انا عضو جديد عايز اشتري بندقيه في حدود 600 جنيه
 

السلام عليكم و رحمه الله و بركاته
انا عضو جديد و ما شاء الله عجبني المنتدى و عجبني اكتر المعلومات الي فيه و الناس الحلوه الي عندها خبره
انا ممكن اسال سؤال :
انا عايز اشتري بندقيه جديده بس انا مش عارف حاجه طبعا و لقيت في اختلاف في لازواق و الانواع
انا شفت حاجات في الوسيط ب 450 و 950 و اسعار كتير ممكن حد يقولي اشتري ايه
و يا ريت السعر طبعا و فين المحل بتاع فتح الله الي بتتكلموا عنوا في القاهره

و شكرا

رد: انا عضو جديد عايز اشتري بندقيه في حدود 600 جنيه
 

السلام عليكم
اهلا بيك فى منتدانا شراء بندقية فى حدود السعر اللى حددتة هيكون فى نطاق البنادق الصينية الصنع
من اهم الشركات طبعا xisico وبنادقها تحت شعار BAM وفى شركة ticforce وكلا الشركتان صينية ومنتجاتها جيدة انا مجرب بعض منتجات الشركتان فى نوع من انواع الشركة الاولى يتميز بالقوة ورخص السعر فى حدود 650 جنية وهذا الموديل هو XS P4 سرعة الطلقة عيار 22 800 قدم ثانية وهذا النوع له زراع تعمير منفصل الى اسفل

رد: انا عضو جديد عايز اشتري بندقيه في حدود 600 جنيه
 

دى صور لبعض منتجات الشركة

رد: انا عضو جديد عايز اشتري بندقيه في حدود 600 جنيه
 

اشكرك اخي على الرد السريع بصراحة انا مكنتش متوقع الرد بالسرعه دي
بس الصور الي انت بعتها للبندقيه او 650 جنيه
و ممكن اعرف عنوان المحلات انا ساكن في الجيزه
و شكرا

رد: انا عضو جديد عايز اشتري بندقيه في حدود 600 جنيه
 

الصور المرفقة لثلاثة انواع من البنادق الصينية اسعارهم متقاربة ما بين 600 الى 650 تقريبا
ودى صورهم مرة اخرى الاولى tech force تتميز بتريجر غاية فى الخفة يشبة الانواع النارية
سرعة الطلقة عيار 177 800 قدم ثانية ذات ذراع تعمير جانبيةside cocking وجود امان اثناء التعمير ليمنع ارتداد الزراع فى حال انفلاتة قبل التعشيق حيث يوجد زر يتم الضغط علية لارجاع زراع التعمير وهو موجود اسفل الديبشك ويوجد امان مانيوال للتريجر وهى مدعومة لتركيب تليسكوب
الثانية XS P4 زات زراع تعمير لاسفل under lever سرعة الطلقة عيار 22 800 قدم ثانية
وهذة الانواع موجودة عند محل الصياد المصرى بالتوقيقية امام عمارة مصر للبترول
ولدى محل فتح الله رمسيس امام نقابة المحامين

رد: انا عضو جديد عايز اشتري بندقيه في حدود 600 جنيه
 

شكرا جدا على الرد وانا على العموم سالت في محل في وسط البلد بس قالي بـ1500 بس اسباني ب س انا
ان شاء الله هشتري قريب ينفع اجيب من الوسيط ولا مش حلو انا شفت واحده بـ 950 بمنظار بس غالبا صيني اكيد انا ان شاء الله هكلمهم واعرف منهم كل حاجه
بس معلش ليا سؤال تاني
هو الواحد ممكن يصتاد لحد كام متر يعني بالبنادق بتاعتنا دي ؟
و شكرا يا اخي على الردود الفوريه

رد: انا عضو جديد عايز اشتري بندقيه في حدود 600 جنيه
 

انا شفت اعلان في الوسيط و كلمتهم طلع محل في مصر الجديده وقالي ان عنده ب 950 نمره 2 و مصنوعه في امريكا
دي حاجه حلوه ولا لا ؟

رد: انا عضو جديد عايز اشتري بندقيه في حدود 600 جنيه
 

السلام عليكم موضوع السعر بالنسبة للاسلحة الهوائية مرهون بالماركة والمنشأ من الممكن انك تعرف البندقية اللى ناوى تشتريها دى مناسبة او غير عن طريق معرفة اولا ماركة السلاح واسعارها العالمية من خلال مواقع التسوق عبر شبكة المعلومات ومن هنا يمكن تقييم سعرها فى السوق المحلى
يعنى مش ممكن طبعا بندقية زى bam xs 21 صينية الصنع تباع بثمن 1700 جنية كبعض المحلات
على الرغم ان سعرها لايتعدى 110 دولار فى المتوسط و يبقى دة اكيد صاحب المحل بيستغل عدم
توفر الخبرة لدى الزبون فى بعض الاحيان وخاصة ان الموديل دة شكلة ممكن يدى سعر ذى كدة
وبرضة فى انواع من beeman سرعة الطلقة 1000 قدم ثانية وسعرها عالميا 100 دولار
وهى صناعة امريكية ولو بتتباع عندنا هيسعروها فوق 3000 جنية لكونها صناعة امريكية السوق العالمى يختلف تماما عن السوق الشرق اوسطى الفرق هو عدم توفر الخبرة لدى المشترى واستغلال البائع يبقى المفروض انت ما تقبمش السلعة بالسعر قبل ما تشوف الجودة ودة من خلال البراند اللى بتحملة السلعة لانى دة هو الضمان الاول قبل الشراء يعنى سمعة الشركات المنتجة هو المعيار الاول للتقييم. بالنسبة للمدى المؤثر لبنادق ضغط الهواء فهو عموما يتراوح ما بين 50 متر الى 400 متر
من اضعف الانواع الى اقواها حيث يصل مدى الرمية للانواع القوية الى اكثر من 1000 متر ويمكن تحديد ثلث المسافة كمدى قاتل

رد: انا عضو جديد عايز اشتري بندقيه في حدود 600 جنيه
 

المهم امكانيات البندقية
وجودة الصناعة وحجات تانية مثلا هي كسر ولابعتلة النشينكان مريح للعين ولالا فيها زر امان ولالا الوزن بتعها وحجات كتير جدا ياريت تعرف منة الموديل بالضبط واحنا يسيدي نجبلك كل المعلومات عنها ولو اني مانصحكش بالراجل ده بتاع الوسيط وشكرا

رد: انا عضو جديد عايز اشتري بندقيه في حدود 600 جنيه
 

اشكركم جدا و عايز اقول ان المنتدي ده جميل و ان شاء الله اول ما اشتري اتعبكوا معايا عشان اعرف الاماكن الي مممك ال
الي ممكن اروح اصتاد فيها

رد: انا عضو جديد عايز اشتري بندقيه في حدود 600 جنيه
 

اية ياباشا الاخبار جبت البندقية ولا لا

رد: انا عضو جديد عايز اشتري بندقيه في حدود 600 جنيه
 

ان شاء الله بعد العيد عشان ممكن يكون معايا فلوس تاني ان شاء الله
و ممكن اعرف اجيب التلسكوب الي بيركب عليها من فين و بكام
و مه تانيه بحب اشكر الناس الي ساعدتني

رد: انا عضو جديد عايز اشتري بندقيه في حدود 600 جنيه
 

التلسكوب ممنوع ومش هاتلاقي اي محل بيبيعة للاسف

رد: انا عضو جديد عايز اشتري بندقيه في حدود 600 جنيه
 

ممكن اي حد يجيبه لك من بره