تنضيف الرش
 

السلام عليكم و رحمه الله و بركاته
ازيكم يا اجمد صيادين فى الدنيا :)
انا شفت على اليوتيوب فيديو بيشرح طريقه تنضيف الرش قبل الاستخدام و من التعليقات فهمت انه بيفرق فرق بسيط فى الدقه.. على العموم انا عايز افهم ايه الموضوع ده لو حد يتكرم و يشرحه :)

رد: تنضيف الرش
 

كويس والله بس فى حاجه هو ليه حط زيت فى الاخر على الطلق ده كده مش هاتجمع معاه ولأ طلقه

رد: تنضيف الرش
 

اولا احنا عايزين نفرق بين نوعين الزيت الي انتم شوفتوهم
الزيت الاحمر مش زيت عادي انا شفته علي احد المواقع الاجنبيةبيتكلمه انه يوضع في كعب الطلقة كمية قليلة لزيادة سرعة الطلقة وليس للتنظيف؟ اما الزيت التاني فهو زيت سلاح يستخدم لاغراض متعددة
وانا ليا تحفظات علي هذا الامر (وضع الزيت علي الرش) لانه هايزود معامل انزلاق الطلقة (لان الزيت يقلل معامل ااالاحتكاك السطحي بين الطلقة والماسورة )مما يجعلها تخرج من الماسورة باسرع من حركة البستم وده لن يجعلها تستفيد من كل الهواء المضغوط في كانون البندقية يعني هاتخرج الطلقة والبستم مثلا في نصف المشوار يبقي لم تستفدج من نصف المشوار الاخروالهواء داخل الكانون يقوم بعملين
الاول دفع الطلقة(السرعة) الثاني عمل الموجة الدافعة حول الغاز مما يسبب الدوران
فالسرعة في خروج الطلقة لن تسمح بدوران الطلقة الدوران الكامل الذي يسبب الدقة لذلك نجد الزيت يؤدي فعلا الي سرعة علي حساب الدقة والله اعلم

رد: تنضيف الرش
 

شكراً جداً يا كاريزما و يا استاذ اسامه على مروركم الكريم
(و الله يا جماعه الاتنين دول من اكتر الناس اللى ليهم فضل عليا فى انى مسكت الديانا اير كنج و عرفت يعنى ايه صيد ربنا يكرمكم)

كاريزما باشا اللى انا فهمته من الفيديو ان الزيت اللى فى الاخر ده عشان الرش لا يعلق به اى شئ بعد التنضيف و حتى الاستخدام :) والله أعلم

استاذ اسامه اولاً انت بتمتعنى بجد باللغه العربيه و المصطلحات الجميله دى و ثانياً انا متفق مع حضرتك فى الكلام ده و كمان انا مش بحب التزييت بالطريقه دى عشان ميعملش ديزلنج و يكون السبب فى انه يقصر عمر البندقيه بس انا استغربت جداً اما لقيت فى التعليقات المكتوبه على الفيديو فى اليوتيوب ان عمليه التنضيف دى بتزود الدقه و استغربت اكتر اما لقيت واحد فرحان كدا بتأثير الديزل على البندقيه بتاعته و بيتمنى انه يفضل على طول فمبقتش فاهم هو معتبرها حاجه كووول يعنى و لا هى فعلاً حاجه كويسه !! :)

على فكره انا نفسى بجد اطلع اصطاد معاكم بقى
و فيه سؤال معلش طولت عليكم: كنت بضرب بالاير كنج على مسافه 170 متر او اكتر حاجه بسيطه (اعذرونى لسه جديد فى تقدير المسافات و كدا) المهم اضطريت انزل خمس نقط لتحت فى الاسكوب و انا مش عارف كدا البندقيه فيها حاجه و لا انا اللى فيا حاجه :d

شكراً ليكم