إقتراح دوووولي :)
السلام عليكم يا أحلى الأعضاء, دلوقتي و أنا بفكر مع نفسي في حكاية صيانة البنادق و الطبنجات الصوت جاتلي فكرة جهنمية... لية الأساتذة الكبار هنا في المنتدى ميعملوش دورات تدريبية لصيانة البنادق و الطبنجات الصوت (عشان بس نبقى في السليم).. و ده هيساعد ناس كثييييرة أوي و من أولهم أنا.. و ممكن يتعمل بميلغ بسيط أو حتى تطوعا من أحد الأساتذة الكبار.. :) |
رد: إقتراح دوووولي :)
انا مع حضرتك يا فندم و صدقني فكره رائعه بس المهم يكون في شغل من ده في الاسكندريه
|
رد: إقتراح دوووولي :)
بس هي تتنفذ بس إن شاء الله؟؟ :) و نكتسح الجمهورية كلها.. :)
|
رد: إقتراح دوووولي :)
انا معاك ياكبير وممكن يتعمل دورات تدريبية للصيانة بحيث انك تاخد شهادة خبرة مثلا او ما شابه وتقدر تشتغل بيها بعد كدا
|
رد: إقتراح دوووولي :)
فكرة جامدة وياريت فعلا تتنفذ .. وياريت الخبراء يتفاعلوا معانا
|
رد: إقتراح دوووولي :)
لو على قد عمل صيانة دورية للبندقية او المسدس و تنظيف مواسير و تزييت سهلة لكن لو بتتكلموا عن تغيير سوست و جلب محتاجة عدة و مكان و موجود عدد من الفنيين و اسعارهم تكاد رمزية مثل عادل عبده و محمود شلبى و انا افضل عدم فك البنادق كثيرا مرة كل سنتين لتغيير سوستة او جلبة او لأصلاح عطل بمجموعة الزناد و تكلفة الفنى لن تتجاوز 50 جنيه مصنعية كل سنتين مش محتاجة مجازفة و تحت امركو فى اى استفسار
|
رد: إقتراح دوووولي :)
اقتراح جميل
و ممكن الي هيدرب الناس يسجل فيديوهات و يرفعها عالمنتدى و كده كل الاعضاء هيستفادو منها لان لو الدوره في القاهره مثلا في اعضاء حتى لو عاوزين يحضروها مش هيقدرو سواء عشان السفر او التزاماتهم بس الفيديوهات هتكون موجوده كل واحد يشوفها وقت ما يكون فاضي و رايق كده عشان يعرف يركز و ممكن كمان يشوفها اكتر من مره و لو حاجه وقفت معاه يعيدها اكتر من مره لحد ما يفهم اتعملت ازاي و هتبقى بردو اريح لاخونا الي هيدربنا |
رد: إقتراح دوووولي :)
فكره جامده ياكبير تسلم
|
رد: إقتراح دوووولي :)
فكره ممتاااااااااااااااااازه
وانا اول المتطوعين ان ادى دورات تدريبيه فى فكل وصيانه اى نوع من البنادق ومحدثات الصوت وبالمجان طبعاً تحياتى على الافكار النيره يا كبيير |
رد: إقتراح دوووولي :)
فكره جميل و تستحق التفكير فيها
|
رد: إقتراح دوووولي :)
أحب أشكر كل الأساتذة اللي رده على الموضوع ده.. , ردا على الأستاذ ashraf_f أنا قصدي إن الواحد يتعلم على الأقل إزاي يفك البندقية خالص عشان لو لا قدر الله حصلو عطل يعرف يتعامل معاه في ساعتها و ميضطرش ينتظر الفنيين. :)
أما ردا على الأستاذ محمد خلف, و الله أنا إقتراح إن إحنا نعمل قناة يوتيوب خاصة بالمنتدى قولتو مرتين على مدى السنتين و تطوعت إني أديره بلا مقابل طبعا و كل الأعضاء رحبت به جدا لكن للأسف لم يتم الإهتمام به من قبل الإدارة.. :( و فعلا زي ما أستاذ أحمد ياسر قال بعد الدورة يكون في شهادة بحيث اللي عجبته الحكاية يفتح ورشة و يبقى باين قدام الزبائن إنه مش أي فني.. :) أنا يا أساتذة رديت على الأساتذة الثلاثة دول بس لأني كنت عاوز أقول وجهة نظري.. أما لبقية الردود فأنا أشكر حضراتكم جدا جدا جدا على سعة صدركم و ترحيبكم و طبعا تطوع حضراتكم (أيوة الكلام ليك يا هشام بك سمير :) ) لكن يا ريت الإدارة ما طتنششي الفكرة و فعلا ترعاها و فعلا تساعدنا على التنظيم.. و إذا (لا قدر الله) الإدارة ما تبنتش الفكرة و الله أنا باقترح إن إحنا ننظمها مع بعض.. :) |
الساعة الآن 05:22 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir