|
سؤال ساذج من صياد جديد لنج ... أى والله
الأخوة الأعزاااااااء
أنا عايز أطبق قاعدة التنشين وأضبط البندقية على سنتر الهدف أنا دلوقتى واقف أما الهدف ( يعنى الهدف قدامى وأنا مواجه ليه) الرشة لما تيجى يمين الهدف يبقى وأنا واقف أمام الهدف ومواجه ليه يبقى ناحية أيدى اليمين وللا ناحية أيدى الشمال عايز أعرف فين يمين الهدف وفين شمال الهدف وأنا واقف أما الهدف وياريت لو فيه رسم كروكى علشان أفهم وشكراااااااااااااا |
رد: سؤال ساذج من صياد جديد لنج ... أى والله
استاذ سامى انت كده لخبطنى هههه يمين الهدف هو يمين حضرتك لو الرشة جت يمين حتحرك الناشان الخلفى
جهة الشمال لحد ما تضبت البندقية ولو جت عالى تنزل بالنشان لاسفل تقبل تحياتى |
رد: سؤال ساذج من صياد جديد لنج ... أى والله
ا/سامي
موضوع حضرتك لا يمكن التقليل من شأنة لأنة من الأسس لأي رامي يمكن تسميتة (كيفية قراءه الهدف) يمكن اولا تشبيية ورقة الهدف انها ساعة ونفترض ان الطلقة ترمز الي عقرب الساعات ثانيا نفترض ان ورقة الهدف مقسمة لعشرة دوائر من 1 : 10 مثال طلقة وقعت يمين منتصف الهدف دائرة رقم 5 يقال طلقة5 الساعة 3 مثال طلقة وقعت يمين المنتصف واعلي قليلا بحيث تشيير للساعه 2 في دائرة 8 يطلق عليها طلقة 8 الساعة 2 وهكذا........... اما بالنسبة لضبط البندقية قاعدة ثابتة 1- اذا كان ضبط البندقية يتم من الدبانة الأمامية فيتم دائما تحريك لدبانة اتجاة الخطأ اي في اتجاة سقوط الطقة 2- اما اذا كان الضبط من خلال الناشنكاه الخلفي يتم تحريك الناشنكاة عكس اتجاه الخطأ اي عكس اتجاة سقوط الطلقة علي الهدف وفي قواعد هامة لضبط السلاح 1-مسافة الهدف واحدة 2-نوع الرش واحد 3-يتم الضبط بمعرفة نفس الرامي 4-من نفس وضع الرمي 5-وعلي نفس نقطة التنشين وبالتوفيق ان شاء الله |
رد: سؤال ساذج من صياد جديد لنج ... أى والله
أخي العزيز الأستاذ أدهم...بارك الله فيك...أنت جبت الخلاصة...الله ينور عليك...بس يستحسن عدم اللعب أو تغيير سن نملة الدبانة الأمامية...ويكون الظبط في فتحة الشيز الخلفية...بالتحريك جهة اليمين أو اليسار أو أسفل أو أعلا حسب إتجاه الطلقة نحو الهدف...خالص تحياتي واحترامي للجميع...
|
رد: سؤال ساذج من صياد جديد لنج ... أى والله
اقتباس:
الله ينور يا استاذ ادهم |
رد: سؤال ساذج من صياد جديد لنج ... أى والله
أستاذ أدهم
أنت راااااااااااااااااائع أشكر حضرتك جدااااااااااااااااااااااااااااااا حتى تستغييث ثانيا ليه سؤال آااااخر لما يكون الهدف عالى ولما يكون الهدف فى المنتصف أى فى مستواى ولما يكون الهدف تحت على الأرض أسفل منى أضرب عليه بنفس قاعدة التنشين أى أجعل الدبانة أسفل منتصف الهدف وللا القاعدة بتختلف لما يكون الهدف عالى ولما يكون الهدف أسفل منى سواء أكان على الأرض أو أقل وكمان أستفسار لما آجى أضبط نشان البندقية أضبط على هدف عالى وللا فى مستواى وللا على الأرض أرجوك توضحلى على شان أبقى تلميذ نجييييب أنا عايز أتعلم وشكراااااااااااااااااااااااااااا |
رد: سؤال ساذج من صياد جديد لنج ... أى والله
أخي العزيز الأستاذ سامي الحسيني...عند الظبط أول مرة...إجعل الهدف أمامك وفي مواجهتك وعلي مستواك...لا أعلا ولا أسفل...وعلي بعد من 10 إلي 15 متر...ويفضل طبعا إستعمال كروت النيشان ذو العلامات والدوائر...وبعد الظبط بتكرار التجربة...طبق قاعدة النيشان سواء الهدف أعلا أو أسفل...قاعدة النيشان واحدة وثابتة...ولكن مع بعد مسافة الهدف ترفع مقدمة الماسورة للأعلا قليلا حتي تعوض منحني إنحراف الطلقة لإسفل بفعل الجاذبية الأرضية...وهذا يكتسب بالخبرة والتمرين...ويؤثر فيه طبعا شكل ونوع ووزن الرش المستخدم ومدي قوة البندقية...خالص تحيات واحترامي للجميع...
|
رد: سؤال ساذج من صياد جديد لنج ... أى والله
السلام عليكم ورحمه الله وبركاته
بص يا اخى الفاضل انا حقلك اسلوب انا بعمله بامر الله حيسعدك , انا بجيب علبه مستطيله وجيب ورقه نتيجه وبجيب ربع جنيه فضه وبرسم على ورقه النتيجه دائره على قده وبلونها ياما باليوكن الاحمر او اليوكن الاسود على حسب ما يتوافر ليك بس الاحمر افضل لانه حيظهر معاك على المسافه اكتر , وتلزق الورقه على الكرتون بلزق وتحطها على مسافه عشره امتار وتحط ورى الكرتونه بطانيه وسمى الله واضرب البطانيه دى فيدتها انها حتجمع الرش واغلبه حتلقيه سليم وتقدر تضرب بيه تانى بس تبقى بطانيه قديمه يعنى مش جديده وثانيا الى خلانى اقلك ربع جنيه فضه لان الغرب بره بيقيسو مدى دقه البندقيه وتجميع الرشات بالعمله فلو الرشات الى انت ضربتها اتجمعت كلها فى دائره قد الربع جنيه الفضه اعرف على طول ان نشانك صح وان نشان البندقيه صح جدا وانا تحت امرك فى اى مساعده منى . |
رد: سؤال ساذج من صياد جديد لنج ... أى والله
أخي العزيز الكيميائي أحمد فتحي...برضو كلام صحيح وسليم 100% الله ينور عليك...بس يستحسن بلاش البطانية علشان حرام ها تبوظ من كثرة الضرب...ممكن يستخدم 6 أو 7 جرائد قديمة ويطبقهم في قلب بعض سيقومون بنفس العمل...علي فكره شكلك بالذقن والشنب إماراتي ( يعني من دولة الإمارات )...خالص تحياتي واحترامي للجميع...
|
رد: سؤال ساذج من صياد جديد لنج ... أى والله
جزاك الله خيرا يا استاذ جمال على رد حضرتك وتقييمك الى اعتز بيه .. اما بخصوص الشنب والدقن ناس تقولى خليجى وناس تقلى هندى وناس تقلى باكستانى مع شويه الشعر والله احترت بكره حيقولولى انت تبع جماعه طالبان ههههههههه
|
رد: سؤال ساذج من صياد جديد لنج ... أى والله
أخي العزيز الكيميائي أحمد فتحي...بارك الله فيك أخي الحبيب...عموما الإمارات من دول الخليج العربي...وكلنا عرب في قلب بعض مافيش مشكلة...بس إبعد عن الهندي أو الباكستاني...أجارك الله...مع إحترامنا لجميع الجنسيات...خالص تحياتي واحترامي للجميع...
|
رد: سؤال ساذج من صياد جديد لنج ... أى والله
بارك الله فيك يا استاذ جمال والى حضرتك تامر بيه انفذه وقلبى ملىء بكل بالرضاء والباكستانى والهندى بقوا فى طى النسيان . كنت عايز اسال حضرتك سؤال هل البام 21 زى الى عند حضرتك تقبل تليسكوب ومتعملش معاه مشاكل هى والبام 22 ولا صعب نتيجه لقوتها وجزاك الله عنى وعن جميع اعضاء المنتدى كل الخير ولا فض فوك على جميع الجواهر القيمه من المعلومات الى تصدر منك يا استاذنا الفاضل .
|
رد: سؤال ساذج من صياد جديد لنج ... أى والله
أخي العزيز الكيميائي أحمد فتحي...والله يا أخي الحبيب بعد ما ركبت فعلا المنظار وثبتته جيدا فوجئت بعد 7 أو 8 مرات إنه إترحل للخلف...وإضطريت أرجعه تاني وربطت عليه تاني...وكرر نفس العملية...آخر ما زهقت...شيلته بصراحة...وريحت نفسي...والبندقية فعلا ثقيلة تملخ اليد...والمنظار عليها مكبر حجمها ومزود ثقلها...ففعلا عبء ومحتاج معاك مساعد مخصوص لحملها...معلش البركة فيكم إنتم بقي شباب تستحملوا...واللي عواجيز زي حالاتنا يتعبوا بسرعة...أرجو أن أكون قد أفدتك ورديت علي إستفسارك الذي يؤرقك...ويجعلني لا أنام...طبعا علشان أرد عليك...ما أقدرش ما أردش...إنت بالذات...لك معزة خاصة في قلبي...بس أنا مبسوط إني شفت صورتك...تفرق كتير فعلا إن الواحد يكلم حد وهو لا يعرف شكله أو صورته...وتقريبا مش بعيد كتير عن إللي كنت راسمهالك في خيالي...خالص تحياتي واحترامي للجميع...
|
رد: سؤال ساذج من صياد جديد لنج ... أى والله
جزاك الله عنى كل الخير يا استاذ جمال اقلك الحقيقه كل رد من ردودك عليا بيزيد مكانتك فى قلبى يوم بعد يوم واتمنى فعلا من الله ان يجمعنا على خير فى يوم من الايام ونطلع طلعه نوقع يمام المحافظات كله فى يوم واحد ههههههه وبالنسبه لسؤالى عن البندقيه انا كنت عايز اعرف البندقيه القويه تاثيرها على التليسكوب قوى او لا طلع من اجابه حضرتك انه قوى عليها ربنا يخليلى الصينى القديمه بتعتها شغال زى الفل بالتليسكوب ولا بيجى يمين ولا شمال ولو على بندقيتك هتهالى وانا اشوف شغلى معاها ازاى تعمل كده مع راجل سكره زى حضرتك ده المفروض هى والتليسكوب بمجرد نظره حضرتك الكريمه ليهم يكونو على اكمل وجه بس كان ليا سؤال تانى لحضرتك التليسكوب الى كنت مركبهولها كان ماركته ايه ومقاسه كام , نفعنا الله واياك بما فيه الخير لنا فى الدنيا والاخره .
|
رد: سؤال ساذج من صياد جديد لنج ... أى والله
اقتباس:
كلام حضرتك سليم بنسبة 100% بس ان ليا توضيح صغيير في بنادق لا يتم ضبطها الا من خلال الدبانة الأمامية ويقتصر دور الناشنكاة الخلفي علي تحديد مسافة الرمي وفي بنادق يتم ضبط الإرتفاع والإنخفاض من الدبانة اما بالنسبةلليمين واليسار من خلال الناشنكاه الخلفي مضافا الية تدريج المسافة ودة بيظهر اكتر في البنادق الحية والإتجاة الحالي ان الضبط بالكامل من خلال الناشنكاة الخلفي للتيسير علي الضارب وانا متشكر جدا لتوضيح حضرتك واسعد بمشاركتك الغالية |
رد: سؤال ساذج من صياد جديد لنج ... أى والله
[quote=سامى الحسينى;39515]أستاذ أدهم
أنت راااااااااااااااااائع أشكر حضرتك جدااااااااااااااااااااااااااااااا حتى تستغييث ثانيا ليه سؤال آااااخر لما يكون الهدف عالى ولما يكون الهدف فى المنتصف أى فى مستواى ولما يكون الهدف تحت على الأرض أسفل منى أضرب عليه بنفس قاعدة التنشين أى أجعل الدبانة أسفل منتصف الهدف وللا القاعدة بتختلف لما يكون الهدف عالى ولما يكون الهدف أسفل منى سواء أكان على الأرض أو أقل وكمان أستفسار لما آجى أضبط نشان البندقية أضبط على هدف عالى وللا فى مستواى وللا على الأرض أرجوك توضحلى على شان أبقى تلميذ نجييييب أنا عايز أتعلم وشكراااااااااااااااااااااااااااا[/ استاذ/ سامي طبعا استاذنا جمال نصر جزاة الله عنا كل الخير اجاب خير الجواب فهو نعم المثال للأخ الفاضل والعضو المحترم واتمني ان يزيدة الله من فضلة وانا تحت امرك ا/ سامي في اي استفسار |
رد: سؤال ساذج من صياد جديد لنج ... أى والله
الأخوة الأعزاء الأفاضل...بارك الله فيكم يا شباب...فأنتم أملنا المشرق ومستقبلنا الباهر والمشرف بإذن الله...أدام الله بيننا المحبة والمودة وروح الأسرة الواحدة...اللهم آمين...خالص تحياتي واحترامي للجميع...
|
رد: سؤال ساذج من صياد جديد لنج ... أى والله
اقتباس:
|
رد: سؤال ساذج من صياد جديد لنج ... أى والله
ربنا يباركلك فيه يا استاذ جمال مهو تمام اهو ومقاسه كبير ما شاء الله انا كنت فكره صغيره لان كان عندى تليسكوب صغير خساره فيه الفلوس ورانى الويل بس حضرتك اذا وضعت التليسكوب الى عندك على بندقيه اقل فى القوه والله يا استاذ جمال حتشوف نتائج مذهله بمعنى الكلمه افضل ميه مره من البندقيه بمفردها وخد كلامى عن ثقه وعن تجربه شخصيه لان التليسكوب بيدى قيمه كبيره جدا فى النيشان للبندقيه الى ملهاش قيمه كبيره ده طبعا غير القيمه الكبيره لليد الكريمه لسيادتكم عند وضعها على اى بندقيه .
|
| الساعة الآن 02:02 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir