|
لو عايز اعمل استبدال لمسدس !!!!
ارجو من الساده الأعضاء اللى كتير استفدت منهم انهم يردوا عليا بخبرتهم فى الطلب ده ,
عايز اعرف انا دلوقتى لو معايا سلاح و مثبوت على الرخصه , و حبيت اعمل استبدال لسلاح تانى هاستورده , ايه الأجراءات و ايه الطريقه و الدفع ازاى ؟؟؟ يعنى قصدى انا هابيع سلاحى الأول و اخد فلوسه و بعدين ادفع للمستورد و اعمل امر الأستبدال ؟ ولا اعمل امر الأستبدال و ابيع سلاحى و بعدين ادفع للمستورد ؟ ولا بعمل امر الأستبدال و بدفع فلوس السلاح الجديد للمستورد و بعدين استلم الجديد و بعدين ببيع سلاحى القديم ؟؟؟ و هل لابد من الموافقه على امر الأستبدال ولا ممكن الداخليه يقولوا لأ مافيش استبدال ؟ بجد ياريت تقولولى الأجراءات المظبوطه لمعرفه ايه قبل ايه و لكم جزيل الشكر |
رد: لو عايز اعمل استبدال لمسدس !!!!
الاستاذ مصطفى هوجن هو الى يفيدك
|
رد: لو عايز اعمل استبدال لمسدس !!!!
هوجن ده حبيبى ,,, و انا قارفه معايا بالتليفون مع انه يمكن يكون مش عارف ان انا اللى بكلمه ههههههههههههه
و عموما بأماره انى لسه مكلمه امبارح على الساعه 2 الظهر ;-) |
رد: لو عايز اعمل استبدال لمسدس !!!!
هههههههههههههههههههه كلمة بقى
|
رد: لو عايز اعمل استبدال لمسدس !!!!
الأول تبيع لحد عنده تصريح شراء ساري بالقسم الي انت تابع له و بيوافقو مفيش مشكلة و تاخد محضر التنازل يطلع لك إذن شراء في نفس اليوم .للاستيراد لازم تصريح الأمانة + إذن الشراء الجديد و دي عملية مستقلة عن البيع
أرجو أن أكون افدتك هو فيه موافقات أمانة بعد بتاعت 10/9؟ تحياتي |
رد: لو عايز اعمل استبدال لمسدس !!!!
باشا استنى ركز معايا علشان رخصتك متروحشى عليك
1 - لازم تعمل حاجة اسمها ملف استبدال فى القسم التابع ليك 2- بعد ما تعمل ملف الإستبدال انت كده جاهز تبيع المسدس لأى شخص معاه تصريح شراء ممكن فى القسم بتاعك أو القسم بتاعه 3- حضرتك هتاخد المذكرة من القسم و صورة من اذن الشراء 4 - عندك فترة للإخطار 3 شهور يعنى ممكن الأذن يقعد معاك فترة المهم لا تزيد عن 3 شهور 5 - فى نفس اليوم اللى حضرتك هتسلم فيه المذكرة واذن الشراء للقسم بتاعك هتاخد اذن شراء جديد سارى لمدة 3 شهور 6- هتدى اذن الشراء للمستورد علشان يعمل اجراءات الترجمة وخلافه ويجبلك السلاح اللى انت عاوزه 7 - اوعى يا باشا تبيع قبل ما تعمل ملف الإستبداااااال وبالتوفيق انشاء الله ... |
رد: لو عايز اعمل استبدال لمسدس !!!!
شكرا لردودكم وفعلا انتوا اعضاء جدعان ..........
استاذ Kased ,, كتر خيرك على ردك , و انا طبعا فاهم موضوع الأمانه و الأجراءات بتاعتها بس انا مجرد بسأل عن اجراءات الأستبدال . و استاذ Bebsi فادنى كتير و انا شاكر ليه جدا |
رد: لو عايز اعمل استبدال لمسدس !!!!
لابد من عمل امر الاستبدال اولا ولما يطلع بتبيع الى معاك وتثبيت التانيه
|
رد: لو عايز اعمل استبدال لمسدس !!!!
اقتباس:
هههههههههههههههههههههه ازاى ياباشا معلش بس انا مكنتش سيفت الرقم |
رد: لو عايز اعمل استبدال لمسدس !!!!
طيب سؤال يا استاذ هوجن .. دلوقتي الرخصة لما بتطلع .بتطلع فاضية مش مذكور فيها نوع السلاح هل هو حلوا ن او هكلر او جلوك و بعدين يروح صاحب الرخصة يشتري و الراجل البايع يسجل ف الرخصة نوع السلاح اللي تم شراءة
ولا بيتكتب ف الرخصة نوع السلاح و بعدين صاحب الرخصة يروح يدور علية ف اي محل ويشترية .. لان الامر دة عمل لبس عندي .. لان ممكن واحد يطلع رخصة و يجيب سلاح متهرب و يسجلة و بكدة يبقي وفر فلوس كتير ولا اية رايك يا استاذ هوجان ارجو الافادة و التوضيح .. و كل عام وانت بخير يارب تقبل مروري |
رد: لو عايز اعمل استبدال لمسدس !!!!
اقتباس:
الأول تطلعلك الوافقة (تصديق مدير الأمن بحمل واحراز سلاح) ثانياً يطلعلك بناء على الموافقة (اذن شراء) وده 3 نسخ ثالثاً تاخد اذن الشراء وتروح تشترى بيه السلاح اللى انت عايزه مثلاً لو اشتريت من اى شخص هتروح قسم الشرطة اللى فى الدائرة بتاعته وهناك هياخدوا بصمة السلاح على الـ 3 نسخ بعد كده هياخد نسخة ويديك نسختين رابعاً تروح بنسخ اذن الشراء والسلاح للقسم اللى حضرتك تابع ليه وهناك هيستلموا نك النسختين اللى معاك وياخدوا بصمة السلاح تانى وصورتين 6*4 علشان اجراءات الرخصة خامساً بعد حوالى شهر كده تطلعلك الرخصة وعليها بيانات السلاح والف مبروك .... وكل سنة وانت طيب |
رد: لو عايز اعمل استبدال لمسدس !!!!
جزيت خيرا عالتوضيح و كل عام و حضرتك بخير
|
رد: لو عايز اعمل استبدال لمسدس !!!!
اقتباس:
|
رد: لو عايز اعمل استبدال لمسدس !!!!
مشكووووووووووووووووووووووووووور
|
| الساعة الآن 09:20 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir