاد فالرزاق هو الله و حده ولا يوجد بشر او ملك او انس او جن او حيوان الا رزقة على الله تعالى لا على غيره 13 – (يدى الحلق للى بلا ودان) و هذا اتهام لله بعدم الحكمة و العلم 14 – (ماينوب المخلص الا تقطيع هدومة) فيه دعوة الى الرياء و النفاق و ترك الاخلاص و ترك تغيير المنكر 15 – (ساعة لربك و ساعة لقلبك) يعنون بهذا المثل جواز اقتراف المعاصى 16 – (اللى معاه قرش يساوى قرش ) هذا المثل دعوى للمادية 17_ (امشى فى جنازة ولا تمشى فى جوازة) هذا المثل يحض على عدم السعى فى طرق الخير 18 – (اللى يحتاجه البيت يحرم على الجامع) و هذا مثل يدل البخل و الحرص على الدنيا و نسيان الاخرة 19 – (الاقارب عقارب ) هذا المثل يؤدى الى قطيعة الارحام 20 – (انا و اخويا على ابن عمى و انا و ابن عمى على الغريب) يدعوا الى العصبية الجاهلية 21 – (ان كان لك عند الكلب حاجة فل له يا سيدى ، و اتمسكن حتى تتمكن )يدلان على الذل و الانكسار لغير الله و الواجب على المسلم ان يطلب حاجتة بعزة نفس 22 – (كتر السلام يقلل المعرفة) خطا كبير فان السنة ان يسلم المسلم على اخيه كلما لقيه او حال بينهما حائط او شجرة و جاء بالحديث الا ادلكم علي شئ اذا فعلتموه تحاببتم افشوا السلام بينكم صدق رسول الله صل الله عليه وسلم 23 – (انا 000اعوذ بالله من كلمة انا) و الصواب ان كلمة انا لا بأس بها مال لم يكن فيها كبر او فخر 24 – (صباح الخير –صباح النور – العواف – تحية مباركة- سعيدة – تصبح على خير – عم صباحا )هذه التحيات خاطئة و تحية الاسلام هى : السلام عليكم و رحمة الله و بركاتة |
رد: رزق الهبل على المجانين
فشخرة كدااااااااااااااااااااااااااااااااااااااابة مش أكتر ...
|
رد: رزق الهبل على المجانين
اقتباس:
|
رد: رزق الهبل على المجانين
اقتباس:
تقبل مرورى وخالص تحياتى لك ولكل أعضاء المنتدى المحترمين أمثالك :) |
رد: رزق الهبل على المجانين
اقتباس:
|
رد: رزق الهبل على المجانين
شكرا على مجهودك يا استاذ عمرو وفعلا الكلام دة لازم الناس كلها تعرفو وطبقو اكيد كلنا هانستفاد كتير ان احنا لما تقول كلام نكون عرفين اصلو اية
وجزاك اللة جيرا وتقبل تحياتى |
رد: رزق الهبل على المجانين
اقتباس:
أتخنقت و الله مفيش حد مقتنع أنى خايف على الناس ... |
رد: رزق الهبل على المجانين
اااااااااااااااااا يا جدعان الى انتو بتقولوة دة دة مجرد اقتناء زى بالظبط الى بيحب يجيب استيلات الموبايلات والى بيجيب حاجة صوت بتبقى اما سلاح ردع شكل وخلاص او للاحتفال ثانيا رسالة للاخ الى عامل الموضوع الحى مش فى متناول الجميع من حيث السن والرخصة السعر وكل مشكلة اكبر من التانية لو انت بقى بتتكلم عن نفسك وعند نازع الانانية دى حاجة تانية ربما يكون السعر مناسب بالنسبالك ومهنتك توفر لك الرخصة وسنك مناسب لاكن واحد زيى مثلا طالب واخرة يجيب ايكول تونا مقفول ومستعمل يعمل اة لو سمحت راجع موضوعك
انا يا ما ما عملت مواضيع حاولت استغل فيها المنتدى ومواضيع اخرى حاولت استفذهم ولاكن هذا كان فى بدايتى وانت شكلك لسة جديد لاكن الحمد للة انا خدت على اخواتى فى المنتدى وعرفت بعضهم واتعاملت مع بعض اخر ونفسى اتعرف على بعض اخر ايضا واشكر كل الناس الى هتشارك برايها وقبل اى حاجة راجع كلمة لا تنس ان رايك يعبر عنك. |
رد: رزق الهبل على المجانين
اولا / عمرو .. بشكرك للمره التانيه لانك وبمثاليه حولت مجرد عنوان لتوبيك لنصيحه غاليه استفاد منها الجميع وكان بنفس جمال النصيحه اسلوب عرض النصيحه
ثانيا / خواجه .. انا بعترض عليك فى اكثر من جزثيه واللى اولهم كلمتك ( الرد على الاخ اللى عامل الموضوع ) ورغم انها كلمات تبدو عاديه الا انك تعلم كما اعلم ويعلم الجميع ان فيها نوع من الاستهزاء , او اعتبارى نكره كمان على حد قولك انك فى مواضيع كتير حاولت تستفيد من المنتدى وتستفز اعضائه ,, بس يا اكيد مش بالضروره ان كل الناس يبقى ليهم نفس اسلوب تفكيرك اما بخصوص ( راجع كلمة لا تنس ان رايك يعبر عنك ) فهى هنا فى تعليقك قولة حق يراد بها باطل وليس لها مجال للاعراب ,,,, لانى لم اقل رئى مهين او مشين او مسف واخيرا ببساطه ... كان التوبيك مجرد رصد لظاهره اردت ان اناقشها هنا ولان مكه ادرى بشعابها ناقشتها هنا وسط اهلها |
رد: رزق الهبل على المجانين
واللة من الى انا شايفة من موضوعك انت ان تفكيرك زى بل اقل من تفكيرى وجايز ان كل حاجة متاحة بالنسبالك فبتقول كدة ثالثا انت لسة جديد فى الاول والاخر وانا فهمتك واى حد جديد بيجى بيبقى عاوز يشوف نفسة ع المنتدى
لا يا ريس راجع نفسك فى موضوعك وياريت الناس تشارك برايها وتوضح وجهة نظرها امام صاحب الموضوع |
رد: رزق الهبل على المجانين
دا تعليق خواجه على التوبيك
اااااااااااااااااا يا جدعان الى انتو بتقولوة دة دة مجرد اقتناء زى بالظبط الى بيحب يجيب استيلات الموبايلات والى بيجيب حاجة صوت بتبقى اما سلاح ردع شكل وخلاص او للاحتفال ثانيا رسالة للاخ الى عامل الموضوع الحى مش فى متناول الجميع من حيث السن والرخصة السعر وكل مشكلة اكبر من التانية لو انت بقى بتتكلم عن نفسك وعند نازع الانانية دى حاجة تانية ربما يكون السعر مناسب بالنسبالك ومهنتك توفر لك الرخصة وسنك مناسب لاكن واحد زيى مثلا طالب واخرة يجيب ايكول تونا مقفول ومستعمل يعمل اة لو سمحت راجع موضوعك انا يا ما ما عملت مواضيع حاولت استغل فيها المنتدى ومواضيع اخرى حاولت استفذهم ولاكن هذا كان فى بدايتى وانت شكلك لسة جديد لاكن الحمد للة انا خدت على اخواتى فى المنتدى وعرفت بعضهم واتعاملت مع بعض اخر ونفسى اتعرف على بعض اخر ايضا واشكر كل الناس الى هتشارك برايها وقبل اى حاجة راجع كلمة لا تنس ان رايك يعبر عنك. دا كان ردى عليه اولا / عمرو .. بشكرك للمره التانيه لانك وبمثاليه حولت مجرد عنوان لتوبيك لنصيحه غاليه استفاد منها الجميع وكان بنفس جمال النصيحه اسلوب عرض النصيحه ثانيا / خواجه .. انا بعترض عليك فى اكثر من جزثيه واللى اولهم كلمتك ( الرد على الاخ اللى عامل الموضوع ) ورغم انها كلمات تبدو عاديه الا انك تعلم كما اعلم ويعلم الجميع ان فيها نوع من الاستهزاء , او اعتبارى نكره كمان على حد قولك انك فى مواضيع كتير حاولت تستفيد من المنتدى وتستفز اعضائه ,, بس يا اكيد مش بالضروره ان كل الناس يبقى ليهم نفس اسلوب تفكيرك اما بخصوص ( راجع كلمة لا تنس ان رايك يعبر عنك ) فهى هنا فى تعليقك قولة حق يراد بها باطل وليس لها مجال للاعراب ,,,, لانى لم اقل رئى مهين او مشين او مسف واخيرا ببساطه ... كان التوبيك مجرد رصد لظاهره اردت ان اناقشها هنا ولان مكه ادرى بشعابها ناقشتها هنا وسط اهلها دا كان رده على ردى واللة من الى انا شايفة من موضوعك انت ان تفكيرك زى بل اقل من تفكيرى وجايز ان كل حاجة متاحة بالنسبالك فبتقول كدة ثالثا انت لسة جديد فى الاول والاخر وانا فهمتك واى حد جديد بيجى بيبقى عاوز يشوف نفسة ع المنتدى لا يا ريس راجع نفسك فى موضوعك وياريت الناس تشارك برايها وتوضح وجهة نظرها امام صاحب الموضوع وبجد .. انا مش حابب افتعل ازمه بلا لزمه بس فيما يبدو من ردود خواجه ان الكلام اللى انا ملونه فى تعليقه باللون الاخضر ما هو متاثر بيه وقال اهو عضو جديد اتسلى عليه واخيرا ولانى شايف من وجهة نظرى ان ردوده دون المستوى فانا احتراما لنفسى همتنع عن الرد عليه نهائيا مهما قال لانى بردى عليه سوف اعرض نفسى لما لا اقبله عليها |
رد: رزق الهبل على المجانين
أولا شكرا للاستاذ عمرو على المعلومات القيمة و جزاك الله خيرا
ثانيا يا خواجة و يا ريت تتقبل من الكلام و بما أنك لسه طالب ممكن تعتبرنى زى أخوك الكبير أنا شايف أن الراجل ماغلطش فى حاجة غير أسم الموضوع بس و مافيش حد هاجمه غيرك و بصراحة من وجهة نظرى ماكنش ليه داعى فا ياريت تهدى شوية ماتبقاش عصبى كده :) |
رد: رزق الناس على الله
الى صاحب الموضوع مشكور على مجهود حضرتك وموضعك ولكنى اعتذر عن تغيير العنوان نظرا لعدم لياقته من حيث اللفظ ومخالفته من الناحية الشرعيه واعلم انه خطأ غير مقصود منكم ولذلك قمت بتعديله
ارجو من سيادتكم المعذرة وتفهم وجهة النظر ودمتم فى صحة وعافية |
رد: رزق الناس على الله
اقتباس:
كمان احب اقول انو رغم ان تغير اى عنوان دا حق للاداره وبرغم ذلك فانا شاكر للاسلوب الراقى جدا فى طريقه عرض فكرتك ... و ورغم انى مش مختلف معاك فى الفكره عن التغيير .. الا اننى حتى لو مختلف معاك فان اسلوبك يؤثر من امامك اخيرا .. بتمنى ان يبقى الحوار فى مصر على كافة المستويات بنفس هذا الرقى والشياكه واللباقه ولو ان هذا حدث ... ستختفى كثير من الخلافات وستحل كثير من المشكلات . |
| الساعة الآن 03:57 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir