احباط محاولة لادخال 3 بنادق ضغط هواء بمطار القاهرة
 

11/28/2009 11:43:00 AM
القاهرة - محرر مصراوي - أحبطت سلطات جمارك مطار القاهرة الدولى الجمعة محاولة لادخال 3 بنادق ضغط هواء مزودة بتلسكوب ، بالإضافة إلى 2 تليسكوب فلكى مع راكب كندى.

وكان رجال الجمارك قد اشتبهوا فى الراكب الكندى من أصل مصرى أثناء انهاء إجراءات وصول الطائرة الإيطالية القادمة من روما بسبب حالة الارتباك التى كان عليها وبتفتيش حقائبه عثر على المضبوطات، حيث اعترف باصطحابه للبنادق بهدف ممارسة هواية الصيد.

تم التحفظ على المضبوطات لحين الحصول على موافقة الأجهزة الأمنية .

المصدر : وكالة انباء الشرق الأوسط ، مصراوي .


http://www.masrawy.com/News/Cases/General/2009/november/28/airport.aspx

----
يا ترى مين الشخص ده .. عشان يقولنا افرجوا عن البنادق ولا عملوا إيه معاه ..

رد: احباط محاولة لادخال 3 بنادق ضغط هواء بمطار القاهرة
 

فعلا عايزين نعرف اتصرفوا معاه ازاي والمشكلة بقي لو بعد ميتاكدو يرجعوهملو علشان هو كندي ولو حد فينا جاب بندقية معاه ويبقوا متاكدين ميه الميه وفي الاخر يقولك الامن ومعرفش ايه وانس يا معلم
عموما ربنا يستر يا م محمد

رد: احباط محاولة لادخال 3 بنادق ضغط هواء بمطار القاهرة
 

طبعا يا محمد ان رجعت الي المقالة وشفتها بس في اسئلة كتيرة
الراكب دة حطها ازاي علي الطيارة ومين سمح لة بذلك علي الرغم من ان الاجراءات الامنية هناك في منتهي الصرامة ماشي ها نفوت دية لما نزل المطار كان حاططهم في شنطة هاند باك يعني ثلاثة بنادق مش ها يبان عليهم ان فيهم بنادق ونعدي دية كمان هوة ما خفش من السلطات الكندية الي ممكن تتهمة بالارهاب وتبقا مشكلة كبيرة جدا معاة وخاف من الموظف بتاع الجمارك الي وارتبك .
المهم من الممكن ان يكون معاة منظار او اكتر او نظارة معظمة لكن ثلاثة بنادق طبعا لما تسمع وتقراء الموضوع دة
يبقا انت اكيد اكيد في مصر ...........

رد: احباط محاولة لادخال 3 بنادق ضغط هواء بمطار القاهرة
 

أنا اعتقد انه لو كان معاه بندقية واحد بس كان ممكن يعدي، وطبعا وجود التليسكوبات علي البنادق هوا إللي عمل قلق لرجال الامن، وخصوصاً لانهم لا يفقهون شيئاً عن انواع البنادق و الفرق بين الرصاص والرش

رد: احباط محاولة لادخال 3 بنادق ضغط هواء بمطار القاهرة
 

هى دى مصر ام الدنيا ما تعرفش تشترى بندقيه رش عمار يا مصر

رد: احباط محاولة لادخال 3 بنادق ضغط هواء بمطار القاهرة
 

السلام عليكم ورحمه الله بركاته

والله أنا شايف إن الموضوع إن شاء الله سهل ولكن .......ز

إذا كان لنا صوت يصل إلي أخر الدنيا ولدينا رأي ومقترحات نقدر نقولها وبكل وضوح وثبات

ولكن الهتمام بالأمر من الان

ولكم كل تحياتي

رد: احباط محاولة لادخال 3 بنادق ضغط هواء بمطار القاهرة
 

ياجماعه الخير والله سبق وقلتلكم الموضوع ده خطر وهتتصادر لانو حصل معايا اكتر من مره - وكان في بعض الاعضاء فاكرني بهزر او مكبر الموضوع - بس كل ما في الامر اني مش عاوز حد يتبهدل ولا يجرالو اللي جرالي - تحياتي يااحلي صيادين

رد: احباط محاولة لادخال 3 بنادق ضغط هواء بمطار القاهرة
 

الزملاء الكرام
السلام عليكم ورحمه الله وبركاته
والله انا مصمم اننا نكون رابطه واحده من الان والموضوع ان شاء الله سهل وبعدين هيكون لنا مكان نتقابل فيه ورأي نتحدث فيه بصوت واحد

رد: احباط محاولة لادخال 3 بنادق ضغط هواء بمطار القاهرة
 

و إيه اللي حصل معاك... ممكن تحكيلنا

رد: احباط محاولة لادخال 3 بنادق ضغط هواء بمطار القاهرة
 

حد يعبرنا يا جماعة

رد: احباط محاولة لادخال 3 بنادق ضغط هواء بمطار القاهرة
 

رد: احباط محاولة لادخال 3 بنادق ضغط هواء بمطار القاهرة
 

ربنا يغير الأحوال فى مصر ونبقي زي اي دوله نشتري اللى احنا عايزينة