|
القراض ثم القراض
1 مرفق
الموضوع دة لاقيتى عجبنى وقولت لازم احطة على ايجيبت هنت علشان المنفعة العامة لما لاقيت الناس بدات تتكلم عن القراض وتقول انها مفيهاش مشاكل وانها بتتنظف بسهولة ومش بيكون ساعتها خطر
هوا القراض مشكلته مش فى انه هيموتك من اول مرة لا هوا السم اساسا موجود فى الكبد والمبايض والجلد بمعنى اصح فى جميع اجزاء الجسم ماعدا اللحم المصيبه ان فى بعض الحالات لو السمكه مريضه ممكن يتسرب السم الى اللحم دى حاجه الحاجه تانيه ايه؟؟ لازم تفهم السمكه دى كويس علشان تعرف انت داخل على انهى مجهول السمكه دى بتتغذى على نوع من الطحالب السامه وفى بكتيريا فى جسمها بتنتج سم اسمه (تترودتوكسين) والبكتريه المسئوله عن تحويل السم اسمها (الترمنوس سبيس) الانسان الطبيعى المتوسط الوزن ممكن يتسمم بمقدار 1 ميلجرام من ال تترودتوكسين تؤدى لوفاته دة يخلى التترودتوكسين من اشد السموم سميه فى العالم (ايوة بالظبط تانى اشد السموم فى الكرة الارضيه) اعراضه ايه بقى؟؟ الأعراض من ادخال جرعة سامة من التتردودتوكسين تكون في البداية على شكل تخدير في الشفاه واللسان ودة يعتبر جرس انذار للضحية للتصرف السريع قبل تطور الحالة و تتضمن الأعراض التي تبدأ ما بين 30 دقيقة وعدة ساعات من وخز في كامل في الوجه والأطراف , الدوخة والإرهاق والصداع والغثيان و الكثير من اللعاب ، و صعوبة في التنفس ل 50 ٪ إلى 80 ٪ من الضحايا , والضحية يبقى في كامل وعيه طوال الجزء الأكبر من هذه المحنة ، ولكن لا يستطيع التحدث أو التحرك والتنفس بسهولة , و ما يقرب من نصف هذه الحالات تؤدي إلى الموت الفكرة المرعبه فى السمكه دى انه لو لاقدر الله وحد اتسمم منها بيدفنوة حي؟؟؟؟ طب ازاى السم دة لما بيتفعل فى الجسم المخ بيقراة على انه بروتين وبسرعه الاعصاب بيحصلها شلل تام ومتديش اشارات للمخ والمعدلات الحيويه للمصاب بتنخفض لدرجه تعجز الاجهزة عن كشفها فا بيعلنو الوفاة ومن هنا بردة بنحظر منها ولو انت مجروح فى ايديك احظر من لمس السمكه بالجزء المجروح لانه ممكن السم يدخل الدم على فكرة السمكه دىى محدش بياكلها الا اليابانين وهيا تعتبر اغلى وجبه فى اليابان ان مكانش فى العالم بس احب اضيف اخر معلومتين 1.فى اليابان هيا غاليه علشان بيعتبروها نوع من انواع المغامرات لما بياكلوها وكمان الشيف الى بيطبخها بسيب اجزاء بسيطه جدا من السم فى الاكل فابتسبب تنميل الشفاة كانه بيقولك انت دلوقتى حاسس زى المصاب بالظبط 2.الشيف الى عايز يطبخ السمكه دى لازم يخلص دورة تدريبيه 4 سنوات يتعلم فيها تنظيف وتقطيع السمكه دى كويس جداااااا وطرق طبخها والى بينجحوا فى الاختبار دة مبيعدوش 20% مع العلم ان بعد كل دة اليابان سجلت 50 حاله وفاه فى 2008 السؤال بقى يا اخوانا الموضوع مستاهل المخاطرة البحر مليان سمك والموضوع مش مستاهل |
رد: القراض ثم القراض
معلومه قيمه
الحمد لله انها مش موجوده هنا واشكرك على المجهود الرائع |
رد: القراض ثم القراض
معلومة هامة ورائعة نشكرك عليها
|
رد: القراض ثم القراض
السلام عليكم ورحمه الله وبركاته
استاذى العزيز ابو الشوق لدى بعض المعلومات القليله الى احب ان اضيفها لموضوع حضرتك اولا سمكه القراض دى فى منها نوعين نزع مسمم وخطر زى الى فى الصوره المرفقه بالموضوع وهو بيقى منقط نقط سوداء وده خطر واما النوع الثانى مفيش فيه نقط سوداء بتلاقى السمكه لونها رصاصى ساده من فوق ومن تحت لونها ابيض واسمها الثانى ارانب لانها بتتسلخ زى الارانب البريه او العاديه والسمكه دى جميله جدا بس فى النوع الى انا قولته ووضحته وباكلها بقالى اكتر من11 سنه من وانا عندى بتاع 9 سنين ولحمها زى الفل وجميل بس واحنا بنشتريها نختار السمكه الى انا قولت عليها الى مفيهاش نقط سوداء فى اعلى الجسم وبكده تكون وجهه نظرى وضحت واضفت معلومه وياريت ما كونش طولت على حضرتك اخوك الصغير احمد من الاسماعليه |
رد: القراض ثم القراض
اقتباس:
|
رد: القراض ثم القراض
مشكورين إخواني الأعزاء الأستاذ أبو الشوق وأخي الصغير وإبني الغالي عاشق القنص علي هذا المجهود الرائع وهذه المعلومات القيمة التي أثرتنا بالمعرفة...بألف هناء وشفاء للشباب ومتعهم الله بكامل صحتهم وعافيتهم...العجوز اللي في سني لا يحتمل المغامرة والتجربة...ولسه هألبس نظارة القراء علشان أشوف منقطة ولا لأ...وبعدين دي فعلا سمكة شكلها يخوف ولها رأس كالثعبان...اللهم احفظنا...ماله الكشري والفول والفلافل...والبيض المسلوق...اللهم أديمها علينا نعمة واحفظها من الزوال...وتولانا برحمتك يا أرحم الراحمين...خالص تحياتي للجميع...
|
رد: القراض ثم القراض
اقتباس:
وانا واللهى النهارده بازن الله هانزل موضوع عن القراض المسمم والطبيعى بس هايكون بالصور وموضح فيه كل شى ومشكور للمره التانيه يااستاذنا |
رد: القراض ثم القراض
شكرا علي الافاده
|
رد: القراض ثم القراض
اقتباس:
|
رد: القراض ثم القراض
شكلها فى الصوره انها سمكه رخمه جداً
|
رد: القراض ثم القراض
شكرا على المعلومة الهامة
|
رد: القراض ثم القراض
اول مره اشوفها
|
| الساعة الآن 11:41 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir