موقف صعب جدااااااااا
الاخوه الاعزاء --- من مده بسيطه كنت فى مشوار قرب الاميريه حوالى الساعه 7 المغرب كنت واقف فى اشاره اول صف فيها سواق ميكروباص طلع بالعربيه وقفل نص الشارع عسكرى مرور كلمو بكل ادب وقالو لو سمحت ارجع شوى تفتح الطريق كده هتعطل الناس السواق نزل شتمو وضربو نزلت من العربيه وخلصناهم من بعض المهم واحد تانى سواق ميكروباص نازل يضرب مع زميلو انا مسكتو وخدتو بعيد شوى وقلتلو اركب عربيتك ومشى الموضوع خلاص (قام ساببلى الدين وشتمنى) قلت عييييب لم نفسك ومشى (قام مكرر الشتم ) قمت وكلو علقه موت موت وسبتو فى الارض ورايح اركب العربيه وامشى واحد من اناس اللى بتتفرج قلى خلى بالك فتح مطواه لفيت لقيت الواد بيجرى عليا وفعلا ماسك مطواه بسرعه مسكت الطبنجه لانى ديما معايا فى الحزام ورفعتها فى وشو بينى وبينو حوالى 2 متر وقف فى مكانو وقلت لو قربت سم هديهالك فى راسك واحد من الناس مسكو ومسك ايدو انا قربت منو ومسكتو وعلى راسو بكعب الطبنجه جاب دم ومسكتو كملت عليه فى الارض كان فى ظابط ب تلات نجوم واقف من بعيد والله بيتفرج لما لقى الواد فى الارض جه وحط رجلو على رقبتو و قلى امشى اركب العربيه وامشى فعلا روحت ركبت وانا ماشى فتحت الزجاج وقلتلو اهو عندك كمل عليه قالى وانت ماخلصتناش منو ليه مالوش ديه
بصراحه مشيت المهم بعدها خطر عليا كام سؤال 1 -- لو محدش كان حزرنى منو ومن المطواه كان ايه الوضع 2 -- لو مش معايا الطبنجه كان هيقف مكانو 3 -- لو مكنتش ضربتو وعجزتو كان ايه الوضع 4 -- لو كان ماسمعش تحزيرى وقرب منى هل كنت هضربو بالطبنجه (فيها طلق بلي) خلاصه الكلام لاقدر الله لو حد تعرض لاى اعتداء مش اول حاجه تستعمل الطبنجه لو تقدر تعجز المعتدى باليد او اى وسيله (شومه )مثلا او حتى حزام الملابس اعتقد انو يكون احسن المهم تكفى نفسك شر المعتدى بدون اصابات بالغه ليه وليك --- وكفانا الله الشر |
رد: موقف صعب جدااااااااا
لا حول ولا قوه الا بالله اللهم اهدنا ووفق بين قلوبنا
|
رد: موقف صعب جدااااااااا
الحمد لله عدت علي خير وجت سليمة ، والله هو الموضوع مش موضوع قوة ولا موضوع أعصاب ولا موضوع حظ ، ولكن هو التوفيق من عند ربنا ، وما يقدره الله لك ، والحمد لله ربنا دائما بيسترها لأن الله ستــــــــــــــــــار
احمد الله كثيرا علي اي حال خالص تحياتي للجميـــــــــــــــــــــــــــع |
رد: موقف صعب جدااااااااا
الحمدلله والف سلامة عليك
|
رد: موقف صعب جدااااااااا
الحمد لله ان ربنا سترها و عداها على خير و المهم ان الناس يتعلمو ازاى يتصرفو فى المواقف المشابهة لان المفروض رد الفعل يكون مدروس
|
رد: موقف صعب جدااااااااا
ربنا يخلصنا من البلطجية
|
رد: موقف صعب جدااااااااا
ربنا يسترها شكلنا دخلين على الاسوء والله التفائل الزايد دة وان زوبعة وهتعدى كلام انا مش هاضمو الناس خلاص كلها بقت فتوات والبقاء للاقوى وعندى احساس اننا دخلين على مصيبة كبيرة وربنا يخيب ظنى وربنا يستر
|
رد: موقف صعب جدااااااااا
مخلصتناش منو لية مالوش ديةةة
هي دي الحقيقة الان يا جماعة البلطجية دمهم حلاللل يعني لم بيتهجم عليك واحد بلطجية لو قتالتة مش لي دي وتا كلام الجيش من زمان لدرجة ان في واحد اتهجمو علية في طريق المعمورة وكان مع مراتة وبنتة وقالولة هات واحدة منهم طبعا دون تردد ساب مراتة تنزل وبمجرد نزولها طلع الطبنجة وطاخ اول واحد في دماغة اول واحد اتهجم علية والتانين واحد في رجلة و التالت في بطنة واتصل بالجيش لان الطبنجة مترخصة لم جي الجيش طبعا لقو جثة والتانين فيهم النفس اول كلمة قالوها خالص عليهم الاول وامشي واحنا هنظف المكان وانت مشوفتناش وتا فعلا الذي حصل وياليت ميطلعش علينا واحد يقول حرام والكلام الذي لا يستحقوة هولاء الحيوانات الجيش والشرطة مش عايزين مسجونين يكفيهم ما عندهم فا الجثة بتترمي وخلاص لكن المسجون عايز راعاية بقي وهم اصلا مش فاضيين ؟؟؟؟؟ دي نهاية كل بلطجي في مصر انشاء اللة |
رد: موقف صعب جدااااااااا
موضوع جامد ربنا يحفظك فعلآ حسن التصرف فى الاوقات دى توفيق من ربنا ولو حصل حاجه من الافتراضات اللى حضرتك زكرتها كان الموضوع كبر بس جزاك الله خير على فعلك وياريت الناس كلها كده
|
رد: موقف صعب جدااااااااا
وبصراحة برافوووووو عليك بس بجد يا راجل كدا تزعل الضابط منك مش احنا بنقول نساعدهم هي دي المساعدة مش تموت وتخلص وتخلصهم هما كمان
|
رد: موقف صعب جدااااااااا
الحمد لله ان ربنا نجاك وربنا يهدي العيال دي أو ياخدهم ويريحنا منهم... وكويس انك علمتو الأدب
|
رد: موقف صعب جدااااااااا
اولاً حمد الله على سلامتك وجة سليمه .
نفسى حد من الشرطة يرد على الاسئلة الى حضرتك طرحتها ؟؟؟؟؟؟؟؟؟؟؟؟؟ حيكون ايه الموقف؟؟؟؟ تحياتى |
رد: موقف صعب جدااااااااا
الحمد لله ان ربنا سترها معاك
|
رد: موقف صعب جدااااااااا
حمدالله على السلامة
وربنا يحفظنا جميعاويكفينا شرهم |
رد: موقف صعب جدااااااااا
اقتباس:
والف حمدلله على سلامتك يا استاذ محمد |
رد: موقف صعب جدااااااااا
الحمد الله انها جت سليمة و بجد موقف رجوولى و ربنا يخلصنا من البلطجية
|
رد: موقف صعب جدااااااااا
اقتباس:
|
رد: موقف صعب جدااااااااا
والله العظيم انت راجل جدع لو كنت سبتة من البداية كان عمل اكتر من كدة
بس حمد الله على سلامتك وان شاء الله كتير حيعملوا زيك فى المواقف المشابهه والسلام عليكم |
رد: موقف صعب جدااااااااا
الحمد الله انك كويس وبخير ...... الهم اجعل مصر أمنه مستقره وابعدها عن الفاسقين الظالمين
|
رد: موقف صعب جدااااااااا
الحمد للة انها عدت علي خير والف حمد الله علي سلامتك ياباشا
واحمد ربنا انة وجدلك شخص نبهك من هذا البلطجي ولولا هذا الشخص لتغيرت الاحوال للاسوا الحمد لله علي سلامتك ياباشا ولولا انك انسان محترم وصالح ما كنش عدت علي خير الحمد لله علي كل شئ وخلي بالك منة لانة ممكن يعملك كمين في اي مكان وخد حزرك في اي مشوار تطلعة وهذا حفاظا علي سلامتك ........ الف حمدلله علي السلامة يا كبير... |
رد: موقف صعب جدااااااااا
الحمد لله انك بخير
بجد موقف لا تحسد عليه ووالله انا مش عارف لو كنت مكانك كنت هعمل ايه ربنا سترها معاك للنهايه والظابط بردو موقفو مش تمام كان مفروض يدخل مش يقف يتفرج |
رد: موقف صعب جدااااااااا
الحمد لله ان الموقف عدى وحضرتك على خير
وربنا يكرمنا والفتره دى تعدى ده العيال عندنا بقو شايلين مطاوى من ساعة المطاوى الصينى ام 15 جنيه دى نزلت الواحد مس عارف يعمل ايه بصراحه بس ربنا يسترها علينا جميعا |
رد: موقف صعب جدااااااااا
الحمد لله انها جت سليمه و ربنا يسرطر علينا و على البلد
|
رد: موقف صعب جدااااااااا
الحمد لله ربنا ستر ها ....................وعدت على خير وتخيل لو كان الاخ معاه فرد خرطوش كان حصل ايه.....قدرالله ماشاء فعل
|
رد: موقف صعب جدااااااااا
اقتباس:
|
رد: موقف صعب جدااااااااا
رغم ان البلطجية دول بنى ادميين بس دول فعلا بالطريقة دى اللى حضرتك بتقولها ليس لهم شرعا الا شىء واحد هو " حد الحرابة " واعتقد ان موقفى مش هيختلف كتير لو كان الموضوع ده حصل معايا وحتى لو كان السلاح غير مرخص
|
رد: موقف صعب جدااااااااا
اقتباس:
ثانيا معلش يا كبير اقبل كلامى , انت غلطان انك طلعت الطبنجة لعدة اسباب منها انك كان ممكن لا قدر الله تموته و ده ماكنش اللى انت عايزه , او ممكن لو ظابط ولا حاجة اتلككلك و عملك حوار و انت فاهمنى طبعا و و و , باختصار متزعلش منى , انت غلطان ثالثا انت اكيد اللى كنت ف الموقف و عارف ابعاده كويس بس الطبنجة البلى بالذات مش للمواقف دى , دى لحالة اللى قدامك معاه سلاح نارى و لا قدر الله بعد الشر عنك بيثبتك , ساعتها كل المصايب تهون قصاد حياتك انما انها تبقى اول حاجة تطلع دى بلاش منها يا ريس و اتمنى بجد ميكونش كلامى زعلك |
رد: موقف صعب جدااااااااا
اولا يا جماعة الف حمد لله على سلامة الاستاذ محمد ياقوت
ثانيا الاستاذ محمد عمل الصح لان البلطجى ده افتكر نفسه قوى لمجرد ان معاه مطواة وفاكر ان اللى قدامه اعزل فكان عايز يفترى لكن لما لقى اللى قدامه اقوى منه رجع زى الكلب مكانه لانهم ماشيين بمبدأ القوى ملهوش اللى اقوى منه ثالثا ا/ سيلفر 5000 بيقول كله يهون قدام حياتك ما هو كان هيقتله هو حضرتك فاكر انه كان هيزغزغه ولا حاجة رابعا وده الاهم كككككككككككككككككلنا عمالين نقول يا رب يفتحوا التراخيص يا رب يفتحوا التراخيص هما هيفتحوا التراخيص دى لمين ان شاء الله مش لكل مصرى والبلطجى ده جنسيته ايه مش برضو مصرى ايه اللى يضمن لسيادتكم ان يكون 80% من البلطجية الفعليين غير مسجلين ويحق ليهم الحصول على رخصة سلاح وابقى تعالى فى موقف مشابه بعد كده لما كل واحد من الناس الكويسة والبلطجية معاه سلاح مرخص على السواء وييجى البلطجى يقتل الانسان الكويس ده طبعا هيتقال دفاع عن انفس وربنا وحده اعلم مين اللى كان بيدافع عن نفسه ومين اللى كان بيعتدى وربنا يعدينا منها على خير ويسترها على مصر واهلها الطيبين |
رد: موقف صعب جدااااااااا
اقتباس:
|
رد: موقف صعب جدااااااااا
الف حمدالله علي سلامتك و ربنا يسترها علينا
|
رد: موقف صعب جدااااااااا
تصرف حكيم والحمد لله على سلمتك دى اهم حاجه
بس فعلن هما ملهمش ديه وبعدين ربك بيسطرها معنا الحمدلله |
رد: موقف صعب جدااااااااا
اولا الف حمدلله علي سلمتك ثانيا جتلك فرصة تفوتها دة كان لازم تخلص منة عشان نقلل عدد البلطجية زي ما الظابط قال ثالثا العملية حكمة وعقل وتوفيق من ربنا يعني حتي لو المسدس حي وليك نصيب في اي شي هتشوفو والحمد لله علي كل شي وشكرا
|
رد: موقف صعب جدااااااااا
اقتباس:
الكلام تا مش لازم يكون لينا دور في بناء هذا الوطن من جديد ولو كلنا حطينا ايدينا في ايد بعض صدقني البلطجة هتتنسف في مصر ايام الثورة كلنا كونا في الشارع مش واحد بس كبار وصغيرين لو بلطجي داخل يعمل نمرة مكنش بيطلع اصلاا لو قولنا لا معلش اصلا تا بلطجي وماسك مطوة واتفرجنا علية كان اة الذي هيحصل |
رد: موقف صعب جدااااااااا
اقتباس:
|
رد: موقف صعب جدااااااااا
انا ليا عند حضرتك سؤال وجاوبنى بصراحه شديده
لو لا قدر الله حضرتك كنت ضعيف حبتين وهو اللى ضربك وانت اتنرفزت زيه وقمت جريت ع العربيه وطلعت الطبنجه وهو واخد فرقه صاعقه وضربك بردو وخلاك ع الارض الظابط كان هايعاملك زى ما عامله؟؟ انا مش بقول ان حضرتك غلط بس الغلط ان الظابط يحط رجله على رقبته لانه فاكر انه فقير وسواق ميكروباص ومحدش هايزعل علشانه............... للاسف ده اللى بوظ الداخليه قبل الثوره ان على راى الرسول (ص) لو اخطأ الشريف فيهم تركوه ولو اخطأ الضعيف فيهم اقامو عليه الحد ياريت يا افندم لو حصل كده تانى ولو حتى هو بلطجى وابن ستين فى سبعين ما تسيبش بتاع الرشطه يعامله كده لانه بكره هايتجرأ ويحط رجله على رقبتنا كلنا ونرجع تانى لنظام فاسد احنا السبب فيه والاحتمالات اللى حضرتك حطيتها هارد واقولك لو ربنا كاتبلك السلامه هايبعتلك ملك يدافع عنك ولو كاتبلك الهلاك كانت هايدخل عليك بكلاشينكوف ووسط مليون ومحدش هايوقفه ولا يحذرك قول الحمد لله وخد حذرك دايما ربنا يكتبلك ويكتبلنا السلامه داينا سلام عليكم |
رد: موقف صعب جدااااااااا
اولا الف سلامة على حضرتك ورايي من راى حوكا وكان فين الاخ الظابط لما كل دة حصل كان اية تدخلة انة يلمع الجزمة وبس يعنى لا جرى ولا حاول يتفادى الموقف ولا حس انة لابس ميرى ولا مكانة حمايتك ولو اضطرة الامر للموت علشان يادى واجبة ويحافظ على امنك وامنى بجد انا مقتنع بان ديل الكلب عمرة ما ينعدل مع احترامى الشديد للكلب احنا محتاجين ظباط من الفضاء عشان نتعدل مع الوف المواقف مع الظباط اللى اتضربوا ادام عيون الناس من بلطجية ومجتلوش الجرأة انة يرفع شلاحة ولا يمكن مكنش بيعرف يستخدمة منقدرش نقول ان بلدنا ماشية بالدراع قبل وبعد وفى كل وقت ولو حتى حكمنا الشيخ الشعراوى الله يرحمة ..
واخيرا اسف على الاطالة |
رد: موقف صعب جدااااااااا
الحمد لله عدت علي خير وجت سليمة
|
رد: موقف صعب جدااااااااا
اقتباس:
|
رد: موقف صعب جدااااااااا
الف سلامة عليك استاذ محمد والحمد الله انك بخير انتة عارف انا من غيرك احتاس هههههههههههههههه بس بطل والله
|
رد: موقف صعب جدااااااااا
اقتباس:
|
رد: موقف صعب جدااااااااا
والله برافو عليك على فكر اغلب سواقين المكروباص بلطجيه وبيبقاش معاهم رخص ربنا يرحمنا
|
رد: موقف صعب جدااااااااا
الحمد لله إلا إنت طلعت منها على خير والف سلامة ليك
|
رد: موقف صعب جدااااااااا
حمد على سلامتك
|
الساعة الآن 07:25 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir