موضوع خطير جدااااااا ( ده لو عاوز تبقى صياد كبير يعنى )
بسم الله الرحمن الرحيم
السلام عليكم ورحمة الله وبركاته اولا قبل كل شىء عاوز اقول انك لازم تكمل الموضوع للأخر عشان المفيد كله هايبان وقتها ثانيا كالعاده ده موضوع اول مره يطرح على منتديات الصيد بوجه عام وبرغم ان الموضوع مهم جداااااااااااا لكن محدش حاول يتكلم فيه قبل كده وبسبب عدم معرفة معظم الصيايدين بالمشكله دى بيضيع منهم طرائد كتيييير اوى وشوفت ناس كتير بيسألو عن الحل ومحدش بيجاوب عليهم والمشكله دى هى اسرار منحنى الرمايه فى الضرب على الاهداف الغير افقيه ( افقى ) يعنى مثلا كلنا او معظمنا بيعرف يضرب افقى كويس جدااااااا لو مثلا بينشن على هدف على مسافة 25 متر لكن لما بيقابل يمامه او اى هدف على الارض او على ارتفاع كبير بزاوية 45 مثلا وعلى مسافة 25 متر برده بيقع فى مشكله كبييييييييييره اوى فى الضربه لأنو بيبضرب على الهدف بنفس معايير ومقاييس الضرب على هدف افقى وبينصدم ساعتها لما بيلاقى ان الطلقه اللى ضربها لم تصيب الهدف بل فى بعض الاحيان بتكون بعيد عن الهدف بدرجه كبيره جدااا وعلشان تبقى محترف وتقدر تفهم ايه المشكله بالظبط تعالى شوف معايا ايه اللى المفروض يتعمل فى الحلات دى الوضع الافقى اللى فى الصوره ده هو الوضع المتعارف والسليم اللى كلنا بنظبط عليه الناشنكاه اثناء تصفير الناشنكاه بس خلى بالك ان الوضع اللى فى الصوره اللى جايه دى مش هو اللى مقصود فى الموضوع لكن باقى الصور وباقى الاوضاع هى المقصوده ولنقول مثلا مسافة التصفير للناشنكاه او الاسكوب كانت على 25 متر افقى وقابلك فى الحاله دى تلات اهداف على تلات مسافات مختلفه لكن كلهم فى وضع افقى يبقى حضرتك هاتضرب على التلات اهداف بالشكل ده وركز كويس فى كل صوره وخلى بالك ان الخط الخط اللى خارج من ماسورة البندقيه ده هو مسار النقطه اللى المفروض انت تضرب فيها على مسافة 25 متر هاتضرب اسفل منتصف الهدف على مسافة 35 هاتضرب فى اعلى جزء من الهدف على مسافة 45 متر هاتضرب فوق الهدف بــ3 سم الخط الخارج من الماسوره هو النقطه اللى المفروض تضرب عليها عشان الطلقه تيجى فى منتصف الهدف http://www13.0zz0.com/2012/12/23/10/724541978.jpg كلللللللللل ده معظمنا او كلنا عارفينو ... طيب تعالى بقى ياسيدى وقوللى ياترى لو قابلت نفس التلات اهداف دول وعلى نفس المسافات ولكن بزاويه 45 لأسفل هاتعمل ايه؟ هاتقوللى طالما على نفس المسافات يبقى هاضرب بنفس القاعده بتاعة منحنى الرمايه الافقى هاقولك انا لا طبعا الموضوع هنا مختلف جدااااااااااااااااا لو التلات اهداف على نفس المسافات لاكن بزاويه منحدره ( ارضيه )يبقى حضرتك تعمل الاتى على مسافة 25 متر هاتضرب تحت الهدف بــ5 سم على مسافة 35 متر هاتضرب تحت الهدف بـ3 سم على مسافة 45 متر هاتضرب على اخر جزء من تحت للهدف شوف الصوره الخط الخارج من الماسوره هو النقطه اللى المفروض تضرب عليها عشان الطلقه تيجى فى منتصف الهدف http://www13.0zz0.com/2012/12/23/10/975417118.jpg .. طيب لما يكون التلات اهداف على وضع رأسى بزاوية 90 ( فوق دماغك مباشرة )ياترى ايه النظام؟ هاقولك حاضر بس ماتزعقش كده على مسافة 25 متر هاتضرب فى الجزء السفلى من الهدف ( التلت الاسفل) على مسافة 35 متر هاتضرب تحت الهدف بـ1 سم على مسافة 45 متر هاتضرب تحت الهدف بـ3 سم شوف الصوره الخط الخارج من الماسوره هو النقطه اللى المفروض تضرب عليها عشان الطلقه تيجى فى منتصف الهدف http://www13.0zz0.com/2012/12/23/10/476426668.jpg .. وبالنسبه للاهداف اللى بتكون مرتفعه جدا عن الارض بزاوية مثلا 45 فهايكون كالاتى على مسافة 25 متر هاتضرب فى التلت الاعلى من الهدف على مسافة 35 متر هاتضرب اعلى الهدف بـ2 سم على مسافة 45 متر هاتضرب اعلى الهدف بـ 5 سم شوف الصوره الخط الخارج من الماسوره هو النقطه اللى المفروض تضرب عليها عشان الطلقه تيجى فى منتصف الهدف http://www13.0zz0.com/2012/12/23/10/913769474.jpg .. طيب لو حضرتك ناوى تجنن زى حلاتى وعاوز تصطاد سمك بالبندقيه هاتعمل ايه؟ طبعا فى الحاله دى هايكون الضرب كله فى الترع والمصارف يعنى كل الضرب هايكون عامودى لأسفل فقط ( تحت رجلك ) والمسافات اللى هاتضرب عليها على السمك بالكتير اوى هاتكون 15 متر يبقى على مسافة 5 متر هاتضرب فى التلت الاسفل من الهدف على مسافة 10 متر هاتضرب تحت الهدف بـ2 سم على مسافة 15 متر هاتضرب اسفل الهدف بـ5 سم شوف الصوره الخط الخارج من الماسوره هو النقطه اللى المفروض تضرب عليها عشان الطلقه تيجى فى منتصف الهدف http://www13.0zz0.com/2012/12/23/10/544509900.jpg .. كده تمااااااااااااا اوى واحد هايسألنى ويقول طيب اشمعنى المسافات دى بالذات 25 و35 و45 اللى بنيت عليها حساباتك؟ هاقولك عشان دى المسافات اللى 90% من الصيادين تقريبا بيصطادو عليها طيور واخيرا خليك فاكر ان كل الحسابات دى معموله على اساس انك مصفر الناشنكاه او الاسكوب على 25 متر ولو مصفر الناشنكاه على مسافه اكبر او اقل متخافش برده الاختلاف هايكون فى نسبه بسيطه 1 او 2سنتى فى منحنى الرمايه انت اعمل حسابها فى الضرب ونفس الكلام هاينطبق على اختلاف السرعه من بندقيه لبندقيه تانيه لكن عموما عشان توصل لافضل النتائج لازم تتمرن بالبندقيه بتاعتك وتضرب على جميع الاوضاع اللى ذكرناها دى ساعتها بس مش هاتحتاج تسأل حد تانى خااااااااااااالص عن اى حاجه ملحووووووووظه كل المعلومات والشروحات اللى انا قلتها دى مبنيه على تجارب عمليه وخبرة حوالى 15 سنه صيد يعنى مش مجرد كلام نظرى وخلاص وارجو انى اكون وفقت فى الشرح والتوضيح واى حد عنده سؤال تانى انا فى الخدمه والسلام عليكم ورحمة الله وبركاته |
رد: موضوع خطير جدااااااا ( ده لو عاوز تبقى صياد كبير يعنى )
موضوع راااااااااااااااااااااااااااااااااااااااااااائع ويشرفنى اكون اول واحد يرد عليك تسلم ايدك يا قبطان شرح ممتع وميسر ربنا يجزيك خير واحلى تقييم
|
رد: موضوع خطير جدااااااا ( ده لو عاوز تبقى صياد كبير يعنى )
الله عليك كبير من يومك يا قبطان و لببه انتا افتنى جامد و شكرا
|
رد: موضوع خطير جدااااااا ( ده لو عاوز تبقى صياد كبير يعنى )
تسلم ايديك ياقبطان. أنا كنت متأكد ان حضرتك هتكون اكثر واحد تقدر تشرح الموضوع ده بالرسومات أكثر من اى عضو فى المنتدى.
ربنا يبارك لحضرتك على هذا المجهود الرائع ويجعله فى ميزان حسناتك يارب. سوف احاول تجربة نظرية حضرتك العملية وأن شاء اتواصل معاك بالنتيجة فيما بعد. خالص تحياتى وتقديرى. |
رد: موضوع خطير جدااااااا ( ده لو عاوز تبقى صياد كبير يعنى )
أرجو من الادارة تثبيت الموضوع فى قسم الاسلحة - بنادق ضغط الهواء ومتعلقاتها حتى يستفيد الاعضاء.
|
رد: موضوع خطير جدااااااا ( ده لو عاوز تبقى صياد كبير يعنى )
حضرتك جيت دماغى امتى ؟؟؟؟؟
انا كنت لسة امبارح عايز اسال على نفس الموضوع دا |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
ومشكور جدا على التقييم يابرنس |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
ويارب اكون قدرت افيدك فعلا |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
انت راجل محترم جدا ولو مكانتش ظروف شغلى خارج اسكندريه باستمرار كان زمانى اتعرفت على حضرتك معرفه شخصيه من زمان |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
ويارب الموضوع يفيد الناس باكتر صوره ممكنه |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
هههههههههههههههه المهم بس متنساش تدعيلى |
رد: موضوع خطير جدااااااا ( ده لو عاوز تبقى صياد كبير يعنى )
والله انا لو فضلت امدح فيك سنة مش هيكفي لانك بتيجي علي العقدة والمشكلة اللي بتواجة الصياد وتعمل عنها موضوع وتفسرها وتبسطها بس في ملحوظة في سمك بيطير علي فكرة هعهعهعهعهعه صباحك فل
|
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
|
رد: موضوع خطير جدااااااا ( ده لو عاوز تبقى صياد كبير يعنى )
موضوع رائع يا قبطان باشا ومعلومات عملية مفيدة جدا وبالفعل الكثير منا يحتاجها عند التصويب وجزاك الله عنا خيراً به
|
رد: موضوع خطير جدااااااا ( ده لو عاوز تبقى صياد كبير يعنى )
موضوع راااااااااااااااااااااااااااااااااااااااااااائع
|
رد: موضوع خطير جدااااااا ( ده لو عاوز تبقى صياد كبير يعنى )
موضووووووووع اكثر من رائع
شكرااااااااااااااااا لك |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
ياحبيبى تسلم والله على زوقك وانا دايما فى خدمه الاعضاء المحترمين اللى زيك وبالنسبه للسمك ايوه فعلا فيه سمك بيطير بس بينط على وش الميه ويرجع يغطس تانى هههههههههههههه |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
وان شاء الله فى اقرب فرصه هابعت لحضرتك واتشرف بيك |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
واهم مافى الموضوع الدعوه الاخيره فى كلامك |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
هههههههههههههههههه |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
انت تأمر يا برنس |
رد: موضوع خطير جدااااااا ( ده لو عاوز تبقى صياد كبير يعنى )
ده مش موضوع عادى
ده درس و خصوصى و مجانى بارك الله فيك |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
واشكرك عل كلامك اللى كله زوق |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
|
رد: موضوع خطير جدااااااا ( ده لو عاوز تبقى صياد كبير يعنى )
و الله ياقبطان انا مش بحب اعلق على المواضيع بس فى دروس و مواضيع تجبرك انك تنطق :)
وجزاك الله خير مرة اخرى |
رد: موضوع خطير جدااااااا ( ده لو عاوز تبقى صياد كبير يعنى )
من المستحيل نلاقى زيك في معلوماتك وخبرتك
|
رد: موضوع خطير جدااااااا ( ده لو عاوز تبقى صياد كبير يعنى )
يعني كل ما نتجه للأعلى.. مسار الرشة بينزل.. فنضرب أعلى من المفروض وكل ما نتجه للأسفل.. مسار الرشة بيرتفع.. فنضرب أسفل من المفروض، تمام؟ وربنا يبارك لك في وقتك وجهدك اللي بتاخد منهم عشان تفيد غيرك :) |
رد: موضوع خطير جدااااااا ( ده لو عاوز تبقى صياد كبير يعنى )
الله عليك يا قبطان دايما مواضيعك في الهدف بالظبط زي طلعاتك و لله موضوع مفيد جدا
للجميع و ارجو من الاداره تثبيته علشان انا عن نفسي كل طلعه هطلعها هبقا ابص عليه لحد ما اتعود علي كده |
رد: موضوع خطير جدااااااا ( ده لو عاوز تبقى صياد كبير يعنى )
الله الله الله علييييييييييييييييييييييييييك يا هانى باشا موضوع جااااااااااااااااااااااااامد
تم التثبيت |
رد: موضوع خطير جدااااااا ( ده لو عاوز تبقى صياد كبير يعنى )
ما شاء الله عليك تستحق لقب صياد مع خالص تقديرى وأحترامى لك أخى الحبيب
|
رد: موضوع خطير جدااااااا ( ده لو عاوز تبقى صياد كبير يعنى )
اصلى يا قبطان
|
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
واتمنى دايما اكون عند حسن الظن |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
انا صياد عادى جدا بس باحب افيد الناس باللى اعرفه مش اكتر |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
بس طبعا الكلام ده هاينطبق على المسافات دى 25 35 45 وماينطبقش على كل المسافات لأن القاعده بتختلف من مسافه لمسافه ومن وضع لوضع |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
واشكرك جدا على طلب التثبيت والظاهر ان الاستاذ محمد سمعك بسرعه وتم التثبيت بالفعل ههههههههههههههههههه |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
الف الف شكر على التثبيت وارجو انى اكون عند حسن الظن دايما |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
انا دايما فى الخدمه وتحت امر الجميع وان شاء الله ربنا يكرم الجميع |
رد: موضوع خطير جدااااااا ( ده لو عاوز تبقى صياد كبير يعنى )
اقتباس:
ارجو انك تكون بخير وصحه وسعاده لأنك مختفى بقالك فتره وبقيت قليل الظهور |
رد: موضوع خطير جدااااااا ( ده لو عاوز تبقى صياد كبير يعنى )
رااااااااااااااااااااااائع جدااااا انا عضو جديد هنا واتشرف فعلا كتييير بيكو
|
رد: موضوع خطير جدااااااا ( ده لو عاوز تبقى صياد كبير يعنى )
تقييم امتياز يا قبطان.............ارجو من الادارة تثبيت الموضوع للاهمية ...موضوع محتاج من اى صياد جديد انة يذاكرة كويس كويس.....الممارسة بقى تخليك تتفادى فرق السنتى والاتنين سنتى وكل واحد بيولف على بندقيتة ويعرف نيشانها...........انا لما غيرت للنوريكا رجعت كانى بتعلم الصيد من جديد وما زهقتش لحد لما بقيت 805 عارفلها ولسة باحاول كان لما اوصل ل 95% ..........اكرر اعجابى بالموضوع ..........وارجو من الادارة مرة اخرى التثبيت.جزاك الله خير يا ابو الصيادين..قصدى ابو القباطين
|
الساعة الآن 10:58 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir