البندقية بتشخلل من الداخل وشغالة.. ايه العمل
 

مساء الخيرات علي الاعضاء الكرام
معي بندقية سيلفر فالكون، وهي بشكل عام جيدة وقوية.. بس من فترة لقيتها بتشخلل من الداخل ورحت بها لورشة اسلحة في شارع المحطة بالجيزة، ووجدت شاب هناك سالته لكنه قال بلاش نفتحها واشياء من هذا القبيل.
طبعا انا مقتنعتش بكلامه وضربت بها في اكتر من طلعة صيد وشغالة الحمد لله بنفس الكفاءة والاداء بس صوت الشخللة يقلق.. افيدوني ايها الخبراء الافاضل افادكم الله.

رد: البندقية بتشخلل من الداخل وشغالة.. ايه العمل
 

عادي مجرد دراع تعمير بيشخلل مع نفسة متقلقش خالص وربط على المسامير كويس

رد: البندقية بتشخلل من الداخل وشغالة.. ايه العمل
 

يا باشا ألف شكر على الاهتمام والرد.. ربنا يطمنك على أسلحتك زي ما طمنتني

رد: البندقية بتشخلل من الداخل وشغالة.. ايه العمل
 

السلام عليكم ، بص بقا قولى فى الاول صوت الشخلله ده عند التعمير ؟

الخطوة التانية بعد لما تجاوب الاول

رد: البندقية بتشخلل من الداخل وشغالة.. ايه العمل
 

رد: البندقية بتشخلل من الداخل وشغالة.. ايه العمل
 

رد: البندقية بتشخلل من الداخل وشغالة.. ايه العمل
 

السلام عليكم ، انا مكنتش متخيل انك هترد بسرعة .

طيب يبقى كده انت خلعت من موضوع ان السوستة او اى جزء من المكونات الداخلية يكون فيه كسر ، معلش استحملنى شوية هى البندقية كسر ولا عتله ؟ لأإنها لو كسر يبقى اكيد دراع التعمير ( بيتلخلخ ) فى مكانه وده مع الاستعمال طبعا هيخليه يخرج من مكانه وانا الموضوع ده حصل معايا فى الرمسيس والسنغهاى القديمة انما بقا لو عتلة يبقى تقريبا الصوت جاى من المكان الى بتبيت فيه العتلة واسع حبتين .

شوف وقولى وخلى بالك مينفعش تضرب ببندقية وانت مش متأكد منها ميه فى الميه

رد: البندقية بتشخلل من الداخل وشغالة.. ايه العمل
 

شكرا يا استاذ محمد عالرد
هي عتلة سفلية، وصوت الشخللة احيانا بسمعه واحيانا لا، كان فيها حاجة مش ثابتة من جوة
وممكن تقولي علي ورشة كويسة اروح لها بدل ما اتعامل انا من نفسي

رد: البندقية بتشخلل من الداخل وشغالة.. ايه العمل
 

السلام عليكم ، بص يا باشا انا شخصيا بتعامل مع محمود شلبى فى محطة مارى جرجس وبرتاح فى التعامل معاه جدا وهو بالفعل شخصية محترمة بالاضافة لكونه صياد قديم بس للأسف نمرة تليفونة ضايعه منى هتصرف وهديهالك على الخاص بإذن الله .

اعتذار واجب على التأخير فى الرد

رد: البندقية بتشخلل من الداخل وشغالة.. ايه العمل
 

يا فندم انت كده عداك العيب وأزح.. تمام جدا هاشوف مكانه إن شاء الله وأوصل له.. وشكرا للمرة التالتة على الاستجابة والاهتمام