الصيد فى مصر

الصيد فى مصر (http://www.egyhunt.net/index.php)
-   الصيد بالكلاب (http://www.egyhunt.net/forumdisplay.php?f=71)
-   -   موسوعة تدريب كلبك على الطاعة 1 (http://www.egyhunt.net/showthread.php?t=32284)

deeb_no_comment 12-08-04 04:06 PM

موسوعة تدريب كلبك على الطاعة 1
 
بسم اللة الرحمن الرحيم


انهاردة انشاء اللة نكمل ما بدأنا فى الموضوع الاول طيب دلوقتى الكلب اتعلم السلوكيات الاساسية
اللى اتكلمنا عنها فى الموضوع الاول http://www.egypthunt.net/showthread.php?t=32089
والحمد للة الكلب حيتم كمان كام يوم الثلاث شهور عايزين نبتدى بقى الاوامر
طيب حنبتدى بأسهل الاوامر اخفها وهى
1-ال yes و no او غلط و كويس
او اى كلمة تعجبك وتعلم كلبك عليها انو لما يسمعها يعرف ان التصرف دا صح ولا
غلط

يفضل ان التدريب يبتدى فى وقت يكون الكلب بدأ يجوع فية علشان يتفاعل معاك كويس
و يبقى نفسة فى المكفأة الهى الاكل و يحفظ انت لية منعتها عنو ولية سبتها


طيب حنبدأ ازاى حتجيب قطعة من الاكل المفضل للكلب و تحتها قدمة حيجى بسرعة
يأخدها علشان ياكلها انت تحاول انت تمسك الكلب وتقولو no وخلى الكلب يبصلك
حيحاول الكلب انو يتحرك تانى علشان يأكلها طبعا تحط انت ايدك بسرعة عليها و تغطيها
وتقول no تانى بصوت قوى وواضح و خلى دايما no فيها نبرة غضب خفيفة و yes او good
فيها نوع من الحنية سيب الكلب يشمش فى ايدك المغطيها وتحت وفوق وبراحتة ولو قرفان
البس جوانتى عادى لححححد ما يزهق و يسبها نديلو و اديلو الاكل وهو بيكلو
طبطب علية براحة وقول كويس او yes او good

كرر الخطوات السابقة خمس او ست مرات او سبع اعادى حسب ذكاء كلبك

و ابدا قول اno من غير ما تحط ايدك على الاكل حتلاقى الكلب بدا يسبها او حتى يشاور عقلة
انو يسبها الهو حتلقية يبصلك و يبصل للاكل و مقدم رجل و ماخر التانية سعتها تحط ايدك
عليها و تقولة nooo ولما يسبها تكفئة بيها و بكلمة good دا حيخلية يحفظ كمان
مع الامر no الامر good

نيجى بقى للملحوظات المهمة ودى اهم من الموضوع نفسة ولازم تتنفذ و مع كل الاوامر مش دول بس
1 - يتم تدريب الكلب ثلاث مرات يوميا على الامر
2- لا تزيد مدة التدريب عن ربع ساعة متخليش الكلب يزهق
3- ممنوع ضرب الكلب ممكن تعاقبة بالحبس زى ما قولنا قبل كدا
4 - ممنوع تدريب الكلب بعد الاكل مباشرة لان دا حيعلمة انو مينفذش الامر
علشان الكلب فى اول الامر بيعمل الحاجة دى وهو مش عارفها بيعملها علشان
عارف انك حتديلو عليها الاكل فلو شبعان مش حيعمل حاجة
5- يستحسن انك تلبس الكلب طوق او سلسلة او حتى حتة قماش بس تكون معينة
ميلبسهاش غير وقت التدريب دى حتساعد الكلب انو ينتبة و يعرف ان دلوقتى معاد
التدريب
6- التدريب قبل معاد اكل الكلب بنصف ساعة او ساعة او لما يبتدى يجوع زى ما قولنا

7- لما تدى الامر للكلب تديهلو مرة واحدة او مرتين حتى فى التدريب مرة او مرتين علشان الكلب
يعرف انو من مرة واحدة ينفذ لكن لو عودتو انك تتحايل علية و تقولة الامر عشرين مرة حينفذ
بعد عشرين مرة

دا كدا موضوع النهاردة المفروض ان الموضوع الجاى عن sit او اقعد ودا انا كنت
عاملو زمان هو وكذا امر تانى و طلبت من الادارة التثبيت لكن محصلش نصيب
و انا بعيد عنكو دخلت ثانوية عامة وانشغلت جدا

فانا بعد اذن الادارة ححاول اجيب الموضوع دا اراجعة واجدد و احتة تانى مع الواضيع
دى فى الاو ل علشان بس مانكررش المواضيع على الفاضى
وتكتب اكبر قدر من الاوامر

يلا عايز هجووووم من الاراء على الشرح :D

deeb_no_comment 12-08-05 02:33 AM

رد: موسوعة تدريب كلبك على الطاعة 1
 
اية يا جماعة الاهمال دة !!!!!

devil 12-08-05 11:15 PM

رد: موسوعة تدريب كلبك على الطاعة 1
 
تسلم يامعلم على الموضوع الجامد بس اعمل ايه بقى لو الكلب نوعه بيتبول رخم وغبي انا جربت معاه الطرق دي وبرضو هو حمار مش بيفهم تقييم امتياز على الموضوع يا باشا

deeb_no_comment 12-08-06 03:44 AM

رد: موسوعة تدريب كلبك على الطاعة 1
 
هو الكلب عندو كام شهر ياباشا ؟

احمد عابد 12-08-06 06:03 AM

رد: موسوعة تدريب كلبك على الطاعة 1
 
موضوع مفيد ورائع تسلم يمينك

مصراويي 12-08-25 02:01 PM

رد: موسوعة تدريب كلبك على الطاعة 1
 
موضوع هايل ولازم نشوف فيديو عملي إن أمكن عن تدريب الكلاب

محمد خلف 12-09-14 12:56 PM

رد: موسوعة تدريب كلبك على الطاعة 1
 
موضوع جميل
تسلم ايدك

محب للصواعق 13-04-05 02:19 AM

رد: موسوعة تدريب كلبك على الطاعة 1
 
تحفففففففففففففففففه


الساعة الآن 10:18 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir