Norica Marvic Gold مساعدة
 

السلام عليكم .. عندى بندقية Norica Marvic Gold لسة شاريها من شهرين 820 قدم فى الثانية اول ما جبتها كانت عنيفة جدا وكان تعميرها صعب جدا وبعدين بقى السوستة ابتدت تبقى خفيفة فى التعمير اوى بعد حوالى 1000 طلقة قمت فكتها و كان واضح انها كانت مركونة بقلها كتير لان و انا بنضفها كانت بطلع صداء خفيف .المهم نضفتها ب WD40 كويس و بعدين شحمت و زيت وبقت تمام التمام و مستنى بقى اشوف العنف الى كانت بتعمله لكن محصلش اى تغير فى القوة و السوستة بقت ضعيفة جدا بعد حوالى 500 طلقة كمان قمت رحت اشتريت سوستة جديدة مضروبة طبعا وركبتها و بقت جامدة و راضى جدا عن اداءها بس مابقتش جامدة زى الاول يعنى لو المفروض انها 820 قدم فى الثانية اول ما جبتها لا هى دلوقتى ممكن اقول انها بقت 700 مثلا ..انا عايز اعرف اجيب سوستة قوية منين و لو حبيت اشترى سوستة OX موجودة فى مصر ولا لاو المفروض السوستة تتغير بعد كام طلقة ؟؟؟؟ هل انا كدة بفترى على السوستة ولا اية؟؟ ارجو المساعدة رايكم و خبرتكم تفيدنا فعلا و الموقع دة فعلا جيد جدا لان الهواية قليلة جدا فى مصر و المنتدى دة بيجمعهم من كل مكان ولاازم يا جماعة نطلع طلعة سوا و الآخ محمد سيد لازم اشوفك ونطلع نصتاد سوا.

رد: Norica Marvic Gold مساعدة
 

مش يمكن العيب مش من السوسته والعيب في حاجه تانيه

زي الجلبه الداخليه او الخارجيه مثلا

يمكن !!!!!!!!!!!!!!!!!

رد: Norica Marvic Gold مساعدة
 

السلام عليكم

أنا معايا نوريكا مرفيك جولد أيضا وهى بندقية ممتازة جدا وأنا زعلت لما سمعت منك الكلام دة و أنا مستعد لمساعدتك أن شاء الله فى شراء سوستة جديدة أن شاء الله

تطلع كويسة وترضة عن أدائها وأتمنى أنك تدينى وسيلة أتصال بك وأتمنى أيضا أن نصطاد معا

وشكرا

رد: Norica Marvic Gold مساعدة
 

الف سلامه يا باشا علي بندقيتك
بس استفسار صغير لو تسمح
انا ناوي اصلي أجيب نوريكا
بأختصار ( منين & بكام& سرعتها كام )
كانت بتجيب حمام ولا أيه النظام

مشكور مقدما يا باشا

رد: Norica Marvic Gold مساعدة
 

السلام عليكم

أنا أنصحك أنك متتردتش فى أنك تجيبها وهات النوريكا مرفيك جولد صناعة أسبانية محترمة وسرعتها 250 متر فى السثانية

نمرة 2 وعزمها 22 و نشانها فوسفورى من المعدن وسعرها على ما أعتقد وصل 2200 وكان سعرها من سنة فى حدود 1500 وهى بندقية ما شاء الله جميلة جدا وشكلها حلو وقوية وأنا أصطدت بها أغلب الطيور تقريبا وأنشاء الله تعجبك ولو عايز أى معلومات أكتر أدينى وسيلة أتصال بك وأن شاء الله أقدر أفيدك

وشكرا

رد: Norica Marvic Gold مساعدة
 

الف شكر يا باشا علي أهتمامك
هيا فعلا حلوه بس غاليه شويه
أنا بفكر أجيب النوريكا سبورت هيا عند فاتح الله ب 900 & الميرفك جولد 2000
الفرق كبير قوي بس يا تري الفرق ده له صدي علي القوه و الكفائه ؟ ولا الأثنين قريبين

رد: Norica Marvic Gold مساعدة
 

السلام عليكم

العفو يا باشا على اية بس وانا تحت امرك فى اى سؤال لان هوايتنا من اجمل الهايات الموجودة فهى هواية الملوك أما بالنسبة لسؤالك فهناك فرق مما لاشك فية فى الكفائة والقوة ولكن لا بأس اذا

كنت مبتدا او حتى محترف المهم انك تستمر فى الهواية ومتخليش حاجة تعوق ممارستك لها والبندقية النوريكا السبورت بندقية كويسة ايضا المهم انك مع استعمالها سوف تتأقلم معها وسوف تجيد استخدامها وانشاء اللله فى المستقبل يكون عندك كل الأنواع الى انت عايزها وتكون كلها انواع جيدة

بس هو انت لسة معنكش بندقية ولا عايز تجيب بندقية تانية اضافية وعموما فى كلتا الحالتين اتمنى ان تعطينى وسيلة اتصال بك واتمنى ان استطيع مساعتك ان شاء الله فى اختيار افضل نوع

و ايضا نخرج للصيد معا حيث انى احاول جمع الأعضاء للتعرف على بعض والخروج للصيد معا

واتمنى انى اكون استطعت ان افيدك



وشكرا

رد: Norica Marvic Gold مساعدة
 

الصياد المحترف
أشكرك مره ثانيه
اولا أنا عندي رمسيس (1) من تقريبا 3 شهور أشترتها مستعمله و مكنش عندي اي خبره في البنادق
ولقيتها ما بتجبش اي حاجه صلحتها وركبتلها سوسته وجلبه من شهر
بس بردو مش بتجيب غير العصافير انا ساكن في الشروق وفي حمام بري كتير بس مش بتجيبه الحمامه تاخد الرشه وتمشي بيها عادي جدا كأنها خدت حقنه مقويات
فا قولت نرجع لأصحاب الخبره بقي لاقيت الدنيا كلها بتسب في الرمسيس بس يا سيدي هيا دي الحكايه من تقطق الي السلام عليكم
المهم نوريكا سبورت سرعتها 160 م/ث & ميرفيك 250 م/ث الفرق كبير والسعر 900 & 2000 علي التوالي
انا حاتط ميزانيه 1000 ج م لو عندك اي أقتراح تاني انا متقبله مقدما
انا اي ميلي Aymananis@hotmail.com

رد: Norica Marvic Gold مساعدة
 

السلام عليكم

لو انت ساكن فى الشروق الى على طريق مصر أسماعلية فأنا عارفة كويس جدا وبصطاد فيها من زمان جدا والبندقية النوريكا أسبورت كويسة جدا مع الحما واليمام من المسافات المتوسطة

وعايز ألفت نظرك ونظر أعضاء كتير لحاجة مهمة فى الصيد وهى اننا نتعامل مع روح فلو كان

نهاية الطير على يد صياد معين فسوف تكون نهايتة بصرف النظر عن البندقية ولكن علينا الأخذ بالأسباب أيضا ولا ننسى ان الصيد أولا وأخيرا رزق وأن شاء الله سوف تشعر بفرق كبير جدا بين البندقية النوريكا السبورت والبندقية التى معك وانا أهنيك انك مازلت مصر على ممارسة الهواية والتطير الدائم لنفسك ولمعداتك وان شاء الله سو ف تجد الخير الكثير مع بندقيتك الجديدة


وشكرا

رد: Norica Marvic Gold مساعدة
 

السلام عليكم
انا اعتقد ان النوريكا اسبورت ما تفرق كتير عن الرمسيس فى طاقة المقذوف تفرق بس فى الجودة يعنى
ما فيش فرق فى القوة لو عايز نصيحتى اشترى بندقية صينى اسمها Bam او Xs P21
سعر الواحدة منهم فى حدود 1500 جنية وممكن يكون 1400 انا جربت النوع التانى هم الاتنين تقليد للديانا 52
الصراحة بندقية قوية وشكها كمان كويس وخصوصا النوع الاول ودى ممكن تصطاد بيها تعلب من مسافة قريبة
سرعة الطلقة عيار 22 800 قدم ثانية وعيار 177 1000 قدم ثانية والنوع الاول ممكن يركبلها سوستة الديانا
لانى حجم البستم واحد

رد: Norica Marvic Gold مساعدة
 

على فكرة هم النوعين من شركة واحدة Xisico Air Guns
http://www.airgundepot.com/bam-air-rifles-review.html

رد: Norica Marvic Gold مساعدة
 

السلام عليكم . اخى القناص انا كمان معايا نوريكا مرفيك . حدد معاد طلعة الصيد و انا جاهز.Bassomabat911@hotmail.com

رد: Norica Marvic Gold مساعدة
 

السلام عليكم

وهل سوف يكون كفائة البندقية الصينى نفس كفائة البندقية الديانا بعد تغير تركيب سوستة الديانا


ولن يحدث تأثير على البندقية نتيجة تغير السوستة وهى موجودة فى اى محل ولى تعليق أخر

أننا لن نقارن بأى حال من الأحوال بين البندقية الرمسيس والبندقية الأسبانى فى القوة والتحمل والدقة نوعا ما فى النيشان والله اعلم

وشكر

رد: Norica Marvic Gold مساعدة
 

السلام عليكم

مع احترامى لرأيك استير أنا ارى انة لايمكن ان نقارن بين البندقية الرمسيس والبندقية الاسبانى


او اى بندقية اخرى فبأى حال من الاحوال سوف تكون اى بندقية اخرى افضل من الرمسيس على الاقل فى الكفائة والتحمل وثبات النيشان نوعا ما


وكان لى استفسار عندك هل عندما اغير سوستة البندقية الصينى الى سوستة الديانا هتكون فى نفس الكفائة والقوة ولن يؤثر ذاللك على البندقية

وشكرا

رد: Norica Marvic Gold مساعدة
 

السلام عليكم

بلاك هاند أسمحلى أحيك أولا وانا أتشرف بالخروج معا للصيد وأنا أضفت أميلك عندى

وأحتمال نطلع الأيبوع دة أن شاء الله وهنتفق مع بعض على الميعاد


وشكرا

رد: Norica Marvic Gold مساعدة
 

ياتري ياجماعة سعر المرفك جولد 2000 جنية بس اذا كان انا سالت علي النوريكا جيت 2200 عند فتح الله وباعتقد انالمرفك ممكن تكون اغلي ولا لان الجت مابقاتش بتنزل منها وعلي فكرة التنين زي بعض من الداخل ونفس ا لسوستة