|
اقتراحات جديدة وقديمة عايزين ننفذ ايه رايكم
السلام عليكم
كنت بتسال يا عاصم عن عدم وجود اقتراحات دي اقتراحات كان مطروح من ايام المنتدي القديم وللاسف ما اتنفذتش الا وهي 1-عمل كارنيهات للاعضاء بارقام عضوية 2-عمل دعاية للمنتدي لدي محلات بيع الاسلحة والزخائر 3-الاتفاق مع تجار اسلحة لعمل نسبة خصم خاصة بالمنتدي واعضائه في حالة الشراء وتكون الخصومات اوالهدايه طبقا للمبالغ المشتري بيه يعني مثلا 50 جني هدية كذا او في حدود مبلغ كذا 1000 جنيه هدية كذا اوخصم كذا وهيكون سهل علس المحل معرفة اعضاء المنتدي من خلال الكارنية 4- وفي اقتراح جديد خالص وهو ان التجار اللي هتعمل معانا اتفاق الهدايا او الخصومات للمنتدي المنتدي يعملهم دعايا ليهم من خلال لوجو للمحل اولينك مباشر لموقع المحل لو المحل ليه موقع ويكون اللوجو او اللينك بشكل جميل يزيد من رونق المنتدي وجمال صفحاتة علي الانترنت وفي حجات تانية كتير بس عايز اسمع رايك ياعاصم وراي استاذ جلال ومحمد سيد واستاذ طلعت واشرف باهي ومحمد بك انور وكاريزما ووالتربك وباقي الناس حبايبنا وباقي العضاء الجدد علشان نطور المنتدي وبرده الاعضاء تحس باستفادة مادية بجانب الاستفادة العلمية والادبية اللي بيقدمها المنتدي واسف علي الاطالة |
رد: اقتراحات جديدة وقديمة عايزين ننفذ ايه رايكم
ايه ياجماعة محدش قري الموضوع والا اية
|
رد: اقتراحات جديدة وقديمة عايزين ننفذ ايه رايكم
والله إقتراحات جميلة محتاجة للتطبيق وأيضا إنشاء القسم الديني لمعرفة أحكام الصيد وأدابة وموضوعات أخري تفيد الأعضاء وتذكرهم بالله
|
رد: اقتراحات جديدة وقديمة عايزين ننفذ ايه رايكم
والله أقتراح جامد جدا ياريت الناس اللي في المنتدي اللي عندهم المقدرة علي تنفيذ هذا الموضوع مثل المشرفين يفكروا في فيه وينسقوه ولو في حاجه أحنا المفروض نعملها يقوللنا عليها
بس الأهم من ده أن الناس اللي هتعمل عضوية أصحاب المحلات ميستغلهمش الاستغلال البشع اللي هما بيعملوه ويراعوا أن هما ناس مهتمين بالموضوع ده ومطلعين علي النت وبيعملوا مقارنة مابين الاسعار اللي علي النت والاسعار في مصر ( يعني أنا مثلا عندي حاجه أسمها موسوعة الجمارك المصريه يعني ببساطه بشوف السعر وأضربه في العمله وأحسب جماركها وطبعا بلاقيها أكتر بكتير من الاسعار اللي في مصر بس نعملوا أيه مضطرين لأننا نشتري يعني أنا شاري بندقية من كام يوم جامو هنتر 890 زيادة عن سعرها حوالي 600 وللأسف أن الحاجات دي ممنوع أستيرادها من بره وهي دي نقطة الضعف اللي بيستغلها البائعون في مصر ) وكذلك أيضا الناس المبتدئين في العضوية زملاء لناس تقال زي الاستاذ جلال وغيره يعني بمجرد سؤال هيعرفوا ان هما أضحك عليهم ولا لا . ويارب أكون أضفت شئ ولو بسيط جدا شـــــــــــــــــــــــــــــــــــــــــــكرا |
رد: اقتراحات جديدة وقديمة عايزين ننفذ ايه رايكم
بارك الله فيك يا استاذ عماد ويا ريت كل اعضاء المنتدى يهتموا بالموضوع ده واللى يقدر يساهم با شئ فى تطبيق وتطوير الافكار دى يتفضل مش كل حاجة الادارة الادارة لازم كلنا نساهم وتعاون اكيد ادارة المنتدى مش هتقدر تعمل كل شئ لوحدها وان كاتوا اصحاب النصيب الاكبر فى التنفيذ بحكم خبراتهم وعلاقاتهم وشكرا لكل أعضاء المنتدى ....... وتقبلوا تحياتى
|
رد: اقتراحات جديدة وقديمة عايزين ننفذ ايه رايكم
الاقتراح جميل جدا واحب ان يكون احد مسؤل عن الاقتراحات دى بعد التنفيذ ويكون له ايضا اعضاء يساعدوه وان نلجا اليهم عند الحاجة ده طبعا بعد اذنكم .... ولكم تحياتى..... جمال عبد الحق
|
رد: اقتراحات جديدة وقديمة عايزين ننفذ ايه رايكم
السلام عليكم ورحمة الله وبركاته
شكرا جزيلا وفى انتظار التنفيذ وتقبل مرورى وتحياتى لكل اعضاء وزوار المنتدى |
رد: اقتراحات جديدة وقديمة عايزين ننفذ ايه رايكم
عايز اضم صوتى لصوت أ \ عماد فى هذة الاقتراحات التى تزيد من جاذبية هذا المنتدى من حيث التطوير وايضا العطاء يكون من الجهتين بين العضو والمنتدى وبالنسبة لموضوع عمل كارنية للعضوية شىء اكثر من ممتاز ولو وضع شروط للعضوية من حيث معايير محددة يحددها الادارة واتمنى التغيير والتطوير دائما وتقبلوا مرورى وتحياتى للجميع
|
| الساعة الآن 06:29 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir