الصيد فى مصر

الصيد فى مصر (http://www.egyhunt.net/index.php)
-   مطبخ المنتدى (http://www.egyhunt.net/forumdisplay.php?f=77)
-   -   مشروبات رمضان يارجاله (http://www.egyhunt.net/showthread.php?t=40099)

مورو 13-05-14 12:44 PM

مشروبات رمضان يارجاله
 
السلام عليكم ورحمة الله وبركاته

الاخوة الافاضل اعضاء المنتدى وزوار قسم المطبخ خاصة

رمضان قرب كده الرساله وصلت

يعني كل واحد يعرف يعمل اي مشروب من مشروبات رمضان او اي عصائر جامده يتفضل يعمل موضوع او يشارك بيها هنا وبأذن الله هقدملكم كميه كبيرة اوي من المشروبات

وياريت الاعضاء التالي ذكر اسمائهم يساعدوني في الموضوع ده

gedr007
طارق العباسي ملك البوظه ههههه
سندباد زماني
الجينرال
مودي كمال
عمرو فتحي
دكتور عبدينوف
ويارب ماكونش نسيت حد

وان شاء الله نبقى نعمل موضوع تاني للحلويات
وبالنسبة للسلاطات انا كنت عامل موضوعين جامدين موجودين في قسم المطبخ
وربنا يوفق الجميع

وعلى فكرة بقى المشاركه بالاكراه ههههههههههههه

MBadr 13-05-14 12:56 PM

رد: مشروبات رمضان يارجاله
 
اسال الله ان يبلغنا رمضان جميعا مشكور يا عمرو باشا وفى انتظار مشروبات رمضان تحياتى

mody_kamal 13-05-14 04:23 PM

رد: مشروبات رمضان يارجاله
 
بسم الله الرحمن الرحيم

السلام عليكم ورحمه الله وبركاته

هنقول اول وصفه لعصائر رمضان بأذن الله

اللهم بلغنا رمضان يارب
-----------------------------------------------------------
اول طــــــــــــــــــــــــــــــــــريقه

-----{الــــــــــــــــــــــخشااااااااااااااااااااااا اااف}------

1._ بلح ناشف نصف كيلو بلح او حسب الكميه الي عايزها

2._ قمر الدين لفافه قمر الدين او نصف ع حسب الكميه الي عايزها الكميه بتفضل معاك ع طول تاكل منها لحد ما تخلص

3._ زبيب ربع كيلو زبيب او حسب الكميه

4._ تين مجفف لفه تين او نصف لفه ع حسب الكميه هيا بتبقي ملفوفه زي حلاوه المولد لفه صغيره كده

5._ قراصيه (وهيا برقوق مجفف ^_^) نص كيلو او حسب الكميه الي عايزها

6._ مشمش مجفف نص كيلو او حسب الكميه الي عايزها

7._ جوز هند انا مبحبش الخشاف فيه جوز هند فا ده مش ضروري ^_^ مليش فيه لاني مبحبهوش ^_^ ممكن شويه صغيره

8._ لوز + بندق + عين جمل ربع كيلو من كل نوع او حسب الكميه الي عايزنها

طبعا احنا ممكن نجيب نص كيلو من كل حاجه ونقسمها ع كذا مره ع حسب ما نحب احنا بنجيب كيلو من كل نوع وبنشيله

في التلاجه بنعمل منه 4 مرات ^_^ وطبعا بنقعد نقزقز في القراصيه والمشمشيه والتين ^_^ عادي يعني
============================
طــــــريقه التحضير
_____________

نجيب حله حلوه او شفشق كبير او برطمان كبير ونحط فيها 2 لتر مايه او لتر ونص مايه

1._ نقطع قمر الدين قطع

2._ نقطع القراصيه قطع

3._ نقطع المشمش المجفف قطع

4._ نقطع التين المجفف قطع

5._ نكسر اللوز + البندق + العين جمل قطع او ممكن نحطها بحالها اختياري عادي

6._ نكسر البلح نصفين ونشيل النوايه نرميها

7._ الزبيب بحاله زي ما هوا
_____________________________

طريقه التحضير كل ده يتخلط ع بعضه ويتساب يوم كامل لحد ما القمر الدين يفك ويتقلب كله في بعضه

وعلي الفطار يتقدم في كوبايات بالمعالق وبالهنا والشفا
__________________________________________________ ____________________________________
================================================== =================
__________________________________________________ ____________________________________

---------{ عـــــــــــــــــــــــــــصير قمر الدين }---------

وده سهل خالص خالص يعني نجيب لفافه قمر الدين ونقطعها قطع وننقعها في لتر مايه 4 5 سعات كده وبعد كده يتضرب في

الخلاط ويتحط في زجاجه في التلاجه يسقع وساعه الفطار يتصب في كوبايه وبالهنا والشفا
__________________________________________________ ____________________________________
================================================== =================
__________________________________________________ ____________________________________

---------------{ السوبيا }------------------

نروح للعطار نقوله ياحج ياعطار

عايزين علبه سوبيا ناخد العلبه ونروح

نجيب خلاط

ونجيب نص كيلو لبن بخيره او اي لبن معلب خالي الدسم

نص كبايه سوبيا بدره

عليها كوبايه لبن

عليها نص لتر مايه

عليها سكر حسب ما تحب انت نص كوبايه سكر براحتك

يتضرب كل ده في الخلاط وتدوق وتشوفه لو ناقص اي حاجه زود نسب بسيطه براحتك

ويتصب في ازازه ويتحط في التلاجه يسقط وساعه الفطار يتصب في كوبايات وبالهنا والشفا
__________________________________________________ _____________________________________
================================================== ==================
__________________________________________________ _____________________________________

نكتفي بهذا القدر مؤقتاااا

mody_kamal 13-05-14 04:24 PM

رد: مشروبات رمضان يارجاله
 
يامورو ياحبي المشروبات الرمضانيه دي جميله جدااا هجيبلك كام طريقه للمشروبات الحلوه وهكتبهالك واول طريقه هكتبلك الخشاف وده الي بنعمله في البيت عندنا :]

gedr007 13-05-15 02:29 AM

رد: مشروبات رمضان يارجاله
 
اللهم بلغنا رمضان

gedr007 14-05-08 08:49 PM

رد: مشروبات رمضان يارجاله
 
uppppppppppppppppppppppppppp

ابومسلم2005 15-05-27 07:07 PM

رد: مشروبات رمضان يارجاله
 
كل عام وانتم بخير

عاطف الشاذلى 15-05-28 04:35 AM

رد: مشروبات رمضان يارجاله
 
اللهم بلغنا رمضان وانت راض عنا

سحر حمد 18-07-07 07:57 PM

رد: مشروبات رمضان يارجاله
 
طريقة إزالة بقع الحبر من الجينز باستخدام الخل والماء شوفيها هنا: https://www.youtube.com/watch?v=TmsJTubI_VY&t=79s


الساعة الآن 09:26 AM

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir