الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   أخيرا ترخيص السلاح النارى بدون تعقيد (http://www.egyhunt.net/showthread.php?t=10512)

dr mohamed kamal 11-06-15 07:03 AM
أخيرا ترخيص السلاح النارى بدون تعقيد
 
أخيرا وزارة الداخلية ستسمح بترخيص الاسلحة النارية التى يحملها المواطنين الذين لايحملون رخصة سلاح ,أول الغيث قطرة ,والخبر ده نزل فى الوفد النهارده وكمان كان فى برنامج {إتجاهات على القناة الفضائية المصرية} وده الخبر {
كتب ـ محمد سعد خسكية:


أعلن اللواء سيد شفيق مساعد مدير مباحث وزارة الداخلية عن فتح باب ترخيص الأسلحة للأشخاص الحائزين على الأسلحة غير المرخصة التى سبق وأن حصل عليها أصحابها لحماية ممتلكاتهم وأراضيهم
خلال الظروف الراهنة، مشيراً إلى أن الوزارة سهلت إجراءات الترخيص لكل مواطن شريف شرط توافر مبررات حيازة السلاح، والتى تكفى بأن يكون محتاجاً للسلاح.وأضاف خلال تواجده ببرنامج اتجاهات على الفضائية المصرية أن عدد الأسلحة التى تمت سرقتها من السجون وأقسام الشرطة خلال ثورة الخامس والعشرين من يناير تقدر بحوالى 13 ألف قطعة سلاح، وأن الوزارة استعادت منها حتى الآن أربعة آلاف فقط.
كما أشار إلى المهلة التى منحتها القوات المسلحة حتى نهاية يونيو الجارى لتسليم الأسلحة المسروقة، فضلاً عن مكافأة مالية لمن يُرشد أو يسلم سلاحاً، وتقدير المكافأة على حسب نوع السلاح كنوع من أنواع تعويض الشراء.

شاهد الفيديو








اقرأ المقال الأصلي علي بوابة الوفد الاليكترونية فيديو.شفيق: فتح إجراءات ترخيص السلاح

fidodido 11-06-15 07:36 AM
رد: أخيرا ترخيص السلاح النارى بدون تعقيد
 
بس سيادتك انا مثلا واحد عاوز ارخص خرطوش علشان رمايه و لو هكتب السبب رمايه حتى و انا فى نادى صيد هيقولولى لازم تكون فى الفريق الاول يعنى لسه فى تعقيد

tarekvb 11-06-15 07:42 AM
رد: أخيرا ترخيص السلاح النارى بدون تعقيد
 
يا رب يكون كلام بجد مش كلام عشان التلفيزيون والاعلام
(فتح باب ترخيص الأسلحة للأشخاص الحائزين على الأسلحة غير المرخصة التى سبق وأن حصل عليها أصحابها لحماية ممتلكاتهم وأراضيهم)

مش مفهوم اصدهم ايه بيها يعنى واحد شارى سلاح مش مرخص هيقولولو تعالى نرخصهولك ؟؟؟؟؟؟ امال تهمة حيازة سلاح غير مرخص تطلع ايه ؟؟ كل واحد يتمسك بسلاح حى يقول انا رايح ارخصه؟ وخلص الموضوع على كيدا ؟؟؟؟؟

dr mohamed kamal 11-06-15 07:53 AM
رد: أخيرا ترخيص السلاح النارى بدون تعقيد
 
اقتباس:
المشاركة الأصلية كتبت بواسطة tarekvb (المشاركة 121949)
يا رب يكون كلام بجد مش كلام عشان التلفيزيون والاعلام
(فتح باب ترخيص الأسلحة للأشخاص الحائزين على الأسلحة غير المرخصة التى سبق وأن حصل عليها أصحابها لحماية ممتلكاتهم وأراضيهم)

مش مفهوم اصدهم ايه بيها يعنى واحد شارى سلاح مش مرخص هيقولولو تعالى نرخصهولك ؟؟؟؟؟؟ امال تهمة حيازة سلاح غير مرخص تطلع ايه ؟؟ كل واحد يتمسك بسلاح حى يقول انا رايح ارخصه؟ وخلص الموضوع على كيدا ؟؟؟؟؟
والله يا أستاذ طارق دى ممكن تكون خدعة عشان يلموا الاسلحة النارية من أيدى الناس ,وممكن يكونوا حسوا أنهم مش قادرين يحموا الشعب فقرروا الترخيص حتى يستطيع الناس حماىةأنفسهم ,وفى الحالة دى يبقى عليه العوض فى البلد

tarekvb 11-06-15 08:32 AM
رد: أخيرا ترخيص السلاح النارى بدون تعقيد
 
الموضوع فيه فخ اكيد يجى المواطن يرخص الحتة اللى مش مترخصة يقوللو اهلا يا زبون شرفت هههههههههههه

BooGY 11-06-15 09:12 AM
رد: أخيرا ترخيص السلاح النارى بدون تعقيد
 
لو الموضوع ده بجد انا هرخص واحد فورا لانى بمشى بالعربية كتير بالليل وبيبقى معايا فلوس كتير لانى شغال مندوب مبيعات

silver_5000 11-06-15 10:08 AM
رد: أخيرا ترخيص السلاح النارى بدون تعقيد
 
طيب و تفتكرو يا جماعة ان حد من الناس الشرفاء اللى عايزين يحمو نفسهم اللى بيحترمو القانون ( على اد ما يقدروا ) هيجيب السلاح الحى اللى اتسرق من الاقسام ؟؟؟؟

انا مقتنع انهم حتى لو عندهم حسن نية و فعلا هيرخصو السلاح للناس اللى معاهم سلاح حى غير مرخص او بالاخص اللى مسروق من الاقسام ف هم كدة يا اما هيدو فرصة للبلطجية اللى معاهم السلاح ده انه يبقى معاهم رسمي يا اما مش هينجحو فى لم الاسلحة اللى عايزين يلاقوها

كريم الشامي 11-06-15 10:10 AM
رد: أخيرا ترخيص السلاح النارى بدون تعقيد
 
ربنا يسهل ...............

smsmn8888 11-06-15 10:28 AM
رد: أخيرا ترخيص السلاح النارى بدون تعقيد
 
طبعا كلام مش منطقي لان اغلب الاسلحة التي تم شرائها ايام الثورة مسروقة من الاقسام يعني مش هتنفع تترخص يا عني تا كمين والذي مش هتكون مسروقة ممكن يكون معمول بيها مصايب يبقي الكلام تا غير واقعي

عارفين انا راي بجد انا قصة مسدس البلي دي تتعمل في مصانع السلاح رسمي ويكون ليها ترخيص سهل اجرائاتة يعني يكون عندك عربية مثلااا شغال في مجال بتتعمل بمبلغ كبيرة تملك عقار ساكن في مكان مهجور او مفيهوش كثافة سكانية وان يضبق عليك نفس شروط الترخيص الحي في الاستخدام فقط صدقوني تا هيسهل حجات كتير انا عارف ان في ناس ممكن تتريق بس لو الموضوع اتعمل في مصنع سلاح وتعامل مع المسدس وجعل اجزائه اشد متانة والماسورة وباقي الاجزاء هيفرق كتير جدا في موضوع الامان وهيكون حل رخيص للترخيص

smsmn8888 11-06-15 10:29 AM
رد: أخيرا ترخيص السلاح النارى بدون تعقيد
 
اقتباس:
المشاركة الأصلية كتبت بواسطة silver_5000 (المشاركة 122000)
طيب و تفتكرو يا جماعة ان حد من الناس الشرفاء اللى عايزين يحمو نفسهم اللى بيحترمو القانون ( على اد ما يقدروا ) هيجيب السلاح الحى اللى اتسرق من الاقسام ؟؟؟؟

انا مقتنع انهم حتى لو عندهم حسن نية و فعلا هيرخصو السلاح للناس اللى معاهم سلاح حى غير مرخص او بالاخص اللى مسروق من الاقسام ف هم كدة يا اما هيدو فرصة للبلطجية اللى معاهم السلاح ده انه يبقى معاهم رسمي يا اما مش هينجحو فى لم الاسلحة اللى عايزين يلاقوها
بخصوص البلطجية هم اصلا مش هيدخلو القسم علشان يسلم سلاح لانة لو دخل مش هيخرج

blow c06 11-06-15 10:33 AM
رد: أخيرا ترخيص السلاح النارى بدون تعقيد
 
انا مقدم على رخصة سلاك من يوم 2مايو و لسه مردوش عليا و المبررات ان عندى ارض مبانى فى التجمع الخامس انا و اخواتى و بابنيها... لما يردو عليا هاقولوكو ايه الموضوع

gamopt80 11-06-15 11:46 AM
رد: أخيرا ترخيص السلاح النارى بدون تعقيد
 
اقتباس:
المشاركة الأصلية كتبت بواسطة smsmn8888 (المشاركة 122032)
طبعا كلام مش منطقي لان اغلب الاسلحة التي تم شرائها ايام الثورة مسروقة من الاقسام يعني مش هتنفع تترخص يا عني تا كمين والذي مش هتكون مسروقة ممكن يكون معمول بيها مصايب يبقي الكلام تا غير واقعي

عارفين انا راي بجد انا قصة مسدس البلي دي تتعمل في مصانع السلاح رسمي ويكون ليها ترخيص سهل اجرائاتة يعني يكون عندك عربية مثلااا شغال في مجال بتتعمل بمبلغ كبيرة تملك عقار ساكن في مكان مهجور او مفيهوش كثافة سكانية وان يضبق عليك نفس شروط الترخيص الحي في الاستخدام فقط صدقوني تا هيسهل حجات كتير انا عارف ان في ناس ممكن تتريق بس لو الموضوع اتعمل في مصنع سلاح وتعامل مع المسدس وجعل اجزائه اشد متانة والماسورة وباقي الاجزاء هيفرق كتير جدا في موضوع الامان وهيكون حل رخيص للترخيص
انا موافقك واهو بيقضي الغرض في الحالات المحدوده, والحجات الكبيره الي فيها بلطجه وسلاح آلي دي ليها الشرطة امال هم لازمتهم ايه

gamopt80 11-06-15 11:48 AM
رد: أخيرا ترخيص السلاح النارى بدون تعقيد
 
blow C06 اخبارك ايه يا طيب؟

ابقى طمنى وقولنا هتعمل ايه , علشان لو فعلا بيتكلموا بجد يبقى حاجه ممتازه

جنرال 11-06-15 12:10 PM
رد: أخيرا ترخيص السلاح النارى بدون تعقيد
 
طبعا كمين وكمين غبي كمان

جنرال 11-06-15 12:13 PM
رد: أخيرا ترخيص السلاح النارى بدون تعقيد
 
أه نسيت أسأل سؤال منطقى شوية هما لو حيدوا للي ممعاهوش ترخيص كانوا أدوا اللي مقدمين أصلاً وبقالهم شهور وسنين علشان الموافقة

lilkapo 11-06-15 12:17 PM
رد: أخيرا ترخيص السلاح النارى بدون تعقيد
 
كمين وباين اوووى عاوزين يلمو السلاح المسروق وعارفين ان البلطجى الى معاة سلاح بيكون عقلو على قدو فاكيد كلامهم دة مش للناس الى بتفهم ولا اية

tamer el-henawy 11-06-15 01:59 PM
رد: أخيرا ترخيص السلاح النارى بدون تعقيد
 
اقتباس:
المشاركة الأصلية كتبت بواسطة dr mohamed kamal (المشاركة 121951)
والله يا أستاذ طارق دى ممكن تكون خدعة عشان يلموا الاسلحة النارية من أيدى الناس ,وممكن يكونوا حسوا أنهم مش قادرين يحموا الشعب فقرروا الترخيص حتى يستطيع الناس حماىةأنفسهم ,وفى الحالة دى يبقى عليه العوض فى البلد
كلام مظبوط
لاتسهيل فى ترخيص السلاح الموضوع كمين
لف ورج تانى
الحق وجرى
هههههههههههههههههههههههه

dr mohamed kamal 11-06-15 05:58 PM
رد: أخيرا ترخيص السلاح النارى بدون تعقيد
 
أنا لى رائى ,لإثبات حسن النية ,أولا أن يعلنوا على الشروط الواجب توافرها فى الشخص الذى يريد الترخيص ,وطبعا ماتكونش معجزة مثل السابق ثانيا يبدائوا فى الترخيص للاشخاص الذين قدموا على ترخيص قبل هذا التصريح حتى تطمئن الناس ثالثا : الترخيص أولا ثم تسليم السلاح حتى لاتقع الناس تحت طائلة القانون {حيازة سلاح بدون ترخيص }و العقوبة سجن مشدد يصل إلى 15 سنة ,حيبقى الشخص بيسلم السلاح و هو مطمئن ومعاه رخصة سلاح نارى,طبعا المسروق و الميرى حيتم مصادرته و غير ذلك يتم إعتماده وإرجاعه للشخص ثانيا ,أعتقد إذا أعلن عن هذا ما يبقاش فيه خوف ,وشكرا لكم جميعا على مداخلاتكم

جنرال 11-06-15 06:51 PM
رد: أخيرا ترخيص السلاح النارى بدون تعقيد
 
اقتباس:
المشاركة الأصلية كتبت بواسطة dr mohamed kamal (المشاركة 122436)
أنا لى رائى ,لإثبات حسن النية ,أولا أن يعلنوا على الشروط الواجب توافرها فى الشخص الذى يريد الترخيص ,وطبعا ماتكونش معجزة مثل السابق ثانيا يبدائوا فى الترخيص للاشخاص الذين قدموا على ترخيص قبل هذا التصريح حتى تطمئن الناس ثالثا : الترخيص أولا ثم تسليم السلاح حتى لاتقع الناس تحت طائلة القانون {حيازة سلاح بدون ترخيص }و العقوبة سجن مشدد يصل إلى 15 سنة ,حيبقى الشخص بيسلم السلاح و هو مطمئن ومعاه رخصة سلاح نارى,طبعا المسروق و الميرى حيتم مصادرته و غير ذلك يتم إعتماده وإرجاعه للشخص ثانيا ,أعتقد إذا أعلن عن هذا ما يبقاش فيه خوف ,وشكرا لكم جميعا على مداخلاتكم
فكرة سليمة 100%

dr mohamed kamal 11-06-15 08:22 PM
رد: أخيرا ترخيص السلاح النارى بدون تعقيد
 
اقتباس:
المشاركة الأصلية كتبت بواسطة جنرال (المشاركة 122455)
فكرة سليمة 100%
شكرا على مرورك صديقى العزيز ,وياريت نقدم الفكرة لوزارة الداخلية ,على موقعها الرسمى ,ونبداء نعمل خطوات عملية طالما هما قدموا حسن النية ,يعنى نضرب على الحديد و هو سخن,ونشوف ردهم إيه, تحياتى للجميع

مااجد 11-06-15 09:42 PM
رد: أخيرا ترخيص السلاح النارى بدون تعقيد
 
انا من رايي نكون لوبي ضغط من اجل تغيير قانون الخاص بالسلاح( ومحدش يفهمني غلط في كلمة لوبي دي) حيث سيتم اعادة صياغة الدستور يالكامل يبقي هتيجي عند هذا القانون وتقف وخاصتا ان القانون كان موضوع بتلك الطريقة لخدمة المنظومة الامنية للنظام السابق وقد رحل النظام وانزاح فعلي القادم الجديد ان يعرف بوجودنا ان حيث في كل الاحوال غير محرم السلاح للصيد سواء كانت اسلامية الاسلام لا يجرم السلاح او كانت غير ذلك فمثلا الدول الغربية تعوم في بحر السلاح والاعتصامات بقت علي كل شئ وبتجح في النهايه يعني جايز المولي يقدر خير ويفتحها علينا وننتقل نقلة نوعية مين عارف ممكن بقي نتحول للسلاح الناري ويبقي المنتدي الصيد بالسلاح الناري في مصر هههههههههه

dr mohamed kamal 11-06-15 11:36 PM
رد: أخيرا ترخيص السلاح النارى بدون تعقيد
 
اقتباس:
المشاركة الأصلية كتبت بواسطة مااجد (المشاركة 122612)
انا من رايي نكون لوبي ضغط من اجل تغيير قانون الخاص بالسلاح( ومحدش يفهمني غلط في كلمة لوبي دي) حيث سيتم اعادة صياغة الدستور يالكامل يبقي هتيجي عند هذا القانون وتقف وخاصتا ان القانون كان موضوع بتلك الطريقة لخدمة المنظومة الامنية للنظام السابق وقد رحل النظام وانزاح فعلي القادم الجديد ان يعرف بوجودنا ان حيث في كل الاحوال غير محرم السلاح للصيد سواء كانت اسلامية الاسلام لا يجرم السلاح او كانت غير ذلك فمثلا الدول الغربية تعوم في بحر السلاح والاعتصامات بقت علي كل شئ وبتجح في النهايه يعني جايز المولي يقدر خير ويفتحها علينا وننتقل نقلة نوعية مين عارف ممكن بقي نتحول للسلاح الناري ويبقي المنتدي الصيد بالسلاح الناري في مصر هههههههههه
بس الموضوع ده حياخد وقت كبير,أحنا عايزين قرار سريع وبعد كده يبقوا يعملوا دستور جديد و قانون سلاح جديد براحتهم دا لسه إنتخابات مجلس الشعب والشورى و الرئاسة وحلنى ,كامل إحترامى

osha966 11-06-16 02:22 AM
رد: أخيرا ترخيص السلاح النارى بدون تعقيد
 
أنا أعتقد أنهم يقصدوا الأسلحة التى كانت مرخصة وبحوزة أحد المواطنين ثم توفى وبالتالى انتهى الترخيص بوفاة المرخص له ..وفى هذه الحالة يسمحوا للورثة بترخيص السلاح الذى كان بحوزة الأب المتوفى أو الأخ الكبير فى حالة توافر الشروط الواجبة للترخيص فى ذويهم ..والله أعلم وهذا النظام كان يعمل به فى الماضى على ما أعتقد ..ويارب يكونو جادين فى ترخيص السلاح للشرفاء وألذين يستحقونه فعلا مش مجرد أصحاب الأملاك والنفوذ والرشوة ..لأن هذا سيحقق توازن فى القوى بين المواطن والخارج على القانون ..كما هو الحال فى الولايات المتحدة التى تسهل الحصول على السلاح المرخص لمحاربة الجريمة والسلاح الغير شرعى وحتى تكون كل قطعة سلاح فى الدولة تحت عين ورقابة أجهزة الدولة ..وكل طلقة تطلق يعرف مصدرها ومن أطلقها ..مما يساهم فى السلام الأجتماعى وليس العكس كما يعتقد البعض وكما كرث لهذا القوى الأستعمارية القديمة والأنظمة المركزية القمعية البائدة...

blow c06 11-06-16 04:56 PM
رد: أخيرا ترخيص السلاح النارى بدون تعقيد
 
هو كلام الواء ده ماضافش حاجه فعلا لانه بيقول هنرخص للى تنطبق عليه شروط الترخيص والى فيها سبب الترخيص
... يعنى هى هى و انا لما يردوا عليا فى الترخيص هاقولكو بس انا مقدم عشان ابقى عملت الى عليا انما غالبا مش هيرخصولى

Ahmed914 11-06-16 05:03 PM
رد: أخيرا ترخيص السلاح النارى بدون تعقيد
 
اقتباس:
المشاركة الأصلية كتبت بواسطة osha966 (المشاركة 122871)
أنا أعتقد أنهم يقصدوا الأسلحة التى كانت مرخصة وبحوزة أحد المواطنين ثم توفى وبالتالى انتهى الترخيص بوفاة المرخص له ..وفى هذه الحالة يسمحوا للورثة بترخيص السلاح الذى كان بحوزة الأب المتوفى أو الأخ الكبير فى حالة توافر الشروط الواجبة للترخيص فى ذويهم ..والله أعلم وهذا النظام كان يعمل به فى الماضى على ما أعتقد ..ويارب يكونو جادين فى ترخيص السلاح للشرفاء وألذين يستحقونه فعلا مش مجرد أصحاب الأملاك والنفوذ والرشوة ..لأن هذا سيحقق توازن فى القوى بين المواطن والخارج على القانون ..كما هو الحال فى الولايات المتحدة التى تسهل الحصول على السلاح المرخص لمحاربة الجريمة والسلاح الغير شرعى وحتى تكون كل قطعة سلاح فى الدولة تحت عين ورقابة أجهزة الدولة ..وكل طلقة تطلق يعرف مصدرها ومن أطلقها ..مما يساهم فى السلام الأجتماعى وليس العكس كما يعتقد البعض وكما كرث لهذا القوى الأستعمارية القديمة والأنظمة المركزية القمعية البائدة...
مع حضرتك تماما فى الرأى ... وعلى فكرة فى الموضوع المثبت الخاص بترخيص السلاح الحى فى مصر فيه بعض الآراء الجيدة بخصوص فكرة الترخيص بعد إلغاء شرط مبرر الترخيص

بسام سعيد 11-06-16 05:03 PM
رد: أخيرا ترخيص السلاح النارى بدون تعقيد
 
انا من وجهة نظري القانونية الضعيفة
اني ديه خدعة علشان الناس الي معاه سلاح تروح ويتقفشوا
لان الموضوع ده يخالف القانون في جريمة حيازة سلاح ناري بدون ترخيص
والله اعلم
تحياتي

Ahmed914 11-06-16 05:08 PM
رد: أخيرا ترخيص السلاح النارى بدون تعقيد
 
اقتباس:
المشاركة الأصلية كتبت بواسطة بسام سعيد (المشاركة 123552)
انا من وجهة نظري القانونية الضعيفة
اني ديه خدعة علشان الناس الي معاه سلاح تروح ويتقفشوا
لان الموضوع ده يخالف القانون في جريمة حيازة سلاح ناري بدون ترخيص
والله اعلم
تحياتي
هو دا اللى يحصل ... وبعد كده الداخلية تعلن عن إلقاء القبض على عدد كبير من البلطجية ومصادرة عدد كبير من الأسلحة النارية التى تستعمل فى إرهاب المواطنين !!!!!

محمد ياقوت 11-06-16 05:14 PM
رد: أخيرا ترخيص السلاح النارى بدون تعقيد
 
اسف ---- كلو ضحك على الدقووووون لا حد هيرخص ولا حاجه كلو ضحك علينا وخلاص


الساعة الآن 03:18 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir