طلب لاداره المنتدي بخصوص ادوات صيد الصقور
 

تحياتي للمنتدي و القائمين عليه و اعضاء وزوار المنتدي الكرام
تحيه طيبه للجميع
ممكن اعرف من اداره المنتدي هل ممكن نبيع ادوات صيد الصقور و مستلزامتها عن طريق المنتدي بالشكل اللي تحدده الاداره و الصوره المتوافقه مع قوانين المنتدي ؟
والاسعار تتحدد عن طريق المنتدي و القائمين عليه و يتبع قوانين المنتدي ،
الغرض مش مكسب و بس او فلوس بس انا واحد من متابعين المنتدي من زمان و اتعلمت منه ومن مشاركات الاعضاء و خبراء المنتدي كتير قوي بصراحه، وكنت حابب اشارك في افاده الاعضاء باللي اقدر عليه و في امكانياتي سواء معلومه او اي حاجه اقدر عليها ،
انا شايف ان عندنا في مصر ادوات الصقور مش في كل المحافظات ، وبالتالي ممكن نسوق الادوات عن طريق المنتدي زي باقي الاقسام بطريقه مقننه و صحيحه من غير استغلال ولا جشع ،
و كنت حابب اسمع رأي الاداره والاعضاء واي اضافات او اقتراحات

رد: طلب لاداره المنتدي بخصوص ادوات صيد الصقور
 

بعد اذن الاداره و المشرفين و الاعضاء,,حضرتك ممكن الاول تعمل موضوع تقيم بيه اللي حضرتك عاوز تبيعه لو حضرتك متعرفش سعره,,و بعدها تعمل موضوع بيع مرفق بيه الصور الحقيقه و السعر و المكان,,و لو حضرتك تاجر,علي ما اتذكر في اشتراك للاداره,مش متأكد بصراحه من النقطه دي
موفق باذن الله

رد: طلب لاداره المنتدي بخصوص ادوات صيد الصقور
 

شكراً علي مشاركتك و اقتراحك ، انا مش تاجر ، انا صياد و اعرف ناس بتستورد الادوات دي في دول الخليج من باكستان و اوزباكستان ، بالنسبه للاسعار انا قولت نبيع مش ابيع بمعني ان الاسعار ممكن تتحدد من خلال المناقشات مع الاداره و الاعضاء ، اما المكان فا ده لسه محتاج اقتراحات وافضل ان يكون عن طريق المنتدي او مندوب من المنتدي مثلاً لكل محافظه او محافظات في نفس النطاق الجغرافي ،
و مازال الموضوع اقتراح وارد تنفيذه او لأ والهدف منه تنميه هوايه صيد الصقور في مصر و ليس الجانب المادي فقط
بمعني ان لما تكون الادوات اللازمه لاي هوايه متاحه و متوفره او سهل الوصول ليها بتكون عامل جذب لناس كتير قوي عايزه تمارس الهوايه بس مفيش ادوات او ملحقات زي الرمايه لو حضرتك ملقتش اللي بيبيع بنادق الصيد الهوائيه و ادواتها عمرك ما كنت حتفكر تمارس هوايه الصيد او القنص او الرمايه ، والمنتدي مكان لتجمع هواه الصيد بمختلف فئاته ،