الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   ما ينبغي أن تعرفة عن بنادق ال pcp (http://www.egyhunt.net/showthread.php?t=52720)

محمد حامد بلتاجى 17-11-06 04:37 PM

ما ينبغي أن تعرفة عن بنادق ال pcp
 
ما ينبغي أن تعرفة عن ال PCP (جزء1)



https://egyptianairgunners.files.wor...ng?w=676&h=445
تشتهر البنادق ال PCP بأنها أفضل البنادق الهوائيه لكن لماذا؟؟؟
هل هي القوة أم الدقه ؟؟؟
هل صيانة البنادق ال PCP سهله؟؟؟
أقراء المزيد لتعرف ماذا ينبغي أن تتوقع عند شراء بندقيه PCP من حيث الدقة و القوة و التكلفة

البنادق ال PCP بتشتغل عن طريق شحن خزان متصل بالبندقية بهواء مضغوط بضغط عالي (حوالي 200 بار) و الخزان بيكون متصل بالماسوره عن طريق صمام
البندقيه بيكون فيها شاكوش بيفتح الصمام لجزء من الثانيه عند الضرب و بيسمح بمرور كمية صغيرة من الهواء لدفع المقزوف
طبعا لما الخزان بيفضى من الهواء أو الضغط فيه بيقل جدا بتحتاج أنك تشحن البندقية بأستعمال أسطوانة غطس أو منفاخ مخصوص
لكن ليه برده البنادق ال PCP تعتبر قمة البنادق الهوائيه؟؟؟
أولا سهولة التعمير فأنت لا تحتاج لكسر ماسورة أو شد زراع تعمير لضغط سوسته كل المطلوب هو سحب ترباس لتعمير سوستة الشاكوش
ثانيا الدقة لأن البندقية لا تعتمد على سوسته فده بيخليها عديمة رد الفعل و ده أحد أهم العوامل ألي بيخلي البنادق ال PCP أدق من البنادق السوسته
ثالثا القوة هناك بعض العوامل التي تحكم البنادق السوستة و تمنعا من أن قوتها تكون عاليه جدا مثلا حجم غرفة الهواء (أو الكانون) و قوة السوستة و لو حاولت الشركات المصنعه زيادة القوة فسوف يصبح التعمير صعب جدا و رد الفعل عالي جدا مما يقلل الدقة و يجعل البندقية عديمة النفع
لكن البنادق ال PCP يمكن بسهوله جدا زيادة قوتها لأضعاف البنادق السوسته مع الحفظ على الدقه و سهولة التعمير
و بالنسبه للصيانه فالبنادق ال PCP أسهل في الصيانة و أكثر أمان في الفك و التركيب و لا تحتاج لأدوات مخصوص زي منجلة لكبس السوستة و خلافه
بعض الناس بتتخوف من الأمان في البنادق ال PCP لأنها مشحونه بضغط عالي و لو الخزان أنفجر هيكون عامل زي قنبلة لكن في الحقيقة مابيحصلش أن خزان بندقية PCP بينفجر من تلقاء نفسه أو حتى بسبب شحنه بأعلى من الضغط المسموح به
و عوامل الأمان في البنادق ال PCP أعلى من البنادق السوسته بمراحل يعني البندقية السوستة قد تتسبب في قطع صباع لو أنت بتعمرها و الزناد فلت لكن عمرك ما تقدر تشحن البندقية ال PCP لدرجة أن الخزان ينفجر لأن معظم البنادق بتتصنع بحيث أن التانك يتحمل ثلاثة أضعاف أقسى ضغط مسموح به يعني حوالي 600 بار و ببساطه أنت عمرك ما هتعرف تضغط الهواء للضغط ده بأستعمال معدات الشحن العادية
علشان كده البنادق ال PCP أفضل من البنادق السوستة بكثير
ما ينبغي أن تعرفه قبل شراء بندقية PCP

توقع أن تدفع حوالي 2000 ج.م على معدات الشحن و خلافه غير سعر البندقية
لكن الجميل في الموضوع أن بمجرد شراء معدات الشحن دي فأنت تقدر تستعملها لأي بندقيه
أولاً: معدات الشحن و الوصلات

https://egyptianairgunners.files.wor...ment.jpg?w=676
المنفاخ

لو هتشتري منفاخ فلازم تتأكد أولا أنه يصلح للبنادق ال PCP يعني المنفاخ العادي بتاع العجل بينفخ لحد 24 PSI و البنادق ال PCP بتتنفخ على 3000 PSI يعني منفاخ العجل ده ماينفعش خالص
بعض الأنواع الصيني الموجوده بالسوق كلها عيوب و لا تعطي أكثر من 1200 PSI فلو هتشتري أشتري ماركه معروفه
و نصيحه ما تشتريش منفاخ أصلا خساره فيه الفلوس و دي الأسباب
1- المنفاخ بيحتاج مجهود جبار للشحن و بمجرد الأنتهاء بتلاقي زراعك متعب و لا تستطيع حمل البندقية من أساسه
2- سعر المنفاخ هو نفس سعر أسطوانة الغطس و الأسطوانه بتتشحن بحوالي 30 ج.م و تكفي أنها تشحن البندقية حوالي 80 مرة
3- المنفاخ ليس أسهل في الحمل من الأسطوانه
أسطوانة الغطس

https://egyptianairgunners.files.wor...anks.jpg?w=676
هناك أحجام مختلفه من أسطوانات الغطس
من المفيد يكون عندك أسطوانة كبيرة و واحده صغير للرحلات و طلعات الصيد و ممكن شحن الأسطوانه الصغيره من الأسطوانه الكبيرة مباشرة
https://egyptianairgunners.files.wor...pg?w=676&h=901

و ده مثال لأسطوانه صغيره متوصل بها وصلة الشحن الخاصه ببندقية PCP
من الضروري أيضا عند شراء أسطوانه شراء وصلة شحن و خرطوم لأن لا يمكن أنك توصل البندقيه بالأسطونه مباشرة
دي أمثلة لوصلات الشحن
https://egyptianairgunners.files.wor...ion1.jpg?w=676 https://egyptianairgunners.files.wor...pg?w=676&h=415
وصلة الشحن تشمل عداد و خرطوم و محبس لتفريغ الهواء الموجود في الخرطوم بعد الشحن
بمعنى
بعد شحن البندقية بكون فيه كمية هواء محبوسه داخل الخروم و بيكون ضغطها عالي جدا (نفس ضغط البندقيه حوالي 200 بار) فلازم بعد ما تشحن البندقيه تفتح المحبس لتفريغ الهواء الموجود داخل الخرطوم و ألا لو شديت الخرطوم من البندقيه هيندفع بسرعه و ممكن يتسبب في أصابه
في المرة القادمه هنشوف ما هي الأشياء ألي بتتحكم في سرعة البندقيه و كيف تضبط البندقية للحصول على أفضل أداء

فكرى الفساخ 17-11-29 12:13 PM

رد: ما ينبغي أن تعرفة عن بنادق ال pcp
 
شكرا على الموضوع . فالعلم بالشئ احسن من الجهل به .
فى رأيى المتواضع البندقية ذات السوسته افضل بدلا من هذه الدربكة والشحن والمعدات .. الخ

هشام سمير 17-12-06 10:13 AM

رد: ما ينبغي أن تعرفة عن بنادق ال pcp
 
موضوع رائع بس لا طبعا يا حج فكري مستحيل تكون البندقيه السوسته احسن من البنادق pcp بنادق البي سي بي iهى التكنولجيا والدقه ومستقبل الهوايه

هشام سمير 23-03-06 12:01 PM

رد: ما ينبغي أن تعرفة عن بنادق ال pcp
 
للتجديد والمطالعة


الساعة الآن 03:42 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir