حالة محلات السلاح في الاسكندريه اليوم
 

تقريبا النهارده لفيت كل محلات سلاح اسكندريه بدور علي مسدس صوت ساقيه و ملقتش غير الايكول الفيبر الماسوره ال4.5 انش عامل 950 من غير فصال المهم المحلات فاضيه نسبيا التركي مغرق البلد و كان في محل عنده البريتا القديمه الصوت الحته اللي عنده جديده طبعا بيقولي 1600 و ده رقم حلو و في بروني في محل تاني علي 1350 بس و في انواع طلقات بالهبل و اسعار مختلفه بردو بس اللي ملاحظه ان الناس اللي كانت بتستهبل في الاسعار لمت نفسها و البركه في السياح اللي بنعمله لما حد بيشوف كده اللي يجن ان الناس بتشتري صوت كتير من غير اي خبره اقسم بالله واحد دخل شاور علي البروني بيقول عايز من ده بكام يا عم قاله 1350 طلع الفلوس و بيقول للبياع وده كل ما اضرب اشد الحته اللي فوق دي و اضرب تاني !!! طبعا الناس لازم تاخد فكره عن السلاح و الانواع والاسعار عشان كده بقت كوميديا عيال ماشيه شايله blow c06 بيهزرو بيه و نفسي اللي بيبيع ده يعرف ان انا داخل انفعه عشان النهارده اتعاملت مع ناس بيبقا كأنه حيشتمك و هو بيكلمك ده ميمنعش ان في ناس بتتعامل بكل ذوق و في محلات بتدخل واحد واحد و حاجات عجيبه بس الحال اتعدل شويه الطلقات كلها موجوده و قطع غيار بعض الشيء واسعار معقوله

رد: حالة محلات السلاح في الاسكندريه اليوم
 

السلام عليكم
بكام المسدس ده blow c06 ومواصفاته ايه لو سمحت
وجزاك الله خيراً

رد: حالة محلات السلاح في الاسكندريه اليوم
 

هو 9مللي شبيه ال cz و هو تركي الصنع مسدس فوق النمره واحد ممتاز و شكله تحفه وحجمه كبير و الناس بتشكر فيه جدا و السعر عند استاذ هشام سمير من الاخر عشان في المحلات حتسمع حاجات عجيبه

رد: حالة محلات السلاح في الاسكندريه اليوم
 

جزاك الله خيراً
بس تقريباً سعره كام فى المحلات

رد: حالة محلات السلاح في الاسكندريه اليوم
 

ردا على نفس الموضوع انااشتريت مسدس ايكول بى 29 وهو مسدس ممتاز ب700 جنيه جديد من محل وسمعت فيه عند السجلابى 1250 وعند غيره 850
المهم اشتريت لزميلى ب 650 من محل تانى قلت عمار يا اسكندرية امبارح بتكلم عشان اشترى واحد تانى لقيته ب1000 الى 850
هههههههههه بكره ربنا يكرم والحالة الامنية تهدأ ويبقى 100 جنيه - والمحلات ديه تبقى تدور على اللى يشترى منها واللى اكلوه بط بط حيطلع عليهم وز وز

رد: حالة محلات السلاح في الاسكندريه اليوم
 

طب يا ريت لو حضرتك تقولنا سعر الطلقات الأوماركس الألماني ال 9مم كان كام؟

رد: حالة محلات السلاح في الاسكندريه اليوم
 

بس خلي بالك ان الايكول في منه فرز اول وفرز تاني وطبعا في اختلاف في السعر وده راجع للفينيش بتاعه وبعض العيوب الداخليه الغير ملحوظة

رد: حالة محلات السلاح في الاسكندريه اليوم
 

شر البليه ما يضحك

رد: حالة محلات السلاح في الاسكندريه اليوم
 

للاسف باعو خلاص والى اشترى اشترى الطرماى هههههههههههههههههههههههههههههههههههههه

رد: حالة محلات السلاح في الاسكندريه اليوم
 

الرد بالترتيب
1- الايكول 29 اول كلام امبارح كنت سامع 800 الي900 حسب المحل من غير فصال النهارده سامع في الجاكال دوال 1600 او 1800 مش فاكر بالظبط عشان سألت علي حاجات كتير من السجلابي جرين بلازا و الايكول الفيبر الساقيه الماسوره ال6.5 انش بيقولي 1600 بردو و انا سامع في الماسوره ال4.5 انش امبارح 950 اول كلام, السجلابي جرين بلازا بيهزرووووو اسعار تقريبا الضعف و بقوله ايه الاسعار دي بيقولي باللفظ كده دي الاسعار الجديده حضرتك, اسعار ميين الاسعار بره هيه هيه و الجمارك هيه لما انت تبيع كده ده عدي مرحلة الاستغلال لمرحلة السرقه
2-اسعار الالماني كانت من 5 الي 6 جنيه عشان انا كنت شايف كزا نوع الماني و كزا نوع تركي و ايطالي و صيني كمان بس الاوماركس معرفش بكام بالظبط
3- انا اخد بالي من موضوع الفرز الاول و التاني ده بس رأي شخصي و علي ادي كمان انا مش خبره اوي ان الفرز ده بيبقي فينيش و ارزاق بردو عشان كل حته بيبقا فيها عيب غير التانيه و الله اعلم اهل الخبره ادري مني 100 مره لو يشرحولنا يبقي افضل
4- فعلا شر البليه ما يضحك انا بضحك علي اللي كنت بشوفه من امبارح
5- الناس اشترت الطرماي و داخلين علي الاتوبيس ابو دورين لو كملوا كده
ملحوظه المحلات بتبلغ لو حد دخل بيحاول يشتري زخيره حيه سواء طلقات او خرطوش من غير رخصه

رد: حالة محلات السلاح في الاسكندريه اليوم
 

هل البريتا المعروض 14 و لا 16 طلقة و معروض عند مين

رد: حالة محلات السلاح في الاسكندريه اليوم
 

والله ما اعرف انا لقيته مخبيه في الفترينا بقوله ده بيريتا قالي ايوه عامل 1600 و مش فاكر اسم المحل بس هو اخر محل سلاح في شارع النبي دانيال الرئيسي من ناحية محطة الرمل علي اليمين عشان لما بتخلص الشارع وتدخل يمين في بتاع سلاح تاني و انت لو اخدت الشارع من اوله من محطة مصر حتعدي علي اكتر من 5 او 6 محلات ورا بعض

رد: حالة محلات السلاح في الاسكندريه اليوم
 

ياريت لو تحت ارقاااام تليفونات المحلات الي انت عديت عليها

رد: حالة محلات السلاح في الاسكندريه اليوم
 

انا برضه لفيت على كام محل كده بس لقيت اغلب المحلات فاضيه!
والسجلابي سالته على البلو قالي معنديش, طبعا فتح الله آخر وساخه في المعامله
من رايك ايه احسن محلات في الاسعار والامانة في اسكندرية؟
ومن رائيكم الاسعار هتنزل ولا هتطلع تاني؟